Thứ hai, 23-11-26 00:39:49
Cà Mau, 32°C/ 32°C - 33°C Icon thời tiết nắng
Theo dõi Báo điện tử Cà Mau trên

អភិរក្សវប្បធម៌ផ្សារភ្ជាប់នឹងការអភិវឌ្ឍទេសចរណ៍

Báo Cà Mau គណៈកម្មាធិការប្រជាជនខេត្តទើបតែប្រកាសឱ្យប្រើផែនការលេខ ៥៤០/KH-UBND នាថ្ងៃទី ៨ កញ្ញា ឆ្នាំ២០២៦ ស្តីអំពី "ស្តារ អភិរក្ស និងពង្រីកបណ្តាតម្លៃវប្បធម៌ប្រពៃណីល្អប្រសើររបស់ជនរួមជាតិភាគតិច" ឆ្នាំ ២០២៦ ទទួល បានការឯកភាព សប្បាយរីករាយពីបងប្អូនបណ្តាជនជាតិភាគតិចនៅលើភូមិសាស្ត្រ។

 Cà Mau បង្កើនរាល់សកម្មភាពនៃការអភិរក្សវប្បធម៌ផ្សារភ្ជាប់ជាមួយអភិវឌ្ឍន៍ទេសចរណ៍សហគមន៍។​ (រូបថតនៅវត្តគម្ពីរសាគរ ព្រែកជ្រៅ Xiêm Cán សង្កាត់ Hiệp Thành)។

ផែនការសំដៅទៅរកការស្តារ អភិរក្ស ពង្រីកតម្លៃវប្បធម៌ប្រពៃណី; លើកកម្ពស់សមត្ថភាពសកម្មភាពរបស់បណ្តាសិល្បករ សមាជិកបណ្តាក្រុមសិល្បៈប្រពៃណីរបស់ជនរួមជាតិភាគតិច; ឧបត្ថម្ភមូលដ្ឋានសម្ភារ បរិក្ខារ ឌីជីថលភាវូបនីយកម្មឯកសារ សំណុំឯកសារ សំដៅលើកកម្ពស់កម្រិតរីករាយផ្នែកខាងវប្បធម៌សម្រាប់ជនរួមជាតិភាគតិច ផ្សារភ្ជាប់នឹងការអភិវឌ្ឍទេសចរណ៍របស់ខេត្ត។

តាមនោះ ខ្លឹមសារជាច្រើនត្រូវបានចាត់តាំងអនុវត្ត រួមមាន៖ រៀបចំអង្គសន្និសីទវិទ្យាសាស្ត្រស្តីអំពីការអភិរក្ស និងពង្រីកតម្លៃពិធីបុណ្យចូលឆ្នាំថ្មីរបស់ជនរួមជាតិ Khmer នៅលើភូមិសាស្ត្រខេត្ត; រៀបចំ ៣ ថ្នាក់វគ្គបំប៉ន បណ្តុះបណ្តាលជំនាញ មុខវិជ្ជា បង្ហាត់បង្រៀនអំពីការអភិរក្ស ពង្រីកបេតិកភណ្ឌវប្បធម៌អរូបីសិល្បៈភ្លេងស្គរធំរបស់ជនរួមជាតិ Khmer នៅឃុំ Tân Lộc ឃុំ Khánh Bình សង្កាត់ Hiệp Thành។

ទន្ទឹមនឹងនោះ កសាងថ្មី ១ ក្លឹបសកម្មភាពវប្បធម៌ប្រជាប្រិយនៅឃុំអ៊ូមិញ; ឧបត្ថម្ភ ណែនាំការរៀបចំ និងសកម្មភាពជូន ៣ ក្រុមសិល្បៈប្រពៃណីនៅបណ្តាភូមិ សង្កាត់ ចំណុះឃុំហូធីគី ឃុំ Tân Lộc និងសង្កាត់ Hiệp Thành; រៀបចំ ៣ ថ្នាក់វគ្គបំប៉នបង្ហាត់បង្រៀនសិល្បៈភ្លេងពិណពាទ្យសម្រាប់ជនរួមជាតិ Khmer នៅវត្ត Rạch Cui សាខាសាលាវិទ្យាល័យេជនជាតិអន្តេវាសិក Cà Mau និងសាលាអនុវិទ្យាល័ួជនជាតិអន្តេវាសិក Danh Thị Tươi; រៀបរៀង និងបោះពុម្ពផ្សាយ ១ ក្បាលសៀវភៅណែនាំអំពីបេតិកភណ្ឌវប្បធម៌របស់ជនរួមជាតិភាគតិច (ជនជាតិ Hoa) ដើម្បីចែកជូននៅបណ្តាចំណុចទេសចរណ៍នៅលើភូមិសាស្ត្រខេត្ត។

លោក Ngô Vũ Thăng អនុប្រធានគណៈកម្មាធិការប្រជាជនខេត្ត ឱ្យដឹង៖ «បណ្តាសកម្មភាពអភិរក្សវប្បធម៌ត្រូវតែបានជ្រៀបបញ្ចូលជាមួយនឹងការអភិវឌ្ឍទេសចរណ៍សហគមន៍ ផ្សព្វផ្សាយរូបភាពវប្បធម៌បណ្តាជនជាតិភាគតិច; លើកទឹកចិត្តជនរួមជាតិចូលរួមផ្គត់ផ្គង់បណ្តាផលិតផល សេវាកម្មវប្បធម៌ - ទេសចរណ៍ សំដៅបង្កើតការងារធ្វើ កើនប្រាក់ចំណូល និងកែលម្អជីវភាពរស់នៅ»។

រដ្ឋអំណាច និងប្រជាជនបណ្តាមូលដ្ឋានសប្បាយរីករាយយ៉ាងខ្លាំង នៅពេលផែនការ ៥៤០ សង្កត់ធ្ងន់លើដំណោះស្រាយអភិរក្សវប្បធម៌ផ្សារភ្ជាប់នឹងការអភិវឌ្ឍទេសចរណ៍សហគមន៍ នាំយកវប្បធម៌ប្រពៃណីក្លាយជាប្រភពធនធានបង្កើតផលចំណេញ លើកកម្ពស់ប្រាក់ចំណូល និងកែលម្អជីវភាពរស់នៅសម្រាប់ជនរួមជាតិបណ្តាជនជាតិភាគតិច។

 ក្រុមភ្លេងពិណពាទ្យសម្តែងបម្រើភ្ញៀវទេសចរណ៍នៅវត្តគម្ពីរសាគរ ព្រែកជ្រៅ Xiêm Cán សង្កាត់ Hiệp Thành

លោក Ngô Vũ Đại សង្កាត់ ៥ និងសង្កាត់ Bạc Liêu អ្នកមានកិត្យានុភាពក្នុងសហគមន៍ជនជាតិ Hoa នៅ Cà Mau បានចែករំលែកថា៖ «ផែនការ ៥៤០ គឺជាកម្លាំងចលករដ៏ធំធេងដើម្បីឱ្យយើងខ្ញុំបន្តថែរក្សាភាសា ទំនៀមទម្លាប់ និងក្បូរក្បាច់វប្បធម៌ម្ហូបអាហារពិសេស។ ចំពោះការរៀបរៀង និងបោះពុម្ពផ្សាយក្បាលសៀវភៅណែនាំអំពីបេតិកភណ្ឌវប្បធម៌របស់ជនជាតិចិនដើម្បីចែកជូននៅបណ្តាចំណុចទេសចរណ៍នៅលើភូមិសាស្ត្រខេត្ត តាមខ្ញុំ ចាំបាច់ត្រូវយកចិត្តទុកដាក់លើបណ្តាពិធីបុណ្យ (ឆេងម៉េង បុណ្យចូលឆ្នាំរបស់ជនជាតិ Hoa បុណ្យ tết Nguyên tiêu, tết Đoan ngọ) និងបណ្តាបេតិកភណ្ឌរូបីដែលបានចំណាត់ថ្នាក់ជាកេរដំណែលថ្នាក់ជាតិ ថ្នាក់ខេត្ត ជាតំណាងគឺវត្ត Phước Đức (ហៅវត្ត Bang) ដែលមានអាយុកាលជាង ២០០ ឆ្នាំ»។

លោក Trần Trọng Thể  ប្រធានការិយាល័យវប្បធម៌ - សង្គមឃុំ Khánh Bình ឱ្យដឹងថា៖ «ក្លឹបភ្លេងស្គរធំវត្តរ៉ាត់គូយ បង្កើតថ្មីបានជាង ១ ឆ្នាំ ការហាត់រៀនមិនទាន់មានលក្ខណៈជំនាញ យើងខ្ញុំមានបំណងចង់ឱ្យខេត្តរៀបចំវគ្គបំប៉នជាប្រព័ន្ធជូនសមាជិក ៨ នាកើក្នុងក្លឹប»៕

Nguyễn Quốc

 

 

ពណ៌សម្បុរនៃវប្បធម៌ខ្មែរ

នៅឃុំតឹនឡុក វត្តវង្សស្រង់ក្របីឃ្លៀច មិនត្រឹមជាមណ្ឌលជីវភាពខាងជំនឿសាសនារបស់បងប្អូនជនរួមជាតិខ្មែរណាមបូប៉ុណ្ណោះទេ ថែមទាំងជាទីកន្លែងកត់ត្រានូវប្រពៃណីប្រយុទ្ធតស៊ូ និងធ្វើបដិវត្តន៍យ៉ាងអង់អាចក្លាហានផងដែរ។ ឆ្លងកាត់រយៈពេលជាងមួយសតវត្សរ៍នៃការបង្កបង្កើត និងរីកចម្រើន វត្តនេះនៅតែបន្តរក្សាបាននូវតម្លៃប្រវត្តិសាស្ត្រ វប្បធម៌យ៉ាងខ្ជាប់ខ្ជួន រួមចំណែកក្លាយជាទីបង្អែកផ្លូវចិត្ត និងជាមោទនភាពរបស់សហគមន៍ជនជាតិខ្មែរទាំងឡាយនៅទីនេះទៀតផង។

រក្សាប្រភពសិល្បៈប្រពៃណី

នៅភូមិភ្នៀត ឃុំហូធីគី ក្បាច់រាំ សំនៀងច្រៀង និងតន្ត្រីប្រពៃណីរបស់ជនរួមជាតិខ្មែរ គឺនៅតែបានថែរក្សា និងបន្តវេនតាមរយៈថ្នាក់រៀនដ៏ពិសេសមួយ។ នៅទីនោះ អ្នកជំនាន់មុនកំពុងព្យាយាមអត់ធ្មត់ក្នុងការផ្ទេរចំណេះដឹងដ៏មានតម្លៃនៃវប្បធម៌ជនជាតិទៅឱ្យយុវជនជំនាន់ក្រោយ។

ត្រៀមឱ្យរដូវបុណ្យអកអំបុកសំពះព្រះខែ

ប៉ុន្មានថ្ងៃនេះ នៅតាមបណ្តាវត្តខ្មែរក្នុងខេត្តកាម៉ាវ បរិយាកាសហ្វឹកហាត់ត្រៀមលក្ខណៈសម្រាប់ឱ្យការណាំងទូក.ងឱកាសបុណ្យអកអំបុកសំពះព្រះខែបានប្រព្រឹត្តទៅយ៉ាងសកម្ម និងអ៊ូអរផងដែរ។

ទម្លាប់បូជា ក្វាងកុង របស់ជនជាតិចិន

ទំនៀមទម្លាប់បូជា ក្វាងថាញ់ដេគ្វឹង - ហៅម្យ៉ាងទៀតថា ក្វាងកុង ជាលក្ខណៈប្រពៃនៃវប្បធម៌ជំនឿរបស់សហគមន៍ជនជាតិចិន ដែលបង្ហាញពីក្តីប្រាថ្នាសេចក្តីសុខសាន្ត និងការបួងសួងសុំឱ្យរកស៊ីមានបាន និងមានលាភមានជ័យ។

កាម៉ាវនឹងមានចាត់តាំងពីធីប្រណាំងទូក.ងថ្នាក់ខេត្តក្នុងឆ្នាំ ២០២៧

ខេត្តកាម៉ាវមានទិសដៅរៀបចំការប្រណាំងទូក.ងថ្នាក់ខេត្តចាប់ក្នុងឆ្នាំ ២០២៧ ក្នុងគោលបំណងដើម្បីអភិរក្សវប្បធម៌ខ្មែរ ព្រមទាំងបង្កើតបានជាផលិតផលវប្បធម៌ - ទេសចរណ៍លក្ខណៈពិសេស ដើម្បីផ្សព្វផ្សាយរូបភាពទឹកដី និងប្រជាជនកាម៉ាវ។

អឹកធឹកនៃខ្សែទឹកប្រណាំងទូក.ងខ្នាតតូច

ពេលថ្មីៗកន្លងទៅ វត្តជ្រុង Khmer បានសហការជាមួយគណៈកម្មាធិការប្រជាជនឃុំ Hồ Thị Kỷ រៀបចំការប្រណាំងទូក.ងខ្នាតតូចអំណរបុណ្យសែនដូនតា ឆ្នាំ២០២៦ ដោយទាក់ទាញបាន ១៣ ក្រុមចូលរួម រួមមានទាំងអស់ ៩ ក្រុមបុរស និង ៤ ក្រុមនារី មកពីឃុំ Hồ Thị Kỷ និងឃុំ Tân Lộc)។

រក្សាភាពរស់រវើកនៃសិល្បៈ Khmer

ក្នុងលំហូរនៃជីវភាពសម័យបច្ចុប្បន្ន បណ្តាទម្រង់សិល្បៈប្រពៃណីរបស់ជនរួមជាតិ Khmer កំពុងប្រឈមមុខនៃតម្រូវការផ្លាស់ថ្មីដើម្បីឱ្យកាន់តែខិតជិតមហាជន និងថែរក្សាតម្លៃដើមដែលបានផ្ទេរបន្តឆ្លងកាត់ជាច្រើនជំនាន់មក។

បំពេញកតញ្ញូតាធម៌ចំពោះបុព្វការីជន

បងប្អូនជនរួមជាតិ Khmer ទើបតែឆ្លងកាត់រដូវបុណ្យសែនដូនតា (ចាប់ពីថ្ងៃទី ១០ ដល់ ១២ ខែតុលា) រីកសាយភាយនូវលក្ខណៈដ៏ល្អប្រពៃនៃភាពកតញ្ញូតាធម៌ ជាមួយបណ្តាពិធីបុណ្យរំលឹកគុណ ដឹងគុណចំពោះបុព្វការីជន និងបណ្តាពេលបាយសាមគ្គីជួបជុំគ្រួសារយ៉ាងកក់ក្តៅ។

រក្សាភាពរស់រវើកនៃសម្លៀកបំពាក់ប្រពៃណី

ចាប់ពីស្នាមម្ជុល ថ្នេរអំបោះយ៉ាងប៉ិនប្រសប់ រហូតដល់ពណ៌សម្បុរ និងក្បូរក្បាច់រចនាប្រកបដោយលក្ខណៈពិសេស សម្លៀកបំពាក់ប្រពៃណីរបស់ជនរួមជាតិ Khmer បង្កប់នូវរឿងរ៉ាវអំពីវប្បធម៌ ទំនៀមទម្លាប់ និងជីវភាពរស់នៅរបស់សហគមន៍ដែលប្រកបដោយអត្តសញ្ញាណ។ ប៉ុន្តែ តាមសិល្បការិនី Thạch Thị Hồng Nhung សមាគមអក្សរសិល្ប៍-សិល្បៈប្រជាប្រិយខេត្ត Cà Mau ក្នុងចង្វាក់រស់នៅសម័យទំនើប និងដំណើរការសមាហរណកម្មយ៉ាងស៊ីជម្រៅ សម្លៀកបំពាក់ប្រពៃណីកំពុងតែមានការសាបរលាបបន្តិចម្ដងៗក្នុងជីវភាពប្រចាំថ្ងៃ ហេតុដូច្នេះហើយ ចាំបាច់ត្រូវមានដំណោះស្រាយអភិរក្សឱ្យបានទាន់ពេលវេលា។

ត្រៀមជាស្រេចសម្រាប់បម្រើរដូវបុណ្យសែនដូនតា

បុណ្យសែនដូនតារបស់បងប្អូនជនរួមជាតិ Khmer ឆ្នាំនេះ ប្រព្រឹត្តទៅចាប់ពីថ្ងៃទី ១០ ដល់ទី ១២ ខែតុលា។ ក្រុមសិល្បៈ Khmer ខេត្តបានរៀបចំកម្មវិធីសិល្បៈដ៏សម្បូរបែបសម្រាប់លើកយកទៅសម្តែងបម្រើមាមីងបងប្អូនតាមបណ្តាភូមិ ស្រុក និងតាមទីវត្តអារាម សាលាទាន ក្នុងបណ្តាថ្ងៃបុណ្យ។