សិប្បករមានទេពកោសល្យក្នុងការបោះទូក-ង

កើតនិងធំដឹងក្តីក្នុងត្រកូលគ្រួសារដែលមានប្រពៃណីខាងបោះទូក-ងឆ្លងកាត់៣ជំនាន់មកហើយ។ បង Danh Vũ មានដើមកំណើតនៅ ស្រុក Giồng Riêng ខេត្ត Kiên Giangក៏ជំនាញក្នុងការបោះទូក-ង ប្រពៃណីរបស់ Khmer ទៅហើយ។

ឆ្នាំនេះ សិប្បករ Danh Vũ មានអាយុ៤៩ឆ្នាំ។ ទោះបីជាមានដើមកំណើតនៅ Kiên Giang ក្តីប៉ុន្តែគាត់បែរជាបានសាងកេរ្តិ៍ឈ្មោះជាង២ទសវត្សរ៍នៅខេត្តសុកត្រាំងដែលជាខេត្តដែលគេចាត់ទុកមានប្រពៃណីខាងកីឡាប្រណាំងទូក-ង ដ៏លេចធ្លោជាងគេទូទាំងតំ បន់វាលរាបទន្លេគីវឡុង។ ខណៈពេល ដែលបងបានបោះទូក-ងដំបូងបង្អស់ជូនវត្តពេជ្រមង្គល ស្រុក Vĩnh Châu និងវត្ត Trà Quýt Cũ ស្រុក Châu Thành ខេត្ត Sóc Trăng កាលពីឆ្នាំ២០០២ ចាប់ពីពេលនោះ បងក៏ក្លាយជាអ្នកស្នងបន្តសិប្បករបោះទូក-ងជំនាន់ទី៤ របស់ត្រកូលគ្រួសារផង ដែរ។

ជាទូទៅសម្រាប់ទូក-ងដែលសិប្បករ Danh Vũ បោះគឺមានប្រវែងចាប់ពី៣០ម៉ែត្រឡើងទៅ សម្រាប់កីឡាករប្រមាណជាង៦០នាក់។

ដើម្បីបោះបានទូក-ងមួយគ្រឿងៗ ពោលគឺមិនត្រឹមតែការទទួលមត៌ករបស់គ្រួសារប៉ុណ្ណោះទេ ថែមទាំងក៏អាស្រ័យលើចំ ណង់ចំណូលចិត្តផ្ទាល់ខ្លួនរបស់បងផងដែរ ត្រូវចេះជម្រើសក្តារឈើឲ្យបានល្អិតល្អន់ប៉ិនប្រសប់ និងមានជំនាញបច្ចេក ទេសក្នុងការបោះ។ ទន្ទឹមជាមួយការរក្សាបានល្អនូវលក្ខណៈប្រពៃណីនៃទូក-ង Khmer ក៏ត្រូវធានាឱ្យបាននូវល្បឿនលើផ្ទៃទឹកផងដែរ។ ពិសេសយើងត្រូវជម្រើសឈើដែលមានអាយុលើសពី១០០ ឆ្នាំឡើងទៅ ដើម្បីពេលចុះទឹកកុំឲ្យវាបៀមទឹក ហើយឈើនឹងមានភាពបត់បែនបានល្អទៀតផង។ ដើម្បីបោះបានជាទូក-ងពេញរូបរាងខ្ញុំត្រូវការអ្នកជំនួយចាប់ពី៣-៤នាក់។ រាល់ទូក-ងមួយគ្រឿងៗ ធម្មតាមានប្រវែងជាង៣០ម៉ែត្រ សម្រាប់កីឡាករជាង៦០នាក់ សរុបទឹកប្រាក់ចំណាយក្នុងការបោះវិញចាប់ពី៤០០-៥០០លានដុង សិប្បករ Danh Vũ ឱ្យដឹងដូច្នេះ។

គិតមកទល់សព្វថ្ងៃ សិប្បករ Danh Vũ បោះទូក-ងសម្រេចបានជាង២០០គ្រឿងហើយដែរ។

ពិធីប្រណាំងទូក-ងរៀងរាល់ឆ្នាំរបស់ជនរួមជាតិ Khmer មិនត្រឹមជាសកម្មភាពកីឡាបង្ហាញពីស្មារតីសហគមន៍ប៉ុណ្ណោះទេ ថែមទាំងមានអត្ថន័យផ្នែកខាងវប្បធម៌ និងស្មារតីសម្រាប់ជនរួមជាតិទៀតផង។ ដូច្នេះហើយ ដើម្បីមានទូក-ង ធានាបាននូវល្បឿនក្នុងការចូលរួមប្រកួត គេក៏ត្រូវការសិប្បករដែលមានជំនាញ និងបទពិសោធន៍ក្នុងការបោះទូកផងដែរ ក្នុងនោះមានសិប្បករ Danh Vũ ដែលបច្ចុប្បន្នជាសិប្បករបោះទូក-ងដែលមានវ័យក្មេង និងល្បីឈ្មោះជាងគេក្នុងចំណោមជាងបោះទូក-ងដទៃទៀតទូទាំងតំបន់។​​​​           

បច្ចុប្បន្ន បង Danh Vũ ក៏ជាសិប្បករដែលមានវ័យក្មេងនិងល្បីឈ្មោះខាងបោះទូ-កងទូទាំងតំបន់នាផងដែរ។

គិតមកដល់សព្វថ្ងៃ បងបោះទូក-ងបានជាង២០០គ្រឿងនៅទូទាំងតំបន់។ ដោយ ឡែកនៅ Cà Mau វិញសិប្បករ Danh Vũ កំពុងទទួលបោះទូក-ងចំនួន២គ្រឿងសម្រាប់ ២វត្ត៖ វត្តវង្សស្រង់ ក្របីឃ្លៀច ឃុំ  Tân Lộc និងវត្តសិរីមង្គល ជ្រុងខ្មែរ ឃុំ Hồ Thị Kỷ ស្រុក Thới Bình។ ដោយថវិការឧបត្ថម្ភតាមគម្រោងទី៦នៃកម្មវិធីគោលដៅជាតិសម្រាប់ការអភិវឌ្ឍន៍សេដ្ឋកិច្ច-សង្គមតំបន់ជនជាតិភាគតិច។

យោងតាមសិប្បករ Danh Vũ ដើម្បីបោះសម្រេចបានទូក-ងមួយគឿងៗ បងត្រូវការរយៈពេលប្រហែល២សប្តាហ៍ និងអ្នកជំនួយ ចាប់ពី៣-៤នាក់។

ទន្ទឹមនិងនោះ បងក៏ទទួលបោះទូក-ងបន្ថែមចំនួន៥គ្រឿងទៀត សម្រាប់ឱ្យខេត្តទាំង២គឺ Kiên Giang និង Sóc Trăng ដើម្បីចូលរួមពិធីបុណ្យអកអំបុក​ ប្រណាំងទូក-ងបើកទូលាយទូទាំងតំបន់ដែលប្រព្រឹត្តឡើងនៅខេត្ត Sóc Trăng ក្នុងឆ្នាំ២០២៤នេះ៕

Danh Điệp