សំលៀកបំពាក់ប្រពៃណីកំពុងសាបរលាបជាសន្សឹមៗ

ទន្ទឹមជាមួយការអភិវឌ្ឍន៍របស់សង្គម ទាំងមូលហេតុសត្យានុម័ត និងអត្តនោម័ត សំលៀកបំពាក់ប្រពៃណីរបស់ជនរួមជាតិ​ Khmer កំពុងសាបរលាពជាសន្សឹមៗ។ សព្វថ្ងៃនេះ ទៅកាន់តំបន់ដែលមានបងប្អូនជនរួមជាតិរស់នៅច្រើនកុះករទូទាំងខេត្ត ពោលគឺមិនងាយបានជួបប្រទះនូវរូបភាពបងប្អូននារី Khmer ស្លៀកសំលៀកបំពាក់ប្រពៃណីដូចកាលសម័យដើមទៀតនោះទេ។

លោក Lê Chí Toàn កម្មាភិបាលទទួលបន្ទុកខាងវប្បធម៌ឃុំ Khánh Bình Tây ស្រុកTrần Văn Thời មានប្រសាសន៍៖សំលៀកបំពាក់ Khmer ពិតជាមានភាពអស្ចារ្យ និងចម្លែកខ្លាំងណាស់ អមដោយព័ណ៌ចម្រុះជាច្រើនបង្កើតបាននូវលក្ខណៈដ៏ពិសេសអស្ចារ្យដោយឡែក។ ប៉ុន្តែក្រោយមក បងប្អូនខ្មែរក៏លែងស្លៀកសំលៀកបំពាក់ប្រពៃណីក្នុងកិច្ចការប្រចាំថ្ងៃដូចមុនទៀតហើយ បែរជាស្លៀកសំលៀកបំពាក់របស់ជនជាតិ​ Kinh ទៅវិញ។ សំលៀកបំពាក់ប្រចាំថ្ងៃរបស់ជនរួមជាតិ Khmer មានភាពខុសប្លែកគ្នាណាស់រវាងស្ត្រី និងបុរស។ ស្ត្រី Khmer និយមស្លៀកសំពត់ច្រើនប្រភេទ មានចងក្បិនជាដើម។ នេះគឺជាប្រភេទសំពត់ដែលធ្វើអំពីក្រណាត់ធំទូលាយ។ សំលៀកបំពាក់ប្រភេទនេះ តែងបញ្ចេញនូវព័ណ៌យ៉ាងស្រស់ស្អាតសម្រាប់ក្នុងថ្ងៃរៀបអាពាហ៍ពិពាហ៍ រំលេចដោយគ្រាប់អង្កាំដ៏ភ្លឺត្រជះត្រចែង។ អានិយាយបានថា ដោយសាតែភាពសុំា ញុំាប្រៀបជាមួយសំលៀកបំពាក់របស់ជនជាតិ Kinh​ ទើបបងប្អូន Khmer ក៏បែរមកនិយមស្លៀកសំលៀកបំពាក់តាមជនជាតិ Kinh វិញ​ ដើម្បីឱ្យមានការសមស្របជាមួយខាងការងារកសិកម្ម។

សិស្សវិទ្យាល័យជនជាតិអន្តេវាសិកខេត្ត ស្លៀកសំលៀកបំពាក់ប្រពៃណីដើម្បីចូលរួមការសម្តែងសិល្បៈអំណរបុណ្យចូលឆ្នាំថ្មីប្រពៃណីខ្មែរ ឆ្នាំ២០២៣។

ក្នុងនាមជាជនជាតិ Khmer មួយរូប រយៈពេលជាង៣០ឆ្នាំកន្លង បងស្រី Danh Thị Mị លេខាសម្ព័ន្ធយុវជនឃុំ Khánh Hoà ស្រុក U Minh កម្របានស្លៀកសុះលៀកំបំពាក់ប្រពៃណីរបស់ជនជាតិខ្លួនខ្លាំងណាស់។ បងស្រី Mị មានប្រសាសន៍៖តាំងពីមុនរហូតមក ខ្ញុំកម្របានស្លៀកសំលៀកបំពាក់ប្រពៃណីណាស់ ស្លៀកបានតែម្តងគត់ក្នុងមហាសន្និបាតតំណាងបណ្តាជន ជាតិភាគតិចកន្លងថ្មីៗនេះឯង។ កាលពិធីរៀបអាពាហ៍ពិពាហ៍របស់ខ្ញុំ គឺខ្ញុំក៏មានបំណងចង់ស្លៀកសំលៀកបំពាក់ប្រពៃណីណាស់ដែរ តែគ្មានកន្លែងណាគេលក់ឬក៏ឱ្យជួល ទើបខ្ញុំស្លៀកសំលៀកបំពាក់មង្គលការតាមធម្មតាដូចគេឯងដទៃទៀតដែរ។

យោងតាមការស្រាវជ្រាវបានឱ្យដឹងថា នៅហាងកាត់ដេរ និងកន្លែងឱ្យជួលសំលៀកបំពាក់អាពាហ៍ពិពាហ៍លើភូមិសាស្ត្រខេត្ត Cà Mau គឺគ្មានកន្លែងណាទទួលកាត់ដេរសំលៀកបំពាក់ប្រពៃណីខ្មែរនោះទេ។ សព្វថ្ងៃមានតែក្រុមសិល្បៈខ្មែរខេត្តប៉ុណ្ណោះទើបមានសម្រាប់ក្នុងការសម្តែងផ្សេងៗប៉ុន្តែប្រធានក្រុមបានឱ្យដឹង បណ្តាសំលៀកបំពាក់ទាំងនេះ ត្រូវជួលគេកាត់ដេរនៅឯខេត្ត Trà Vinh។ ពីព្រោះជាប្រភេទសំលៀកបំពាក់ដែលមិនសូវមានអ្នកស្លៀក ទើបជាងកាត់ដេរក៏មិនបន្តមុខរបរកាត់ដេរខាងសំលៀកបំពាក់ប្រពៃណីនេះដែរ ដូច្នេះហើយនៅខេត្ត Cà Mau គ្មានអ្នកចេះកាត់សំលៀកបំពាក់នេះឡើយ។

ក្នុងពិធីរៀបអាពាហ៍ពិពាហ៍ បងប្អូនជនរួមជាតិ Khmer​ ក៏មិនសូវមានស្លៀកសំលៀកបំពាក់បែបប្រពៃណីដែរ។

ជនរួមជាតិ Khmer គឺជាជនជាតិភាគតិចដែលមានចំនួនប្រជាជនច្រើនជាគេក្នុងចំណោមបណ្តាជនជាតិភាគតិចដទៃទៀតនៅ Cà Mau។ ប៉ុន្មានឆ្នាំកន្លងមកនេះ ខេត្តតែងយកចិត្តទុកដាក់ក្នុងការអភិរក្ស និងពង្រីកនូវតម្លៃវប្បធម៌ដ៏ថ្លៃថ្នូរបស់ជនជាតិភាគតិចនិយាយរួម បងប្អូនជនរួមជាតិ Khmer និយាយដោយឡែក ក្នុងនោះមានការសិក្សាស្រាវជ្រាវតាំងពិព័ណ៌សំលៀកបំពាក់ប្រពៃណីខ្មែរជាដើម។ ថ្វីត្បិតតែដូច្នេះ ប៉ុន្តែដើម្បីសំលៀកបំពាក់ប្រពៃណី Khmer មិនត្រូវសាបរលាប សំខាន់គឺខ្លួនយើងផ្ទាល់ដែលជា Khmer គឺត្រូវមានការរួមកម្លាំងជួយថែរក្សា និងលើកស្ទួយដើម្បីអភិរក្សនូវអត្តសញ្ញាណវប្បធម៌ដ៏ថ្លៃថ្នូរបស់ជនជាតិខ្លួនតាមរយៈសំលៀកបំពាក់៕

 គីមគឿង