សាសនារួមដំណើរការកសាងមាតុភូមិ

ទោះបីជាមានក្តីជំនឿ ប្រព័ន្ធគោលលទ្ធិសាសនា និងវិន័យធម៌ខុសគ្នាក៏ដោយ តែបណ្តាអង្គការសាសនាទាំងឡាយលើភូមិសាស្ត្រក្នុងខេត្ត Cà Mau តែងមានចំ ណុកស្របគ្នាចំពោះស្មារតីជនជាតិ និងក្នុងបាវចនានៃការរស់នៅល្អជាតិ ល្អសាសនា។ អាស្រ័យហេតុនេះហើយ ទើបបណ្តាសាសនាជាទូទៅបានបង្កើតកម្លាំងសាមគ្គី រួមដំណើរការជាមួយរដ្ឋអំណាចភូមិភាគអនុវត្តយ៉ាងល្អខាងវិស័យការងារសន្តិសុខសង្គម រួមចំណែកកសាងមាតុភូមិ។

លើភូមិសាស្រ្តខេត្ត មានសាសនាទាំងអស់ចំនួន៦សាសនា ដែលមានឋានៈស្របច្បាប់ រួមមាន៖ ព្រះពុទ្ធសាសនា កាតូលិក ដំណឹងល្អ ប្រូតេស្តង់ ព្រះពុទ្ធសាសនា ហ្វាហាវ និងសុខាវតីឧបាសក ឧបាសិកានៃសមាគមពុទ្ធសាសនាវៀតណាម។ មាន១២៧កន្លែងសម្រាប់គោរពបូជា និង៨៧ទីតាំងសកម្មភាពសាសនា។ អ្នកអ្នកមុខអ្នកការខាងភារសាសនាមានចំនួន៤៨៣នាក់ ព្រមទាំងមានជាង៣៩០ពាន់ប្រជាបរិស័ទ (ស្រូបអត្រាជាង២០%នៃចំនួនប្រជាជនទូទាំងខេត្ត)។

បណ្តាសាសនាទាំងឡាយក្នុងខេត្ត ជួបជុំគ្នាដើម្បីនិមន្តនិងអញ្ជើញទៅប្រសិទ្ធពរបុណ្យចូលឆ្នាំវៀតណាម២០២៣ដល់ថ្នាក់ដឹកនាំខេត្ត។

បណ្តាអ្នកមុខអ្នកការខាងភារសាសនាដែលមានប្រជាប្រិយភាព និងគុណធម៌ជាច្រើនក៏ត្រូវបានបងប្អូនប្រជាជនជឿទុកចិត្ត ជ្រើសចូលក្នុងបណ្តាអង្គការចាត់តាំង និងអង្គការសមាគមនយោបាយ និងសង្គម។ មាន​តំណាង​រាស្ត្រ​ចំនួន ២៩រូបដែលជាប់​ឆ្នោត​តំណាង​ក្រុម​ប្រឹក្សា​ប្រជាជន​គ្រប់​លំដាប់​ថ្នាក់​ នាអាណាតិ២០២១-២០២៦។​ យោងតាមសកម្មភាព បណ្តាអ្នកទាំងនោះក៏បានបង្ហាញយ៉ាងច្បាស់នូវរាល់ភារកិច្ចទទួលខុសត្រូវខ្ពស់ចំពោះមាតុភូមិ និងប្រទេសជាតិ។ ទន្ទឹមនឹងនោះ អនុវត្តល្អខាងការងារផ្សព្វផ្សាយ ទូន្មានប្រជាប្ររិស័ទរបស់ខ្លួនឲ្យអនុវត្តល្អតាមច្បាប់ ជៀសវាងការប្រព្រឹត្តអាក្រក់ក្នុងសង្គម និងចងសម្ព័ន្ធមេត្រីភាពរវាងភូមិផងរបងជាមួយ ព្រមទាំងសាមគ្គីរវាងបណ្តាសាសនានិងជនជាតិ។

ប៉ុន្មានឆ្នាំកន្លងមកនេះ ឲ្យតែដល់រដូវវិស្សមកាលម្តងៗ ព្រះតេជគុណ Danh Vàng គង់នៅវត្តជុំប្រាសាទ រ៉ាច់គូយ ស្រុក Trần Văn Thời តែងសហការជាមួយរដ្ឋអំណាចភូមិភាគ និមន្តទៅតាមគ្រួសារពុទ្ធបរិស័ទដើម្បីចលនាកូនក្មួយចូលវត្តរៀនអក្សរខ្មែរ ដោយព្រះតេជគុណជាអ្នកបង្រៀនដោយផ្ទាល់ថ្នាក់។ ព្រះតេជកគុណ Danh Vàng មានសង្ឃដីការ៖ “ដើម្បីឪពុកម្តាយមានទំនុកចិត្តឲ្យកូនចូលវត្តរៀនអក្សរខ្មែរ វត្តក៏បានធ្វើការចលនាទឹកចិត្តប្រជាពុទ្ធបរិស័ទ និងសប្បុរសជនទាំងឡាយដើម្បីមានការជំនួយឧបត្ថម្ភសៀវភៅ ក៏ដូចជាទឹកប្រាក់សម្រាប់ជួយដោះស្រាយចំពោះកូនក្មួយណាដែលមានជីវភាពជួបលំបាក។ រាល់ពេលថ្ងៃសីលដែលមាមីងពុទ្ធបរិស័ទអញ្ជើញមកវត្ត អាត្មាក៏ដាស់តឿនអំពីការខិតខំប្រឹងប្រែងរកស៊ី និងមានស្មារតីប្រុងប្រយ័ត្នបំផុតចំពោះការជនល្មើសឆក់ឱកាសើសាសនាដើម្បីញុះញង់បញ្ចុះបញ្ចូល”។

ជារៀងរាល់ឆ្នាំ ព្រះតេជគុណ Danh Vàng តែងយកព្រះទ័យទុកដាក់ចំពោះការបង្ហាត់បង្រៀនអក្សរខ្មែរនៅវត្តជុំប្រាសាទ រ៉ាច់គូយ រួមចំណែកក្នុងការថែរក្សាលក្ខណៈវប្បធម៌ដ៏ល្អផូរផង់របស់ជនរួមជាតិខ្មែរ។​

ប្រការដែលគួរឲ្យកត់សម្គាល់ គឺបណ្តាអង្គការសាសនាខេត្តកាម៉ាវតែងសកម្មរួមចំណេកក្នុងការងារសន្តសុខសណ្តាប់ធ្នាប់ដោយមានច្រើនសកម្មភាពយ៉ាងជាក់ស្តែងដូចជា៖ “សាងសង់ស្ពាន ផ្លូវថ្នល់ ផ្ទះមេត្តាធម៌ ចង្ក្រាន្តបាយមេត្តាធម៌នៅតាមបណ្តាមន្ទីរពេទ្យ ចិញ្ចឹមមើលថែកុមារកំព្រា ជនពិការ និងមានបន្ទប់ឱសថ វាលជាង៥០បន្ទប់ ទូថ្នាំពេទ្យបុរាណ ព្រមទាំងកម្មវិធីព្យាបាលអ្នកជំងឺដោយមិនគិតប្រាក់ ឧបត្ថម្កជនរងគ្រោះ ជំនួយការសិក្សាជូនសិស្សក្រីក្រ ចូលរួមទឹកប្រាក់រាប់ពាន់លានដុងសម្រាប់មូលនិធិដើម្បីអ្នក្រីក្រ និងមូលនិធិតបស្នងគុណ មូលនិធិបង្ការប្រឆាំងគ្រោះមហន្តរាយធម្មជាតិ...។ 

កន្លងជាង១៥ ឆ្នាំ មណ្ដលចិញ្ចឹមកុមារពិការ និងក្មេងអនាថាដ៏ជាទីស្រឡាញ់នៅខេត្តកាម៉ាវ ក៏បានផ្តួចផ្តើមចិញ្ចឹមមើលថែកុមារពិការរាប់រយនាក់ឲ្យចូលសង្គម។

ទូទាំងខេ្តសព្វថ្ងៃមានជាង៣២ពាន់ប្ររិស័ទដែលជាអ្នកកាន់សាសនាកាតូលិក កំពុងសកម្មភាពនៅតាមគ្រឹស្តបរិស័ទចំនួន២៤កន្លែង។ បណ្តាគ្រឹស្តបរិស័ទទាំង ឡាយតែងសកម្មចូលរួមអំណរបណ្តាប្រេពៃណីនៃការប្រឡងប្រណាំងផ្សេងៗដោយរដ្ឋអំណាចភូមិភាគចាត់តាំងបង្កើតទំនាក់ទំនងសាមគ្គីរវាងសាសនាជាមិត្តទៀតផង។ លោកឪពុក Nguyễn Văn Vinh ប្រធានគណៈកម្មាធិការសាមគ្គីកាតូលិកខេត្ត មានប្រសាសន៍ថា៖ “តើងខ្ញុំតែងដាស់តឿនរំលឹកជាប្រចាំដល់បរិស័ទគ្រប់រូបឲ្យអនុវត្តផ្តោតលើស្មារតីព្រមគ្នារបស់សមាគមន៍កាតូលិកវៀតណាម៖ រស់នៅតាមទ្រឹស្តីព្រះយ៉េស៊ូស្ថិតក្នុងទឹកចិត្តជនជាតិ ដើម្បីផ្តល់ក្តីសុខជូនប្រជាជន រួមចំណែកកាត់បន្ថយទុក្ខទោស និងផ្តល់មកនូវភាពសុខសាន្តក្នុងការរស់នៅសម្រាប់អ្នកដែលជួបលំបាក ខ្វះសំណាង”។

ស្ទើតែគ្រប់មូលដ្ឋានជំនឿ និងសាសនាលើភូមិសាស្ត្រខេត្ត ពោលគឺសុទ្ធតែបានចុះឈ្មោះចូលរួមកសាងលក្ខណៈរស់នៅតាមបែបស៊ីវិល័យ រៀបចំតុបតែងលម្អភាពស្អាតស្អំ និងមានច្បាប់ទម្លាប់សម្រាប់ភ្ញៀវ និងអ្នកចូលរួមក្នុងសកម្មភាពជំនឿសាសនា ដើម្បីធានាសន្តិសុខ និងសណ្តាប់ធ្នាប់បានពេញលេញ។ 

លោក Nguyễn Văn Khởi ​ អនុប្រធានគណៈកម្មាធិការរណសិរ្សមាតុភូមិវៀតណាមខេត្តកាម៉ាវ បានអះអាងថា៖ “ស្មារតីសាមគ្គីមគ្គីភាពជាតិ សាមគ្គីរវាងសាសនានៅខេត្ត Cà Mau បានរួមចំណែកអភិរក្ស និងពង្រីកយ៉ាងទូលំទូលាយចំពោះតម្លៃវប្បធម៌ សីលធម៌ដ៏ល្អថ្លៃថ្នូរ ដោយបាវចនា ប្រយោជន៍សាសនា ប្រយោជន៍ជាតិ គ្រប់បណ្តាសានាទាំងឡាយតែងរួមដំណើរការយ៉ាងជាក់ស្តែងចំពោះការរួមវិភាគទានសម្រាប់សង្គម ព្រមទាំងរួមដំណើរការកសាងមាតុភូមិមួយថ្ងៃកាន់តែសម្បូររុងរឿង”៕

អត្ថបទនិងរូបថត៖ ម៉ុងធឿង