ប្រជាកាតូលិករួមកម្លាំងកសាងប្រទេសជាតិ

រស់នៅ "ល្អជាតិ ល្អសាសនា" ជាមួយនឹងសកម្មភាពជាក់ស្តែងជាច្រើន អ្នកកាន់សាសនាកាតូលិក និងប្រូតេស្តង់ (Tin Lành) នៅទូទាំងក្រុង Cà Mau បានរួមចំណែកយ៉ាងសកម្មខាងកិច្ចការងារសន្តិសុខសង្គម និងកសាងជនបទថ្មី រួមកម្លាំងកសាងប្រទេសជាតិមួយថ្ងៃកាន់ជឿនលឿន។

ប្រជាជនអ្នកកាន់សាសនាកាតូលិក និងប្រូតេស្តង់ (Tin Lành) នៅក្រុង Cà Mau បានបង្កើតតាំងពីយូរណាស់មកហើយ ព្រមទាំងតែងប្រកាន់ខ្ជាប់នូវបាវចនា "គោរពព្រះយេស៊ូ ស្រឡាញ់ជាតិ" ដើម្បីរស់នៅ "ល្អជាតិ ល្អសាសនា" ។ “គោរពព្រះយេស៊ូ ស្រឡាញ់ជាតិ” មិនត្រឹមតែបង្ហាញពីការដឹងគុណចំពោះ និងក្តីជំនឿ  ព្រមទាំងការដឹងគុណ ចំពោះការគោរពព្រះដ៏ខ្ពង់ខ្ពស់ប៉ុណ្ណោះទេ ថែមទាំងបង្ហាញពីកាតព្វកិច្ចដ៏ពិសិដ្ឋរបស់ប្រជាពលរដ្ឋទៀតផង។ 

ក្នុងឱកាសបុណ្យណូអែលជារៀងរាល់ឆ្នាំ គណៈកម្មាធិការរណសិរ្សមាតុភូមិ Việt Nam ក្រុង Cà Mau រួមជាមួយអង្គភាពពាក់ព័ន្ធ និងរដ្ឋអំណាចភូមិភាគ តែងអញ្ជើញទៅសួរសុខទុក្ខ និងប្រគេនជូនអំណោយតាមបណ្តាវិហារកាតូលិក និងប្រូតេស្តង់ (Tin Lành)។

រួមដំណើរការជាមួយការអភិវឌ្ឍន៍ភូមិភាគ ប្រជាគ្រឹស្តសាសនិក និងប្រូតេស្ដង់ (Tin Lành) បានរួមចំណែកយ៉ាងជាក់ស្តែង មានដូចជាការកសាងគម្រោងខាងគមនាគមជនបទ រួមចំណែករក្សាលំនឹង និងលើកកម្ពស់គុណភាពរាល់បណ្តាបទដ្ឋានកសាងជនបទថ្មីកម្រិតខ្ពស់។

បព្វជិត Nguyễn Gia Bảo ប្រធានសមាគមសាសនាប្រូតេស្តង់ (Tin Lành) Cà Mau សង្កាត់៩ ឱ្យដឹង៖ “ប្រជាគ្រឹស្តសានិកទាំងឡាយតែងអនុវត្តយ៉ាងម៉ឹងម៉ាត់នូវរាល់វិធានការ គោលនយោបាយរបស់បក្ស និងក្រឹត្យច្បាប់រដ្ឋ ព្រមទាំងសេចក្តីកំណត់ផ្សេងៗរបស់រដ្ឋអំណាចភូមិភាគ រួមចំណែកលំនឹងសន្តិសុខសង្គមនៅតាមបណ្តាទីតាំងដែលខ្លួនរស់នៅ។ សកម្មរួមចំណែកជាមួយរដ្ឋអំណាចភូមិភាគក្នុងការអនុវត្តកិច្ចការងារសង្គម រស់នៅល្អជាតិ ល្អសាសនា។ ដោយឡែកនាឱកាសបុណ្យណូអែល សកម្មភាពនៃការសួរសុខទុក្ខ និងជូនអំណោយដល់ចាស់ព្រឹទ្ធាចារ្យទាំងឡាយ គឺជាទង្វើដ៏ប្រចាំរបស់សមាគមអ្នកកាន់សាសនាកាតុលិក ដើម្បីជំរុញទឹកចិត្ត ព្រមទាំងប្រសិទ្ធពរជ័យជូនព្រឹទ្ធាចារ្យទាំងឡាយមានសុខភាពរឹងមាំ កម្លាំងពលំ”។

លោក Trịnh Cao Găng អនុប្រធានគណៈកម្មាធិការរណសិរ្សមាតុភូមិ Việt Nam ក្រុង Cà Mau ឱ្យដឹង៖ “អ្នកកាន់សាសនាកាតូលិក និងប្រូតេស្តង់ (Tin Lành) ទាំងឡាយលើភូមិសាស្ត្រតែងសកម្មក្នុងការពលកម្មផលិត អភិវឌ្ឍន៍សេដ្ឋកិច្ចគ្រួសារ កសាងជីវភាពសុខក្សេម ក្សាន្ត និងសុភមង្គល។ ទន្ទឹមនិងនោះផងដែរ ប្រជាកាតុលិកក៏បានចូលរួមអំណររាល់បណ្តាប្រវេណីប្រឡងប្រណាំងស្នេហាជាតិ អនុវត្តការរស់នៅតាមបែបលក្ខណៈវប្បធម៌ក្នុងរាល់កិច្ចការងារសាសនា និងសង្គម​ ព្រមទាំងរក្សាការពារសន្តិសុខនិងសណ្តាប់ធ្នាប់សង្គម បង្ការគ្រោះសង្គម។ល។ ជាពិសេស គ្រប់បណ្តាទីតាំងគោរពបូជានៃសាសនាកាតូលិក និងប្រូតេស្តង់ (Tin Lành) គឺជាចំណុចដ៏ភ្លឺស្វាងស្តីពិការការពារបរិស្ថាន និងការរស់តាមបែបលក្ខណៈវប្បធម៌ ដើម្បីប្រជាបរិស័ទ រួមទាំងបងប្អូនប្រជាជនរៀនសូត្រតាម”។

អ្នកកាន់សាសនាកាតូលិកនៅ Cà Mau មិនត្រឹមតែបង្រួបបង្រួមសាមគ្គីក្នុងសាសនារស់នៅល្អជាតិ ល្អសាសនាប៉ុណ្ណោះទេ ថែមទាំងយកចិត្តទុកដាក់ ផ្គត់ផ្គង់ខាងវិស័យសិក្សាអប់រំ និងកិច្ចការងារខាងសប្បុរសធម៌ទៀតផង។​ (ក្នុងរូបថត៖ មណ្ឌលចិញ្ចឹមមើលថែកុមារពិការ-កំព្រារឯកកោដ៏គួរជាទីស្រឡាញ់ នៅអនុសង្កាត់លេខ៣ សង្កាត់ Tân Xuyên ក្រុង Cà Mau តែងចិញ្ចឹមមើលថែបានយ៉ាងល្អប្អូនដែលពិការ និងងងឹតភ្នែក)។

ជាមួយតួនាទី និងមានតូនាទីជាអ្នកមានប្រជាប្រិយផងនោះ បណ្តាអ្នកមុខអ្នកការខាងសាសនាទាំងឡាយ រួមទាំងបព្វជិតផងដែរក៏បានរួមកម្លាំងជាមួយគណៈកម្មាធិការបក្សគ្រប់បណ្តាថ្នាក់ រួមទាំងរណសិរ្សមាតុភូមិ តែងផ្សព្វផ្សាយ ជំរុញទឹកចិត្តបងប្អូនប្រជាគ្រឹស្តសនិក និងប្រូតេស្តង់ (Tin Lành) បន្តចូលរួមរាល់បណ្តាការចលនា ប្រឡងប្រណាំងស្នេហាជាតិ លើកកម្ពស់គុណភាពរស់នៅទាំងសម្ភារៈស្មារតីរបស់បងប្អូនប្រជាជន សាមគ្គីរវាងអ្នកកាន់សាសនា រួមចំណែកកសាង និងអភិវឌ្ឍន៍ប្រទេសជាតិ មាតុភូមិមួយថ្ងៃកាន់ តែជឿនលឿន៕

ប្រអប់៖

សព្វថ្ងៃ លើភូមិសាស្ត្រក្រុង Cà Mau មានទាំងអស់៨៦ទីតាំងសម្រាប់គោរពបូជាតាមជំនឿ ក្នុងនោះមាន៤៦មូលដ្ឋានចាត់តាំងសាសនា ដោយមានអ្នកទទួលមុខតំណែងក្នុងសានាប្រមាណ២១៤រូប និងអ្នកមានមុខងារ រួមទាំងប្រជាបរិស័ទចំនួន៩៥.៤២២រូប ស្រូបអត្រា៤១,២%នៃចំនួនប្រជាជន។ ១០ទីតាំងសម្រាប់សកម្មភាពសាសនាប្រមូលផ្តុំ និងអ្នកមានតំណែងក្នុងសាសនា២០រូប អ្នកមុខអ្នកការ២៧រូប ក្នុងនោះមានប្រជាបរិស័ទ៦៤០រូប។

រាល់សាសនានីមួយៗតែងមានចាត់តាំងរាល់សកម្មភាពសាសនារៀងៗខ្លួន តែសុទ្ធតែប្រកាន់ខ្ជាប់រួមចំណុខតែមួយ គឺរស់នៅដោយសុខដុមរមនា និងសាមគ្គីភាព រួមគ្នាឆ្ពោះទៅរកគោលដៅនៃការកសាងប្រទេសជាតិ មាតុភូមិមួយថ្ងៃកាន់សម្បូររុងរឿង ស្មើភាព ប្រជាធិបតេយ្យ និងស៊ីវិល័យ៕

Quỳnh Anh - Kim Cương