វត្តសិរីគង្គាគ្រួញូង អនុវត្តល្អការងារសុខមាលភាពសង្គម

វត្តសិរីគង្គា គ្រញូង (Cà Nhung) ត្រូវបានផ្តើមកសាងនូវថ្ងៃទី២០ ខែមិថុនា ឆ្នាំ១៧៩០ មានទីតាំងស្ថិតនៅភូមិមោង ខណ្ឌហ្កក្វាវ ខេត្តរ៉ាច់យ៉ា (បច្ចុប្បន្ន ជាភូមិ Hoà Tạo ឃុំ Định Hoà ស្រុក Gò Quao ខេត្ត Kiên Giang ចម្ងាយពីក្រុង Rạch Giá ប្រហែល៣០គីឡូម៉ែត្រ ជាប់ផ្លូវជាតិ លេខ៨០។ ដោយព្រះតេជគុណ Tăng Óc ចៅអធិការវត្ត ផ្តើមកសាងដំបូងបង្អស់។ គិតមកទល់បច្ចុប្បន្ន វត្តក៏បានឆ្លងកាត់ព្រះចៅ អធិការ ៩ជំនាន់ហើយដែរ។ ចៅអធិការសព្វថ្ងៃ គឺព្រះឧបជ្ឈាយ៍ Danh Đổng ព្រះអង្គបានឡើងកាន់កាប់វត្តតាំងពីឆ្នាំ១៩៨៩រហូតដល់សព្វថ្ងៃ។

ស្ថាបត្យកម្មខ្លោងទ្វារវត្ត សិរីគង្គា គ្រញូង (Cà Nhung)។

ព្រះឧបជ្ឈាយ៍ Danh Đổng ប្រធានគណៈសង្ឃាភិបាលពុទ្ធសាសនាវៀតណាមខេត្ត​ ប្រធានសមាគមព្រះសង្ឃសាមគ្គីស្នេហាជាតិខេត្ត Kiên Giang តាំងពីព្រះអង្គបានតែងតាំងជាចៅអធិការ ព្រះអង្គតែងយកព្រះទ័យទុកដាក់ដល់កិច្ចការងារសង្គម មានដូចជា៖ សាងសង់ផ្ទះមេត្តាធម៌សម្រាប់គ្រួសារក្រីក្រ ឧបត្ថម្ភអាហារូបករណ៍ដល់សិស្សនិស្សិតខ្មែរដែលមានជីវ ភាពជួបលំបាក។ល។ ទន្ទឹមនិងនោះ ព្រះអង្គក៏សកម្មក្នុងការកសាងវត្តអារាម ហេតុតែដូច្នេះហើយ ទើបព្រះវិហារ កុដិ សាលា ព្រមទាំងរាល់សំណង់ផ្សេងៗទាំងឡាយក៏មានភាពស្រស់ស្អាតជាងមុនផងដែរ។

ទិដ្ខភាពនៃបរិវេណវត្ត​ សិរីគង្គា គ្រញូង (Cà Nhung)។

ជារៀងរាល់ឆ្នាំ វត្តតែងមានបើកថ្នាក់បង្រៀនអក្សរខ្មែរ ធម្មវិន័យ បាលីសម្រាប់ព្រះសង្ឃ និងកូនក្មួយជនរួមជាតិចូលរួមសិក្សា ព្រមទាំងទំនាក់ទំនងជាមួយបណ្តាស្ថាប័នពាក់ព័ន្ធ ដើម្បីបើកថ្នាក់បង្រៀនរបរជូនពលករជនបទទៀតផង។ ដោយបានដឹកថា ថ្មីៗនេះដែរ វត្តក៏បានសហការជាមួយក្រុមសិល្បៈខ្មែរខេត្ត និងសាលាមធ្យមសិក្សាវិជ្ជាជីវៈអន្តេវាសិកខេត្ត Kiên Giang ចាត់តាំងជោគជ័យថ្នាក់បង្រៀនរាំចង្វាក់ក្បាច់ប្រពៃណីខ្មែរលើកទី១ ឆ្នាំ២០២៤ ដោយមានការចូលរួមរបស់ប្អូនៗកូនក្មួយជនរួមជាតិ Khmer ទូទាំងភូមិសាស្ត្រស្រុកចំនួន៥៤រូប។

មានឱកាសអញ្ជើញមកវត្តគ្រញូង (Cà Nhung) នារដូវវិស្សមកាលនេះ យើងនឹងងាយបានឃើញនៅរូបភាពប្អូនៗកំពុងផ្ចិតផ្ចង់ហាត់រំរបាំខ្មែរ។ (ថ្នាក់បង្រៀនរបាំ ប្រពៃណីខ្មែរនៅវត្តសិរីគង្គា គ្រួញូង (Cà Nhung)។

ប្រការដែលគួរឱ្យមោទនភាពថែទៀតនោះគឺ វត្តសិរីគង្គា គ្រញូង (Cà Nhung) ត្រូវបានរដ្ឋប្រគេនមេដាយធ្វើសង្គ្រាមលំ ដាប់ទី III និងមេដាយអនុស្សាវរីយ៍ ពីព្រោះបុព្វហេតុនៃផែនមហាសាមគ្គីទូទាំងជនជាតិ។

វត្តគ្រញូង (Cà Nhung) តែងយកចិត្តទុកដាក់ចំពោះកិច្ចការងារសង្គម ជាពិសេសព្រះឧបជ្ឈាយ៍ Danh Đổng ព្រះអង្គតែងចលនាទឹកចិត្តសប្បុរសធម៌ដើម្បីជំនួយឧបត្ថម្ភសាងសង់ផ្ទះជូនគ្រួសារក្រីក្រលើភូមិសាស្ត្រ។

ព្រះឧបជ្ឈាយ៍ Danh Đổng ប្រធានគណៈសង្ឃាភិបាលពុទ្ធសាសនាវៀតណាមខេត្ត​ ប្រធានសមាគមព្រះសង្ឃសាមគ្គីស្នេហាជាតិខេត្ត ជូនអំណោយមាមីងពុទ្ធបរិស័ទក្រីក្រ។

វត្តសិរីគង្គារ គ្រញូង (Cà Nhung) មិនត្រឹមជាវត្តខ្មែរដែលប្រកបដោយតម្លៃផ្នែកខាងសិល្បៈវប្បធម៌នៃស្ថាបត្យកម្មពុទ្ធសាសនាប៉ុណ្ណោះទេ ថែមទាំងជាវត្តដែលសម្បូរបោយប្រពៃណីសាមគ្គី និងការសកម្មយកចិត្តទុកដាក់ខាងវិស័យសិក្សាអប់រំ ជាពិសេស ចំពោះបញ្ញវន្តជំនាន់ក្រោយ រួមចំណែកក្នុងការអភិរក្ស និងពង្រីកតម្លៃវប្បធម៌ប្រពៃណីជាតិទៀតផង៕

 ចន្តា