រក្សាអត្តសញ្ញាណវប្បធម៌ និងផ្សព្វផ្សាយទេសចរណ៍

ការអភិរក្សអត្តសញ្ញាណជាតិ និងពង្រីកលក្ខណៈវប្បធម៌ប្រពៃណី Khmer កំពុងក្លាយជាសរសៃឈាមតភ្ជាប់រវាងសហគមភូមិស្រុកនៅ Cà Mau។ ក្នុងដំណើរការនោះ នារី Khmer គ្រប់រូបជាមួយស្នាដៃដ៏ប៉ិនប្រសព្វ និងស្មារតីឈ្លាសវៃក្នុងការរក្សាសម្បត្តិវប្បធម៌កំពុងរួមចំណែកស្តារជីវភាពវប្បធម៌ដ៏វិសេសវិសាល នាំមកនូវតម្លៃសម្រាប់ការអភិវឌ្ឍន៍ទេសចរណ៍ភូមិស្រុក។

សម្រស់នារី Khmer ជាមួយសំលៀកបំពាក់ប្រពៃណីបុរាណ Khmer ក្នុងឱកាសបុណ្យចូលឆ្នាំថ្មីប្រពៃណីជាតិ។

រាងរាល់ពេលយប់ នៅវត្ត Dì Quán (ឃុំ Ninh Quới) តែងបន្លើឡើងនូវសូរម្លេងភ្លេងពិណពាទ្យដ៏ពិរោះរណ្តំ។ ជាមួយភ្លើងព័ណ៌នៃវេទិកាឆាករបស់វត្ត រូបភាពនារីដែលកំពុងបណ្តែតអារម្មណ៍ជាមួយវង់ភ្លេងតន្ត្រី បង្តើតបាននូវសូរសព្ទយ៉ាងពិរោះ។ ប្រសិនបើពីមុននេះ ភ្លេងពិណពាទ្យតែងត្រូវបានសិប្បករបុរស តែបច្ចុប្បន្ននៅវត្ត Dì Quán កំពុងបានមិត្តយុវនារីស្នងបន្ត និងបង្កើតឱ្យមានភាពរស់រវើកពីអត្តសញ្ញាណ Khmer តាមបែបនៃសម័យទំនើបថ្មី។

ក្រុមភ្លេងពិណពាទ្យនារី ត្រូវបានបង្កើតឡើងដោយការតាំងចិត្តរបស់ប្រធានក្រុម Trần Văn Quýt  និងការឧបត្ថម្ភរបស់ព្រះតេជគុណ Hồ Mít ព្រះចៅអធិការវត្ត។ ថ្ងៃដំបូងនៃការប្រមូលផ្តុំប្អូនៗនារីចូលរួម នូវមានមតិជាច្រើនគិតថា នេះគឺសម្រាប់តែយុវតីប៉ុណ្ណោះ។ តែជាមួយការខិតខំប្រឹងប្រែង និងតម្រូវការរក្សាសម្បត្តិវប្បធម៌រួម និងប្រកាន់គំនិតក៏ត្រូវាបានលុបបំបាត់ចោលជាសន្សឹមៗផងដែរ។ ផ្តើមពីប្អូនៗត្រឹមតែប៉ុន្មាននាក់ តែមកទល់ពេលនេះក៏បង្កើតបានជាក្រុមសម្រាប់យុវតីវ័យក្មេងជាច្រើនផងដែរ ដែលមានបំណិននិងទេពកោសល្យដូចជាសប្បករជំនាញ។

ព្រះតេជគុណ Hồ Mít ថែមទាំងបាននិមន្តទៅប្រទេសកម្ពុជា ដើម្បីទិញវង់ភ្លេងដែលមានគុណភាពមួយវង់ ហើយបានអញ្ជើញគ្រូមកបង្រៀនទៀតផង។ ព្រះចៅអធិការ ប្រធានក្រុម និងសមាជិកបានរួមគ្នាហាត់ ក្នុងគោលបំណងចង់អភិរក្សសូរសព្ទតន្ត្រីវង់ភ្លេងពិណពាទ្យប្រពៃណីរបស់ Khmer។

ប្អូនស្រី Danh Thị Ngọc Mai សមាជិកវ័យក្មេងរបស់ក្រុម បានរៀបរាប់ថា៖ “ប្រការដែលធ្វើឱ្យប្អូនមានការសប្បាយរីករាយជាងគេនោះគឺរាល់លើកដែលខ្លួនបានចូលរួមប្រគំភ្លេងពិណពាទ្យកំដរនៅតាមភូមិស្រុក។ ប្អូនគ្រាន់តែសង្ឃឹមថា រាល់លើកប្រគំ សូរសព្ទតន្ត្រី Khmer នឹងរីកសាយភាយគ្រប់ទិសទី ព្រមទាំងទទួលបានការគាំទ្រយ៉ាងខ្លាំងទៀតផង”។

មិនត្រឹមតែយុវវ័យនោះទេ សម្រាប់មនុស្សចាស់ៗក៏មានការរំជួលចិត្តណាស់ដែរ ពេលដែលឃើញកូនចៅរបស់ខ្លួនបានចូលរួមថែរក្សាវប្បធម៌ជនជាតិ។ អ្នកមីង Kim Thị Hai នៅសង្កាត់ Hiệp Thành បានចែករំលែកថា៖ “បានឃើញកូនក្មួយៗស្លៀកសម្លៀកបំពាក់ប្រពៃណីដោយទំនុកចិត្ត និងនិយាយបានភាសា Khmer ច្រៀង​រាំ និងប្រគំភ្លេង គឺខ្ញុំពិតជាសប្បាយចិត្តខ្លាំងណាស់។ ខ្ញុំគ្រាន់តែសង្ឃឹមថានឹងមានសកម្មភាពជាច្រើនទៀត ដើម្បីឱ្យកូនក្មួយអាចបន្តថែរក្សា និងមានមោទនភាពលើវប្បធម៌របស់ជនជាតិរខ្លួន”។

ដោយតំបន់ទឹកដីដែលមានជនជាតិជាបងប្អូនរស់នៅច្រើនកុះករដូចខេត្ត Cà Mau តម្លៃវប្បធម៌ Khmer បានក្លាយជាសម្ភារៈដ៏មានតម្លៃសម្រាប់ក្នុងការអភិវឌ្ឍទេសចរណ៍។ ផ្តើុមពីបណ្តាពិធីបុណ្យទាន ដូចជា៖ ចូលឆ្នាំថ្មី ភ្ជុុំបិណ្ឌ​ សែនដូលតា អកអំបុក សំពះព្រះខែ រហូតដល់ចង្វាក់រាំវង់ ស្គរឆៃយុំា វង់ភ្លេអពិណពាទ្យក្នុងការឱកាសបុណ្យទានជាដើម។ ទាំងអស់នេះហើយសុទ្ធតែបាននាំមកនូវអារម្មណ៍ថ្មី និងភាពទាក់ទាញសម្រាប់ភ្ញៀវទេសចរណ៍។ សម្រាប់ខាងមុខម្ហូប Khmer  ដោយមានអំបុក នំបញ្ចុកទឹកសម្លជាដើម បានក្លាយជាចំណុចលេចធ្លោមួយនៅក្នុងដំណើរនៃការស្វែងយល់ផងដែរ។

បណ្តាសមាជិកក្រុមវង់ភ្លេងពិណពាទ្យវត្ត Dì Quán ចូលរួមសម្តែងនៅពិធីជប់លៀងតន្រ្តីពិណពាទ្យ និងរបាំប្រជាប្រិយ Khmer ដែលបានចាត់តាំងនៅវត្តគម្ពីរសាគរ ព្រែកជ្រៅ (Xiêm Cán)។

មិនត្រឹមតែប៉ុណ្ណោះ ខាងប្រព័ន្ធវត្តអារាម Khmer ដែលសម្បូរដោយស្ថាបត្យកម្ម Khmer ដូចជា៖ វត្តព្រែកជ្រៅ (Xiêm Cán) វត្តអណ្តូងចេក (Đìa Chuối) វត្តកោះធំ (Cỏ Thum)។ល។​ មិនត្រឹមតែទាក់ទាញដោយភាពទំនើបថ្មីប៉ុណ្ណោះទេ ថែមទាំងប្រកបដោយសកម្មភាពវប្បធម៌ដ៏រស់រវើកដោយអស្រ័យសម្លេងអានតួអក្ស Khmer និងសូរសព្ទតន្ត្រីហាត់រាំ កាយវិការដ៏ទន់ភ្លន់របស់យុវនារីដែលកំពុងនាំគ្នាហាត់រាំនៅទីធ្លារវត្ត។  ភ្ញៀវទេសចរណ៍ជាច្រើនជឿថា គ្រាន់តែមកដល់ Cà Mau ពួកគេអាចមានអារម្មណ៍យ៉ាងច្បាស់អំពីសម្រស់នៃវប្បធម៌ Khmer ដោយមិនចាំបាច់ទៅណាឆ្ងាយនោះទេ។

ជាមួយផ្ទាំងរូបភាពដ៏រស់រវើកនេះ នារី Khmer បានរួមចំណែកយ៉ាងសកម្មខាងវិស័យសិល្បៈសម្តែង  បង្កើតឡើងវិញនូវបណ្តាពិធីបុណ្យទានប្រពៃណី ព្រមទាំងផ្សព្វផ្សាយវប្បធម៌ដល់ភ្ញៀវទេសចរណ៍ជិតឆ្ងាយទាំងឡាយ។ ពួកគេគ្រប់រូបសុទ្ធសឹងជាអ្នករួមកម្លាំងថែរក្សាអត្តសញ្ញាណ និងជាស្ពានសម្រាប់វប្បធម៌ Khmer ផ្សព្វផ្សាយទៅកាន់ជីវភាពសាមញ្ញតាមលក្ខណៈធម្មជាតិ និងប្រកបដោយចីរភាពផងដែរ។

វប្បធម៌ Khmer មិនត្រឹមបង្ហាញក្នុងបណ្តាពិធីបុណ្យទានប៉ុណ្ណោះទេ ថែមទាំងបានក្លាយជាប្រភពកម្លាំងដ៏សំខាន់សម្រាប់កសាងផលិតផលទេសចរណ៍ដ៏ប្រចាំរបស់ខេត្ត Cà Mau។ រាល់គ្រប់សូរសព្ទតន្ត្រី និងចង្វាក់រាំទាំងឡាយដែលបានយុវនារី Khmer ចូលរួមសម្តែង អត្តយសញ្ញាណជាតិនូវតែបន្តបំភ្លឺ និងស្ងៀមស្ងាត់ ចីរភាព ប្រកបដោយភាពរីកសាយភាយក្នុងសហគមន៍ និងភ្ញៀវទេសចរណ៍ជិតឆ្ងាយទាំងឡាយ៕

Kim Trúc