បំភ្លឺប្រទីបបេតិកភណ្ឌផ្តើមឆាកសម្តែងជូនដល់សហគមន៍

សិល្បៈរបាំប្រជាប្រិយ Khmer គឺជាឃ្លាំងវប្បធម៌ដ៏មានតម្លៃរបស់បងប្អូនជនរួមជាតិ Khmer ។ នៅខេត្តកាម៉ាវ ក្រុមសិល្បៈ Khmer ខេត្ត បាននិងកំពុងក្លាយជាបទីង្អែកដ៏រឹងមាំ ជាទីកន្លែងដែលបណ្តាតម្លៃប្រពៃណីទទួលបានការអភិរក្ស ផ្សព្វផ្សាយ និងបន្តវេនសម្រាប់ជីវភាពរស់នៅនាពេលបច្ចុប្បន្ន ដោយការលះបង់ និងអុជបំភ្លឺប្រទីបខាងចំណង់ចំណូលចិត្តដ៏មោះមុតរបស់សិល្បករ សិល្បការិនីគ្រប់រូប។

រាល់ឈុតសម្តែងនីមួយៗ តែងបានសិល្បករ សិល្បការិនីទាំងឡាយនិពន្ធ និងរៀបរៀង ព្រមទាំងឡើងផែនការហ្វឹកហាត់ជារៀងរាល់ថ្ងៃ។

ចំពោះសិល្បករនៃក្រុមសិល្បៈ Khmer ខេត្ត Cà Mau ការអភិរក្សរបាំប្រជាប្រិយមិនត្រឹមតែជាការសម្តែងប៉ុណ្ណោះទេ ថែមទាំងជាដំណើរការប្រកបដោយចីររភាព ទាមទារនូវការផ្ចិតផ្ចង់រាល់កាយវិការនីមួយៗ ព្រមទាំងការប្រុងប្រយ័ត្នក្នុងការស្តារឡើងវិញនូវសម្លៀកបំពាក់ ឧបករណ៍តន្ត្រី ក៏ដូចជាការយល់ដឹងស៊ីជម្រៅអំពីអត្ថន័យនៃរបាំប្រពៃណីផងដែរ។ រាល់កាយវិការនីមួយៗ គឺជារឿងរ៉ាវស្តីពីរបៀបរស់នៅ ជំនឿ និងមោទនភាពជាតិ ដែលបានបន្តវេនដោយបានឆ្លងកាត់ជាច្រើនជំនាន់មកហើយដែរ។ សិល្បករទាំងឡាយបានខិតខំហ្វឹកហាត់ និងផ្ទេរមុខវិជ្ជាដល់ស្រទាប់យុវជន ដើម្បីឱ្យទម្រង់នៃការសម្តែងនីមួយៗពេលឡើងឆាក សុទ្ធតែរក្សាបាននូវស្មារតីដើមយ៉ាងពេញលេញ។

សិល្បការិនីផ្នែកខាងរបាំ Lâm Thị Tuyết Kha បានចែករំលែកថា៖ “រាល់កាយវិការនីមួយៗសុទ្ធតែមានព្រលឹងដោយឡែករបា់វា។ ពេលរាំ ខ្ញុំតែងមានអារម្មណ៍ហាក់បីដូចកំពុងរៀបរាប់នូវរឿងរ៉ាវរបស់បុព្វបុរសយើង។ កាន់តែយល់បានច្បាស់ពីវប្បធម៌ ខ្ញុំកាន់តែមានស្មារតីទទួលខុសត្រូវក្នុងការអភិរក្ស និងបន្តវេនសម្រាប់ជំនាន់ក្រោយផងដែរ”។

សិល្បករ សិល្បការិនីនៃក្រុមសិល្បៈ Khmer តែងខិតខំហ្វឹកហាត់ជាប្រចាំ ដើម្បីត្រៀមលក្ខណៈសម្រាប់ការសម្តែងផ្សេងៗផងដែរ។

ជាមួយស្មារតីក្នុងការច្នៃប្រតិដ្ឋមិនឈប់ឈរ សិល្បករជាច្រើនរូបបានម្ចាស់ការក្នុងការរៀបរៀង និងនិពន្ធឈុតឆាកសម្តែងសម្តែង និងណែនាំមិត្តរួមអាជីព ដើម្បីបម្រើល្អក្នុងពិធីបុណ្យប្រពៃណី និងព្រឹត្តិការណ៍វប្បធម៌-ទេសចរណ៍ ព្រមទាំងកម្មវិធីសិល្បៈផ្សេងៗរបស់ខេត្តទៀតផង។ រាល់ពេលហ្វឹកហាត់ម្តងៗ គឺជាដំណើរការខិតខំប្រឹងប្រែង អត់ធ្មត់ជាមួយរាល់កាយវិការតូចៗ កែតម្រូវរាល់គ្រប់ចង្វាក់រាំ ធ្វើយ៉ាងណាឱ្យស៊ីចង្វាក់ជាមួយបទភ្លេង និងការបញ្ចូលអារម្មណ៍។ អាស្រ័យចំណង់ចំណូលចិត្តទាំងនេះហើយ បានជួយឱ្យសិល្បករ សិល្បការិនីទាំងឡាយគ្រប់រូបរកឃើញក្តីសប្បាយក្នុងអាជីពរបា់រៀងខ្លួន និង ភាពសុខសាន្តក្នុងការច្នៃប្រតិដ្ឋ ទន្ទឹមនឹងនោះបញ្ចូលដង្ហើមខាងខ្សែជីវិតតាមបែបសម័យទំនើបទៅក្នុងសិល្បៈប្រពៃណី។

អាស្រ័យហេតុនេះហើយ របាំខ្មែរក៏រក្សាបាននូវព្រលឹងដើមផង និងកាន់តែបង្កភាពជិតស្និទ្ធ ទាក់ទាញចំពោះទស្សនិកជនវ័យក្មេងនាពេលបច្ចុប្បន្ននេះផងដែរ។ សិល្បការិនី ហ៊ឺវធីលួ បានសំណេះសំណាលថា៖ “យើងខ្ញុំតែងព្យាយាមដើម្បីធ្វើឱ្យរាល់គ្រប់ទម្រង់នៃការសម្តែងប្រព្រឹត្តទៅត្រឹមត្រូវតាមអត្តសញ្ញាណផង និងមានការច្នៃប្រតិដ្ឋខ្លះថ្មីផង។ ពីព្រោះ យុវវ័យនាសម័យសព្វថ្ងៃ ចូលចិត្តភាពរស់រវើក ដូច្នេះយើងខ្ញុំធ្វើថ្មីរបៀបសម្តែង ប៉ុន្តែដាច់ខាតមិនធ្វើឱ្យបាត់បង់ស្មារតីនៃរបាំប្រពៃណីខ្មែរសោះឡើយ។ នោះគឺជាព្រំដែនដែលអ្នកប្រកបអាជីពតែងតែគោរព” ។

មិនត្រឹមតែសម្តែងដោយក្តីស្រឡាញ់ប៉ុណ្ណោះទេ សិល្បករទាំងឡាយសុទ្ធសឹងជាអ្នកដែលមានរតួនាទីជាស្ពានតភ្ជាប់វប្បធម៌រវាងបេតិកភណ្ឌ និងសហគមន៍។ បណ្តារបាំនីមួយដែលបានលើកយកទៅសម្តែងក្នុងពិធីបុណ្យ ព្រឹត្តិការណ៍វប្បធម៌ ឬក៏នៅតាមតំបន់ឆ្ងាយដាច់ស្រយាល ដើម្បីធ្វើឱ្យអ្នករាល់គ្នាអាចទទួលអារម្មណ៍ពីចង្វាក់នៃខ្សែជីវិត ស្មារតី និងមោទនភាពរបស់បងប្អូន Khmer ទៀតផង។ ក្នុងក្រសែភ្នែកនៃទស្សនិកជនទាំងឡាយ របាំប្រជាប្រិយមិនត្រឹមតែប្រកបដោយភាពស្រស់ស្អាតត្រង់កាយវិការប៉ុណ្ណោះទេ ថែមទាំងផ្ទុកនូវរឿងរ៉ាវ និងដង្ហើមនៃខ្សែជីវិតរបស់សហគមន៍ ដែលសិល្បករ សិល្បការិនីទាំងឡាយគ្រប់រូបកំពុងស្ងៀមស្ងាត់បន្តការអភិរក្សជារៀងរាល់ថ្ងៃ។

ការចូលរួមសម្តែងរបស់ក្រុមសិល្បៈ Khmer នៅតាមតំបន់ជនបទ។

មិនត្រឹមតែការសម្តែងនោះទេ សិល្បករទាំងឡាយថែមទាំងបំផុសស្មារតីយ៉ាងខ្លាំងក្លាដល់យុវវ័យជំនាន់ក្រោយតាមរយៈការណែនាំខាងបច្ចេកទេស ចែករំលែកពីតម្លៃវប្បធម៌ និងដាស់ស្មារតីមោទនភាពជាតិទៀតផង។ អាស្រ័យហេតុនោះហើយ មានមិត្តយុវវ័យកាន់តែច្រើនបានម្ចាស់ការស្វែងយល់ ហ្វឹកហាត់ តាក់តែង និងច្នៃប្រតិដ្ឋ ដើម្បីធ្វើយ៉ាងណាឱ្យរបាំប្រជាប្រិយ Khmer តែងមានការរស់រវើក ផ្លាស់ថ្មីឥតឈប់ឈរ ប៉ុន្តែតែរក្សាបាននូវអត្តសញ្ញាណប្រពៃណីយ៉ាងពេញលេញ៕

Nguyễn Đào