ជំនួយគ្រួសារ ក្រលំនឹងជីវភាព

ផ្តើមពីភាពជោគជ័យនៃគម្រោងការឧបត្ថម្ភផ្ទះស្នាក់នៅសម្រាប់គ្រួសារក្រីក្រតំបន់ជនជាតិភាគតិច ស្ថិតក្នុងកម្មវិធីគោលដៅជាតិសម្រាប់ការអភិវឌ្ឍសេដ្ឋកិច្ច-សង្គម តំបន់ជនជាតិភាគតិច និងតំបន់ភ្នំ តំ ណាក់កាល២០២១-២០២៥ (កម្មវិធី) ក្នុងឆ្នាំ ២០២៤ ខេត្ត Cà Mau នឹងបន្តឧបត្ថម្ភសង់ផ្ទះចំនួន ១៨០ខ្នងសម្រាប់គ្រួសារក្រ និងក្បែរបន្ទាត់ក្រ ដែលរស់នៅតាមតំបន់ជួបលំបាកពិសេស ។

លោក Nguyễn Thành Niệm អនុប្រធានគណៈជនជាតិខេត្តមានប្រសាសន៍ថា៖ គម្រោងទី១ ដោះស្រាយការខ្វះខាតដីលំនៅដ្ឋាន ផ្ទះស្នាក់នៅ ដីផលិតកម្ម និងទឹកប្រើប្រាស់។ កន្លងផុតរយៈពេល២ឆ្នាំអនុវត្តក៏បានឧបត្ថម្ភផ្ទះស្នាក់នៅសម្រាប់ ២៨០គ្រួសារផងដែរ។ សម្រាប់អ្នកទទួលផលគឺជាគ្រួសារក្រីក្ររស់នៅក្នុងឃុំទាំង៥នៃតំបន់ភូមិភាគ និង៤៣ភូមិដែល ជួបលំ បាកពិសេសក្រៅឃុំ។ ក្នុងនោះ​ ផ្តល់អនុគ្រោះសម្រាប់គ្រួសារជនជាតិភាគតិចក្រីក្រដែលស្ថិតក្នុងបញ្ជីជនជាតិភាគតិចនៅជួបលំបាកខ្លាំង ព្រមទាំងគ្រួសារក្រដែលមានស្ត្រីជាមេគ្រួសារ និងជាអ្នកពលកម្មតែម្នាក់គត់ក្នុងសង្គមគ្រួសារ។ ផ្តើមពីនោះ ក៏បានរួមចំណែកកាត់បន្ថយក្រក្នុងជនជាតិភាគតិច។ ឆ្នាំ២០២៣ គ្រួសារក្រជាជនជាតិភាគតិចរបស់ខេត្តក៏បន្ថយចុះ៣២៩គ្រួសារ ស្មើនិងអត្រាគ្រួសារក្រក្នុងជនជាតិភាគតិចដែលបានបានបន្ថយចុះ២,៥៧% បើប្រៀបនឹងឆ្នាំ ២០២២។

ផ្តើមពីទឹកប្រាក់ចំនួន៤៤លានដុងដែលទទួបានពីការឧបត្ថម្ភរួមទាំងទឹកប្រាក់សន្សំបានផងនោះ គ្រួសារបង Trần Văn Trường ក៏សង់បានផ្ទះថ្មីយ៉ាងធំទូលាយស្អាត ប្រក់តូន ក្រាលកម្រាលឥដ្ឋដែលមានទទឹង៤ម៉ែត្រ ប្រវែង១៤ម៉ែត្រ។

នៅឃុំ Khánh Thuận ស្រុក U Minh ការអនុវត្តកម្មវិធី ក៏ត្រូវបានរដ្ឋអំណាចភូមិភាគធ្វើការផ្សព្វផ្សាយយ៉ាងមានប្រសិទ្ធ ភាព។ ឆ្នាំ២០២៣ ឃុំត្រូវបានថ្នាក់លើបែងចែកថវិកាសម្រាប់សាងសង់ផ្ទះថ្មី២១ខ្នងដែលស្ថិក្នុងកម្មវិធី ដោយសរុបទឹកប្រាក់ទាំងអស់ចំនួន៩២៤លានដុង គិតមកទល់បច្ចុប្បន្នក៏ត្រូវបានប្រគល់ជូននិងដាក់ឱ្យប្រើប្រាស់ផងដែរ។ ក្នុងឆ្នាំ ២០២៤ ផ្តើមពីប្រភពទុនរបស់កម្មវិធី ឃុំក៏បានឧបត្ថម្ភសង់ផ្ទះ២៤ខ្នងសម្រាប់គ្រួសារក្រីក្រ ដោយសរុបដើមទុនដែលបានប្រគល់ជូនជិត១ពាន់លានដុង។ ភូមិភាគក៏កំពុងប្រញាប់ប្រញាលអនុវត្ត ដើម្បីគ្រួសារទាំងឡាយបានទទួលផលព្រមទាំងមានផ្ទះថ្មីសម្រាប់ស្នាក់នៅក្នុងពេលឆាប់ៗនារដូវភ្លៀងនេះ។

ដែលជាគ្រួសារក្រគ្មានដីផលិត ចំណូលក៏មិននឹងនរ តែបង Lê Hoàng Oanh នៅភូមិលេខ៤ ឃុំ Khánh Thuận ថែមទាំងចិញ្ចឹមបងស្រីកំពុងមានជំងឺ ព្រមទាំងក្មួយស្រីម្នាក់ទៀតក៏កើតមានជំងឺដូចគ្នា ដែលមាអយុទើប១០ឆ្នាំប៉ុណ្ណោះ។ជីវភាព ជួបលំបាក ទើបជាច្រើនឆ្នាំកន្លង ទាំង៤នាក់តែងរស់នៅក្នុងផ្ទះដ៏ចង្អៀត និងដាច់ទ្រុឌទ្រោម។ ឆ្នាំ២០២៤ អនុវត្តកម្មវិធីឧបត្ថម្ភផ្ទះជូនគ្រួសារក្រ និងក្បែរបន្ទាត់ក្រ ភូមិភាគក៏បានជំនួយឧបត្ថម្ភគ្រួសារបងចំនួនទឹកប្រាក់៤៤លានដុងសម្រាប់សង់ផ្ទះដ៏ធំទូលាយស្នាក់នៅ។ ក្នុងរយៈពេលសាងសង់ផ្ទះ គ្រួសារក៏ទទួលបានការ ឧបត្ថម្ភយ៉ាងច្រើនតាំងពីស្មារតីរហូតដល់សម្ភារៈផ្សេងៗពីរដ្ឋអំណាចភូមិភាគរហូតដល់មាមីងបងប្អូនក្នុងភូមិស្តីពីការលើកទឹកចិត្ត ចែករំលែក ដើម្បីផ្ទះសង់ឆាប់បានសម្រេច។ ឆ្នាំនេះ គ្រួសារបានរស់នៅក្នុងផ្ទះថ្មីធានាសុវត្ថិភាពក្នុងរដូវព្យុះភ្លៀង ពោលគឺមិនថប់ភ័យដូចកាលពីមុនទៀតនោះទេ។ អរគុណសម្រាប់គោលនយោបាយរបស់បក្ស និងរដ្ឋខ្លាំងណាស់ បង Oanh រំភើបចិត្តនិយាយបែបនេះ។

កម្មាភិបាលឃុំ Khánh Thuận បានអញ្ជើញទៅសួរសុខទុក្ខគ្រួសារបង Lê Hoàng Oanh (អង្គុយកណ្តាល) បន្ទាប់ពីបានទទួលឧបត្ថម្ភទឹកប្រាក់សម្រាប់សង់ផ្ទះថ្មី។ ដោយបានដឹងថា ក្រៅពីទទួលបានទឹកប្រាក់ឧបត្ថម្ភសង់ផ្ទះ បង Oanh កំពុងត្រូវបានពិនិត្យ អង្កេតដើម្បីជំនួយឧបត្ថម្ភបន្ថែមទឹកប្រាក់ចំនួន១០លានដុងទៀត សម្រាប់ទិញម៉ូតូ ប្រកបរបររត់ម៉ូតូឌុបដើម្បីផ្លាស់ប្តូរមុខរបរ។

ក៏នៅភូមិលេខ៤ ឃុំ Khánh Thuận ដូចគ្នា គ្រួសារបង Trần Văn Trường បានរដ្ឋជំនួយឧបត្ថម្ភទឹកប្រាក់៤៤លានដុងសម្រាប់សង់ផ្ទះ រួមទាំងទឹកប្រាក់មួយចំនួនដែលសន្សំបាន មកទល់សព្វថ្ងៃជីវភាពរបស់គ្រួសារបងរស់នៅក្នុងផ្ទះថ្មីបានលំនឹងល្អ។ បណ្តាសមាជិកទាំងឡាយក្នុងសង្គមគ្រួសារសុទ្ធតែរីករាយ និងអរគុណសម្រាប់ការយកចិត្តទុកដាក់របស់រដ្ឋអំ ណាចភូមិភាគដែលបានបង្កលក្ខណៈ ដើម្បីអ្នកក្រីក្រទាំងឡាយនៅតំបន់ជនជាតិមានលំនៅដ្ឋានសមរម ព្រមទាំងខិតខំប្រឹងប្រែងរកស៊ីដើម្បីឆាប់បានឈានឡើងរួចចាកផុតក្រ។

ដើម្បីជំរុញការងារកាត់បន្ថយភាពក្រីក្រ ខិតខំបន្ថយអត្រាគ្រួសារក្រក្នុងជនរួមជាតិភាគតិចទូទាំងខេត្តចាប់ពី២%ឡើងទៅនិងសម្រាប់តំបន់ដែលមានស្ថានភាពសេដ្ឋកិច្ច-សង្គមត្រឹម៣%ឡើងទៅ។ ក្នុងឆ្នាំ២០២៤ តាមគម្រោងការរបស់ខេត្ត Cà Mau នឹងជំនួយឧបត្ថម្ភផ្ទះស្នាក់នៅសម្រាប់១៨០គ្រួសារក្នុងតំបន់ជនរួមជាតិ។

អាចនិយាយបានថា​ ការយកចិត្តទុកដាក់របស់បក្សរដ្ឋ​ និងការរួមកម្លាំង ភារកិច្ចរបស់គ្រប់បណ្តាថ្នាក់ គណៈផ្នែក ភូមិ ភាគក៏បាននិងកំពុងត្រូវបានរួមចំណែកជួយរាប់រយគ្រួសារក្រ និងក្បែរបន្ទាត់ក្រដែលស្ថិតក្នុងតំបន់ជនជាតិភាគតិចទូទាំងខេត្តមានផ្ទះស្នាក់នៅនឹងនរល្អ លំនឹងជីវភាព។ ផ្តើមពីនោះ បានរួមចំណែកជួយបណ្តាភូមិភាគដែលមានបងប្អូនជនរួមជាតិភាគតិចរស់នៅច្រើនកុះករ ជំរុញខ្លាំងខ្លាស្ថានភាពកាត់បន្ថយក្រ ធានាសន្តិ សុខសង្គម បង្កើនផែនមហាសាមគ្គី ទូទាំងជនជាតិ លើកកម្ពស់ភាពជឿជាក់របស់បងប្អូនជនរួមជាតិជាមួយបក្សនិងរដ្ឋ ព្រមទាំងគ្រប់បណ្តាថ្នាក់ រដ្ឋអំណាចភូមិភាគគ្រប់លំដាប់ថ្នាក់ទូទាំងខេត្ត។

 គ្វីញអាញ