សញ្ញាល្អស្តីពីការកាត់បន្ថយក្រ

សកម្មភាពនៃការកាត់បន្ថយភាពក្រីក្រ គឺជាខ្លឹមសារដ៏សំខាន់ក្នុងកម្មវិធីអភិវឌ្ឍន៍សេដ្ឋកិច្ច-សង្គមតំបន់ជនជាតិភាគតិចរបស់ភូមិភាគ។ ផ្តើមពីប្រភពទុនរបស់កម្មវិធីគោលដៅជាតិ បណ្តាភូមិភាគទាំង ឡាយក្នុងខេត្ត ក៏ជំរុញខ្លាំងខ្លា និងពហុបែបខាងវិស័យរស់នៅ និងពង្រីកបណ្តាទម្រង់នៃការកាត់បន្ថយក្រក្នុងជនជាតិភាគតិច។

ដែលលេខធ្លោជាងគេ គឺកម្មវិធីឧបត្ថម្ភដីផលិត ដីធារ លំនៅឋាន ទកស្អាតសម្រាប់ប្រើប្រាស់ និងផ្លាស់ប្តូរការដាំដុះ និងចិញ្ចឹមសត្វសម្រាប់បងប្អូនជនជាតិភាគតិចដែលក្រីក្រ មានជីវភាពជួបលំបាក។ កម្មវិធីនៃជំហានដំបូងបង្អស់មានមុខសញ្ញាយ៉ាងល្អសមគួរ យោងតាមការបង្កលក្ខណៈសម្រាប់គ្រួសារក្រីក្រ និងក្បែរបន្ទាត់ក្រទាំងឡាយ រួមទាំងគ្រួសារដែលរស់នៅតាមភូមិដែលជួបលំបាកពិសេស និងបណ្តាឃុំស្ថិក្នុងតំបន់ III មានលំនៅឋានសមរម្យល្អ ព្រមទាំងបានចូលជិតទម្រង់ផលិតមានប្រសិទ្ធភាព និងទទួលបានការឧបត្ថម្ភពូជឈើដាំ សត្វចិញ្ចឹម ដើម្បីអភិវឌ្ឍន៍ផលិត។ បណ្តុះបណ្តាលនិងលើកកម្ពស់ចំណេះដឹងសម្រាប់បងប្អូនប្រជាជន បណ្តាសកម្មភាពប្រពៃណីស្តីពីការងារកាត់បន្ថយក្រ ក៏បានរួមចំណែកលើកកម្ពស់ចំណេះដឹងផងដែរ។ ផ្តើមពីនោះ បងប្អូនប្រជាជនក៏ផ្លាស់ប្តូរខាងសកម្មភាព និងបណ្តាទម្រង់ក្នុងការផលិត ព្រមទាំងឈានឡើងរួចចាកក្រទៀតផង។

គ្រួសារបង Sơn Văn Hơn ក្នុងគេហដ្ឋានថ្មីដ៏ធំទូលាយស្អាតរបស់ខ្លួន។

ជាភ័ស្តុតាង ដូចនៅឃុំ Khánh Thuận ស្រុក U Minh ដែលជាឃុំ១ក្នុងចំណោម៥ឃុំនៃតំបន់ lII របស់ខេត្ត ប៉ុន្មានឆ្នាំកន្លង គណៈ កម្មាធិការបក្ស និងរដ្ឋអំណាចភូមិភាគក៏បានអនុវត្តព្រមៗគ្នាសម្រាប់វិធានការ គោលនយោបាយស្តីពីការងារកាត់បន្ថយក្រ ដើម្បីស្តារជីវភាព និងសម្ភារៈសម្រាប់គ្រួសារក្រីក្រជាជនជាតិភាគតិច។

បង Sơn Văn Hơn ជាជនជាតិ Khmer នៅភូមិលេខ១៧ ឃុំខាញ់ធ្វឹង ដែលជាគ្រួសារមួយក្នុងចំណោមគ្រួសារដទៃទៀតដែលបានរួចចាកក្រក្នុងឆ្នាំ២០២៤ មានប្រសាសន៍ថា៖ ដោយយល់ថាគ្រួសារខ្ញុំក្រលំបាក ផ្ទះសម្បែងក៏ទ្រុឌទ្រោម ម៉្លេះហើយ រដ្ខអំណាចភូមិភាគក៏ជំនួយឧបត្ថម្ភទឹកប្រាក់ចំនួន៤៤លានដុងសម្រាប់សង់ផ្ទះថ្មី។ មិនតែប៉ុណ្ណោះ មុននេះដែរ ខ្ញុំថែមទាំងទទួលបានការឧបត្ថម្ភជ្រូកពូជចំនួន ៣ក្បាល រួមទាំងចំណីផងដែរ គិតមកទល់ពេលនេះ ជ្រូកក៏បានលក់ ខ្ញុំមានដើមទុនមួយចំនួនសម្រាប់ទំនុកទម្រង់ឱ្យការផលិតបន្ត។ ដោយសារបានរដ្ឋអំណាចភូមិ និងឃុំយកចិត្តទុកដាក់ជំនយយឧបត្ថម្ភ និងបង្ហាញណែនាំអំពិរបៀបរកស៊ី ខ្ញុំចិញ្ចឹមមាន់ ទាបន្ថែម គួបផ្សំជាមួយដាំស្មាច់បង្កាត់។ ផ្តើមពីនោះ ជីវភាពគ្រួសារក៏បានធូរធារប្រសើរឡើង មិនក្រខ្សត់ដូចកាលពីមុនទៀតនោះទេ ខ្ញុំសប្បាយចិត្តខ្លាំងណាស់។

ស្រដៀងគ្នាផងដែរ បងស្រី Sơn Thị Ấm ជាជនជាតិ Khmer នៅភូមិលេខ១១ ឃុំ Khánh Thuận ក៏បានរួចចាកក្រក្នុងឆ្នាំ២០២៤។ ប្តីរបស់បងជាអ្នករកប្រាក់តែម្នាក់ឯងគត់ក្នុងគ្រួសារ តែក៏គ្មានមុខរបរការងារនឹងនរនោះដែរ ឱ្យតែមានអ្នកណាជួលធ្វើអីក៏ធ្វើនោះ ដូច្នេះហើយចំណូលក៏មិនបាននឹងនរល្អ។ គិតពីការហូបចុកវាលំបាកណាស់ទៅហើយ ទម្រាំរកប្រាក់ពីណាទិញឧបករសម្ភារៈសម្រាប់ប្រ កបរបរកស៊ី គិតអីអំពីការជុសជុលផ្ទះសម្បែង។ ដូច្នេះហើយ ខណៈពេលដែលបានដឹងថាខ្លួនជាគ្រួសារក្រីក្រដែលទទួលបានការឧបត្ថម្ភសាងសង់ផ្ទះថ្មី បងស្រី Ấm យប់ណាក៏ដេកមិនលក់ដែរ ព្រោះតែសប្បាយចិត្តពេក នេះជាផ្ទះសម្រាប់សមាជិកចំនួន៥នាក់អាចស្នាក់អាស្រ័យបានយ៉ាងស្ងប់ស្ងាត់ មិនចាំបាច់ភ័យខ្លាចនៅពេលមានព្យុះភ្លៀងធំ។  បងស្រី Ấm មានប្រសាសន៍៖ ទទួលបានការឧបត្ថម្ភសង់ផ្ទះ ទិញទូក ខ្ញុំសប្បាយខ្លាំងណាស់យ៉ាងក្រៃលែងណាស់។ ទីនេះជាតំបន់ព្រៃ មានអ្នកជួលទូកសម្រាប់ដឹកជញ្ជូនជាប្រចាំ ទើបអាចរកបានប្រាក់ចំណូលសមគួរ។ ឆ្លៀតពេលទំនេរ ប្តីខ្ញុំថែមទាំងទៅអារឈើ កាប់អុសស៊ីឈ្នួលដើម្បីរកប្រាក់ចំណូលបន្ថែមសម្រាប់ផ្គត់ផ្គង់ ឱ្យកូនរៀនសូត្រ។

កម្មាភិបាលឃុំ Khánh Thuận រួមជាមួយគណៈទទួលបន្ទុកការងាររណសិរ្សភូមិលេខ១៩ អញ្ជើញសួរសុខទុក្ខគ្រួសារបងស្រី Sơn Thị Ấm។

 ទន្ទឹមនិងនោះផងដែរ ការងារកាត់បន្ថយក្រ សម្រាប់ផ្នែកខាងជនជាតិត្រូវយកចិត្តទុកដាក់ខាងបណ្តុះបណ្តាលការងារធ្វ ព្រមទាំងវិនិ យោកអភិវឌ្ឍន៍ខាងវិស័យសិក្សអប់រំ តំណាក់សុខាភិបាល សន្តិសុខសង្គមតំបន់ជនជាតិភាគតិច។ ផ្តើមពីនោះ ជីវភាពសម្ភារៈនិងស្មារតីរបស់គ្រួសារក្រីក្រជាជនជាតិភាគតិចក៏មានភាពប្តូរផ្លាស់ រួមចំណែកពង្រឹងទំនុកចិត្តរបស់បងប្អូនប្រជាជន ព្រមទាំងធានាលំនឹងនយោបាយ-សង្គម។

លោកស្រី Quách Kiều Mai អនុប្រធានគណៈជនជាតិខេត្ត បានអះអាងថា៖ “យោងតាមការផ្សព្វផ្សាយខាងការងារកាត់បន្ថយក្របានឱ្យឃើញថា បណ្តាមុខសញ្ញាទទួលផលក៏ត្រូវបានផ្លាស់ប្តូរយ៉ាងសកម្ម លើកកម្ពស់ចំណេះដឹង ព្រមទាំងពង្រីកស្មារតីទទួលខុសត្រូវ និងសកម្មចូលរួម។ ផ្តើមពីនោះ ក៏បានបំព្រួញមកវិញនូវគម្លាតស្តីពីកម្រិនៃការរស់នៅ ចំណូលមធ្យមនៃមនុស្សម្នាក់ៗក្នុងតំបន់ជនរួមជាតិភាគតិចប្រៀបជាមួយមធ្យមរួមរបស់ខេត្ត។ បច្ចុប្បន្ន ទូទាំងខេត្តមាន១១.៥០១គ្រួសារជនជាតិភាគតិច ដោយចំនួនប្រជាជន ៤៧.០០១នាក់ ក្នុងនោះមាន៤៦៣គ្រួសារក្រ និង៤០៣ក្បែរបន្ទាត់ក្រ។ ឆ្នាំ២០២៤ អត្រាគ្រួសារក្រីក្រក្នុងជនរួមជាតិភាគតិចរបស់ខេត្តបន្ថយចុះនូវត្រឹម២,០៦% ស្មើនឹងបន្ថយបាន២៥០គ្រួសារ”៕

Quỳnh Anh