ម្ចាស់ការក្នុងការស្វែងយល់ពីការងារធ្វើ និងតម្រូវការពលកម្ម

តាមរយៈការប្រឹក្សាខាងអាជីព ប្អូនៗសិស្សសាលាជាជនជាតិភាគតិចទាំងឡាយក៏បានយល់ និងតម្រង់ទិសសម្រាប់ខ្លួនឆ្ពោះទៅអាជីពការងារធ្វើ នាពេលអនាគត។

ការអនុវត្តការងារធ្វើសម្រាប់សិស្សបន្ទាប់ពីបញ្ចប់កម្រិតអនុវិទ្យាល័យ និងវិទ្យាល័យ មានសារៈសំខាន់ខ្លាំងណាស់ ចំពោះឯកជនរៀងៗខ្លួន និងសង្គមផងដែរ។ ពីព្រោះនេះជាការរួមចំណែកក្នុងការផ្តល់នូវប្រភពធនធានមនុស្សដែលមានរចនាសម្ព័ន្ធសមស្របទៅនឹងតម្រូវការខាងវិស័យសេដ្ឋកិច្ច បង្កើតឱកាសសិក្សារៀនសូត្រអស់មួយជីវិតសម្រាប់មនុស្សគ្រប់គ្នាដែលមានគមនិតឆ្ពោះទៅរកការកសាងសង្គមសិក្សារៀនសូត្រ។ ទន្ទឹម​នឹង​នោះ​ក៏​បង្កើត​កម្លាំង​ពលកម្ម​ដែល​មានបំណិន ​និង​ជំនាញ​កាន់​តែ​ខ្លាំង​ឡើង​ដើម្បី​ចូល​រួម​ក្នុង​ទីផ្សារ​ការងារ។

ប្អូនៗសិស្សសាលាជាកូន khmer ទាំងឡាយទទួលបានការណែនាំ និងពិគ្រោះយោបល់ខាងបំណិនស្តីពីការជម្រើសអាជីពការងារធ្វើតាមតម្រូវការសង្គម។

អាស្រ័យដូច្នេះហើយ រួមជាមួយនឹងសិស្សសាលទូទាំងខេត្ត តាំងពីវ័យកំពុងសិក្សាថ្នាក់ទី៩ រហូតដល់ថ្នាក់ទី១២ ប្អូនៗសិស្សានុសិស្សដែលជាកូនក្មួយជនរួមជាតិភាគតិច​ ក៏ទទួលបានការណែនាំអំពីអាជីពច្បាស់លាស់ និងជាក់លាក់។ មិនតែប៉ុណ្ណោះ មន្ទីរការងារ-យុទ្ធជនពិការនិងសង្គមថែមទាំងបានសហការជាមួយបណ្តាអង្គភាពពាក់ព័ន្ធដើម្បីចាត់តាំងជារៀងរាល់ឆ្នាំ ដោយរួមបញ្ចូលយ៉ាងច្រើនសកម្មភាពផ្សេងៗមានដូចជា៖ ទិវាជម្រើសិស្ស ពិធីចុះឈ្មោះស្វែងរកការងារធ្វើ។ល។ ដោយសង្ឃឹមថានឹងផ្សព្វផ្សាយមានប្រសិទ្ធភាពរាល់បណ្តាសកម្មភាពស្តីពិការប្រឹក្សាខាងអាជីព ការងារធ្វើ។ សកម្មភាពនេះជួយសិស្សានុសិស្សកម្រិតអនុវិទ្យាល័យ​ និងវិទ្យាល័យបានស្គាល់ច្បាស់អំពីសមត្ថភាពខ្លួន ព្រមទាំងចំណាប់អារម្មណ៍​ និងបំណងប្រាថ្នាខាងអាជីពផ្ទាល់ខ្លួន មានចំណេះដឹង យល់បានច្បាស់លាស់ខាងការងារធ្វើក្នុងសង្គម និងនិន្នាការខាងជំនាញ និងមុខរបរការងារធ្វើនាពេលអនាគត ដើម្បីជ្រើសរើសការងារធ្វើ និងវិជ្ជាជីវៈឱ្យបានសមស្រប។

មិត្ត Sơn Thị Yến Nhi ជាសិស្សថ្នាក់ទី១០C៣ នៃវិទ្យាល័យជនជាតិអន្តេវាសិកខេត្ត ឱ្យដឹង៖ “តាំងពីប្អូនកំពុងនូវសិក្សាថ្នាក់ទី៩ សាលាក៏មានចាត់តាំងវគ្គប្រឹក្សាអាជីពជាច្រើនលើកច្រើនសាដែរ ដូច្នេះហើយទើបប្អូនអាចកំណត់អាជីពដែលប្អូនបានជ្រើសរើស។ ដោយមានការលើកទឹកចិត្តពីឪពុកម្តាយ ប្អូននឹងជ្រើសរើសសិក្សាខាងមុខវិជ្ជាបន្ទាប់បញ្ចប់បរិញ្ញាបត្រពីព្រោះប្អូនអាចរកបានប្រាក់ភ្លាមៗសម្រាប់ជួយឪពុកម្តាយ។ ប្អូននឹងជម្រើខាងរបរតាមតម្រូវការសង្គម និងសមស្របទៅតាមសមត្ថភាពរបស់ខ្លួន ដើម្បីពេលដែលបញ្ចប់ការសិក្សា នឹងអាចមានការងារធ្វើនៅភូមិភាគ ឬក៏តាមខេត្តនានា។ ប្អូនរួមទាំងមិត្តភក្តិដទៃជាច្រើនទៀតគិតថា ប្រសិនបើសមត្ថភាពក្នុង្ការសិក្សារៀនសូត្ររបស់ខ្លួនបានត្រឹមកម្រិតមធ្យម គឺប្អូននឹងជម្រើសខាងមុរបរវិញ ជាជាងបន្តសិក្សាដែលលើសពីសមត្ថភាពរបស់ខ្លួន ព្រមទាំងបណ្តោយឱ្យបាត់បង់ពេលវេលា និងបង់ខាតប្រាក់កាសទៀតផង”។

ចំណែកមិត្ត Thạch Minh Luận វិញដែលជាសិស្សថ្នាក់ទី១២C២ នៃវិទ្យាល័យជនជាតិអន្តេវាសិកខេត្ត បានចែករំលែកថា៖ "សាលាមានវគ្គប្រឹក្សាយោបល់ខាងជម្រើសសិស្សដើម្បីបន្តចូលសិក្សាកម្រិតមហាវិទ្យាល័យ និងអនុមហាវិទ្យាល័យ ដូច្នេះហើយក៏មិនពិបាកសម្រាប់ពួកប្អូនក្នុងការជម្រើសការសិក្សារៀននៅសូត្រឬក៏រៀនមុខរបរវិជ្ជាជីវៈបន្តាប់ពីបញ្ចប់ការសិក្សានោះដែរ។ ដោយឡែកសម្រាប់ខ្លួនប្អូនផ្ទាល់ ប្អូនជម្រើសផ្នែកសិក្សាខាងនគរបាលប្រជាជនតាមប្រពៃណីគ្រួសារ។ ប្អូនក៏បានខិតខំសិក្សារៀនសូត្រប៉ុន្មានវិញ្ញាសាសំខាន់ៗតាំងពីដែលខ្លួនកំពុងនូវសិក្សាថ្នាក់ទី៩ ដូច្នេះហើយក៏មានលំនឹងសម្រាប់ឱ្យកាប្រឡងផ្នែកខាងរបរការងារដែលខ្លួនបានជម្រើស”។

“មិត្តរួមថ្នាក់របស់ខ្ញុំមួយចំនួនដែលរៀបពូកែៗ  ក៏បានជម្រើសបន្តសិក្សាខាងមហាវិទ្យាល័យដោយផ្នែកខុសៗគ្នា មានដូចជា ខាងទេសចរណ៍ វិស្វករ។ល។ ប្អូនយល់ថា សម័យសព្វថ្ងៃមានភាពជាក់ស្តែងខ្លាំងណាស់។ មិត្តភក្តិទាំងឡាយមិនចាំបាច់ជម្រើសផ្នែកសិក្សាតាមដែលខ្លួនត្រូវការប៉ុណ្ណោះទេ ថែមទាំងឆ្ពោះទៅរកកាន់តម្រូវការរបស់សង្គមទៀតផង។ បន្ទាប់ពីរៀនចប់ ចេញសាលា ចាំបាច់ត្រូវមានការងារធ្វើ ត្រូវបម្រើសង្គម ពោលគឺមិនត្រូវគិតថាបើសូមការងារធ្វើមិនបាន វាជាការបង់ខាតធ្ងន់ធ្ងូរខ្លាំងណាស់” Minh Luận និយាយឲ្យបែបនេះ។

នៅបណ្តាវគ្គប្រឹក្សា ប្អូនៗទាំងសិស្សសាលាជាជនជាតាិភាគតិចទាំងឡាយដែលរៀនពូកែក៏សកម្មសិក្សាស្វែងយល់ពីនិន្និការខាងការងារធ្វើ ព្រមទាំងតម្រូវការខាងពលកម្មរបស់ភូមិភាគ ក៏ដូចជាការពិគ្រោះខាងអាជីពការងារធ្វើ ដើម្បីទទួលបានព័ត៌មានពេញលេញខាងមុខរបរការងារធ្វើ តម្រូវការខាងធនធានមនុស្សរបស់ខេត្តក្នុងតំណាក់កាលមធ្យម និងរយៈកាលយូរអង្វែង។ ក៏មានមិត្តភក្តិមមួយចំនួនទៀត ដោយមានបំណងចង់ចេញទៅធ្វើការបរទេស ដូច្នេះខ្លួនក៏ខិតខំរៀនបន្ថែមខាងភាសាបរទេសតាំងពីដំបូង។

ប្អូនៗសិស្សខ្មែរទាំងឡាយតែងមានទំនុកចិត្តក្នុងការជម្រើសខាងមុខរបរវិជ្ជាជីវៈ និងស្វែងរកការងារធ្វើរបស់ខ្លួន។

លោកស្រី Bùi Hồng Sáu អនុប្រធានការិយាល័យអប់រំវិជ្ជាជីវៈ និងមុខរបរការងារធ្វើនៃមន្ទីរការងារ-យុទ្ធជនពិការ និងសង្គមកិច្ច បានមានប្រសាសន៍ថា៖ “បណ្តាសាលាអនុមហាវិទ្យាល័យទាំងឡាយដែលបានចូលរួមការជម្រើសសិស្សនិស្សិតក្នុងការអនុវត្តការឧទ្ទេសនាម ពិគ្រោះយោបល់ឱ្យបានច្បាស់លាស់ថែមទៀតស្តីពីកម្មវិធីបណ្តុះបណ្តាល និងឱកាសសម្រាប់បន្តសិក្សាលើកកម្ពស់ចំណេះដឹងបន្ទាប់ពីបញ្ចប់បរិញ្ញាបត្រកម្រិតអនុមហាវិទ្យាល័យ មធ្យមសិក្សា ព្រមទាំងឱកាសចូលរួមបណ្តាវគ្គបណ្តុះបណ្តាល និងធ្វើការនៅតាមបណ្តាអាជីវកម្មក្នុងនិងក្រៅខេត្តបន្ទាប់ពីបញ្ចប់បរិញ្ញបត្រឬក៏ចូលរួមទីផ្សារពលកម្មនៅបរទេស។ ឪពុកម្តាយសិស្ស រួមទាំងគ្រូបង្រៀនទទួលបន្ទុកលើថ្នាក់ តែងរួមដំណើរការជាមួយសិស្ស ដោះដូររាល់ព័ត៌មានលម្អិតដែលមានអត្ថប្រយោជន៍ក្នុងការបញ្ជាក់ និងជម្រើសទិសដៅយ៉ាងសមស្របសម្រាប់ប្អូនៗខណៈពេលកំពុងត្រៀមប្រឡងបញ្ចប់ការសិក្សាកម្រិតមធ្យមសិក្សា”៕

Lam Khánh