Truyền hình
វត្តគីរីសុខុមថ្មី មានទីតាំងស្ថិតនៅផ្លូវជាតិលេខ៩១ ចម្ងាយពីច្រកទ្វារព្រំដែនអន្តរាជាតិ Tịnh Biên ប្រហែល២គីឡូម៉ែត្រ ស្ថិតនៅសង្កាត់ Xuân Phú ទីរួមស្រុក Tịnh Biên ខេត្ត An Giang។ យោងតាមឯក សារកត់ត្រាទុកមក វត្តគិរីសុខុមថ្មី ត្រូវបានផ្តើមកសាងមុននេះជាង១៤០ឆ្នាំ ជាកន្លែងសម្រាប់សកម្ម ភាពវប្បធម៌ ជំនឿសាសនារបស់បងប្អូនជនរួមជាតិ Khmer ក្នុងតំបន់ ហើយក៏ជាកន្លែងដែលមិនគួរមើលរំលងផងដែរសម្រាប់ភ្ញៀវទេសចរពេលដែលបានអញ្ជើញមកទស្សនាកម្សាន្តតំបន់ព្រំដែន។
ស្ថាបត្យកម្មនៃព្រះវិហារវត្តគិរីសុខុមថ្មី។
ស្ថាបត្យកម្មវត្តគិរីសុខុមថ្មី គឺជាការរួមបញ្ចូលគ្នានៃសិល្បៈតុបតែងលម្អតាមវប្បធម៌ប្រពៃណីពុទ្ធសាសនាថេរវាទ Khmer ដែលមានពណ៌ដ៏ត្រចះត្រចង់។ ពីក្លោងទ្វារ ដំបូលវិហារ បង្គោលទង់ រហូតដល់ស្ថាបត្យកម្មខាងក្នុង ត្រូវបានរចនាល្អិតល្អន់ជាមួយនឹងបណ្តារូបភាពផ្សេងៗ មានដូចជា៖ គ្រុឌ កិន្នរ និងពស់នាគរាជ បង្កើតបានជាសំណង់នៃស្ថាបត្យកម្មដ៏វិសេសវិសាល។
ឧបដ្ឋានសាលា ជាកន្លែងរៀបចំពិធីបុណ្យធំៗប្រចាំឆ្នាំរបស់វត្តគិរីសុខុមថ្មី។
ទីធ្លាវត្តធំទូលាយ ខ្យល់អាកាសបរិសុទ្ធ និងស្រស់ស្អាតអមដោយម្លប់ឈើធំៗជាច្រើន។ ខាងក្នុងព្រះវិហារ គឺជាបណ្តាក្បាច់ចម្លាក់ និងផ្ទាំងគំនូររៀបរាប់អំពីដំណើរជីវិតរបស់ព្រះសម្មាសម្ពុទ្ធបរម្យគ្រូនៃយើងដ៏រស់រវើក។
ខាងក្នុងឧបដ្ឋានសាលាវត្តគិរីសុខុមថ្មី ត្រូវបានតុបតែងយ៉ាងល្អប្រណិត ឆ្លើយតបតម្រូវការខាងសកម្មភាពវប្បធម៌ជំនឿសាសនារបស់ពុទ្ធបរិស័ទ Khmer នៅភូមិភាគ។
វត្តគិរីសុខុមថ្មី មិនត្រឹមជាកន្លែងសម្រាប់សិក្សាបួសរៀនរបស់ព្រះសង្ឃ និងជាកន្លែងចាត់តាំងរាល់សកម្មភាពបុណ្យទានប្រពៃណីរបស់សហគមន៍ជន Khmer ក្នុងតំបន់ប៉ុណ្ណោះ ថែមទាំងជាកន្លែងទេសចរណ៍ជំនឿផ្លូវចិត្តរបស់តំបន់ព្រំដែន Tịnh Biên ទៀតផង។
ភាពអស្ចារ្យនៃស្ថាបត្យកម្មបង្គោលទង់វត្តគិរីសុខុមថ្មី ដោយមានរូបចម្លាក់សត្វដែលយើងនិយមបានឃើញក្នុងវប្បធម៌ Khmer។
អញ្ជើញមកវត្តគិរីសុខុមថ្មី ភ្ញៀវទេសចរណ៍មិនត្រឹមបានគយគន់បណ្តាស្នាដៃនៃស្ថាបត្យកម្មដ៏វិសេសវិសាល និងជំនោបរិ យាកាសដ៏សែនស្ងប់ស្ងាត់ និងបន្ធូរអារម្មណ៍ប៉ុណ្ណោះទេ ថែមទាំងអាចយល់បានកាន់តែច្រើនទៀតអំពីវប្បធម៌ជំនឿ និងជីវភាពរស់នៅរបស់បងប្អូនជនរួមជាតិ Khmer ទាំងឡាយនៅទីនេះទៀតផង៕
Chanh Đa
Xem thêm bình luận