ដំណើរការរីកសាយភាយពេញដោយក្តីស្រឡាញ់

មិនត្រឹមតែរៀនពូកែ និងមានទេពកោសល្យប៉ុណ្ណោះទេ ដោយទឹកចិត្តសប្បុរសធម៌ និងការអាណិតអាសូរ សមាជិកនៃក្លឹបវប្បធម៌ របាំ ចម្រៀង របស់សាលាវិទ្យាល័យជំនាញ Phan Ngọc Hiển បានចូលរួមសកម្មភាពសប្បុរសធម៌ជាច្រើន ដោយបាននាំយកក្តីស្រឡាញ់ដែលពោរពេញដោយភាពដ៏កក់ក្តៅទៅកាន់កុមារអភព្ទ័វាសនា និងអ្នកជំងឺរ៉ាំរៃ។

សមាជិកក្លឹបវប្បធម៌ របាំ ចម្រៀង ចូលរួមចម្អិន និងចែកអាហារនៅផ្ទះបាយសប្បុរសធម៌នៃមន្ទីរពេទ្យពហុព្យាបាលខេត្ត Cà Mau។

ត្រូវបានបង្កើតឡើងតាំងពីឆ្នាំ ២០២១ មានសមាជិកជាង ៣០ នាក់ ហើយមកទល់ពេលនេះ ក្លឹបវប្បធម៌ របាំ ចម្រៀង បានកើនឡើងដល់ប្រហែល ៧០ នាក់។ សមាសភាពនៃសមាជិកទាំងឡាយមិនត្រឹមជាសិស្សរបស់សាលាវិទ្យាល័យជំនាញ Phan Ngọc Hiển ប៉ុណ្ណោះទេ ថែមទាំងមានសិស្សមកពីសាលាវិទ្យាល័យផ្សេងទៀតក្នុងខេត្តផងដែរ។

ដោយមានចំណង់ចំណូលចិត្ត និងទេពកោសល្យរួមគ្នាក្នុងការច្រៀង រាំ និងរបាំប្រជាប្រិយ ក្លឹបនេះបានបង្កើតជាកន្លែងលេងដ៏មានអត្ថប្រយោជន៍ ជាកន្លែងប្រមូលផ្តុំ បណ្តុះបណ្តាល បំប៉នទេពកោសល្យសម្រាប់សមាជិកគ្រប់រូប។ ទន្ទឹមជាមួយការដោះដូរ ចែករំលែក និងការរៀនសូត្រពីគ្នាទៅវិញទៅមកនូវចំណេះដឹងផ្នែកខាងវប្បធម៌ សមាជិកក្លឹបក៏បានចូលរួមសម្តែងតន្ត្រីក្នុងកម្មវិធីជួបជុំ ពិធីបុណ្យ និងរាល់កិច្ចប្រជុំផ្សេងៗជាដើម។ នៅទីនេះមិនត្រឹមតែជាកន្លែងសម្រាប់ផ្គត់ផ្គង់ខាថចំណង់ចំណូលចិត្តដែលបានផ្សារភ្ជាប់គ្នាប៉ុណ្ណោះ ទេ ថែមទាំងជាកន្លែងសម្រាប់រៀបចំការប្រគុំតន្ត្រីសប្បុរសធម៌ដើម្បីរៃអង្គាសថវិកា និងរៀបចំសកម្មភាពសង្គមទៀតផង។

បន្ទាប់ពីការប្រគុំតន្ត្រីសប្បុរសធម៌ដែលបានប្រព្រឹត្តទៅយ៉ាងរស់រវើក ក្លឹបក៏បានបូកសរុប និងផ្សព្វផ្សាយជាសាធារណៈនូវចំនួនទឹកប្រាក់ដែលទទួលបានពីអ្នកឧបត្ថម្ភ និងអ្នកគាំទ្រដោយតម្លាភាព។ ពីចំនួនទឹកប្រាក់នេះ ក្លឹបបានទិញអង្ករ មីកញ្ចប់ និងគ្រឿងឧបភោគបរិភោគចាំបាច់ផ្សេងៗទៀត ដើម្បីជូនដោយផ្ទាល់ដល់អ្នកជំងឺលាងឈាម។

មិនត្រឹមតែចែករំលែកនូវការលំបាកជាមួយអ្នកជំងឺប៉ុណ្ណោះទេ ក្លឹបថែមទាំងបាននាំយកអំណោយដែលពោរពេញដោយក្តីស្រឡាញ់សម្រាប់កុមារកំព្រា និងជនពិការក្នុងឱកាសបុណ្យទាន និងថ្ងៃពិសេសផ្សេងៗប្រចាំឆ្នាំទៀតផង។

ប្អូនស្រី Lê Hồ Bảo Ngọc បានចែករំលែកថា ការចូលរួមក្នុងក្លឹបបានជួយប្អូនយ៉ាងច្រើនក្នុងការសិក្សា និងលត់ដំបំណិនសម្រាប់ក្នុងការរស់នៅ។ តាមរយៈបណ្តាសកម្មភាពសប្បុរសធម៌ ប្អូនក៏ទទួលបានបទពិសោធន៍ដ៏មានតម្លៃជាច្រើនក្នុងជីវិត ជួយឱ្យប្អូនចេះយកចិត្តទុកដាក់ ចែករំលែក ស្តាប់ និងយល់ចិត្តអ្នកដទៃកាន់តែបើកចំហ និងមានទំនុកចិត្តលើខ្លួនឯងខ្លាំងឡើង។

ប្អូនស្រី Huỳnh Yến Nhi ប្រធានក្លឹប បានសំណេះសំណាលថា៖ "តាំងពីថ្ងៃដំបូងចូលរួមក្លឹប ខ្ញុំប្អូនរួមជាមួយបងៗជាច្រើនទៀតដែលសុទ្ធសឹងជាអ្នកសកម្មភាពសប្បុរសធម៌ដ៏ច្រើនកន្លែង។ រាល់ពេលដែលបានធ្វើបែបនេះ ប្អូនមានអារម្មណ៍សប្បាយរីករាយខ្លាំងណាស់។ ក្នុងគ្រាមួយដែលបានទៅសួរសុខទុក្ខ និងជូនអំណោយសម្រាប់ចូលរួមកម្សាន្តសប្បាយជូនប្អូនៗរបស់សមាជិកក្លឹបនឹងបន្តសាបព្រោះគ្រាប់ពូជនៃក្តីស្រឡាញ់ក្នុងពេលអនាគត។ ក្នុងដំណើរការនោះ យើងក៏បានបន្សល់ទុកនូវអនុស្សាវរីយ៍ល្អៗជាមួយគ្នា ដែលបានបង្កើតជាប្រពៃណីដ៏គួរមោនៈរបស់ក្លឹបផងដែរ”។

បន្ទាប់ពីគម្រោងសិល្បៈសប្បុរសធម៌រៃអង្គាសថវិកា ក្លឹបវប្បធម៌ របាំ ចម្រៀង បានរៀបចំយ៉ាងល្អដើម្បីអញ្ជើញទៅសួរសុខទុក្ខ និងជូនអំណោយដល់អ្នកជំងឺលាងឈាម។

បង Ngô Minh Tuấn លេខាសម្ព័ន្ធយុវជនសាលាវិទ្យាល័យជំនាញ Phan Ngọc Hiển បានអះអាងថា៖ "កន្លងមក ក្លឹបវប្បធម៌ របាំ ចម្រៀង បានរួមដំណើរការយ៉ាងល្អ។ ទោះបីជាសមាជិកបានចូលរួមយ៉ាងសកម្មខាងសកម្មភាពសិល្បៈរៃអង្គាសថវិកាសម្រាប់ធ្វើសប្បុរសធម៌ក៏ដោយ ក៏ប្អូនៗតែងចាត់ទុកការសិក្សារៀនសូត្រជាប្រការដ៏សំខាន់បំផុតណាស់ដែរ ពិតជាឆ្លាតវៃហើយរៀនបានពូកែ។ សាលាតែងបង្កលក្ខណៈងាយស្រួលដើម្បីក្លឹបធ្វើសកម្មភាពមានប្រសិទ្ធភាព”។

ដំណើរការផ្សព្វផ្សាយដែលរីកសាយភាយពេញដោយក្តីស្រឡាញ់របស់ក្លឹប វប្បធម៌ របាំ ចម្រៀង នៅតែបន្តទៅមុខជានិច្ច ហើយសង្ឃឹមថាពន្លឺដ៏ភ្លឺស្វាង និងស្មារតីនៃការតាំងចិត្តរបស់សមាជិកទាំងឡាយគ្រប់រូបនឹងឆាបឆេះបំភ្លឺ ដើម្បីក្តីស្រឡាញ់ដែលរីកសាយភាយជានិច្ចជាកាល៕

Quỳnh Anh