ចលនាសង្គម ដើម្បីបម្រើសង្គមវិញ

ជនរួមជាតិ Hoa នៅ Cà Mau មានប្រមាណ ៦.២០០ គ្រួសារ ដោយមានប្រជាជនចំនួន ២៤.៦២៥ នាក់។ ជនជាតិ Hoaនៅទីនេះ បើទោះជាមិនច្រើនធៀបទៅនឹងខេត្តជិតខាងក៏ដោយ ប៉ុន្តែមានបញ្ញវន្ត គ្រូបង្រៀន និងពាណិជ្ជករយ៉ាងច្រើន។ ពួកគាត់មានស្មារតីសាមគ្គី ជួយឧបត្ថម្ភគ្នាទៅវិញទៅមក ហើយរស់នៅយ៉ាងចុះសម្រុងជាមួយសហគមន៍ជនជាតិដទៃទៀត។

សមាគមជួយគ្នាទៅវិញទៅមកកំពុងប្រារព្ធពិធីសែនព្រេនក្នុងឱកាសបុណ្យបូណ៌មី ខែ៧ ( ចន្ទគតិ)។

ជីវភាពរបស់ជនរួមជាតិ Hoa ទូទាំងខេត្ត Cà Mau បានលំនឹងល្អ និងកំពុងអភិវឌ្ឍកាន់តែខ្លាំងឡើង ភាគច្រើនក្នុងវិស័យអាជីវកម្ម ដែលមានជំនាញសម្បណ៌បែប បានបង្កើតការងារធ្វើ និងបង្កើនប្រាក់ចំណូលសម្រាប់ពលកររាប់ពាន់នាក់ ដែលរួមចំណែកដល់ការកាត់បន្ថយភាពក្រីក្ររួមរបស់ខេត្ត និងរួមចំណែកដល់ថវិកាមូលដ្ឋាន។ ជនរួមជាតិ Hoa ទូទាំងខេត្តតែងលើកកម្ពស់ស្មារតីសាមគ្គី និងបង្ហាញពីស្មារតីនៃការជួយគ្នាទៅវិញទៅមកតាមរយៈសកម្មភាពសប្បុរសធម៌សង្គម ក្នុងឱកាសពិធីបុណ្យធំៗរបស់ជាតិ និងបុណ្យប្រពៃណី ព្រមទាំងជំនឿ និងសាសនាជាដើម។

ក្រៅពីភាពរវាសរវៃ និងឈ្លាសវៃក្នុងអាជីវកម្ម សហគមន៍ជនជាតិ Hoa នៅខេត្ត Cà Mau ក៏បានរួមចំណែកយ៉ាងសកម្មក្នុងសកម្មភាពសុខុមាលភាពសង្គមដូចជា ការជូនអំណោយ ការឧបត្ថម្ភសាងសង់ និងជួសជុលផ្ទះមហាសាមគ្គី ការជួយសង្គ្រោះគ្រោះ ធម្មជាតិ ការរួមចំណែកដល់មូលនិធិជម្រុញការសិក្សា និងការផ្តល់អាហារូបករណ៍ដល់សិស្សក្រីក្រជួបលំបាក។

ក្នុងពិធីបុណ្យបូណ៌មី ខែ៧ (ចន្ទគតិ) ឆ្នាំនេះ សមាគមជួយគ្នាទៅវិញទៅមកនៃជនជាតិ Hoaនៅខេត្ត Cà Mau បានជូនអង្ករជិត ៨០ តោនសម្រាប់អ្នកក្រទូទាំងខេត្ត។

លោក Trần Quế Đình ប្រធានសមាគមជួយគ្នាទៅវិញទៅមកនៃជនជាតិ Hoa នៅខេត្ត Cà Mau ឱ្យដឹងថា៖ “ដោយគោលលំនាំ ចលនាសង្គម ដើម្បីជួយសង្គមវិញ។ តាមរយៈការតភ្ជាប់របស់សមាគមជួយគ្នាទៅវិញទៅមក បណ្តាសមាគម និងក្រុមព្រមទាំងគណៈគ្រប់គ្រងវត្ត Hoa បានចលនាក្រុមហ៊ុន សហគ្រាស និងសប្បុរសជនជាច្រើនទាំងក្នុង និងក្រៅប្រទេស ដើម្បីចូលរួមអនុវត្តសកម្មភាពសុខុមាលភាពសង្គម និងកៀរគរធនធានសហគមន៍បន្ថែមទៀតដើម្បីឧបត្ថម្ភអ្នកក្រីក្រ”។

ជាពិសេស ក្នុងឱកាសពិធីបុណ្យពេញបូណ៌មី ខែ៧ (ចន្ទគតិ) ជារៀងរាល់ឆ្នាំ ក្រៅពីការប្រារព្ធពិធីសែនព្រេន សមាគមជួយគ្នាទៅវិញទៅមកក៏បានចែកអង្កររាប់រយតោនដល់អ្នកក្រផងដែរ។

អ្នកស្រី Lâm Thị Hạnh សង្កាត់ An Xuyên ចែករំលែកថា៖ “ខ្ញុំកាន់តែចាស់ ហើយនៅម្នាក់ឯង ស្ថានភាពគ្រួសារក៏លំបាកដែរ។ ក្នុងឱកាសបុណ្យទាន នៅទីសក្ការៈ លោកយាយ Thiên Hậu  ចំចែកអង្ករ ហើយលើកណាក៏ខ្ញុំទទួលបានដែរ។ មិនត្រឹមតែប៉ុណ្ណោះ ពេលខ្ញុំខ្វះខាត ខ្ញុំទៅទីសក្ការៈ ត្រូវបានគេឱ្យអង្ករ មីកញ្ចប់ និងទឹកស៊ីអ៊ីវ ដែលជួយខ្ញុំឆ្លងផុតការលំបាក”។

លោក Trần Quế Đình បានចែករំលែកបន្ថែមទៀតថា៖ “សកម្មភាពជួយជនក្រីក្រ និងបងប្អូនដែលជួបទុក្ខលំបាករបស់សមាគមមានការសហការជាមួយរដ្ឋអំណាចភូមិភាគ ដូច្នេះហើយទើបប្រព្រឹត្តទៅដោយរលូន និងមានស្ថិរភាព។ អាស្រ័យហេតុនេះ សហគមជនជាតិ Hoa និងតំណាងសមាគមនានាយល់ស្រប និងឃើញថាការរួមចំណែករបស់ខ្លួនមានប្រសិទ្ធភាពខ្ពស់ ទៅដល់ដៃបងប្អូនជួបទុក្ខលំបាក។ បងប្អូន និងតំណាងសមាគមនានាកាន់តែមានបំណងចង់រួមចំណែកបន្ថែមទៀតក្នុងកិច្ចការសុខុមាលភាពរបស់ខេត្ត”។

ប្រជាជនជាច្រើនបានមកទទួលអង្ករនៅថ្ងៃបុណ្យបូណ៌មី ខែ៧​ (ចន្ទគតិ) នៅទីសក្ការៈលោកយាយា Thiên Hậu សង្កាត់ An Xuyên ។

ក្រៅពីការរួមចំណែកជាប្រចាំក្នុងកិច្ចការសុខុមាលភាពសង្គម និងវិស័យវប្បធម៌-សង្គម ជនរួមជាតិ Hoa តែងតែយកចិត្តទុកដាក់ថែរក្សា និងលើកកម្ពស់អត្តសញ្ញាណវប្បធម៌ និងទំនៀមទម្លាប់ប្រពៃណីល្អរបស់ជនជាតិខ្លួន។ ជារៀងរាល់ឆ្នាំ សមាគម និងកន្លែងគោរពបូជាតែងប្រារព្ធពិធីបុណ្យចូលឆ្នាំប្រពៃណី និងពិធីបុណ្យផ្សេងៗក្នុងស្មារតី “សាមគ្គី សោមនស្សរីករាយ សុវត្ថិភាព និងប្រឹតសំចៃ” ព្រមទាំងសកម្មភាពសាសនា និងជំនឿស្របច្បាប់។

Quỳnh Anh