ជនរួមជាតិខ្មែរសាមគ្គី ចិត្តគំនិតតែមួយតាមបក្ស

ជនរួមជាតិខ្មែរ (Khmer) នៅ Cà Mau សព្វថ្ងៃមានជាង ៩.៧០០គ្រួសារ ប្រមាណ ៣៩ពាន់នាក់ តែងបន្តពង្រីកនូវប្រពៃណីសាមគ្គីភាព ស្នេហាជាតិ សុខដុមរមនា និងរួមគ្នាកសាងមាតុភូមិ។ រួមជាមួយនឹងបណ្តាគោលនយោបាយជនជាតិដ៏ទូលំទូលាយ និងមនុស្សធម៌ ឧត្តមភាពរបស់បក្ស និងរដ្ឋ ប្រជាជនខ្មែរ (Khmer) នៅ Cà Mau តែងខិតខំឈានឡើងឥតឈប់ឈរ ព្រមទាំងបញ្ជាក់នូវកម្លាំងផ្ទៃក្នុង និងជាធនធានមូលដ្ឋានដ៏សំខាន់ក្នុងដំណើរការបង្កើត កសាង និងអភិវឌ្ឍន៍តំបន់ដែនដីភាគខាងត្បូងរបស់ប្រទេសជាតិមួយថ្ងៃកាន់តែសម្បូររុងរឿង និងសុភមង្គល។

លោក Lâm Nuôl អ្នកដែលបានបងប្អូនប្រជាជនខ្មែរ (Khmer) នៅ Cà Mau កោតគោរព និងតាំងនាមជា "លោកធំ" បានឲ្យដឹង៖ "ជនរួមជាតិខ្មែរ (Khmer) នៅ Cà Mau តែងតែ បង្ហាញនូវស្មារតី សាមគ្គីភាព និងប្រកៀកស្មាជាមួយបណ្តាជនជាតិ ជាបងប្អូនក្នុងការតស៊ូប្រឆាំងដណ្តើមឯករាជ្យ សេរីភាព និងសន្តិភាពជូនប្រទេសជាតិមាតុភូមិ ក្រោមការដឹកនាំរបស់បក្ស និងអ៊ំហូក្នុងសម័យសង្គ្រាមទាំង២លើក ប្រឆាំងអាណានិគមបារាំង (Pháp) និង ចក្រពតអាមេរិក (Mỹ)"។

លោក Lâm Nuôl "លោកធំ" របស់បងប្អូនជនរួមជាតិខ្មែរ (Khmer)នៅ Cà Mau លោកតាជាអ្នកដែលលះបង់អស់មួយឆាកជីវិតដើម្បីបម្រើបុព្វហេតុនៃបដិវត្តន៍របស់បក្ស និងរបស់អ៊ំហូបានជ្រើសរើសដើម្បីជនជាតិ។

ឆ្នាំ១៩៦៦ លោក Lâm Nuôl បានធ្វើការនៅសមាគម ព្រះសង្ឃសាមគ្គី ស្នេហាជាតិខេត្ត Cà Mau និងជា ចៅអធិការវត្ត Tam Hiệp ស្រុក Trần Văn Thời។ ព្រះអង្គតែងសកម្មផ្សព្វផ្សាយ និងកៀងគរបងប្អូនជនរួមជាតិខ្មែរ (Khmer) លំនឹងស្មារតី ស្នេហាជាតិ រួមចំណែក ក្នុងបុព្វហេតុរំដោះជាតិ និងកម្ចាត់ខ្មាំងសត្រូវ។ ក្រោយពេលបានរំដោះ លោក Lâm Nuôl បានបន្តធ្វើការនៅគណៈ ប្រជាចលនាខ្មែរ (Khmer) ខេត្ត Cà Mau បន្ទាប់មកបានក្លាយជាអនុប្រធានគណៈកម្មាធិការរណសិរ្សមាតុភូមិវៀតណាម (Việt Nam ) ខេត្ត និងជាប្រតិភូរដ្ឋសភាបណ្តាអាណត្តិទី VI, VII និងទីVIII ។  

ក្នុងសម័យសង្គ្រាម តស៊ូប្រឆាំងអាមេរិក (Mỹ) បណ្តាវត្តខ្មែរ (Khmer) ទាំងឡាយក៏ក្លាយជាមូលដ្ឋាននៃបដិវត្តន៍ ជាកន្លែងសម្រាប់ជ្រកកោនរបស់កម្មាភិបាលយើង។ ក្នុងនោះព្រះសង្ឃ និងជនរួមជាតិខ្មែរ (Khmer) ជាច្រើនបានក្លាយជាកម្មាភិបាល យុទ្ធជនបម្រើ បដិវត្តន៍យ៉ាងអង់អាច និងស្មោះត្រង់ទៀតផង។ លោក Lâm Nuôl ឲ្យដឹង៖ "បណ្តាគំរូដូចជា ព្រះ តេជគុណ Hữu Nhem និង លោកស្រី Danh Thị Tươi       ព្រមទាំងបណ្តាបុគ្គលដ៏ឆ្នើមជាច្រើនរូបទៀត បានបង្ហាញពីស្មារតីស្នេហាជាតិដ៏ជ្រាលជ្រៅ និងស្ម័គ្រស្មោះអស់ពីចិត្ត ដើរតាមបក្ស តាមអ៊ំហូ  រួមចំណែកសម្រាប់បុព្វហេតុបដិវត្តន៍"។  

ព្រះឧបជ្ឈាយ័ Thạch Hà  ប្រធានសង្ឃាភិបាល សមាគមពុទ្ធសាសនាវៀតណាម (Việt Nam) ខេត្ត ប្រធានសមាគមព្រះសង្ឃ សាមគ្គីស្នេហាជាតិខេត្ត ចៅអធិការវត្តមុនីវង្សាបុប្ផារាម (Monivongsa Bopharam) បានបញ្ជាក់ថា៖ "បណ្តាអ្នក មុខអ្នកការសាសនា និងព្រះសង្ឃខ្មែរ (Khmer) ទាំងឡាយ តែងប្រកាន់ខ្ជាប់ចំពោះពាក្យស្លោក "សាសនា- ជនជាតិ-សង្គមនិយម" តែងរក្សា និងពង្រីកនូវប្រវេណីសាមគ្គីស្នេហាជាតិ រក្សាភាពសុខដុមរមនារវាងជនជាតិ ព្រមទាំងព្រួត ដៃគ្នាការពារ និងកសាងមាតុភូមិវៀតណាម (Việt Nam) សង្គមនិយម"។  

បងប្អូនជនរួមជាតិខ្មែរ (Khmer) នៅ Cà Mau ភាគច្រើនជា   អ្នកកាន់ព្រះពុទ្ធសាសនាថេរវាទខ្មែរ (Khmer) ដូច្នេះហើយ សមាគមព្រះសង្ឃសាមគ្គីស្នេហាជាតិក៏បានក្លាយជាមណ្ឌលនៃសាមគ្គីភាព និងឃោសនាចលនា បងប្អូប្រជាពុទ្ធបរិស័ទទាំង ឡាយចំពោះការអភិ វឌ្ឍន៍គ្រប់ជ្រុងជ្រោយក្នុងការរស់នៅ ព្រមទាំងអនុវត្តតាមគោលការណ៍ណែនាំ និងគោលនយោបាយ របស់បក្ស ក្រឹត្យច្បាប់របស់រដ្ឋ។ 

និយាយពីជីវភាពរស់នៅ របស់បងប្អូនខ្មែរ (Khmer) នៅ Cà Mau នាបពេលច្ចុប្បន្ននេះ លោកតា Lâm Nuôl មានប្រសាសន៍៖ "គឺមានការអភិវឌ្ឍ ជាងមុនច្រើនណាស់!  សព្វថ្ងៃមានវត្តខ្មែរទាំងអស់ចំនួន៧វត្ត និង១០ សាលាទាន មានព្រះសង្ឃគង់ថែរក្សា។ មានច្រើនតំបន់ខ្មែរ (Khmer) នៅតាមបណ្តាឃុំដូចជា៖ ឃុំ Hồ Thị Kỷ ស្រុក Thới Bình ឃុំ Khánh Hoà,  Khánh Lâm ស្រុក U Minh ឃុំ Thanh Tùng ស្រុក Đầm Dơi បងប្អូនខ្មែរ (Khmer) មានជីវភាពធូរធារ។ កូនក្មួយជាច្រើនបានទទួលការអប់រំល្អ និងក្លាយជាកម្មាភិបាល បក្ខជនរួមចំណែកកសាងប្រទេសជាតិមាតុភូមិ។ ប្រការដែលគួរឲ្យសប្បាយរីករាយថែមទៀត នោះគឺមានថ្នាក់បង្រៀនអក្សរខ្មែរ (Khmer) រួមនឹងសកម្មភាពវប្បធម៌សិល្បៈ ដើម្បីរក្សា និងលើកស្ទួយអត្តសញ្ញាណប្រពៃណីជាតិ ទាំងនេះហើយដែលសុទ្ធសឹងជាគុណបំណាច់របស់បក្ស និង អ៊ំហូ"។

អស់ពីចិត្តជឿជាក់លើបក្ស និងអ៊ំហូ បងប្អូនជនរួមជាតិខ្មែរ (Khmer)នៅកាម៉ាវពង្រីកប្រពៃណីសាមគ្គី និងស្មារតីស្នេហាជាតិ    រួមកម្លាំងតែមួយដើម្បីបុព្វហេតុនាំការអភិវឌ្ឍន៍ប្រទេសជាតិ មាតុភូមិ។  (ក្នុងរូបថត៖ បងប្អូនជនរួមជាតិខ្មែរ (Khmer)ចាត់តាំងបុណ្យតាមជំនឿប្រពៃណីរបស់ខ្លួននៅវត្តវត្តមុនីវង្សា បុប្ផារាម (Monivongsa Bopharam សង្កាត់១ ក្រុង Cà Mau)។

ព្រះឧបជ្ឈាយ៍ Thạch Hà មានព្រះទ័យប្តេជ្ញាថា៖ "ពុទ្ធបរិស័ទ ព្រះសង្ឃ និងអ្នកមុខអ្នកការសាសនាខ្មែរ (Khmer) ទាំងឡាយគ្រប់រូបតែងជឿជាក់លើកការដឹកនាំរបស់បក្ស និងបុព្វហេតុនៃបដិវត្តន៍របស់ជាតិដែលត្រូវបានអ៊ំហូ និងបក្សយើងជម្រើស ដឹកនាំ បន្តការពង្រីកកម្លាំងផ្ទៃក្នុង និងកម្លាំងនៃផែនមហាសាមគ្គីជនជាតិ រួមកម្លាំងចិត្តថ្លើមតែមួយដើម្បីបុព្វហេតុនៃការអភិវឌ្ឍន៍ប្រទេសជាតិក្នុងបរិការណ៍ថ្មី"៕
 

អត្ថបទនិងរូបថត៖ ក្វុករីន