Thứ hai, 23-11-26 05:30:27
Cà Mau, 32°C/ 32°C - 33°C Icon thời tiết nắng
Theo dõi Báo điện tử Cà Mau trên

មនោសញ្ចេតនារវាងកងទ័ព និងប្រជាជនតំបន់ព្រំដែន

Báo Cà Mau ផ្តើមពីបណ្ដាអំណោយទាំងឡាយ វាចារសួរសុខទុក្ខ រហូតដល់ការរួមដំណើរជាមួយសិស្សានុសិស្សមានស្ថានភាពលំបាក កម្មាភិបាល យុទ្ធជនកងទ័ពការពារព្រំដែនខេត្ត Cà Mau កំពុងរួមចំណែកបន្ថែមនូវរឿងរ៉ាវដ៏ល្អប្រសើរអំពីមនោសញ្ចេតនារវាងកងទ័ព និងប្រជាជននៅតំបន់ព្រំដែនសមុទ្រ។

ប៉ុស្តិ៍ការពារព្រំដែន Gành Hào និងសមាគមនារីឃុំ Gành Hào អញ្ជើញចុះសួរសុខទុក្ខ លើកទឹកចិត្តបណ្ដាគ្រួសារស្ត្រី និងកុមារមានស្ថានភាពលំបាក។

ថ្មីៗនេះ ប៉ុស្តិ៍ការពារព្រំដែន Gành Hào បានសហការជាមួយសមាគមសហព័ន្ធនារីឃុំ Gành Hào អញ្ជើញចុះទៅសួរសុខទុក្ខ លើកទឹកចិត្ត និងប្រគល់អំណោយចំនួន ៥ ចំណែក (មួយចំណែកៗមានតម្លៃស្មើនឹងទឹកប្រាក់ ៥០០ ពាន់ដុង) ព្រមទាំងសៀវភៅសរសេរ ១០០ ក្បាល ជូនដល់បណ្ដាគ្រួសារស្ត្រី និងសិស្សានុសិស្សដែលមានស្ថានភាពលំបាកនៅភូមិលេខ ១ ភូមិលេខ ២ និងភូមិ Ngọc Điền។

គ្រួសារនីមួយៗសុទ្ធតែមានស្ថានភាពរៀងៗខ្លួន៖ គ្មានការងារធ្វើនឹងនរ អ្នកខ្លះកើតមានជំងឺឈឺថ្កាត់ជាប្រចាំ ចំណូលពឹងផ្អែកជាចម្បងលើការស៊ីឈ្នួល។ល។ ចំណុចរួមរវាងពួកគេ គឺជីវភាពរស់នៅនៅតែជួបការខ្វះខាតច្រើន។

លោកស្រី Lê Như Yến នៅភូមិ Ngọc Điền បានរៀបរាប់ថា៖ «ប្ដីខ្ញុំគ្មានការងារធ្វើនឹងនរនោះទេ ចំណែក ខ្ញុំផ្ទាល់តែងកើតមានជំងឺឈឺថ្កាត់ជាប្រចាំ ក្នុងខណៈគ្រួសារកំពុងចិញ្ចឹមកូនតូច ២ នាក់ផងដែរ។ ទទួលបានការសួរសុខទុក្ខ លើកទឹកចិត្តជាប្រចាំពីសំណាក់បណ្ដាពូៗកងទ័ពការពារព្រំដែន និងបងប្អូនស្ត្រីនៃសមាគមនារី គ្រួសារខ្ញុំរំភើបចិត្តខ្លាំងណាស់។ អំណោយទោះបីមិនធំដុំពិតមែន ប៉ុន្តែបានជួយគ្រួសារខ្ញុំសម្រាលការលំបាកបានមួយចំណែកផងដែរ»។

ប៉ុស្តិ៍ការពារព្រំដែន Gành Hào និងសមាគមនារីឃុំ Gành Hào ប្រគល់អំណោយឧបត្ថម្ភដល់អ្នកមីង Lê Như Yến។

វរសេនីយ៍ត្រី Nguyễn Minh Thương ស្នងការនយោបាយរងនៃប៉ុស្តិ៍ការពារព្រំដែន Gành Hào បានឱ្យដឹងថា៖ «អង្គភាពតែងសហការជាប្រចាំជាមួយភូមិភាគដើម្បីក្តាប់ស្ថានភាពជីវភាពរបស់ប្រជាជន ជាពិសេសគឺគ្រួសារមានស្ថានភាពលំបាក ដើម្បីជួយឧបត្ថម្ភសមស្រប ជួយឱ្យប្អូនៗកុមារមានលក្ខណៈបន្ថែមទៀតក្នុងការបន្តទៅសាលា»។

លោកស្រី Huỳnh Hồng Sa ប្រធានសមាគមសហព័ន្ធនារីឃុំ Gành Hào បានចែករំលែកថា៖ «រាល់ពេលចុះទៅសួរសុខទុក្ខបណ្ដាគ្រួសារ បានស្តាប់បងប្អូនប្រជាពលរដ្ឋសំណេះសំណាលអំពីជីវភាព ទើបកាន់តែឃើញច្បាស់នូវការលំបាកដែលពួកគាត់ជួបប្រទះ។ អាស្រ័យហេតុនោះ សមាគមបានសហការយ៉ាងជិតស្និទ្ធជាមួយបណ្ដាអង្គភាព អនុវត្តសកម្មភាពជាក់ស្តែងជាច្រើន ជួយឧបត្ថម្ភស្ត្រី កុមារ និងគ្រួសារដែលនៅជួបការលំបាកលើភូមិសាស្ត្រ»។

វរសេនីយ៍ឯក Phạm Minh Giang ស្នងការនយោបាយកងទ័ពការពារព្រំដែនខេត្ត Cà Mau បានឱ្យដឹងថា៖ «ជារៀងរាល់ឆ្នាំ ក្នុងឱកាសបើកបវេសនកាលឆ្នាំសិក្សាថ្មី គណៈបញ្ជាការកងទ័ពការពារព្រំដែនខេត្ត និងបណ្ដាអង្គភាពបានបំផុសចលនាអាជីវកម្ម សប្បុរសជន កម្មាភិបាល យុទ្ធជនរួមចំណែក ដើម្បីៀផ្តល់អាហារូបករណ៍ ជូនអំណោយ ឧបត្ថម្ភដល់សិស្សានុសិស្សដែលមានស្ថានភាពជួបលំបាកនៅតំបន់ព្រំដែនសមុទ្រ។ តាមរយៈនោះ ជួយឱ្យប្អូនៗមានលក្ខណៈបន្ថែមក្នុងការទៅសាលារៀន កក់ក្តៅចិត្តរៀនសូត្រ និងឈានឡើងក្នុងជីវិត។ ទន្ទឹមនឹងនោះ បង្ហាញពីការទទួលខុសត្រូវរបស់យុទ្ធជនការពារព្រំដែនក្នុងការងារចលនាមហាជន គិតគូរដល់វិស័យសិក្សាអប់រំ និងកសាងតំបន់ព្រំដែនសមុទ្រឱ្យកាន់តែរឹងមាំ»៕

ប៉ុស្តិ៍ការពារព្រំដែនហ្កា Gành Hào និងសមាគមនារីឃុំ Gành Hào ប្រគល់អំណោយដល់គ្រួសារអ្នកមីង Nguyễn Thị Anh នៅភូមិលេខ ២ ឃុំ Gành Hào។

ប្រអប់ ៖

ដើមឆ្នាំសិក្សាថ្មី គណៈបញ្ជាការកងទ័ពការពារព្រំដែនខេត្ត និងមេបញ្ជាការបណ្ដាប៉ុស្តិ៍ កងនាវាការពារព្រំដែន បានទទួលជួយឧបត្ថម្ភ ទំនុកបម្រុងដល់សិស្សានុសិស្សនៅ ៣៣ ចំណុចសាលាលើតំបន់ព្រំដែននៃខេត្ត។ បណ្ដាអង្គភាពបានប្រគល់អំណោយ ២៧០ ចំណែក កង់ ២៥ គ្រឿង សៀវភៅសរសេរជាង ១០ ពាន់ក្បាល កាតាប ២០ គ្រឿង សម្លៀកបំពាក់ឯកសណ្ឋាន ២០ កំប្លេ ព្រមទាំងចំណែកអំណោយជាក់ស្តែងជាច្រើនទៀតជូនដល់សិស្សានុសិស្សដែលមានស្ថានភាពលំបាក ដោយតម្លៃទឹកប្រាក់សរុបជាង ៤៥០ លានដុង៕

Kim Cương - Hoàng Tá

 

បង្កើនប្រាក់ចំណូលពីការចិញ្ចឹមពស់ផ្អក

បន្ទាប់ចេញពីយោងធាវិលត្រឡប់មកស្រុកកំណើតវិញ ជាមួយនឹងគុណសម្បត្តិជាទាហានរបស់ Bác Hồ អតីតយុទ្ធជន Nguyễn Văn Thu នៅភូមិ Thanh Tùng ឃុំ Biển Bạch បានបញ្ជាក់ពីទិសដៅដ៏ល្អត្រឹមត្រូវជាមួយនឹងទម្រង់ចិញ្ចឹមពស់ផ្អក។ មិនត្រឹមតែបានបង្កើននូវប្រភពប្រាក់ចំណូលគ្រួសារប៉ុណ្ណោះទេ លោកថែមទាំងត្រៀមជាស្រេចសម្រាប់ការចែករំលែកនូវបទពិសោធរបស់ខ្លួនដើម្បីមាមីងបងប្អូនរួមគ្នាអភិវឌ្ឍសេដ្ឋកិច្ច។

ដើម្បីបម្រើប្រជាជន 

ជាមួយស្មារតីទទួលខុសត្រូវ អស់ពិីចិត្តនៃកម្លាំងយុវជន តាមទិស្លោក៖​ “ជិតស្និទ្ធប្រជាជន - ជាប់ជាមួយប្រជាជន - បម្រើប្រជាជន” អនុសេនីយ៍ឯក យ័ញធេន និងជាអនុលេខាសាខាសម្ព័ន្ធយុវជននគរបាលឃុំវិញឡុកបានខិតខំប្រឹងប្រែងបំពេញភារកិច្ចជំនាញយ៉ាងល្អប្រសើរ និងចូលរួមយ៉ាងសកម្មក្នុងសកម្មភាពសន្តិសុខសង្គមនៅមូលដ្ឋានផងដែរ។

បង្អែករឹងមាំពីដើមទុនឥណទានគោលនយោបាយ

ដើមទុនឥណទានគោលនយោបាយសង្គម កំពុងក្លាយជាបង្អែកដ៏សំខាន់ ជួយដល់គ្រួសារក្រ និងគ្រួសារជួបលំបាកជាច្រើននៅឃុំវិញឡើយ ឱ្យមានលក្ខណៈវិនិយោគផលិតកម្ម អភិវឌ្ឍន៍សេដ្ឋកិច្ចគ្រួសារ ឈានឡើងលំនឹងជីវភាពជាលំដាប់។ តាមរយៈដំណើរការកម្មវិធីឱ្យខ្ចីប្រាក់អនុគ្រោះចំមុខសញ្ញា និងទាន់ពេលវេលា ការិយាល័យប្រតិបត្តិការនៃធនាគារគោលនយោបាយសង្គម  ឃុំវិញឡើយ បានរួមចំណែកបើកដើមទុន បង្កើតមុខរបរចិញ្ចឹមជីវិត និងជំរុញការកាត់បន្ថយភាពក្រីក្រដោយស្ថិរភាពក្នុងភូមិភាគ។

សម្រាលឈឺចាប់ពណ៌លឿងទុំពីគោលនយោបាយមនុស្សធម៌

ប៉ុន្មានឆ្នាំកន្លងមក ការយកចិត្តទុកដាក់ចំពោះអ្នកធ្វើសង្គ្រាមតស៊ូដែលឆ្លងជាតិពុលគីមី ព្រមទាំងសាច់ញាតិ គឺតែងត្រូវបានបក្ស និងរដ្ឋយើងយកចិត្តទុកដាក់ជាប្រចាំ។ គោលនយោបាយជាក់ស្តែងជាច្រើនត្រូវបានដាក់ចេញទាន់ពេលវេលា ដូចជា៖ ប្រាក់ឧបត្ថម្ភប្រចាំខែ ផ្តល់ប័ណ្ណធានារ៉ាប់រងសុខភាព អាទិភាពក្នុងការបុលប្រាក់។ល។ ជាពិសេស ខេត្តបាន ចលនាសាងសង់ផ្ទះចំនួន ១.០៦៩ ខ្នងជូនគ្រួសារក្រ គ្រួសារប្រកៀកក្រ និងកូនបង្កើតរបស់អ្នកឆ្លងជាតិពុលគីមី ជាមួយនឹងថវិកាសរុបជាង ៨០ ពាន់លានដុង)។ គោលនយោបាយទាំងនេះមិនត្រឹមតែជួយឧបត្ថម្ភផ្នែកសម្ភារៈប៉ុណ្ណោះទេ ថែមទាំងបង្កើនទំនុកចិត្ត ជួយជនរងគ្រោះជាតិពុលពណ៌លឿងទុំ មានលក្ខណៈឈានឡើងដើម្បីស្ថិរភាពជីវភាពរស់នៅ។

យុវជនអភិវឌ្ឍន៍ពាណិជ្ជសញ្ញាបង្កើតរបរចិញ្ចឹមជីវិតជូនប្រជាជន

ផ្តើមពីវង្គារនៃតំបន់ទឹកប្រៃ រហូតដល់គ្រាប់អង្ករ ST២៥ សរីរាង្គ យុវជនខេត្តកាម៉ាវកំពុងចាប់ផ្តើមអាជីវកម្មដោយគំនិតថ្មី យកគុណភាពបង្គើតពាណិជ្ជសញ្ញា និងការតភ្ជាប់ផលិតកម្មធ្វើជាគ្រឹះ ដើម្បីឆ្ពោះទៅរកការលើកកម្ពស់តម្លៃផលិតផលកសិកម្ម និងកែលម្អជីវភាពរស់នៅជូនប្រជាជន។

បង្កើនប្រាក់ចំណូលពីទម្រង់ដាំពុទ្រាក្រហមតាមភ្លឺស្រះចិញ្ចឹមបង្គារ

ឆ្លៀតយកផ្ទៃដីចម្ការចម្រុះលើភ្លឺស្រែបង្គាដើម្បីដាំពុទ្រាក្រហម បង ង្វៀនវៀតទៀន  នៅភូមិលេខ ៣ ឃុំដុងហាយ បានកសាងទម្រង់ផលិតកម្មដែលនាំមកនូវប្រសិទ្ធភាពសេដ្ឋកិច្ចជាជំហានៗ បើកចេញនូវទិសដៅទាញយកផលពីដីធ្លីកាន់តែមានប្រសិទ្ធភាពសម្រាប់កសិករ។

ផ្ដើមអាជីពពីការធ្វើសណ្ដែកបណ្ដុះស្អាត

ចាប់ពីធុងសណ្ដែកបណ្ដុះប៉ុន្មានធុងដើរលក់ចល័ត បង Hữu Vẹn នៅភូមិ Đường Đào ឃុំ Hồ Thị Kỷ សន្សឹមៗបង្កើតបានជាមូលដ្ឋានផលិតសណ្ដែកបណ្ដុះ ដែលមានទីផ្សារលក់ចេញយ៉ាងលំនឹងផងដែរ។ មិនត្រឹមតែបង្កើតប្រភពចំណូលចិញ្ចឹមគ្រួសារប៉ុណ្ណោះទេ បងថែមទាំងមានបំណងនាំយកផលិតផលសណ្ដែកបណ្ដុះស្អាត និងមានសុវត្ថិភាព ទៅដល់ប្រជាជនជាច្រើននៅក្នុងភូមិភាគទៀតផង។

ធ្វើមានផ្តើមពីទម្រង់ចិញ្ចឹមសត្វចម្រុះ

ដោយភាពឧស្សាហ៍ព្យាយាម អត់ធ្មត់ និងស្មារតីសង្វាតរៀនសូត្រ លោក Danh Sil នៅភូមិ Ninh Thạnh Tây ឃុំ Ninh Thạnh Lợi ក៏មានលក្ខណៈអភិវឌ្ឍសេដ្ឋកិច្ចគ្រួសារជាសន្សឹមៗ ពីទម្រង់ចិញ្ចឹមសត្វចម្រុះ។ ជាមួយសត្វប្រមាជាង ២០០ ក្បាល ជ្រូកមេ ៧ ក្បាល និងទម្រង់ចិញ្ចឹមចាន់ល្មម គ្រួសារលោកមានចំណូលជាង ៣០០ លានដុងក្នុងមួយឆ្នាំៗផងដែរ។ មិនត្រឹមតែយកចិត្តទុកដាក់អភិវឌ្ឍសេដ្ឋកិច្ចប៉ុណ្ណោះទេ លោកថែមទាំងចិញ្ចឹមបីបាច់កូន ២ នាក់ឱ្យធំដឹងក្តី មានការងារធ្វើនឹងនរ សាងជីវភាពគ្រួសារធូរធារ សុភមង្គល។

មនោសញ្ចេតនារវាងកងទ័ព និងប្រជាជនតំបន់ព្រំដែន

ផ្តើមពីបណ្ដាអំណោយទាំងឡាយ វាចារសួរសុខទុក្ខ រហូតដល់ការរួមដំណើរជាមួយសិស្សានុសិស្សមានស្ថានភាពលំបាក កម្មាភិបាល យុទ្ធជនកងទ័ពការពារព្រំដែនខេត្ត Cà Mau កំពុងរួមចំណែកបន្ថែមនូវរឿងរ៉ាវដ៏ល្អប្រសើរអំពីមនោសញ្ចេតនារវាងកងទ័ព និងប្រជាជននៅតំបន់ព្រំដែនសមុទ្រ។

បណ្តាទឹកចិត្តសប្បុរសធម៌ឆ្ពោះទៅកាន់កុមារក្រីក្រក្នុងរដូវបុណ្យសែនព្រះខែ

ដោយបំណងប្រាថ្នានាំមកនូវសេចក្តីរីករាយយ៉ាងពេញលេញក្នុងពិធីបុណ្យសែនព្រះខែដល់កុមារគ្រប់រូប បុគ្គល និងអង្គការជាច្រើនបានរៀបចំអំណោយដ៏មានអត្ថន័យ ដើម្បីជូនដល់ប្អូនៗកុមារដែលមានស្ថានភាពជួបការលំបាក។