"ចូលបណ្តាញ" ដើម្បីផ្សព្វផ្សាយវប្បធម៌ - ទេសចរណ៍

ក្នុងបរិបទនៃការធ្វើសមាហរណកម្ម និងផ្លាស់ប្តូរឌីជីថល ការអភិរក្សវប្បធម៌ដែលទាក់ទងនឹងអភិវឌ្ឍន៍ទេសចរណ៍តាមរយៈបណ្តាញសង្គមបានក្លាយជាទិសដៅថ្មីមួយសម្រាប់តំបន់ភូមិភាគមួយចំនួនដែលមានជនរួមជាតិភាគតិចរស់នៅច្រើនលើភូមិសាស្ត្រខេត្ត Cà Mau។ ប្រសិនបើកាលពីមុននេះ ប្រជាជនភាគច្រើនរង់ចាំភ្ញៀវទេសចរណ៍មកសិក្សាស្វែងយល់ តែបច្ចុប្បន្ន ពួកគេកំពុងសិក្សាស្វែងយល់យ៉ាងសកម្មពីវិធីសាស្ត្រផ្សព្វផ្សាយវប្បធម៌ - ទេសចរណ៍ដោយផ្ទាល់លើតាមបណ្តាញ រួមចំណែកបង្ហាញនៅរូបភាពរបស់ខេត្ត Cà Mau ឱ្យកាន់តែឆ្ពោះទៅឆ្ងាយបន្ថែមទៀតសម្រាប់ខាងវិស័យទេសចរណ៍ Việt Nam។

លើបណ្តាញ TikTok មួយចំនួនដែលផ្សព្វផ្សាយពីវប្បធម៌ និងទេសចរណ៍ Khmer នៅ Cà Mau ក៏បានបានទាក់ទាញអ្នកទស្សនាជាច្រើនផងដែរ។

កាលពីមុន រាល់បណ្តាពិធីបុណ្យ ឬក៏ខាងមុខម្ហូបអាហារ និងទេសភាពដ៏ស្រស់ស្អាតនៅតាមតំបន់ជនជាតិភាគតិចច្រើនតែត្រូវបានគេស្គាល់តាមរយៈនិយាយរៀបរាប់តៗគ្នាក្នុងវិសាលភាពតូចប៉ុណ្ណោះ។ តែសព្វថ្ងៃ អាស្រ័យបានចូលរួមហ្វឹកហ្វឺនថ្នាក់បំណិនខាងសារគមនាគមន៍ និការប្រើប្រាស់បណ្តាញសង្គម ព្រមទាំងឧបករណ៍ផ្សព្វផ្សាយទំនើបៗ មនុស្សជាច្រើនបានក្លាយជា "មគ្គុទ្ទេសក៍ទេសចរណ៍" និង "អ្នករៀបរាប់ខាងវប្បធម៌" សម្រាប់ភូមិស្រុករបស់ខ្លួនទៀតផង។

​នៅ Cà Mau ទម្រង់​ទេសចរណ៍​សហគមន៍​ក្នុង​តំបន់​ដែល​មាន​ជនរួមជាតិ Khmer ​រស់នៅ​ច្រើន​បាន​បង្កើត​ជា​ការ​ទាក់ទាញ​ថ្មី​មួយ​នៅ​ពេល​ដែលអ្នកទាំងឡាយ​ដឹង​ពី​របៀប​ថត​វីដេអូ និងថតរូប និង​ចែករំលែកគ្នា​នៅ​លើបណ្តាញ Facebook, TikTok, Zalo ដើម្បី​ឧទ្ទេសនាមអំពីបណ្តាពិធីបុណ្យទានប្រពៃណី របាំ​ប្រជាប្រិយ របរ​ត្បាញ​កន្ទេល ធ្វើ​នំ​ខ្ញី នំ​ម្ទេស។ល។ អាស្រ័យដូច្នេះហើយ បណ្តាផលិតផល​ទេសចរណ៍​ដែល​មាន​ស្លាក​សញ្ញាប្រចាំភូមិភាគ​មិន​ត្រឹម​តែ​ត្រូវ​បាន​ថែរក្សា​ប៉ុណ្ណោះ​ទេ ថែមទាំងបាន​ក្លាយ​ជា "ម៉ាក​យីហោ" ផ្ទាល់​ខ្លួន​ ជួយមាមីងបងប្អូនមានលក្ខណៈបង្កើនប្រភពប្រាក់ចំណូល ព្រមទាំងផ្សារភ្ជាប់ជាមួយវប្បធម៌ប្រពៃណីទៀតផង។

ប្អូន Thạch Sóc Chia (អាយុ ១៨ ឆ្នាំ) នៅឃុំ Thới Bình បានចែករំលែកថា៖ "ក្នុងយុគសម័យ ៤.0 ​យុវជនយើងខ្ញុំបានឆ្លៀតយកបណ្តាញសង្គម វេទិកា​អនឡាញ និង​ប្រព័ន្ធ​ផ្សព្វផ្សាយរបស់ភូមិភាគ ដើម្បី​ផ្សព្វផ្សាយ​រូបភាព​នៃស្រុកកំណើតខ្លួន។ ប្រព័ន្ធ TikTok បង្ហោះ​រូបភាព និង​វីដេអូ​ខ្លីៗ​អំពី​មុខម្ហូប ទំនៀមទម្លាប់ ពិធីបុណ្យ​ប្រពៃណីជនជាតិ។ល។ ​ទទួល​បាន​ការ​គាំទ្រ​យ៉ាង​ខ្លាំង​ពី​ទស្សនិកជន។ មិន​ត្រឹម​តែ​យុវវ័យប៉ុណ្ណោះ​ទេ ចំពោះពូមីង បងប្អូន​ប្រុស​ស្រី​ជា​ច្រើនទៀត​ក៏​ត្រូវ​បាន​បណ្តុះបណ្តាល​ជំនាញខាង​ទំនាក់ទំនង ដឹង​ពី​របៀប​ថត​វីដេអូ សរសេរ​អត្ថបទ​ណែនាំ​វប្បធម៌​ជនជាតិ​ដោយ​ប្រើ​ទូរសទ្ទឆ្លាតវៃទៀតផង"។

បណ្តាទំនៀមទម្លាប់ និងការអនុវត្តផ្សេងៗត្រូវបានកត់ត្រាយ៉ាងជាក់ច្បាស់ដែលយោងតាមរយៈរូបភាព ជួយទស្សនិកជនទាំងឡាយឱ្យយល់កាន់តែស៊ីជម្រៅអំពីវប្បធម៌ប្រពៃណីរបស់ប្រជាជន Khmer ទៀតផង។

វគ្គបណ្តុះបណ្តាលដែលរៀបចំដោយវិស័យវប្បធម៌ ទេសចរណ៍ និងអង្គការសង្គម បានជួយឱ្យបងប្អូនប្រជាជនយល់ថា ការផ្សព្វផ្សាយមិនត្រឹមតែនិយាយអំពី “ការលក់ផលិតផល” ប៉ុណ្ណោះទេ ថែមទាំងរៀបរាប់រឿងរ៉ាវស្តីពីមនុស្ស វប្បធម៌ និងរបៀបរស់នៅផងដែរ។ លំនាំនីមួយៗលើសម្លៀកបំពាក់ និងមុខម្ហូប របាំជនជាតិនីមួយៗ។ល។ មានតម្លៃខាងវិញ្ញាណយ៉ាងជ្រាលជ្រៅ ប្រសិនបើណែនាំបានត្រឹមត្រូវ វានឹងប៉ះពាល់ដល់ខាងទឹកចិត្តភ្ញៀវទេសចរណ៍ទៀតផង។

លោក Danh Dưỡng ដែលជាអ្នកកិត្យានុភាពម្នាក់ក្នុងចំណោមជនជាតិភាគតិចរបស់ឃុំ Khánh Bình បានមានប្រសាសន៍ថា៖ “ជារៀងរាល់ឆ្នាំ ក្នុងឱកាសបុណ្យចូលឆ្នាំថ្មី គ្រប់បណ្តាភូមិស្រុកទាំងឡាយនៅ Cà Mau តែងមានភាពឱឡារឹកដោយសម្លេងស្គរ តន្ត្រី និងភ្លើងពណ៌ភ្លឺចែងចាំងនៃសម្លៀកបំពាក់ប្រពៃណីផងដែរ។ នេះមិនត្រឹមតែជាឱកាសសម្រាប់បងប្អូនជនជាតិភាគតិចចូលរួមសប្បាយរីករាយ និងជួបជុំគ្នាប៉ុណ្ណោះទេ ថែមទាំងជាឱកាសសម្រាប់អ្នកទេសចរណ៍ទាំងឡាយកាន់តែយល់បានច្បាស់អំពីជំនឿ វប្បធម៌ និងរបៀបរស់នៅដ៏សុខដុមរមនារបស់បងប្អូនប្រជាជន Khmer ទៀតផង”។

វត្តអារាម Khmer ដ៏ល្បីៗជាច្រើនក៏ត្រូវបានផ្សព្វផ្សាយឧទ្ទេសនាមយោងតាមរយៈវីដេអូឃ្លីបដែលបានបង្ហោះនៅលើបណ្តាញសង្គម។

ក៏យោងតាមលោក Dương ផងដែរ ការដែលបងប្អូន Khmer រៀនពីរបៀបផ្សព្វផ្សាយផលិតផលវប្បធម៌ និងទេសចរណ៍របស់ភូមិភាគ មិនត្រឹមតែជួយផ្សព្វផ្សាយនៅរូបភាពស្រុកទេសរបស់ខ្លួនឱ្យកាន់តែជិតស្និទ្ធនឹងភ្ញៀវទេសចរណ៍ប៉ុណ្ណោះទេ ថែមទាំងបានបង្ហាញពីការច្នៃប្រតិដ្ឋសម្រាប់គំនិតនៃការអភិវឌ្ឍន៍ទៀតផង។ នៅពេលដែលប្រជាជនបានក្លាយជា “អ្នកនិទានរឿង” អំពីអត្តសញ្ញាណជាតិរបស់ខ្លួន វប្បធម៌ប្រពៃណីមិនត្រឹមតែត្រូវបានអភិរក្សប៉ុណ្ណោះទេ ថែមទាំងពោរពេញដោយពន្លឺភ្លឺចែងចាំងក្នុងលំហូរសម័យទំនើបទៀតផង។

របាំប្រពៃណីត្រូវបានបងប្អូន Khmer ថត និងរៀបរៀងកជាវីដេអូឃ្លីប "និន្នាការ" នៅលើ TikTok។

ការរួមបញ្ចូលគ្នារវាងបច្ចេកវិទ្យាទំនើប និងមោទនភាពស្រតីពីវប្បធម៌ប្រពៃណី កំពុងបើកឱកាសថ្មីសម្រាប់តំបន់ជនជាតិភាគតិច។ ផ្តើមពីនោះ បងប្អូនជនរួមជាតិមិនត្រឹមបានរៀនវិធីសាស្ត្រផ្សព្វផ្សាយដើម្បីទាក់ទាញភ្ញៀវទេសចរណ៍ប៉ុណ្ណោះទេ ថែមទាំងបញ្ជាក់ពីតម្លៃនៃវប្បធម៌ជនជាតិភាគតិចក្នុងសម័យទំនើបផងដែរ គឺជាកន្លែងដែលប្រពៃណី និងទំនើបកម្មដើរទន្ទឹមគ្នា បង្កើតបានភាពរស់រវើកប្រកបដោយចីរភាពសម្រាប់ខាងវប្បធម៌ជនជាតិទៀតផង៕

Lam Khánh