សែនដូនតា - ថ្ងៃបុណ្យសម្រាប់តបស្នងគុណ

មានអត្ថន័យដូចគ្នានឹងពិធីបុណ្យ Vu Lan របស់ជនជាតិ Kinh ដែរ បុណ្យភ្ជុំបិណ្ឌ សែនដូនតាក៏មានន័យ ថាជាថ្ងៃ "ដោះលែងពពួកប្រេត” ទាំងឡាយផងដែរ។ ដើម្បីតបស្នងគុណបុព្វការីជនដែលបានស្លាប់បាត់បង់ជីវិត ព្រមទាំងឪពុកម្តាយអ្នកមានគុណបំណាច់លើខ្លួន។ ពិធីបុណ្យនេះក៏បានក្លាយជាលក្ខណៈវប្បធម៌ដ៏ពិសេសរបស់បងប្អូនជនរួមជាតិ Khmer Nam Bộ។

បុណ្យភ្ជុំបិណ្ឌ សែនដូនតាឆ្នាំនេះ ត្រូវបានប្រព្រឹត្តិឡើងចាប់ពីថ្ងៃទី១-៣តុលា។ ដោយយោងតាមលក្ខណៈប្រពៃណី “ដើមឈើមានឫស ទឹកមានប្រភព” គ្រួសារជនជាតិ Khmer ទាំងឡាយក៏បានរៀបចំពិធីយ៉ាងអធិកអធមផងដែរ។ កូន​ចៅ​ដែល​នៅ​ឆ្ងាយក៏បាននាំគ្នាវិលត្រឡប់មកស្រុកដើម្បីជួបជុំគ្រួសារ។

​

លោក Hữu Xà Rinh​ នៅភូមិលេខ៧ ឃុំ Tân Lộc ស្រុក Thới Bình សម្អាតអាសនៈត្រៀមរៀបចំគ្រឿងសក្ការៈ មានផ្លែឈើជាដើម សម្រាប់សែនដូនតា និងបុព្វការីជនក្នុងរដូវបុណ្យភ្ជុំបិណ្ឌ សែនដូនតា។

តាមទំនៀមទម្លាប់ ក្នុងពិធីនេះ ក្រៅពីមានសកម្មភាពដូចជា៖ យកចង្ហាន់ទៅវត្តប្រគេនព្រះសង្ឃ និមន្តព្រះសង្ឃសម្តែងព្រះបរឹត្ត ថែមទាំងធ្វើបាយស្ពកសម្រាប់សែននៅតាមគេហដ្ឋានរបស់ខ្លួនទៀតផង។ មានគ្រួសារខ្លះក៏បានមិនម្តព្រះសង្ឃ ដារនៅតាមផ្ទះរបស់ខ្លួន  ដើម្បីឧទ្ទិសជូនដូនតាបុព្វការីជន។

ក្នុងបណ្តាថ្ងៃទាំងនេះ នៅ​តាម​វត្ត​អារាម និងសាលាទានទាំងឡាយក៏បានចាត់តាំងយ៉ាងច្រើនសកម្មភាពវប្បធម៌ជំនឿរតាមប្រពៃណី Khmer ផងដែរ។ មុនដល់ថ្ងៃបុណ្យភ្ជុំបិណ្ឌ សែនដូនតា នៅតាមភូមិស្រុក Khmer ក៏មានភាពឱឡារឹកណាស់ដែរ។ ​វត្តអារាមស្អាតស្អំ គេហដ្ឋានធំទូលាយរបស់បងប្អូនជនរួមជាតិ Khmer ជាសញ្ញាបញ្ជាក់ឱ្យយើងរាល់គ្នាបានដឹងថា រដូវបុណ្យភ្ជុំប្រកបដោយភាពកក់ក្តៅ និងសប្បាយរីករាយ។

មុនថ្ងៃបុណ្យភ្ជុំបិណ្ឌ សែនដូលតា ប៉ុន្មានថ្ងៃនេះបង Danh Thanh Hường នៅភូមិលេខ១ ឃុំ Khánh Hội ស្រុក U Minh រួមទាំងកូនប្រុសនាំគ្នាបោសសម្អាតអនាម័យ និងតុបតែងផ្ទះ ដើម្បីទទួលបុណ្យ។

“មុន​បុណ្យ​ភ្ជុំបិណ្ឌ នៅតាមវត្ត Khmer ទាំងឡាយក៏បាន​រៀបចំ​​យ៉ាងល្អ​ពុទ្ធបរិស័ទទាំងឡាយបាននាំគ្នាចូលវត្តដើម្បីបោសសំអាតអនាម័យជាដើម។ ទោះបីជាមានភាពរវាល់យ៉ាងណាក្តី តែមាមីងបងប្អូនក៏ឆ្លៀតពេលសម្រាប់ចូលវត្តរៀបចំទទួលបុណ្យភ្ជុំបិណ្ឌ សែនដូនតា។ ក្រៅពីសែនព្រេន ឧទ្ទិសមគ្គផលជូនដល់បុព្វការីជន និងប្រាថ្នាក្តីសុខកើតមានដល់សង្គមគ្រួសារ ជារៀងរាល់ឆ្នាំ នាឱកាសបុណ្យភ្ជុំ ថែមទាំងមានចាត់តាំងល្បែងប្រជាប្រិយមួយចំនួន ព្រមទាំងកម្មវិធីសិល្បៈវប្ប ធម៌ កីឡាដូចជា ការប្រណាំងទូក-ងខ្នាតតូច ទាញព្រត្រ ទោះបីជាទ្រង់ទ្រាយមិនធំ តែក៏រួមចំណែកបង្កបរិយាកាសសប្បាយរីករាយ សម្រាប់ថ្ងៃបុណ្យផងដែរ” លោក Hữu Trung ប្រធានក្រុមសិល្បៈខ្មែរខេត្ត មានប្រសាសន៍បែបនេះ។

ក្នុង​ឱកាស​សែន​ដូនតា បងប្អូននារីទាំងក្នុងសង្គមគ្រួសារ Khmer ក៏បាននាំគ្នាវេចនំអន្សោមសម្រាប់យកទៅវត្ត និងសែនតាមគ្រួសាររៀងៗខ្លួន។

យោងតាមប្រសាសន៍លោក Trương Hoàng Minh អ្នកមានប្រជាប្រិយនៅភូមិលេខ១ ឃុំ Khánh Hội ស្រុក U minh សម្រាប់ បងប្អូនជនរួមជាតិ Khmer បុណ្យភ្ជុំបិណ្ឌ សែនដូនតា គឺជាពិធីបុណ្យប្រពៃណីដ៏សំខាន់ និងមានអត្ថន័យ។ អាស្រ័យហេតុនេះហើយ បុណ្យភ្ជុំបិណ្ឌ សែនដូនតាក៏ត្រូវបានបងប្អូនជនរួមជាតិ Khmer រៀបចំយ៉ាងយកចិត្តទុកដាក់ណាស់ដែរ។​គ្រួសារណាក៏មានរៀបចំតុបតែង បោសសំអាតអនាម័យទីអាសនៈ បាយសម្ល ផ្លែឈើជាដើមសម្រាប់សែនជើងធូបដូនតា សម្តែងនូវទឹកចិត្តកត្តញ្ញូចំពោះដូនតាបុព្វការីជន។

ជាពិសេស គឺនៅមុនថ្ងៃបុណ្យភ្ជុំ ពុទ្ធបរិស័ទបាននាំគ្នាចូលវត្ត ដើម្បីរៀបចំគ្រឿងសក្ការៈ ទាន ធូប ភ្ញីផ្កា និងគ្រឿងក្រអូបជាដើម សម្រាប់ថ្វាយព្រះ។

ជីវភាពមួយថ្ងៃកាន់តែមានការផ្លាស់ប្តូរច្រើន ប៉ុន្តែពិធីបុណ្យភ្ជុំបិណ្ឌ សែនដូនតានៅតែត្រូវបានបងប្អូន Khmer រក្សា និងលើកតម្កើងជានិច្ច ដើម្បីរំលឹកដល់ការដឹងគុណចំពោះជីដូនជីតា និងឪពុកម្តាយ និងបុព្វការីជនដែលលោកបានផ្តល់កំណើត និងរួមកម្លាំងកសាងប្រទេសជាតិ មាតុភូមិ។ រួមជាមួយដំណើរការនៃវប្បធម៌ ប្រពៃណីជនជាតិ បុណ្យភ្ជុំបិណ្ឌ សែនដូនតាហាក់បីដូចជាលក្ខណៈវប្បធ៌ជំនឿផ្លូវចិត្តដ៏វិសេសវិសាលរបស់ Khmer Nam Bộ​ រួមចំណែកធ្វើឱ្យកាន់តែសម្បូរបែបនៃខឿនវប្បធម៌ Việt Nam ផងដែរ។

បុណ្យសែនដូនតា ប្រកបដោយជំនឿប្រជាប្រិយ និងទាក់ទងខាងព្រះពុទ្ធសាសនា បង្កប់នូវចំណុចវិជ្ជមានជាច្រើន បង្ហាញ ពីទំនៀមទម្លាប់សីលធម៌ “ដើមឈើមានឫស ទឹកមានប្រភព” របស់សហគមន៍ជនជាតិ Việt Nam និងជាការអប់រំនូវសីល ធម៌ដ៏ជ្រាលជ្រៅទៀតផង៕

 Quỳnh Anh