អភិរក្សវប្បធម៌ប្រពៃណីពីទីកំណើតគ្រួសារ

គ្រួសារខ្មែរជាច្រើននៅ Cà Mau គឺជាទីកំណើតដែលតែងថែរក្សា និងបន្តអភិរក្សតម្លៃវប្បធម៌ប្រពៃណីដ៏ល្អផូរផង់របស់ជនរួមជាតិ Khmer អស់ជាច្រើនជំនាន់មកហើយដែរ។

បងស្រី Thạch Thị Ngọc Phượng (ឆ្វេង) បង្ហាត់របាំ Khmer ជូនកូនស្រីរបស់ខ្លួន (កណ្តាល) និងមិត្តយុវវ័យនៅភូមិ Cái Giá ឃុំ Hưng Hội។

រំលឹកដល់បងស្រី Thạch Thị Ngọc Phượng ដែលជាសិល្បការិនីនៃក្រុមសិល្បៈ Khmer ចម្រុះនៃរោងមហោស្រព Cao Văn Lầu ទស្សនិកជននៅតាមគ្រប់បណ្តាភូមិស្រុកមិនត្រឹមតែចងចាំឈ្មោះក្មេងស្រីម្នាក់ដែលចេះរាំរបាំដ៏ស្រស់ស្អាតប៉ុណ្ណោះទេ ថែមទាំងមានការចាប់អារម្មណ៍យ៉ាងខ្លាំងចំពោះប្រពៃណីសិល្បៈរបស់គ្រួសារបងផងដែរ។

សិល្បការិនី Ngọc Phượng កើតក្នុងគ្រួសារមួយដែលមានបួនជំនាន់ស្រឡាញ់ខាងវិស័យសិល្បៈប្រពៃណី។ ជាពិសេសម្តាយរបស់បងស្រីគឺ​អ្នកមីង Kim Thị Chung ជាអតីតអនុប្រធានក្រុមសិល្បៈសាមគ្គី Bạc Liêu (ចាស់)។ ដោយទទួលមរតកទេពកោសល្យ និងសេចក្តីស្រឡាញ់ចំពោះសិល្បៈពីម្តាយរបស់ខ្លួន បងស្រីបានបង្ហាញពីចំណង់ចំណូលចិត្តចំពោះរបាំ Khmer តាំងពីក្មេង។ បងស្រីត្រូវបានម្តាយជួបង្ហាត់បង្រៀនយ៉ាងលម្អី រួមជាមួយទេពកោសល្យរបស់ខ្លួនផងនោះ បងស្រីមួយថ្ងៃកាន់តែមានជំនាញ និងមានឱកាសបានចូលរួមសម្តែងជាច្រើនតួអង្គផ្សេងៗ រួមទាំងឈុតសម្តែងប្លែងៗដែលគួរឱឱ្យចំណាប់អារម្មណ៍សម្រាប់ភ្ញៀវទស្សនិកជនទាំងឡាយគ្រប់ទិសទីផងដែរ។

រហូតមកដល់បច្ចុប្បន្ន បងស្រី Ngọc Phượng បានផ្សារភ្ជាប់ខាងវិស័យសិល្បៈអស់រយៈពេល ១៦ ឆ្នាំនៅក្រុមសិល្បៈ Khmer ចម្រុះ ជាមួយតួនាទីជាសិល្បការិនីផ្នែកខាងរបាំ និងច្រៀងយូកេ។ ដោយសារការខិតខំរៀនសូត្រ និងអនុវត្តល្អ បងស្រីក៏ដើរតួជាអ្នកបង្ហាត់របាំផងដែរ។ ដោយសង្ឃឹមថានឹងនាំយកនូវសិល្បៈប្រពៃណីឱ្យកាន់តែខិតជិតទស្សនិកជនថែមទៀត ជាពិសេសយុវជន។ បងស្រីខិតខំបង្កើតរបាំថ្មីៗដែលរួមបញ្ចូលគ្នានូវធាតុផ្សំបែបលក្ខណៈប្រពៃណី និងសម័យ ដើម្បីបង្កើតអ្វីដែលប្លែកៗ និងទាក់ទាញអារម្មណ៍អ្នកទស្សនា។

បងស្រី Ngọc Phượng បានចែករំលែកថា៖ «ខ្ញុំកំពុងព្យាយាមបង្រៀនកូនស្រីរបស់ខ្ញុំ ក៏ដូចជាយុវជនជាច្រើនទៀត ដើម្បីឱ្យពួកគេយល់ និងមានមោទនភាព រួមចំណែកថែរក្សា និងលើកតម្កើងសិល្បៈរបាំប្រពៃណី Khmer »។

ថ្វីត្បិតតែមានវ័យចាស់ជរា កម្លាំងទន់ខ្សោយក៏ដោយ តែលោកយាយ Thạch Thị Niêm តែងរក្សាទម្លាប់ធ្វើនំខ្ញីក្នុងរាល់ឱកាសបុណ្យទានប្រពៃណី Khmer ជានិច្ច ដើម្បីបង្រៀនដល់កូនចៅផងដែរ។

ចំពោះលោកយាយ Thạch Thị Niêm នៅអនុសង្កាត់ Biển Đông B សង្កាត់ Hiệp Thành សេចក្តីស្រឡាញ់របស់គាត់ចំពោះវប្បធម៌ជនជាតិត្រូវបានបង្ហាញតាមរយៈនំប្រពៃណីនីមួយៗផងដែរ។ ឆ្នាំនេះ ដោយសារតែមានវ័យចាស់ និងសុខភាពធ្លាក់ចុះ ទើបលោកយាយបានសម្រេចចិត្តឈប់សម្រាក និងផ្អាក់ធ្វើនំខ្ញី នំម្ទេសសម្រាប់ថ្ងៃឈប់សម្រាក និងពិធីបុណ្យផ្សេងៗផងដែរ។ ទោះជាយ៉ាងណាក៏ដោយ ដោយមិនព្រមបោះបង់ចោល លោកយាយនៅតែខិតខំរក្សាប្រពៃណីនេះ ពីព្រោះលោកយាយផ្ទាល់ចង់ឱ្យក្រុមគ្រួសាររបស់ខ្លួនចំណាយពេលច្រើនជាមួយគ្នានៅក្នុងផ្ទះបាយ ហើយសំខាន់ជាងនេះទៅទៀត គឺដើម្បីជម្រុញទឹកចិត្តកូនចៅឱ្យចូលរួមថែរក្សាសម្បត្តិវប្បធម៌ប្រពៃណីសម្រាប់កូនចៅជំនាន់ក្រោយ។

លោកយាយ Niêm មានប្រសាសន៍៖ «នំខ្ញីមិនត្រឹមតែជាម្ហូបពិសេសមួយសម្រាប់ក្នុងឱកាសបុណ្យទាន និងថ្ងៃឈប់សម្រាកប៉ុណ្ណោះទេ ប៉ុន្តែវាក៏ជាផ្នែកមួយនៃអត្តសញ្ញាណវប្បធម៌ Khmer ផងដែរ។ ដូច្នេះ ខ្ញុំចង់បង្រៀនកូនចៅៗរបស់ខ្ញុំអំពីប្រភពដើម និងតម្លៃវប្បធម៌នៃម្ហូបនេះ ដើម្បីឱ្យពួកគេដឹងពីការទទួលខុសត្រូវរបស់ខ្លួនក្នុងការថែរក្សា និងការពារវា»។

តាំងពីកំណើតនៃជីវិតគ្រួសារ តម្លៃវប្បធម៌ប្រពៃណីដ៏ស្រស់ស្អាតរបស់បងប្អូនជនរួមជាតិ Khmer មិនត្រឹមតែត្រូវបានថែរក្សាប៉ុណ្ណោះទេ ថែមទាំងរីករាលដាល និងអភិវឌ្ឍនៅក្នុងជីវិតសម័យទំនើបទៀតផង៕

Hữu Thọ - Anh Tuấn