Thứ tư, 18-11-26 15:16:38
Cà Mau, 32°C/ 32°C - 33°C Icon thời tiết nắng
Theo dõi Báo điện tử Cà Mau trên

បណ្តាទឹកចិត្តសប្បុរសធម៌ឆ្ពោះទៅកាន់កុមារក្រីក្រក្នុងរដូវបុណ្យសែនព្រះខែ

Báo Cà Mau ដោយបំណងប្រាថ្នានាំមកនូវសេចក្តីរីករាយយ៉ាងពេញលេញក្នុងពិធីបុណ្យសែនព្រះខែដល់កុមារគ្រប់រូប បុគ្គល និងអង្គការជាច្រើនបានរៀបចំអំណោយដ៏មានអត្ថន័យ ដើម្បីជូនដល់ប្អូនៗកុមារដែលមានស្ថានភាពជួបការលំបាក។

ប្អូនៗមានភាពកក់ក្តៅខណៈពេលបានចូលរួមកម្មវិធី “រាត្រីពេញបូណ៌មី”។

រដូវបុណ្យសែនព្រះខែឆ្នាំនេះ មានបងស្រីទាំង ២ រូបគឺ Võ Xuân Liễu, Võ Xuân Thuỳ នៅសង្កាត់ Bạc Liêu បានបន្តសហការជាមួយសម្ព័ន្ធយុវជនឃុំ Gành Hào បានជូននំសែនព្រះខែចំនួន ១០០ នំ និងគោមចំនួន ១០០ ដល់កុមារនៅតំបន់មាត់សមុទ្រ។ នេះជាសកម្មភាពសប្បុរសធម៌ប្រចាំឆ្នាំ ដែលបងស្រីទាំងពីរបានរក្សាអនុវត្តក្នុងរយៈពេលកន្លងមក ដើម្បីចែករំលែកការលំបាកជាមួយកុមារក្រីក្រ។

បងស្រី Võ Xuân Thuỳ បានសំណេះសំណាលថា៖ “រាល់អំណោយតូចៗដែលបានផ្ញើជូន មិនត្រឹមតែនាំមកនូវសេចក្តីរីករាយប៉ុណ្ណោះទេ ថែមទាំងជាការលើកទឹកចិត្តយ៉ាងស្មោះស្ម័គ្រផ្ញើជូនដល់ប្អូនៗកុមារទៀតផង។ ពេលឃើញស្នាមញញឹមស្រស់ស្រាយរបស់ប្អូនៗទាំងក្នុងខណៈកំពុងកាន់អំណោយក្នុងដៃ ខ្ញុំមានអារម្មណ៍ថាការងារដែលខ្លួនបានធ្វើពិតជាមានអត្ថន័យ និងស័ក្តិសមខ្លាំងណាស់។ ខ្ញុំនឹងបន្តរក្សាសកម្មភាពនេះក្នុងរដូវបុណ្យសែនព្រះខែបន្តបន្ទាប់ទៀត”។

សាខាសាកលវិទ្យាល័យ Bình Dương ប្រចាំនៅ Cà Mau ក៏បានឆ្លើយតបនឹងស្មារតីដើម្បីកុមារជាទីស្រឡាញ់ តាមរយៈកម្មវិធីបុណ្យសែនព្រះខែឆ្នាំ ២០២៦ ដែលបានរៀបចំឡើងនៅឃុំចំនួន ៣ គឺ៖ Trí Phải, Ninh Quới និង Quách Phẩm។ នៅក្នុងកម្មវិធីនេះ សាលាបានប្រគល់ជូនដោយផ្ទាល់ដៃដល់ប្អូនៗនូវអំណោយចំនួន ៦០០ ចំណែក។ អំណោយនីមួយៗរួមមាន៖ នំសែនព្រះខែ ១ នំពារ ១ នំអាកោ ១ រួមជាមួយគោមចម្រុះពណ៌ដ៏ស្រស់ឆើតឆាយ ១ ផងដែរ។

ប្អូនៗកុមារសប្បារីករាយពេកទទួលបានអំណោយក្នុងឱកាសបុណ្យសែនព្រះខែ។

បណ្ឌិត Trịnh Huỳnh An នាយករងសាកលវិទ្យាល័យ Bình Dương និងជានាយកសាខាសាកលវិទ្យាល័យ Bình Dường ប្រចាំនៅ Cà Mau បានចែករំលែកថា៖ “ការរក្សា និងសហការរៀបចំកម្មវិធីបុណ្យសែនព្រះខែប្រចាំឆ្នាំ ជាបឋមគឺផ្តើមចេញពីទំនួលខុសត្រូវសង្គមរបស់សាលាចំពោះសហគមន៍ ជាពិសេស កុមារដែលមានស្ថានភាពជួបការលំបាក។ យើងខ្ញុំមានបំណងប្រាថ្នាថា ទោះបីជាលក្ខណៈគ្រួសារនៅមានការខ្វះខាតច្រើនយ៉ាងណាក៏ដោយ ក៏ប្អូនៗនៅតែអាចមានរដូវបុណ្យសែនព្រះខែមួយដ៏សប្បាយរីករាយ កក់ក្តៅ និងទទួលបានការយកចិត្តទុកដាក់ ចែករំលែកពីសហគមន៍ផងដែរ។ ចំពោះសាលា នេះក៏ជាសកម្មភាពបង្ហាញឱ្យឃើញជាក់ស្តែងនូវទស្សនវិជ្ជាអប់រំស្តីពីការទទួលខុសត្រូវចំពោះសង្គមផងដែរ។ យើងខ្ញុំសង្ឃឹមថា រាល់រដូវបុណ្យសែនព្រះខែ មិនត្រឹមតែនាំមកនូវអំណោយ និងស្នាមញញឹមដល់ប្អូនៗកុមារប៉ុណ្ណោះទេ ថែមទាំងបណ្តុះដល់និស្សិតនូវស្មារតីរស់នៅប្រកបដោយទំនួលខុសត្រូវ និងផ្សព្វផ្សាយនូវតម្លៃដ៏ថ្លៃថ្នូរពីសាលាទៅកាន់សហគមន៍ទៀតផង”។

បណ្តាគោមបំភ្លឺរាត្រីពេញបូណ៌មី ឬនំផ្អែមនីមួយៗ មិនមែនគ្រាន់តែជាអំណោយខាងសម្ភារៈសាមញ្ញប៉ុណ្ណោះទេ ប៉ុន្តែថែមទាំងជាអណ្តាតភ្លើងដ៏កក់ក្តៅនៃសេចក្តីស្រឡាញ់ និងការចែករំលែក។ ការរួមដៃ រួមចំណែកពីទឹកចិត្តសប្បុរសរបស់បុគ្គលម្នាក់ៗរហូតដល់អង្គការអប់រំ ក៏បានបញ្ជាក់ពីស្មារតីនៃទឹកចិត្តមនុស្សធម៌យ៉ាងជ្រាលជ្រៅ៖ គ្មានកុមារណាម្នាក់ត្រូវបានទុកចោលនៅខាងក្រោយក្នុងរាត្រីបុណ្យគយគន់ព្រះចន្ទរះពេញវង់នោះឡើយ។ ទោះបីជាផ្លូវខាងមុខនៅមានការលំបាកលំបិនច្រើនក្តី ប៉ុន្តែសេចក្តីរីករាយនៅលើផ្ទៃមុខដ៏ស្លូតត្រង់នីមួយៗនៅថ្ងៃនេះ នឹងក្លាយជាអនុស្សាវរីយ៍ដ៏ល្អផូរផង់ ជួយទ្រទ្រង់ជំហានរបស់ប្អូនៗនៅលើដំណើរធំដឹងក្តី ព្រមទាំងបន្តផ្សព្វផ្សាយស្មារតីរស់នៅប្រកបដោយការទទួលខុសត្រូវ និងសេចក្តីស្រឡាញ់ក្នុងសហគមន៍៕

Trung Kiên

ដើម្បីបម្រើប្រជាជន 

ជាមួយស្មារតីទទួលខុសត្រូវ អស់ពិីចិត្តនៃកម្លាំងយុវជន តាមទិស្លោក៖​ “ជិតស្និទ្ធប្រជាជន - ជាប់ជាមួយប្រជាជន - បម្រើប្រជាជន” អនុសេនីយ៍ឯក យ័ញធេន និងជាអនុលេខាសាខាសម្ព័ន្ធយុវជននគរបាលឃុំវិញឡុកបានខិតខំប្រឹងប្រែងបំពេញភារកិច្ចជំនាញយ៉ាងល្អប្រសើរ និងចូលរួមយ៉ាងសកម្មក្នុងសកម្មភាពសន្តិសុខសង្គមនៅមូលដ្ឋានផងដែរ។

បង្អែករឹងមាំពីដើមទុនឥណទានគោលនយោបាយ

ដើមទុនឥណទានគោលនយោបាយសង្គម កំពុងក្លាយជាបង្អែកដ៏សំខាន់ ជួយដល់គ្រួសារក្រ និងគ្រួសារជួបលំបាកជាច្រើននៅឃុំវិញឡើយ ឱ្យមានលក្ខណៈវិនិយោគផលិតកម្ម អភិវឌ្ឍន៍សេដ្ឋកិច្ចគ្រួសារ ឈានឡើងលំនឹងជីវភាពជាលំដាប់។ តាមរយៈដំណើរការកម្មវិធីឱ្យខ្ចីប្រាក់អនុគ្រោះចំមុខសញ្ញា និងទាន់ពេលវេលា ការិយាល័យប្រតិបត្តិការនៃធនាគារគោលនយោបាយសង្គម  ឃុំវិញឡើយ បានរួមចំណែកបើកដើមទុន បង្កើតមុខរបរចិញ្ចឹមជីវិត និងជំរុញការកាត់បន្ថយភាពក្រីក្រដោយស្ថិរភាពក្នុងភូមិភាគ។

សម្រាលឈឺចាប់ពណ៌លឿងទុំពីគោលនយោបាយមនុស្សធម៌

ប៉ុន្មានឆ្នាំកន្លងមក ការយកចិត្តទុកដាក់ចំពោះអ្នកធ្វើសង្គ្រាមតស៊ូដែលឆ្លងជាតិពុលគីមី ព្រមទាំងសាច់ញាតិ គឺតែងត្រូវបានបក្ស និងរដ្ឋយើងយកចិត្តទុកដាក់ជាប្រចាំ។ គោលនយោបាយជាក់ស្តែងជាច្រើនត្រូវបានដាក់ចេញទាន់ពេលវេលា ដូចជា៖ ប្រាក់ឧបត្ថម្ភប្រចាំខែ ផ្តល់ប័ណ្ណធានារ៉ាប់រងសុខភាព អាទិភាពក្នុងការបុលប្រាក់។ល។ ជាពិសេស ខេត្តបាន ចលនាសាងសង់ផ្ទះចំនួន ១.០៦៩ ខ្នងជូនគ្រួសារក្រ គ្រួសារប្រកៀកក្រ និងកូនបង្កើតរបស់អ្នកឆ្លងជាតិពុលគីមី ជាមួយនឹងថវិកាសរុបជាង ៨០ ពាន់លានដុង)។ គោលនយោបាយទាំងនេះមិនត្រឹមតែជួយឧបត្ថម្ភផ្នែកសម្ភារៈប៉ុណ្ណោះទេ ថែមទាំងបង្កើនទំនុកចិត្ត ជួយជនរងគ្រោះជាតិពុលពណ៌លឿងទុំ មានលក្ខណៈឈានឡើងដើម្បីស្ថិរភាពជីវភាពរស់នៅ។

យុវជនអភិវឌ្ឍន៍ពាណិជ្ជសញ្ញាបង្កើតរបរចិញ្ចឹមជីវិតជូនប្រជាជន

ផ្តើមពីវង្គារនៃតំបន់ទឹកប្រៃ រហូតដល់គ្រាប់អង្ករ ST២៥ សរីរាង្គ យុវជនខេត្តកាម៉ាវកំពុងចាប់ផ្តើមអាជីវកម្មដោយគំនិតថ្មី យកគុណភាពបង្គើតពាណិជ្ជសញ្ញា និងការតភ្ជាប់ផលិតកម្មធ្វើជាគ្រឹះ ដើម្បីឆ្ពោះទៅរកការលើកកម្ពស់តម្លៃផលិតផលកសិកម្ម និងកែលម្អជីវភាពរស់នៅជូនប្រជាជន។

បង្កើនប្រាក់ចំណូលពីទម្រង់ដាំពុទ្រាក្រហមតាមភ្លឺស្រះចិញ្ចឹមបង្គារ

ឆ្លៀតយកផ្ទៃដីចម្ការចម្រុះលើភ្លឺស្រែបង្គាដើម្បីដាំពុទ្រាក្រហម បង ង្វៀនវៀតទៀន  នៅភូមិលេខ ៣ ឃុំដុងហាយ បានកសាងទម្រង់ផលិតកម្មដែលនាំមកនូវប្រសិទ្ធភាពសេដ្ឋកិច្ចជាជំហានៗ បើកចេញនូវទិសដៅទាញយកផលពីដីធ្លីកាន់តែមានប្រសិទ្ធភាពសម្រាប់កសិករ។

ផ្ដើមអាជីពពីការធ្វើសណ្ដែកបណ្ដុះស្អាត

ចាប់ពីធុងសណ្ដែកបណ្ដុះប៉ុន្មានធុងដើរលក់ចល័ត បង Hữu Vẹn នៅភូមិ Đường Đào ឃុំ Hồ Thị Kỷ សន្សឹមៗបង្កើតបានជាមូលដ្ឋានផលិតសណ្ដែកបណ្ដុះ ដែលមានទីផ្សារលក់ចេញយ៉ាងលំនឹងផងដែរ។ មិនត្រឹមតែបង្កើតប្រភពចំណូលចិញ្ចឹមគ្រួសារប៉ុណ្ណោះទេ បងថែមទាំងមានបំណងនាំយកផលិតផលសណ្ដែកបណ្ដុះស្អាត និងមានសុវត្ថិភាព ទៅដល់ប្រជាជនជាច្រើននៅក្នុងភូមិភាគទៀតផង។

ធ្វើមានផ្តើមពីទម្រង់ចិញ្ចឹមសត្វចម្រុះ

ដោយភាពឧស្សាហ៍ព្យាយាម អត់ធ្មត់ និងស្មារតីសង្វាតរៀនសូត្រ លោក Danh Sil នៅភូមិ Ninh Thạnh Tây ឃុំ Ninh Thạnh Lợi ក៏មានលក្ខណៈអភិវឌ្ឍសេដ្ឋកិច្ចគ្រួសារជាសន្សឹមៗ ពីទម្រង់ចិញ្ចឹមសត្វចម្រុះ។ ជាមួយសត្វប្រមាជាង ២០០ ក្បាល ជ្រូកមេ ៧ ក្បាល និងទម្រង់ចិញ្ចឹមចាន់ល្មម គ្រួសារលោកមានចំណូលជាង ៣០០ លានដុងក្នុងមួយឆ្នាំៗផងដែរ។ មិនត្រឹមតែយកចិត្តទុកដាក់អភិវឌ្ឍសេដ្ឋកិច្ចប៉ុណ្ណោះទេ លោកថែមទាំងចិញ្ចឹមបីបាច់កូន ២ នាក់ឱ្យធំដឹងក្តី មានការងារធ្វើនឹងនរ សាងជីវភាពគ្រួសារធូរធារ សុភមង្គល។

មនោសញ្ចេតនារវាងកងទ័ព និងប្រជាជនតំបន់ព្រំដែន

ផ្តើមពីបណ្ដាអំណោយទាំងឡាយ វាចារសួរសុខទុក្ខ រហូតដល់ការរួមដំណើរជាមួយសិស្សានុសិស្សមានស្ថានភាពលំបាក កម្មាភិបាល យុទ្ធជនកងទ័ពការពារព្រំដែនខេត្ត Cà Mau កំពុងរួមចំណែកបន្ថែមនូវរឿងរ៉ាវដ៏ល្អប្រសើរអំពីមនោសញ្ចេតនារវាងកងទ័ព និងប្រជាជននៅតំបន់ព្រំដែនសមុទ្រ។

បណ្តាទឹកចិត្តសប្បុរសធម៌ឆ្ពោះទៅកាន់កុមារក្រីក្រក្នុងរដូវបុណ្យសែនព្រះខែ

ដោយបំណងប្រាថ្នានាំមកនូវសេចក្តីរីករាយយ៉ាងពេញលេញក្នុងពិធីបុណ្យសែនព្រះខែដល់កុមារគ្រប់រូប បុគ្គល និងអង្គការជាច្រើនបានរៀបចំអំណោយដ៏មានអត្ថន័យ ដើម្បីជូនដល់ប្អូនៗកុមារដែលមានស្ថានភាពជួបការលំបាក។

ចិញ្ចឹមគោពូជ លំនឹងជីវភាព

លើដំណើរផ្លូវជម្នះការលំបាករបស់ប្រជាជនក្រីក្រឃុំ Phong Hiệp សមាគមអតីតយុទ្ធជនឃុំតែងរួមដំណើរ និងណែនាំបច្ចេកទេសជូនប្រជាពលរដ្ឋអនុវត្តប្រកបដោយប្រសិទ្ធភាពនូវគ្រប់ទម្រង់។ ការរួមដំណើរប្រកបដោយការទទួលខុសត្រូវនោះបានក្លាយជាកម្លាំងចលករ ជួយគ្រួសារក្រីក្រជាច្រើនមានទំនុកចិត្តអភិវឌ្ឍន៍សេដ្ឋកិច្ច និងចាកផុតពីភាពក្រីក្រប្រកបដោយចីរភាព។