សារព័ត៌មានក្នុងជីវភាពរស់នៅរបស់ជនជាតិភាគតិច

រួមដំណើរការជាមួយការអភិវឌ្ឍន៍របស់បងប្អូនជនជាតិភាគតិច សារព័ត៌មានកាម៉ាវមានតួនាទីដ៏សំខាន់ ជំនួយបងប្អូនជនរួមជាតិក្តាប់បានទាន់សភាពការអំពីវិធានការគោលនយោបាយរបស់បក្ស និងក្រឹត្យច្បាប់រដ្ឋធ្វើឲ្យផ្លាស់ប្តូរគំនិត្យ និងលើកកម្ពស់ ចំណេះដឹង ព្រមទាំងស្មារតីសម្ភារៈរបស់បងប្អូនខ្មែរ។

សេដ្ឋកិច្ច-សង្គមមានការអភិវឌ្ឍន៍ បងប្អូនជនជាតិភាគតិចនៅកាម៉ាវក៏មានលក្ខណៈបានចូលកៀកជាមួយបណ្តាប្រភេទនៃទម្រង់សារព័ត៌មានដូចជា៖ អានកាសែត ទស្សនាលើកញ្ចក់ទូរទស្សន៍ និងអានកាសែតអេឡិកត្រូនិកតាមទូរស័ព្ទឆ្លាតវៃជាដើម ឬក៏ស្តាប់វិទ្យុតាមបណ្តាប្រព័ន្ធឃោសនស័ព្ទតាមភូមិ។ គ្រប់បណ្តាស្ថាប័នសារព័ត៌មានក្នុងខេត្តក៏បានបង្កើតទំព័រអេឡិកត្រូនិកស្តីពីសកម្មភាពជនជាតិ គោលនយោបាយជនជាតិ អភិរក្សនិងពង្រីកបណ្តាតម្លៃប្រពៃណីដ៏      ថ្លៃថ្នូរ ព្រមទាំងលុបបំបាត់រាល់អាបិយជំនឿផ្សេងៗដែលមិនសម ស្រប កសាងជីវភាពវប្បធម៌តាមសម័យថ្មី។

ដែលជាស្ថាប័នខាងបញ្ចេញមតិរបស់គណៈបក្សខេត្ត រយៈកាល កន្លង កាសែតកាម៉ាវក៏បានផ្សព្វផ្សាយមានប្រសិទ្ធភាពចំពោះការ ងារជនជាតិ និងគោលនយោបាយជនជាតិជូនបងប្អូនជនរួមជាតិ          ផងដែរ។ ដែលគួរឲ្យកត់សម្គាល់នោះគឺ កាសែតកាម៉ាវ បានសហការជាមួយគណៈជនជាតិខេត្តដើម្បីនាំយកនៅផលិតផលទ្វេភាសា វៀត-ខ្មែរ ទៅតាមវត្តអារាម សាលាទាន សាលារៀន និងអ្នកមាន       ប្រជាប្រិយក្នុងជនរួមជាតិ។ល។ គ្រប់បណ្តាខ្លឹមសារទាំងឡាយតែងមានការកែច្នៃតាមទិសដៅសម្បូររូបភាព ខ្លឹមសារខ្លីងាយស្រួលបងប្អូនខ្មែរអានឆាប់យល់ដើម្បីយកទៅអនុវត្តតាម។ កន្លងថ្មីៗនេះ កាសែតកាម៉ាវបានបង្កើតទំព័រភាសាខ្មែរអេឡិកត្រូនិក សម្រាប់ផ្សព្វ ផ្សាយសារព័ត៌មានជូនបងប្អូនជនជាតិភាគតិចបានយ៉ាងឆាប់រហ័ស ចំណាប់អារម្មណ៍ និងមានប្រសិទ្ធភាពបំផុត។

ផលិតផលទ្វេភាសា វៀត-ខ្មែរ មានវត្តមាននៅតាមវត្ត តែងផ្តល់ចំណេះដឹងយ៉ាងមានអត្ថប្រយោជន៍     សម្រាប់ព្រះសង្ឃ ពុទ្ធបរិស័ទ ដើម្បីអ្នករាល់គ្នាកាន់តែមានការគោរពស្រឡាញ់ភាសានិងអក្សរសាស្ត្រ របស់ខ្លួនថែមទៀត។  រូបថត៖ ម៉ោងអានកាសែតរបស់ប្អូនៗ​​​រៀនអក្សរខ្មែរនារដូវវិស្សមកាលនៅវត្ត សិរីមង្គល ជ្រុងខ្មែរ ឃុំហូធីគី ស្រុកធើយប៊ិញ។

ព្រះតេជគុណ ហ៊ឺវញ៉ីវ ចៅអធិការវត្តសិរីមង្គល ជ្រុងខ្មែរ ឃុំហូធីគី ស្រុកធើយប៊ិញ មានសង្ឃដីការ៖ “វត្តគឺជាមណ្ឌលសម្រាប់ សកម្មភាពជំនឿសាសនា វប្បធម៌ សីលធម៌របស់បងប្អូនជនរួមជាតិ អាស្រ័យដូច្នេះហើយ ខណៈដែលវត្តទទួលបានកាសែត អាត្មាភាពតែងរក្សទុកយ៉ាងហ្មត់ចត់សម្រាប់មាមីងបងប្អូនពុទ្ធបរិស័ទអញ្ជើញមកវត្តអាចស្វែករកអាន និងរៀនសូត្រដកពិសោធបានខ្លះដើម្បីបំ ប៉នចំណេះដឹង ព្រមទាំងសកម្មចូលរួមអនុវត្តបណ្តាប្រពៃណីប្រឡងប្រណាំងស្នេហាជាតិ ពិសេសការចលនាទូទាំងប្រជាជនសាមគ្គី       កសាងជនបទថ្មី”។

បណ្តាគ្រូបង្រៀនអក្សរខ្មែរគ្រប់រូបមានដំណងដើម្បីប្អូនៗកាន់តែយកចិត្តទុកដាក់ស្វែងយល់អំពីប្រការល្អៗតាមទំព័រសារព័ត៌មាន។ (ក្នុងរូបថត៖ ថ្នាក់រៀនអក្សរខែ្មរនារដូវ វិស្សមកាលនៅវត្តសិរីមង្គល ជ្រុងខ្មែរ ឃុំហូធីគី ស្រុកធើយប៊ិញ)។

ទន្ទឹមជាមួយការផ្តល់ព្រឹត្តិការព័ត៌មាន សារព័ត៌មានចាត់ទុកជា សៀវភៅកាន់ដៃសម្រាប់ជំនួយមាមីងបងប្អូនតាមតំបន់ឆ្ងាយដាច់        ស្រយាលបានចូលកៀក និងអនុវត្តបច្ចេកវិទ្យា លើកកម្ពស់ការ ផលិត អភិវឌ្ឍន៍សេដ្ឋកិច្ច-សង្គមនៅភូមិភាគ។ ផ្តើមពីនោះ រំលឹកសាឡើងវិញចំពោះអ្នករាល់គ្នាឲ្យមានការភ្ញាក់រលឹកក្នុងការខិតខំឈានឡើងដោយកម្លាំងខ្លួនឯង និងចេះជួយគ្នា ទៅវិញទៅមក រួមគ្នាកសាងសហគមន៍ឲ្យកាន់តែគ្រប់គ្រាន់និង សម្បូររុងរឿង។

លើប្រព័ន្ធកាសែតអេឡិកត្រូនិក ក៏បានជំនួយប្អូនៗសិស្សសាលាងាយស្រួលក្តាប់ព័ត៌មានលម្អិតដែលមានអត្ថប្រយោជន៍សម្រាប់ក្នុងការសិក្សារៀនសូត្រ លត់ដំនិងស្វែងយល់បន្ថែមខាងចំណឹងបែបថ្មីទំនើប។

លោកត្រឹងវុំាងកឿន កសិករនៅភូមិលេខ៨ ឃុំខាញ់ប៊ិញដុង ស្រុកត្រឹងវុំាងថើយ មានប្រសាសន៍៖ “ទម្លាប់របស់គ្រួសារខ្ញុំគឺក្រោយ ពេលត្រឡប់មកពីស្រែចម្ការវិញ យើងខ្ញុំតែងនិយមអានកាសែត  ដើម្បីតាមដានព្រឹត្តិការណ៍ព័ត៌មាន ក្នុងខេត្ត និងអន្តរជាតិ ព្រមទាំងបណ្តាកម្មវិធីកម្សាន្តសប្បាយផ្សេងៗតាមកញ្ចក់ទូរទស្សន៍។ ផ្តើមពី នោះ ខ្ញុំយល់បានច្បាស់អំពីការយកចិត្តទុកដាក់របស់បក្សនិងរដ្ឋចំពោះបងប្អូនជនរួមជាតិភាគតិច ព្រមទាំងទូន្មានកូនចៅឲ្យខិតខំព្យាយាមរកស៊ី អភិវឌ្ឍន៍សេដ្ឋកិច្ចគ្រួសារ”។

រៀងរាល់ពេលរសៀល គ្រួសារលោក ត្រឹងវុំាងកឿន នៅភូមិលេខ៨ ឃុំខាញ់ប៊ិញដុង តែងរួមគ្នាតាមដានព័ត៌មានក្នុងខេត្តនិងអន្តរជាតិ។

សារព័ត៌មាន និងសាគមនាគមន៍បានផ្តល់ជូនចំណេះដឹងយ៉ាង  ជ្រៅជ្រះសម្រាប់ជំហរមុខរបស់គ្រប់បណ្តាភូមិ សង្កាត់ អនុវត្តចូល    ក្នុងការឃោសនាចលនាផ្សព្វផ្សាយ។ នេះសុទ្ធសឹងជាប្រព័ន្ធទំនាក់ទំនងដ៏សំខាន់ដើម្បីតភ្ជាប់រវាងឆន្ទៈរបស់បក្សនិងទឹកចិត្តប្រជាជន  លោកប៊ូយថាញត្រា ប្រធានទទួលបន្ទុកការងារខាងរណសិរ្សភូមិលេខ៨ ឃុំខាញ់ប៊ិញដុង មានប្រសាសន៍៖ “រាល់ពេលងានកាសែតនិងតាមដានទូរទស្សន៍ម្តងៗ បានយល់ច្បាស់អំពីគោលនយោបាយ ថ្មីដែលទើបដាក់ចេញ យើងខ្ញុំក៏ធ្វើការផ្សព្វផ្សាយជូនមាមីងបងប្អូនក្តាប់ ព្រមទាំងណែនាំអំពីបណ្តាទម្រង់ចិញ្ចឹមដាំដុះ ជំនួយបងប្អូន ចាកផុតក្រ។ យើងខ្ញុំផ្សព្វផ្សាយ ណែនាំមាមីងបងប្អូនឲ្យយល់ដឹងអំពីការជម្រើសតាមដានព័ត៌មានដែលមានអត្ថប្រយោជន៍ និងបង្កើនស្មារតីប្រុងប្រយ័ត្នជាទីបំផុត។ អានិយាយបានថា អាស្រ័យសារព័ត៌ មានមានការរីកចម្រើនដូចសព្វថ្ងៃ ទើបជីវភាពបងប្អូនប្រជាជនទាំងឡាយរស់នៅទីនេះមួយថ្ងៃកាន់តែរីកចម្រើន”។

កាសែតកាម៉ាវ ក៏បានស៊ីជម្រៅរាល់គ្រប់វិស័យនៃការរស់នៅក្នុងសង្គម ព្រមទាំងបម្រើគ្រប់ស្រទាប់វណ្ណៈប្រជាជន។ នេះគឺជាខ្លឹមសារ រួមចំណែកអនុវត្តគម្រោងការទី១០ (សារគមនាគន៍ ផ្សព្វផ្សាយ ចលនាក្នុងតំបន់ជនជាតិភាគតិច និងតំបន់ភ្នំស្ថិតក្នុងកម្មវិធីគោលដៅជាតិអភិវឌ្ឍន៍សេដ្ឋកិច្ច-សង្គមតំបន់ជនជាតិភាគតិច និងតំបន់ភ្នំរបស់ជនរួមជាតិចំពោះបក្សនិងរដ្ឋ ជំនួយពួកគាត់មានការផ្លាស់ប្តូរគំនិត្យ ខិតខំឈានឡើងលើកកម្ពស់គុណភាពក្នុងការរស់នៅ៕

អនុវត្តដោយ៖ ម៉ុងធឿង