Truyền hình
ក្នុងជីវភាពជំនឿរបស់ប្រជាជន Khmer Nam Bộ ក្រៅពីការគោរពបូជាព្រះពុទ្ធ និម្មិតរូបនៃព្រហ្មមុខបួន ឬហៅថាមហាព្រហ្ម គឺជានិមិត្តសញ្ញាខាងវិញ្ញាណដ៏សំខាន់មួយ ដែលជាប់ទាក់ទងនឹងប្រវត្តិនៃបុណ្យចូលឆ្នាំថ្មីប្រពៃណី Khmer ផងដែរ។
ពិធីដង្ហែប្រទក្សិណក្បាលព្រហ្មឱកាសបុណ្យចូលឆ្នាំថ្មីប្រពៃណី។
យោងតាមរឿងព្រេងនិទាន កាលពីសម័យបុរាណ កបិលមហាព្រហ្មបានចុះមកឋានមនុស្សដើម្បីល្បង ប្រាជ្ញាជាមួយធម្មបាលកុមារដែលល្បីថាមានបញ្ញាដ៏ឈ្លាសវៃគ្មាននរណាប្រៀបប្រដូចបាន។ ដោយដាក់បញ្ហាថា ប្រសិនបើធម្មបាលកុមារមិនដោះស្រាយនឹងសំណួររបស់ទ្រង់បាន ទ្រង់នឹងកាត់សិរិសារបស់ខ្លួន តែបើដោះមិនបាន ធម្មបាលកុមារនឹងត្រូវស្លាប់។
ធម្មបាលបានដោះស្រាយប្រស្នានេះ ហើយកបិលមហាព្រហ្មបានរក្សាពាក្យសន្យារបស់ខ្លួន។ ទោះជាយ៉ាងណាក៏ដោយ សិរិសារបស់កបិលមហាព្រហ្មដែលមានរិទ្ធានុភាពនេះ ប្រសិនធ្លាក់ចុះដី វានឹងបង្កជាភ្លើងឆេះឆាបធរណី តែបើបោះទៅលើមេឃ វានឹងបង្កជាគ្រោះរាំងស្ងួត ប្រសិនបើបោះចូលទៅក្នុងសមុទ្រ វានឹងធ្វើឱ្យទឹករីងស្ងួត។ ដូច្នេះហើយ ព្រះអង្គបានផ្តែផ្តាំបុត្រីទាំងប្រាំពីរអង្គរបស់ខ្លួន (ដែលតំណាងឱ្យថ្ងៃទាំងប្រាំពីរនៃសប្តាហ៍) ឱ្យដាក់ព្រះសិរិសារបស់ទ្រង់លើថាសមាសតម្កល់ទុកនៅលើភ្នំព្រះសុមេរុ។
ក្បាលព្រហ្មមុខបួនតំណាងឱ្យព្រហ្មវិហារធម៌ទាំង ៤ ក្នុងព្រះពុទ្ធសាសនា។
ជារៀងរាល់ឆ្នាំ ឱ្យតែដល់រដូវបុណ្យចូលឆ្នាំថ្មី បុត្រីទាំងប្រាំពីរអង្គ ដែលត្រូវបានគេស្គាល់ថាជាទេវី បានប្តូរវេនគ្នាកាន់ព្រះសិរិសារបស់បិតាខ្លួនប្រទក្សិណជុំវិញភ្នំព្រះសុមេរុ។ នេះក៏ជាពេលវេលាដែលបានកំណត់ថ្ងៃទទួលទេវាឆ្នាំថ្មីរបស់បងប្អូនជនរួមជាតិ Khmer ផងដែរ។ ដូច្នេះហើយ ពិធីបុណ្យចូលឆ្នាំថ្មីប្រពៃណីក៏ត្រូវបានចាត់ទុកថាជាការទទួលស្វាគមន៍ព្រះព្រហ្មផងដែរ។
សម្រាប់ខាងអត្ថន័យវិញ ព្រះភក្ត្រទាំងបួនរបស់ព្រហ្មដែលបែរទៅគ្រប់ទិសទាំងបួន មានខាងកើត ខាងលិច ខាងត្បូង និងខាងជើង តំណាងឱ្យព្រហ្មវិហារធម៌ទាំងបួ ៤ រួមមាន៖ មេត្តា ករុណា មុទិតា និង ឧបេក្ខា (ការលើកលែង ការលះបង់សេចក្តីស្អប់ខ្ពើម និងការរក្សាចិត្តឱ្យបានបរិសុទ្ធ។
សិប្បករកំពុងចម្លាក់រូបសំណាកព្រហ្មមុខបួន។
អាស្រ័យដូច្នេះហើយ ការដែលបងប្អូន Khmer គោរពបូជាព្រហ្មមុខបួន មិនត្រឹមតែជាការអធិស្ឋានប្រាថ្នាក្តីសុខសន្តិភាពប៉ុណ្ណោះទេ ថែមទាំងជាការរំលឹកដល់មនុស្សគ្រប់រូបឱ្យរស់នៅប្រកបដោយគុណធម៌ និងបណ្ដុះមេត្តាករុណាសម្រាប់ក្នុងឆ្នាំថ្មីទៀតផង៕
Đờ Ni - Danh Điệp
Xem thêm bình luận