ផ្សារភ្ជាប់សាសនា និងជីវិត

ប៉ុន្មានឆ្នាំកន្លងមកនេះ គណៈអភិបាលសមាគមពុទ្ធសាសនា Việt Nam ខេត្ត Cà Mau តែងរួមដំណើរជាមួយគណៈកម្មាធិការបក្ស រដ្ឋអំណាច និងរណសិរ្សមាតុភូមិ Việt Nam គ្រប់លំដាប់ថ្នាក់ ក្នុងការចលនាប្រឡងប្រណាំងស្នេហាជាតិ កសាងជីវភាពវប្បធម៌ អភិវឌ្ឍសេដ្ឋកិច្ច-សង្គម ជាពិសេសខាងការងារសប្បុរសធម៌ មនុស្សធម៌ ជួយឧបត្ថម្ភគ្រួសារក្រីក្រ រួមចំណែកធានាសុខមាលភាពសង្គម។

គណៈចំណុះនៃគណៈអភិបាល ព្រះសង្ឃនៅតាមនានាវត្ត បានផ្តើមចលនាពុទ្ធបរិស័ទ សប្បុរសជន និងអាជីវកម្ម ឧបត្ថម្ភថវិកា និងគ្រឿងឧបភោគបរិភោគ ជួយដល់ជនរួមជាតិនៅភូមិភាគកណ្តាលដែលរងគ្រោះធ្ងន់ធ្ងរដោយសារព្យុះទឹកជំនន់កន្លងហើយ។

ព្រះឧបជ្ឈាយ៍ Thạch Hà សមាជិកក្រុមប្រឹក្សាអភិបាល សមាគមពុទ្ធសាសនា Việt Nam  ប្រធានគណៈអភិបាលសមាគមពុទ្ធសាសនាខេត្ត មានថេរដីកាថា៖ “ឆ្លើយតបនឹងការចលនាដែលគណៈកម្មាធិការរណសិរ្សមាតុភូមិ Việt Nam បានបំផុសឡើង ជាពិសេសគឺចលនា “ទូទាំងប្រជាជនសាមគ្គីកសាងជីវភាពវប្បធម៌នៅតំបន់ប្រជុំជន” “ទូទាំងប្រទេស ចូលរួមដើម្បីអ្នកក្រ - មិនទុកឱ្យនរណាម្នាក់ត្រូវនៅពីក្រោយ”។ល។ គណៈអភិបាល សមាគមពុទ្ធសាសនាខេត្ត ព្រមទាំងព្រះសង្ឃ ពុទ្ធបរិស័ទនៅតាមវត្តអារាម ទីកន្លែងគោរពបូជានានា តែងសកម្មចូលរួមសកម្មភាពសុខមាលភាពសង្គមជាច្រើនយ៉ាងជាក់ស្តែង និងមានអត្ថន័យ” ។

ក្នុងអាណត្តិកន្លងហើយ ទូទាំងខេត្តបានផ្តើមចលនាប្រភពធនធានពីព្រះសង្ឃ ពុទ្ធបរិស័ទ និងសប្បុរសជនទាំងក្នុងនិងក្រៅខេត្ត ដោយសរុបតម្លៃរាប់សិបពាន់លានដុង តាមរយៈកម្មវិធីសុខមាលភាពជាច្រើន ដូចជា៖ សាងសង់ផ្ទះមេត្តាធម៌បាន ៦១ ខ្នង ស្ពានជនបទ ៧០ ខ្សែ។ ឧបត្ថម្ភអង្ករជាង ១២៨ តោន អំណោយជាង ២០ ពាន់ចំណែក អាហារ បបរ នំបុ័ងដោយមិនគិតប្រាក់បានប្រមាណជាង ២៥០ ពាន់ចំណែក សម្រាប់ជូនដល់អ្នកក្រីក្រ និងអ្នកដែលជួបលំបាក ព្រមទាំងជំនួយឧបត្ថម្ភអាហារូបករណ៍ដល់សិស្សក្រីក្រដែលខិតខំរៀនសូត្របានល្អ និងថែទាំកុមារកំព្រា។ ស្វានម៉ាស៊ីនទឹកស្អាត និងរៀបចំកម្មវិធីសប្បុរសធម៌ផ្សេងៗជាច្រើនទៀតផង។

គណៈអភិបាលសមាគមពុទ្ធសាសនាខេត្ត បានផ្តើមចលនាសប្បុរសជន ដើម្បីកសាង ស្ពានចរាចរណ៍ជនបទជាច្រើនខ្សែនៅលើភូមិសាស្ត្រខេត្ត ។

ពង្រីកប្រពៃណី “ជួយគ្នាក្នុងគ្រាក្រ” ដ៏ល្អប្រសើររបស់ជនជាតិ នៅពេលដែលភូមិភាគនានាជួបគ្រោះធម្មជាតិ ព្យុះទឹកជំនន់ គណៈអភិបាលសមាគមពុទ្ធសាសនា​ខេត្ត និងគណៈចំណុះ រួមទាំងព្រះសង្ឃនៅតាមនានាវត្ត បានផ្តើមចលនាពុទ្ធបរិស័ទ សប្បុរសជន និងអាជីវកម្ម ដើម្បីឧបត្ថម្ភថវិកា និងគ្រឿងឧបភោគបរិភោគ រៀបចំក្រុមសង្គ្រោះទៅកាន់មូលដ្ឋានផ្ទាល់ ដើម្បីជូនអំណោយចែករំលែកក្តីស្រឡាញ់ដល់ជនរួមជាតិដែលរងការខូចខាត។

ទន្ទឹមនឹងនោះ ព្រះសង្ឃ និងពុទ្ធបរិស័ទក៏បានសកម្មចូលរួមកម្មវិធីបរិច្ចាគតំណក់ឈាមមនុស្សធម៌ ចលនាប្រឡងប្រណាំង “ទូទាំងប្រទេស រួមកម្លាំង ដើម្បីអ្នកក្រ - មិនទុកឱ្យនរណាម្នាក់ត្រូវនៅពីក្រោយ” ផ្សារភ្ជាប់នឹងការចលនា “ទូទាំងប្រជាជនសាមគ្គីកសាងជនបទថ្មី ទីក្រុងស៊ីវិល័យ”។ ឧបត្ថម្ភមូលនិធិដើម្បីអ្នកក្រ។ល។ សរុបតម្លៃនៃកម្មវិធីនានាគឺមានជាង ៦៥ ពាន់លានដុង ។

តាមថេរដីកាព្រះឧបជ្ឈាយ៍ Thạch Hà សកម្មភាពទាំងនោះទោះបីសាមញ្ញក្តី ប៉ុន្តែផ្ទុកនូវទឹកចិត្តមេត្តាធម៌របស់ពុទ្ធបរិស័ទ រួមចំណែកផ្តល់ភាពកក់ក្តៅដល់ប្រជាជនដែលជួបការលំបាក បង្កើតជំនឿបន្ថែមលើទឹកចិត្តមនុស្ស និងការផ្សារភ្ជាប់រវាងសាសនា និងជីវិត ។

សកម្មភាពឧបត្ថម្ភផ្ទះមេត្តាធម៌ដល់គ្រួសារក្រីក្រ ត្រូវបានគណៈអភិបាលសមាគមពុទ្ធសាសនាខេត្ត រួមជាមួយព្រះសង្ឃ និងវត្តអារាមនានា អនុវត្តយ៉ាងជាក់ស្តែង និងមានប្រសិទ្ធភាព។​

“ដើម្បីជំរុញខ្លាំងក្លានូវការចលនាសប្បុរសធម៌-សង្គម គិតគូរដល់គ្រួសារក្រីក្រ អ្នកខ្វះសំណាងនៅតាមតំបន់ឆ្ងាយដាច់ស្រយាល គណៈអភិបាលសមាគមពុទ្ធសាសនាខេត្តបានបង្កើតមូលនិធិ “ពុទ្ធសាសនារួមក្លាំងដើម្បីអ្នកក្រ” បង្កើតធនធានស្ថេរភាពដើម្បីម្ចាស់ការជាងមុនក្នុងការជួយសង្គ្រោះ និងសុខមាលភាពសង្គម។ អភិវឌ្ឍន៍ទម្រង់សប្បុរសធម៌បៃតង - ស្ថេរភាព ដូចជាការជូនពូជដំណាំ ពូជសត្វចិញ្ចឹម និងឧបត្ថម្ភមុខរបរចិញ្ចឹមជីវិតដល់គ្រួសារក្រីក្រ ជួយពួកគេរួចផុតពីភាពក្រីក្រយូរអង្វែង។ ទន្ទឹមនឹងនោះ សហការយ៉ាងជិតស្និទ្ធជាមួយស្ថាប័នរណសិរ្ស និងរដ្ឋអំណាចភូមិភាគ ដើម្បីធានាការសង្គ្រោះបានទាន់ពេលចំមុខសញ្ញា បង្ហាញច្បាស់នូវស្មារតីទទួលខុសត្រូវ និងសាមគ្គីភាព” ព្រះឧបជ្ឈាយ៍ Thạch Hà មានថេរដីការបន្ថែមដូច្នេះ។

ជាមួយនឹងស្មារតី “សាសនា - ជាតិ - សង្គមនិយម” “ការសង្គ្រោះសត្វលោកជាការបូជាចំពោះព្រះពុទ្ធយ៉ាងជាក់ស្តែង” គណៈអភិបាលសមាគមពុទ្ធសាសនាវៀតណាមខេត្តកាម៉ាវ បានបន្តរួមដំណើរជាមួយគណៈកម្មាធិការរណសិរ្សមាតុភូមិខេត្ត និងអង្គការជាសមាជិកក្នុងបុព្វហេតុនៃការកសាងផែនមហាសាមគ្គីទូទាំងជនជាតិ រួមចំណែកអនុវត្តជោគជ័យនូវគោលដៅនៃការកាត់បន្ថយក្រចីរភាព និងថែទាំសុខមាលភាពសង្គម កសាងជីវភាពសម្បូណ៌សប្បាយ សុភមង្គលជូនប្រជាជន៕

Quỳnh Anh