Thứ hai, 23-11-26 00:39:43
Cà Mau, 32°C/ 32°C - 33°C Icon thời tiết nắng
Theo dõi Báo điện tử Cà Mau trên

ផ្ទេរក្តីស្រឡាញ់ចំពោះវប្បធម៌

Báo Cà Mau នៅវត្តជ្រុងខ្មែរ (Rạch Giồng) ឃុំ Hồ Thị Kỷ ដែលជាកន្លែងមានជនរួមជាតិ Khmer រស់នៅច្រើនកុះករ ចូលចិត្តចំពោះកីឡាទូក.ងបានជ្រួតជ្រាបក្នុងដួងចិត្តរបស់ក្មេងៗរួចទៅហើយ។ តាមរយៈការឆ្លៀតយកមែកស្នោរ ឬដើមស្នោរដែលដុះតាមព្រែក ប្រឡាយ រួមជាមួយនឹងកៅស៊ូ កង្ហារ ក្មេងៗបានបង្កើតដោយដៃផ្ទាល់នូវ «ទូក.ងស្នោរ» យ៉ាងស្រស់ស្អាត និងគួរឱ្យស្រឡាញ់។

ការប្រណាំងប្រព្រឹត្តទៅយ៉ាងទាក់ទាញ និងស្វាហាប់។

តាំងពីឆ្នាំ២០២៥មក គណៈកម្មការវត្តជ្រុងខ្មែរបានសហការជាមួយសម្ព័ន្ធយុវជនឃុំ រៀបចំការប្រណាំង ក្នុងបរិវេណវត្តជំនួសឱ្យការដែលក្មេងៗបបួលគ្នាទៅប្រណាំងទូកតាមព្រែកប្រឡាយក្នុងរដូវវិស្សមកាល។ ទីលេងកំសាន្តនេះទាំងមានសុវត្ថិភាព ទាំងជួយឱ្យក្មេងៗបានបំពេញចំណង់ចំណូលចិត្តជាមួយកីឡាប្រពៃណីរបស់ជនជាតិខ្លួន។

ឆ្នាំ២០២៦ ពិធីប្រណាំងបានឈានចូលឆ្នាំទី២ ដោយមានទូក ៣៧​ គ្រឿងដែលត្រូវបានច្នៃប្រឌិតដោយផ្ទាល់ដៃរបស់ក្មេងៗ។ «អ្នកប្រណាំងវ័យក្មេង» បានប្រណាំងគ្នាយ៉ាងកក្រើក បង្កើតបានចូលដល់ទីបញ្ចប់យ៉ាងរំភើប។

អាជ្ញាកណ្តាលបញ្ជាការប្រណាំងឱ្យក្រុមទូកផ្តើមប្រណាំងតាមលក្ខន្តិកៈ។

លោក Hữu Sếp អនុប្រធានគណៈកម្មការវត្តជ្រុងខ្មែរ  (Rạch Giồng) បានរៀបរាប់ថា៖ «ការរៀបចំពិធីប្រឡងកីឡាទូកងស្នោរនៅវត្តជាវត្ថុបំណងរបស់យើងខ្ញុំ ដើម្បីបង្កើតទីលានកម្សាន្តមានសុវត្ថិភាព និងល្អប្រសើរជូនក្មួយៗ។ មិនត្រឹមតែបង្កើតភាពសប្បាយរីករាយក្នុងថ្ងៃវិស្សមកាលប៉ុណ្ណោះទេ យើងខ្ញុំក៏ចង់ឱ្យតាមរយៈសកម្មភាពនេះ ក្ដីស្រឡាញ់ចំពោះកីឡាប្រពៃណីរបស់ជនជាតិបានបណ្តុះក្នុងបេះដូងរបស់ក្មេងៗតាំងពីតូច។ នេះក៏ជាឱកាសសម្រាប់យើងខ្ញុំក្នុងការរកឃើញ និងបណ្តុះបណ្តាលកីឡាករទូកងដែលសន្យា ជាអ្នកបន្តវេនមានសក្តានុពលក្នុងការបន្តវេន និងលើកកម្ពស់សម្រស់វប្បធម៌ទូក.ងរបស់វត្តជ្រុងខ្មែរ (Rạch Giồng) នាពេលអនាគត»។

គណៈចាត់តាំងជូនរង្វាន់ដល់ទូកដែលមានស្នាដៃខ្ពស់។

ផ្តើមពីមែកឈើធម្មតាបានក្លាយជាទីលានប្រណាំងដ៏ស្វាហាប់ និងនាំមកនូវភាពសប្បាយរីករាយដ៏មានប្រយោជន៍សម្រាប់កុមារ Khmer នៅឃុំ Hồ Thị Kỷ និយាយរួម និងភូមិជ្រុងខ្មែរ Rạch Giồng និយាយដោយឡែក។ តាមរយៈនោះ ស្មារតីស្រឡាញ់កីឡាជនជាតិបាន និងកំពុងផ្ទេរតគ្នាតាមបែបធម្មជាតិ រស់រវើក ធ្វើឱ្យរដូវវិស្សមកាលរបស់ក្មេងៗទីនេះក្លាយជាមានអត្ថន័យ និងជ្រួតជ្រាបដោយអត្តសញ្ញាណវប្បធម៌នៃតំបន់ព្រែកទន្លេខេត្ត Cà Mau៕

Đờ Ni - Danh Điệp

ពណ៌សម្បុរនៃវប្បធម៌ខ្មែរ

នៅឃុំតឹនឡុក វត្តវង្សស្រង់ក្របីឃ្លៀច មិនត្រឹមជាមណ្ឌលជីវភាពខាងជំនឿសាសនារបស់បងប្អូនជនរួមជាតិខ្មែរណាមបូប៉ុណ្ណោះទេ ថែមទាំងជាទីកន្លែងកត់ត្រានូវប្រពៃណីប្រយុទ្ធតស៊ូ និងធ្វើបដិវត្តន៍យ៉ាងអង់អាចក្លាហានផងដែរ។ ឆ្លងកាត់រយៈពេលជាងមួយសតវត្សរ៍នៃការបង្កបង្កើត និងរីកចម្រើន វត្តនេះនៅតែបន្តរក្សាបាននូវតម្លៃប្រវត្តិសាស្ត្រ វប្បធម៌យ៉ាងខ្ជាប់ខ្ជួន រួមចំណែកក្លាយជាទីបង្អែកផ្លូវចិត្ត និងជាមោទនភាពរបស់សហគមន៍ជនជាតិខ្មែរទាំងឡាយនៅទីនេះទៀតផង។

រក្សាប្រភពសិល្បៈប្រពៃណី

នៅភូមិភ្នៀត ឃុំហូធីគី ក្បាច់រាំ សំនៀងច្រៀង និងតន្ត្រីប្រពៃណីរបស់ជនរួមជាតិខ្មែរ គឺនៅតែបានថែរក្សា និងបន្តវេនតាមរយៈថ្នាក់រៀនដ៏ពិសេសមួយ។ នៅទីនោះ អ្នកជំនាន់មុនកំពុងព្យាយាមអត់ធ្មត់ក្នុងការផ្ទេរចំណេះដឹងដ៏មានតម្លៃនៃវប្បធម៌ជនជាតិទៅឱ្យយុវជនជំនាន់ក្រោយ។

ត្រៀមឱ្យរដូវបុណ្យអកអំបុកសំពះព្រះខែ

ប៉ុន្មានថ្ងៃនេះ នៅតាមបណ្តាវត្តខ្មែរក្នុងខេត្តកាម៉ាវ បរិយាកាសហ្វឹកហាត់ត្រៀមលក្ខណៈសម្រាប់ឱ្យការណាំងទូក.ងឱកាសបុណ្យអកអំបុកសំពះព្រះខែបានប្រព្រឹត្តទៅយ៉ាងសកម្ម និងអ៊ូអរផងដែរ។

ទម្លាប់បូជា ក្វាងកុង របស់ជនជាតិចិន

ទំនៀមទម្លាប់បូជា ក្វាងថាញ់ដេគ្វឹង - ហៅម្យ៉ាងទៀតថា ក្វាងកុង ជាលក្ខណៈប្រពៃនៃវប្បធម៌ជំនឿរបស់សហគមន៍ជនជាតិចិន ដែលបង្ហាញពីក្តីប្រាថ្នាសេចក្តីសុខសាន្ត និងការបួងសួងសុំឱ្យរកស៊ីមានបាន និងមានលាភមានជ័យ។

កាម៉ាវនឹងមានចាត់តាំងពីធីប្រណាំងទូក.ងថ្នាក់ខេត្តក្នុងឆ្នាំ ២០២៧

ខេត្តកាម៉ាវមានទិសដៅរៀបចំការប្រណាំងទូក.ងថ្នាក់ខេត្តចាប់ក្នុងឆ្នាំ ២០២៧ ក្នុងគោលបំណងដើម្បីអភិរក្សវប្បធម៌ខ្មែរ ព្រមទាំងបង្កើតបានជាផលិតផលវប្បធម៌ - ទេសចរណ៍លក្ខណៈពិសេស ដើម្បីផ្សព្វផ្សាយរូបភាពទឹកដី និងប្រជាជនកាម៉ាវ។

អឹកធឹកនៃខ្សែទឹកប្រណាំងទូក.ងខ្នាតតូច

ពេលថ្មីៗកន្លងទៅ វត្តជ្រុង Khmer បានសហការជាមួយគណៈកម្មាធិការប្រជាជនឃុំ Hồ Thị Kỷ រៀបចំការប្រណាំងទូក.ងខ្នាតតូចអំណរបុណ្យសែនដូនតា ឆ្នាំ២០២៦ ដោយទាក់ទាញបាន ១៣ ក្រុមចូលរួម រួមមានទាំងអស់ ៩ ក្រុមបុរស និង ៤ ក្រុមនារី មកពីឃុំ Hồ Thị Kỷ និងឃុំ Tân Lộc)។

រក្សាភាពរស់រវើកនៃសិល្បៈ Khmer

ក្នុងលំហូរនៃជីវភាពសម័យបច្ចុប្បន្ន បណ្តាទម្រង់សិល្បៈប្រពៃណីរបស់ជនរួមជាតិ Khmer កំពុងប្រឈមមុខនៃតម្រូវការផ្លាស់ថ្មីដើម្បីឱ្យកាន់តែខិតជិតមហាជន និងថែរក្សាតម្លៃដើមដែលបានផ្ទេរបន្តឆ្លងកាត់ជាច្រើនជំនាន់មក។

បំពេញកតញ្ញូតាធម៌ចំពោះបុព្វការីជន

បងប្អូនជនរួមជាតិ Khmer ទើបតែឆ្លងកាត់រដូវបុណ្យសែនដូនតា (ចាប់ពីថ្ងៃទី ១០ ដល់ ១២ ខែតុលា) រីកសាយភាយនូវលក្ខណៈដ៏ល្អប្រពៃនៃភាពកតញ្ញូតាធម៌ ជាមួយបណ្តាពិធីបុណ្យរំលឹកគុណ ដឹងគុណចំពោះបុព្វការីជន និងបណ្តាពេលបាយសាមគ្គីជួបជុំគ្រួសារយ៉ាងកក់ក្តៅ។

រក្សាភាពរស់រវើកនៃសម្លៀកបំពាក់ប្រពៃណី

ចាប់ពីស្នាមម្ជុល ថ្នេរអំបោះយ៉ាងប៉ិនប្រសប់ រហូតដល់ពណ៌សម្បុរ និងក្បូរក្បាច់រចនាប្រកបដោយលក្ខណៈពិសេស សម្លៀកបំពាក់ប្រពៃណីរបស់ជនរួមជាតិ Khmer បង្កប់នូវរឿងរ៉ាវអំពីវប្បធម៌ ទំនៀមទម្លាប់ និងជីវភាពរស់នៅរបស់សហគមន៍ដែលប្រកបដោយអត្តសញ្ញាណ។ ប៉ុន្តែ តាមសិល្បការិនី Thạch Thị Hồng Nhung សមាគមអក្សរសិល្ប៍-សិល្បៈប្រជាប្រិយខេត្ត Cà Mau ក្នុងចង្វាក់រស់នៅសម័យទំនើប និងដំណើរការសមាហរណកម្មយ៉ាងស៊ីជម្រៅ សម្លៀកបំពាក់ប្រពៃណីកំពុងតែមានការសាបរលាបបន្តិចម្ដងៗក្នុងជីវភាពប្រចាំថ្ងៃ ហេតុដូច្នេះហើយ ចាំបាច់ត្រូវមានដំណោះស្រាយអភិរក្សឱ្យបានទាន់ពេលវេលា។

ត្រៀមជាស្រេចសម្រាប់បម្រើរដូវបុណ្យសែនដូនតា

បុណ្យសែនដូនតារបស់បងប្អូនជនរួមជាតិ Khmer ឆ្នាំនេះ ប្រព្រឹត្តទៅចាប់ពីថ្ងៃទី ១០ ដល់ទី ១២ ខែតុលា។ ក្រុមសិល្បៈ Khmer ខេត្តបានរៀបចំកម្មវិធីសិល្បៈដ៏សម្បូរបែបសម្រាប់លើកយកទៅសម្តែងបម្រើមាមីងបងប្អូនតាមបណ្តាភូមិ ស្រុក និងតាមទីវត្តអារាម សាលាទាន ក្នុងបណ្តាថ្ងៃបុណ្យ។