Truyền hình
ប៉ុន្មានឆ្នាំកន្លង ព្រះសង្ឃនិងប្រជាពុទ្ធបរិស័ទខ្មែរនៅកាម៉ាវតែងរួមដំណើរការជាមួយរដ្ឋអំណាចភូមិភាគអនុវត្តល្អបណ្តាប្រពៃណីស្នេហាជាតិ កសាងជីវភាពវប្បធម៌ ព្រមទាំងផ្សព្វផ្សាយគោលនយោបាយបក្ស និងក្រឹត្យច្បាប់ របស់រដ្ឋដល់បងប្អុនជនរួមជាតិ។ ផ្តើមពីនោះ ក៏បានរួមចំណែកយ៉ាងធំចំពោះការពង្រឹងផែនមហាសាមគ្គី និង បង្កើនទំនុកចិត្តរបស់បងប្អូនជនរួមជាតិខ្មែរជាមួយបក្សនិងរដ្ឋ ព្រមទាំងជំនួយកម្លាំងយ៉ាងសកម្មដើម្បីបងប្អូនខ្មែរឈានឡើងលំនឹងជីវភាព។
ក្នុងបណ្តាពិធីបុណ្យទានប្រពៃណីខ្មែរ សកម្មភាពកម្សាន្ត សប្បាយជាមួយបណ្តាលែ្បងប្រជាប្រិយ សិល្បៈ កីឡាជាដើមក៏ ត្រូវបានបង្កើតទីលានសម្រាប់កម្សាន្តសប្បាយយ៉ាងខ្ញៀវខ្ញាក្នុង ព្រជាពុទ្ធបរិស័ទនិងសហគមគ្រប់បណ្តាជនជាតិជាបងប្អូនលើ ភូមិសាស្ត្រផងដែរ។
ព្រះសង្ឃទាំងឡាយបានពង្រីកតួនាទិដ៏សំខាន់របស់ខ្លួនក្នុងការផ្សព្វផ្សាយ ណែនាំប្រជាពុទ្ធបរិស័ទដើម្បីអនុវត្តល្អត្រឹមត្រូវរាល់សកម្មភាពជំនឿសាសនាក្នុងរដូវបុណ្យទានប្រពៃណីរបស់ជនរួមជាតិខ្មែរ។
ព្រះឧបជ្ឈាយ៍ ថាច់ហារិ៍ ប្រធានគណៈសង្ឃាភិបាលសមាគមពុទ្ធសាសនាវៀតណាមខេត្ត ប្រធានសមាគមព្រះសង្ឃសាមគ្គី ស្នេហាជាតិខេត្ត មានថរដីដីការ៖ “វត្តគឺជាទីតាំងសម្រាប់ចាត់ តាំងរាល់សកម្មភាពវប្បធម៌ប្រពៃណីរបស់ជនរួមជាតិខ្មែរ សម្តែងនូវក្តីមេត្តាករុណាដល់សព្វសត្វនិករទាំងឡាយទាំងពួងដែលអនុវត្តតាមគន្លងធម៌របស់ព្រះសម្មាសម្ពុទ្ធ។ អាស្រ័យដូច្នេះ ទើបព្រះសង្ឃរួមទាំងប្រជាពុទ្ធបរិស័ទទាំងឡាយតែងសកម្មចូលរួមប្រពៃណីនៃការកាត់បន្ថយក្រ តបស្នងសងគុណ សង់ផ្ទះមេត្តាធម៌ ជួយគ្រួសារក្រីក្រ។ល។ ដោយប្រាក់ឬក៏គ្រឿងសម្ភារៈផ្សេងៗ សរុបតម្លៃរាប់ពានើលានដុង។ ទន្ទឹមនិងនោះ បណ្តាគ្រួសារក្រ ទាំងឡាយដែលជាជនចាតិភាគតិចថែមទាំងបានអាស្រ័យផល គ្រប់បណ្តាគោលនយោបាយអាទិភាព ខិតខំ រីករាយ លំនឹងចិត្ត ពលកម្មផលិត ឈានឡើងចាកផុតក្រ។ ជីវភាពបងប្អូនខ្មែរស្ទើ គ្រប់គ្រួសារតែងមានការលើកកម្ពស់គ្រប់វិស័យ ធ្វើឲ្យអត្រាគ្រួសារក្រក្នុងជនរួមជាតិខ្មែរទូតាំងខេត្តបន្ថយចុះជាសន្សឹមៗចាប់ពី៣-៤%/ឆ្នាំ។ ផ្តើមពីនោះក៏បានរួមចំណែកក្នុងការអភិវឌ្ឍន៍ សេដ្ឋកិច្ច-សង្គមរួមរបស់ខេត្តទៀតផង”។
លទ្ធផលដែលទទួលបាននារយៈពេលកន្លង មិនត្រឹមអាស្រ័យការខ្នះខ្នែងរបស់ព្រះសង្ឃប៉ុណ្ណោះទេ ថែមទាំងជាការរួមបញ្ចូលគ្នារវាងការខិតខំប្រឹងប្រែង ប្រើបញ្ញានិងទង្វើដ៏សមប្រាកបរបស់ រដ្ឋអំណាចគ្រប់បណ្តាថ្នាក់ក្រោមការដឹកនាមរបស់បក្ស និងការ គ្រប់គ្រងរបស់រដ្ឋក៏ត្រូវបានអនុវត្តជាក់ស្តែងនិងព្រមៗគ្នាយ៉ាង មានប្រសិទ្ធភាពជាក់ស្តែងផងដែរ។ នេះជាការយកចិត្តទុកដាក់ដ៏ត្រឹមត្រូវរបស់បក្សនិងរដ្ឋស្តីពីការងារជនជាតិ និងសាសនាចំពោះ ព្រះពុទ្ធសាសនាខេមរមហានិកាយ ក៏ដូចជាជនរួមជាតិខ្មែរផងដែរ រឹតបន្តឹងស្មារតីសាមគ្គី បង្កើតទនុកចិត្តរបស់បងប្អូនជនជាតិភាគតិចចំពោះបក្សនិងរដ្ឋក្នុងការកសាងនិងការពារប្រទេសជាតិ។
លោកង្វៀងថាញ់នីម អនុប្រធានគណៈជនជាតិខេត្ត ប្រគេនអំណោយព្រះសង្ឃ ក្នុងឱកាសបុណ្យភ្ជុំបិណ្ឌ សែនដូនតាឆ្នាំ២០២៣ នៅវត្តមុនីវង្ស បុប្ផារាម សង្កាត់១ ក្រុងកាម៉ាវ។
បងប្អូនជនរួមជាតិខ្មែរនៅកាម៉ាវតែងពង្រីកស្មារតីស្នេហាជាតិ និងប្រពៃណីសាមគ្គីជនជាតិ សាសនា រួមកម្លាំងជាមួយបណ្តាជនជាតិជាបងប្អូនកសាងនិងការពារប្រទេសជាតិមាតុភូមិ ព្រមទាំងជំរុញខ្លាំងខ្លារាល់បណ្តាប្រពៃណីប្រឡងប្រណាំងស្នេហាជាតិ អភិវឌ្ឍន៍ផលិត កាត់បន្ថយក្រ ដើម្បីរួមចំណែកអភិវឌ្ឍន៍សេដ្ឋ កិច្ច-សង្គមនៅភូមិភាគ។
ដើម្បីបន្តពង្រីកតួនាទិរបស់ខ្លួន រយៈពេលខាងមុខ ព្រះសង្ឃ ព្រមទាំងប្រជាពុទ្ធបរិស័ទខ្មែរគ្រប់ើរូបនិងបន្តអនុវត្តល្អគោលការនយោបាយរបស់បក្សនិងក្រឹត្យច្បាប់រដ្ឋ ពង្រីកល្អថែមទៀតខាងស្មារតីសាមគ្គីជនជាតិ សាមគ្គីសាសនា បន្តការពង្រឹងនិងអភិវឌ្ឍន៍ទូលំទូលាយចំពោះផែនមហាសាមគ្គីទូទាំងជនជាតិ សាភ្ជាប់ការពង្រីកសិទ្ធិប្រជាធិបតេយ្យក្នុងការរស់នៅសង្គមក្រោមការដឹកនាំរបស់បក្សនិងការគ្រប់គ្រងរបស់រដ្ឋ” ព្រះឧបជ្ឈាយ៍ ថាច់ហារិ៍ បានអះអាងបែបនេះ៕
អត្ថបទនិងរូបថត៖ គ្វីញអាញ
Xem thêm bình luận