Chủ nhật, 22-11-26 20:48:05
Cà Mau, 32°C/ 32°C - 33°C Icon thời tiết nắng
Theo dõi Báo điện tử Cà Mau trên

កាម៉ាវនឹងមានចាត់តាំងពីធីប្រណាំងទូក.ងថ្នាក់ខេត្តក្នុងឆ្នាំ ២០២៧

Báo Cà Mau ខេត្តកាម៉ាវមានទិសដៅរៀបចំការប្រណាំងទូក.ងថ្នាក់ខេត្តចាប់ក្នុងឆ្នាំ ២០២៧ ក្នុងគោលបំណងដើម្បីអភិរក្សវប្បធម៌ខ្មែរ ព្រមទាំងបង្កើតបានជាផលិតផលវប្បធម៌ - ទេសចរណ៍លក្ខណៈពិសេស ដើម្បីផ្សព្វផ្សាយរូបភាពទឹកដី និងប្រជាជនកាម៉ាវ។

 វត្តសូរិយារ៉ាម វត្តសុរិយារាម (ខ្វែងបបែលកណ្តាល) ឃុំហឹងហូយ រក្សាបានល្អនូវការរៀបចំពិធីប្រណាំងទូក.ងជាប្រចាំរៀងរាល់ឆ្នាំនៅក្នុងបរិវេណវត្ត។

ពីមុននេះ ស្រុកភឿកឡុង បានរៀបចំការប្រណាំងទូក.ងជាប្រចាំក្នុងឱកាសថ្ងៃទី ២២ ខែធ្នូ ជារៀងរាល់ឆ្នាំ។ ក្រោយពេលអាក់ខានជាង ១០ ឆ្នាំ នៅចុងឆ្នាំ ២០២៥ ឃុំភឿកឡុងក៏បានស្តារចាត់តាំងឡើងវិញនូវពិធីប្រណាំងនេះនៅដងព្រែកក្វាងឡូភុងហ៊ីប ដោយទាក់ទាញបានក្រុមទូក.ងចូលរួមចំនួន ១២ ក្រុម ក្នុងនោះមាន ៨ ក្រុមក្នុងខេត្ត និង ៤ ក្រុមជាភ្ញៀវមកពីទីក្រុងកឹនធើ និងខេត្តអានយ៉ាង។ ព្រឹត្តិការណ៍នេះបានទាក់ទាញប្រជាពលរដ្ឋ និងភ្ញៀវទេសចរណ៍រាប់ពាន់នាក់មកទស្សនា ព្រមទាំងលើកទឹកចិត្តយ៉ាងកុះករ បង្កើតបានជាបរិយាកាសយ៉ាងសប្បាយរីករាយផងដែរ។

ក្នុងកិច្ចប្រជុំការងារជាមួយគណៈកម្មាធិការអចិន្ត្រៃយ៍បក្សឃុំភឿកឡុង កាលពីថ្ងៃទី ៩ ខែតុលា ឆ្នាំ ២០២៦ លោក ហ្វិញក្វុកវៀត អនុលេខាគណៈកម្មាធិការបក្សខេត្តកាម៉ាវ បានកត់សម្គាល់នូវគំនិតផ្តួចផ្តើមអភិវឌ្ឍការប្រណាំងទូក.ងឱ្យទៅជាផលិតផលវប្បធម៌ - ទេសចរណ៍ដែលជាលក្ខណៈពិសេស។ អនុលេខាគណៈកម្មាធិការបក្សខេត្តបានឯកភាពលើគោលការណ៍រៀបចំការប្រណាំងទូក.ងខេត្តកាម៉ាវលើកទី ១ នៅឆ្នាំ ២០២៧ ដោយកំណត់ទិសដៅក្លាយជាសកម្មភាពវប្បធម៌ កីឡាប្រពៃណីដែលត្រូវបានរៀបចំជាប្រចាំ ផ្សារភ្ជាប់ជាមួយនឹងការផ្សព្វផ្សាយទេសចរណ៍ប្រចាំភូមិភាគ។

អនុលេខាគណៈកម្មាធិការបក្សខេត្តកាម៉ាវ លោក ហ្វិញក្វុកវៀត បានកំណត់ទិសដៅនាំយកការប្រណាំងនេះឱ្យក្លាយជាសកម្មភាពវប្បធម៌ កីឡាប្រពៃណីដ៏លេចធ្លោ ដែលរៀបចំឡើងជាប្រចាំ មានផែនការច្បាស់លាស់ និងរយៈពេលវែងឆ្ងាយ ផ្សារភ្ជាប់ជាមួយនឹងព្រឹត្តិការណ៍វប្បធម៌ កីឡា និងទេសចរណ៍របស់ខេត្ត ដោយជៀសវាងការធ្វើដាច់ដោយឡែក រាយប៉ាយ ឬខ្ចាត់ខ្ចាយប្រភពធនធាន។

 ពិធីប្រណាំងទូក.ងឃុំភឿកឡុងឆ្នាំ ២០២៥ ប្រព្រឹត្តទៅនៅថ្ងៃទី ២១ ខែធ្នូ លើខ្សែប្រឡាយ ដោយទាក់ទាញប្រជាពលរដ្ឋយ៉ាងច្រើនកុះករមកទស្សនា និងលើកទឹកចិត្ត។

សកម្មភាពនេះមានគោលដៅទាំងអភិរក្ស និងពង្រីកអត្តសញ្ញាណវប្បធម៌ដ៏ល្អប្រសើររបស់បងប្អូនជនរួមជាតិខ្មែរ ទាំងបង្កើតបានជាចំណុចលេចធ្លោក្នុងការផ្សព្វផ្សាយរូបភាពទឹកដី និងប្រជាជនកាម៉ាវដល់ភ្ញៀវទេសចរណ៍មកពីគ្រប់ទិសទីទៀតផង។

លោក ទឺហ្វាងអឹន អនុប្រធានមន្ទីរវប្បធម៌ កីឡា និងទេសចរណ៍ខេត្ត បានឱ្យដឹ៖ មន្ទីរនឹងដាក់បញ្ចូលពិធីប្រណាំងនេះទៅក្នុងផែនការការងារឆ្នាំ ២០២៧ ព្រមទាំងចុះស្រាវជ្រាវ ស្ទង់មតិ និងជ្រើសរើសទីតាំងរៀបចំឱ្យមានការសមស្រប។

ក្នុងឆ្នាំ ២០២៦ ឃុំភឿកឡុងនឹងបន្តធ្វើជាម្ចាស់ផ្ទះរៀបចំការប្រណាំងទូក.ងក្នុងកម្រិតថ្នាក់ឃុំ ដោយមានការដឹកនាំ និងចលនាប្រភពធនធានពីសង្គម (សង្គមភាវូបនីយកម្ម) ពីខេត្ត ដែលបង្កើតបានជាមូលដ្ឋានគ្រឹះសម្រាប់ការប្រណាំងថ្នាក់ខេត្តនៅឆ្នាំក្រោយ។

ការបង្កើនកម្រិតនៃការប្រណាំងទូក.ងត្រូវបានរំពឹងថានឹងរួមចំណែកថែរក្សាអត្តសញ្ញាណវប្បធម៌ខ្មែរ ពង្រឹងសាមគ្គីភាពសហគមន៍ និងបង្កើតបានជាចំណុចលេចធ្លោសម្រាប់វិស័យទេសចរណ៍ខេត្តកាម៉ាវផងដែរ៕

អត្ថបទនិងរូបភាព៖ ហ្វាងក្វឹន

 

 

ពណ៌សម្បុរនៃវប្បធម៌ខ្មែរ

នៅឃុំតឹនឡុក វត្តវង្សស្រង់ក្របីឃ្លៀច មិនត្រឹមជាមណ្ឌលជីវភាពខាងជំនឿសាសនារបស់បងប្អូនជនរួមជាតិខ្មែរណាមបូប៉ុណ្ណោះទេ ថែមទាំងជាទីកន្លែងកត់ត្រានូវប្រពៃណីប្រយុទ្ធតស៊ូ និងធ្វើបដិវត្តន៍យ៉ាងអង់អាចក្លាហានផងដែរ។ ឆ្លងកាត់រយៈពេលជាងមួយសតវត្សរ៍នៃការបង្កបង្កើត និងរីកចម្រើន វត្តនេះនៅតែបន្តរក្សាបាននូវតម្លៃប្រវត្តិសាស្ត្រ វប្បធម៌យ៉ាងខ្ជាប់ខ្ជួន រួមចំណែកក្លាយជាទីបង្អែកផ្លូវចិត្ត និងជាមោទនភាពរបស់សហគមន៍ជនជាតិខ្មែរទាំងឡាយនៅទីនេះទៀតផង។

រក្សាប្រភពសិល្បៈប្រពៃណី

នៅភូមិភ្នៀត ឃុំហូធីគី ក្បាច់រាំ សំនៀងច្រៀង និងតន្ត្រីប្រពៃណីរបស់ជនរួមជាតិខ្មែរ គឺនៅតែបានថែរក្សា និងបន្តវេនតាមរយៈថ្នាក់រៀនដ៏ពិសេសមួយ។ នៅទីនោះ អ្នកជំនាន់មុនកំពុងព្យាយាមអត់ធ្មត់ក្នុងការផ្ទេរចំណេះដឹងដ៏មានតម្លៃនៃវប្បធម៌ជនជាតិទៅឱ្យយុវជនជំនាន់ក្រោយ។

ត្រៀមឱ្យរដូវបុណ្យអកអំបុកសំពះព្រះខែ

ប៉ុន្មានថ្ងៃនេះ នៅតាមបណ្តាវត្តខ្មែរក្នុងខេត្តកាម៉ាវ បរិយាកាសហ្វឹកហាត់ត្រៀមលក្ខណៈសម្រាប់ឱ្យការណាំងទូក.ងឱកាសបុណ្យអកអំបុកសំពះព្រះខែបានប្រព្រឹត្តទៅយ៉ាងសកម្ម និងអ៊ូអរផងដែរ។

ទម្លាប់បូជា ក្វាងកុង របស់ជនជាតិចិន

ទំនៀមទម្លាប់បូជា ក្វាងថាញ់ដេគ្វឹង - ហៅម្យ៉ាងទៀតថា ក្វាងកុង ជាលក្ខណៈប្រពៃនៃវប្បធម៌ជំនឿរបស់សហគមន៍ជនជាតិចិន ដែលបង្ហាញពីក្តីប្រាថ្នាសេចក្តីសុខសាន្ត និងការបួងសួងសុំឱ្យរកស៊ីមានបាន និងមានលាភមានជ័យ។

កាម៉ាវនឹងមានចាត់តាំងពីធីប្រណាំងទូក.ងថ្នាក់ខេត្តក្នុងឆ្នាំ ២០២៧

ខេត្តកាម៉ាវមានទិសដៅរៀបចំការប្រណាំងទូក.ងថ្នាក់ខេត្តចាប់ក្នុងឆ្នាំ ២០២៧ ក្នុងគោលបំណងដើម្បីអភិរក្សវប្បធម៌ខ្មែរ ព្រមទាំងបង្កើតបានជាផលិតផលវប្បធម៌ - ទេសចរណ៍លក្ខណៈពិសេស ដើម្បីផ្សព្វផ្សាយរូបភាពទឹកដី និងប្រជាជនកាម៉ាវ។

អឹកធឹកនៃខ្សែទឹកប្រណាំងទូក.ងខ្នាតតូច

ពេលថ្មីៗកន្លងទៅ វត្តជ្រុង Khmer បានសហការជាមួយគណៈកម្មាធិការប្រជាជនឃុំ Hồ Thị Kỷ រៀបចំការប្រណាំងទូក.ងខ្នាតតូចអំណរបុណ្យសែនដូនតា ឆ្នាំ២០២៦ ដោយទាក់ទាញបាន ១៣ ក្រុមចូលរួម រួមមានទាំងអស់ ៩ ក្រុមបុរស និង ៤ ក្រុមនារី មកពីឃុំ Hồ Thị Kỷ និងឃុំ Tân Lộc)។

រក្សាភាពរស់រវើកនៃសិល្បៈ Khmer

ក្នុងលំហូរនៃជីវភាពសម័យបច្ចុប្បន្ន បណ្តាទម្រង់សិល្បៈប្រពៃណីរបស់ជនរួមជាតិ Khmer កំពុងប្រឈមមុខនៃតម្រូវការផ្លាស់ថ្មីដើម្បីឱ្យកាន់តែខិតជិតមហាជន និងថែរក្សាតម្លៃដើមដែលបានផ្ទេរបន្តឆ្លងកាត់ជាច្រើនជំនាន់មក។

បំពេញកតញ្ញូតាធម៌ចំពោះបុព្វការីជន

បងប្អូនជនរួមជាតិ Khmer ទើបតែឆ្លងកាត់រដូវបុណ្យសែនដូនតា (ចាប់ពីថ្ងៃទី ១០ ដល់ ១២ ខែតុលា) រីកសាយភាយនូវលក្ខណៈដ៏ល្អប្រពៃនៃភាពកតញ្ញូតាធម៌ ជាមួយបណ្តាពិធីបុណ្យរំលឹកគុណ ដឹងគុណចំពោះបុព្វការីជន និងបណ្តាពេលបាយសាមគ្គីជួបជុំគ្រួសារយ៉ាងកក់ក្តៅ។

រក្សាភាពរស់រវើកនៃសម្លៀកបំពាក់ប្រពៃណី

ចាប់ពីស្នាមម្ជុល ថ្នេរអំបោះយ៉ាងប៉ិនប្រសប់ រហូតដល់ពណ៌សម្បុរ និងក្បូរក្បាច់រចនាប្រកបដោយលក្ខណៈពិសេស សម្លៀកបំពាក់ប្រពៃណីរបស់ជនរួមជាតិ Khmer បង្កប់នូវរឿងរ៉ាវអំពីវប្បធម៌ ទំនៀមទម្លាប់ និងជីវភាពរស់នៅរបស់សហគមន៍ដែលប្រកបដោយអត្តសញ្ញាណ។ ប៉ុន្តែ តាមសិល្បការិនី Thạch Thị Hồng Nhung សមាគមអក្សរសិល្ប៍-សិល្បៈប្រជាប្រិយខេត្ត Cà Mau ក្នុងចង្វាក់រស់នៅសម័យទំនើប និងដំណើរការសមាហរណកម្មយ៉ាងស៊ីជម្រៅ សម្លៀកបំពាក់ប្រពៃណីកំពុងតែមានការសាបរលាបបន្តិចម្ដងៗក្នុងជីវភាពប្រចាំថ្ងៃ ហេតុដូច្នេះហើយ ចាំបាច់ត្រូវមានដំណោះស្រាយអភិរក្សឱ្យបានទាន់ពេលវេលា។

ត្រៀមជាស្រេចសម្រាប់បម្រើរដូវបុណ្យសែនដូនតា

បុណ្យសែនដូនតារបស់បងប្អូនជនរួមជាតិ Khmer ឆ្នាំនេះ ប្រព្រឹត្តទៅចាប់ពីថ្ងៃទី ១០ ដល់ទី ១២ ខែតុលា។ ក្រុមសិល្បៈ Khmer ខេត្តបានរៀបចំកម្មវិធីសិល្បៈដ៏សម្បូរបែបសម្រាប់លើកយកទៅសម្តែងបម្រើមាមីងបងប្អូនតាមបណ្តាភូមិ ស្រុក និងតាមទីវត្តអារាម សាលាទាន ក្នុងបណ្តាថ្ងៃបុណ្យ។