Truyền hình
ក្រោយរយៈពេល ៥ ឆ្នាំដែោលបានផ្សព្វផ្សាយអនុវត្ត (២០២១-២០២៥) កម្មវិធីគោលដៅជាតិអភិវឌ្ឍន៍សេដ្ឋកិច្ច-សង្គមតំបន់ជនជាតិភាគតិច បានរួមចំណែកផ្លាស់ប្តូរមុខមាត់តំបន់ជនបទដែលមានបងប្អូនជនរួមជាតិភាគតិចរស់នៅច្រើនកុះករទូទាំងខេត្ត Cà Mau ជួយគ្រួសារជាច្រើនមានលក្ខណៈលំនឹងជីវភាព ឈានឡើងចាកផុតពីភាពក្រីក្រ។
បណ្តាគោលការណ៍ណែនាំ និងគោលនយោបាយមនុស្សធម៌របស់កម្មវិធី ព្រមទាំងរបស់ខេត្ត បានបំផុសស្មារតីខិតខំពលកម្ម បង្កបង្កើនផល និងសកម្មចូលចលនាប្រឡងប្រណាំងស្នេហាជាតិក្នុងជនរួមជាតិភាគតិចផងដែរ។
គិតត្រឹមថ្ងៃទី ៣១ ខែកក្កដា ឆ្នាំ ២០២៥ ខេត្ត Cà Mau បានបែងចែកថវិកាចំនួនជាង ៤០០ ពាន់លានដុង ពីប្រភពទុននៃកម្មវិធីគោលដៅជាតិសម្រាប់ការអភិវឌ្ឍន៍សេដ្ឋកិច្ច-សង្គមតំបន់ជនជាតិភាគតិច។ ចំនួនអត្រាគ្រួសារក្រក្នុងជនជាតិភាគតិចបានថយចុះជាមធ្យមពី ២,៥៧% ក្នុងមួយឆ្នាំ (បមាណីដែលមជ្ឈិមបានប្រគល់ឱ្យគឺ ២%)។ បណ្តាគោលនយោបាយឧបត្ថម្ភផ្សេងៗបានផ្តោតលើតម្រូវការចាំបាច់របស់បងប្អូនជនរួមជាតិភាគតិចក្រីក្រ ដូចជា៖ ការបង្កើតមុខរបរ លំនៅឋាន ដីលំនៅឋាន ដីបង្កបង្កើនផល ទឹកស្អាតសម្រាប់ប្រើប្រាស់ ព្រមទាំងពង្រីកតម្លៃវប្បធម៌ប្រពៃណី។ល។
កម្មវិធីគោលដៅជាតិសម្រាប់ការអភិវឌ្ឍន៍សេដ្ឋកិច្ច-សង្គមតំបន់ជនជាតិភាគតិច បានជួយគ្រួសារជាច្រើនមានស្ថិរភាពក្នុងការរស់នៅ និងឈានឡើងរួចផុតពីភាពក្រីក្រ។
សម្រាប់ដំណាក់កាលឆ្នាំ ២០២៦-២០៣០ តម្រូវការទុនសរុបសម្រាប់កម្មវិធីនេះរបស់ខេត្ត Cà Mau គឺមានចំនួន ២៥២ ពាន់លានដុង។ ខេត្តបានប្តេជ្ញាចិត្តកាត់បន្ថយអត្រាគ្រួសារក្រក្នុងតំបន់ជនជាតិភាគតិចឱ្យនៅក្រោម ១% និងគ្មាននៅតំបន់ទុក្ខលំបាកខ្លាំង។ ហើយបន្តពង្រឹងការឧបត្ថម្ភមុខរបរ ការងារធ្វើ ធានាឱ្យជនរួមជាតិភាគតិចទទួលបានស្មើភាពនូវសេវាសុខាភិបាល អប់រំ វប្បធម៌។ល។
ខេត្ត Cà Mau តែងយកចិត្តទុកដាក់ខ្លាំយ៉ាងពិសេសចំពោះការវិនិយោគមូលដ្ឋានសម្ភារៈ និងលើកម្ពស់គុណភាពអប់រំនៅតាមតំបន់ដែលមានបងប្អូនជនរួមជាតិភាគតិចរស់នៅច្រើនកុះករ។
គោលការណ៍ណែនាំ និងគោលនយោបាយមនុស្សធម៌ទាំងនេះ បាននិងកំពុងបំផុសស្មារតីខិតខំ ពលកម្ម បង្កបង្កើនផលយ៉ាងសកម្ម ព្រមទាំងចូលរួមចលនាប្រឡងប្រណាំងស្នេហាជាតិ រួមគ្នាកសាងមាតុភូមិឱ្យកាន់តែសម្បូរសប្បាយក្នុងជនរួមជាតិភាគតិច៕
Mộng Thường
Xem thêm bình luận