Truyền hình
វត្តមហាពោធិវ័ន (Tà Thiêu) ត្រូវបានកសាងនៅឆ្នាំ១៩៦៧ វត្តមានទីធ្លារធំទូលាយដោយផ្ទៃដីប្រមាណ៣៩.៥០០ម៉ែត្រការេ ស្ថិតនៅភូមិ Chùa Phật ឃុំ Hoà Ân ស្រុកCầu Kè ខេត្ត Trà Vinh។
ព្រះវិហារបុរាណនៃវត្តមហាពោធិវ័ន (Tà Thiêu)។
វត្តមហាពោធិវ័ន (Tà Thiêu) ជាកន្លែងដ៏ស្ងប់ស្ងាត់ និងប្រកបដោយស្ថាបត្យកម្មសិល្បៈដ៏វិសេសវិសាល បង្ហាញពីលក្ខណៈដ៏ប្រចាំនៃលក្ខណៈវប្បធម៌សិល្បៈ បង្កើតបានទស្សនីយភាពតាមបែបបុរាណ និងសម័យទំនើបផងដែរ។ នេះជាទីតាំងទេសចរណ៍ជំនឿផ្លូវចិត្តដ៏សំខាន់មិនត្រឹមសម្រាប់បងប្អូនប្រជាពុទ្ធបរិស័ទនៅភូមិភាគប៉ុណ្ណោះទេ ថែមទាំងមានភាពទាក់ទាញភ្ញៀវទេសចរណ៍ទាំងឡាយទាំងក្នុងប្រតែសនិងអន្តរជាតិទៀតផង។
សួនឧទ្យាននៃរូបសំណាក ពេលដែលព្រះពុទ្ធទ្រង់ប្រសូត្រ ។
វត្តនេះមានស្ថាបត្យកម្ម Khmer បុរាណដ៏ពិសេសៗ ដូចជាក្លោងទ្វារវត្តរហូតដល់ព្រះវិហារ ឧបដ្ឋានសាលា សមណៈកុដិ ចេតិយ រួមទាំងបង្កូលទង់ ព្រះបដិមាករទ្រង់ចូលបរិនិព្វាន ជាដើម។ ជុំវិញវត្តមានដើមគរគី និងដើមត្នោតជាច្រើនដែលមានអាយុរាប់រយឆ្នាំ ផ្តល់នូវម្លប់ត្រជាក់ខួបឆ្នាំខួបខែ បង្កបរិយាកាសគួរជាទីគោរព។
សួនឧទ្យាននៃរូបសំណាក ពេលដែលព្រះពុទ្ធទ្រង់និមន្តបិណ្ឌបាត្រ និងសម្តែងធម៌ទេសនាប្រោសសត្វលោក។
សម្រាប់ស្ថាបត្យកម្មនីមួយៗរបស់វត្តនេះ ត្រូវបានសិប្បករតុបតែងលម្អ និងចម្លាក់ដែលពោរពេញដោយភាពទាក់ទាញ តាំងពីរូបនិម្មិតនៃសម្រស់ធម្មជាតិរហូតដល់បដិមាករដែលស្តីពីប្រវត្តិរបស់ព្រះសម្មាសម្ពុទ្ធបរមគ្រូនៃយើង។ បណ្តារូបចម្លាក់ទាំងឡាយរួមមានដូចជា ព្រហ្មមុខបួន ទេវតា យក្ស រហ៊ូ កិន្នរ ពស់នាគរាជ ហង្ស និងគ្រុឌ។ល។ ក្នុងបរិវេណវត្ត ភ្ញៀវទេសចរណ៍ទាំងឡាយនឹងអាចបានទស្សនាឧទ្សាននៃព្រះពុទ្ធទ្រង់ប្រសូត្រ ទ្រង់និមន្តបិណ្ឌបាត្រ ធ្វើសមាធិកម្មដ្ឋាន សម្តែងធម៌ទេសនាប្រោសសព្វសត្វនិករ យ៉ាងរស់រវើក។ ចំណែកខាងក្នុងព្រះវិហារវិញ មានសម្លាក់ក្បូរក្បាច់រចនាយ៉ាងសម្បូរបែប រួមទាំងគំនូរពុទ្ធប្បវត្តិចាប់តាំងពីទ្រង់ប្រសូត្ររហូតដល់យាងចូលព្រះនិព្វាន។
ផ្ទាំងសីលាចារិកស្តីពីវត្តសង្ខេបរបស់វត្ត។
ជាមួយនឹងប្រវត្តិសាស្ត្រដ៏យូរលង់ វត្តមហាពោធិវ័ន (Tà Thiêu) មិនត្រឹមតែរក្សាខ្ជាប់នូវលក្ខណៈតម្លៃរបស់បងប្អូណជនរួមជាតិ Khmer ប៉ុណ្ណោះទេ ថែមទាំងជាមណ្ឌលវប្បធម៌ និងផ្នែកខាងជំនឿស្មារតីដ៏សំខាន់ផងដែរ សម្រាប់ជំនួយអ្នករាល់គ្នាស្វែងរកសេចក្តីសុខសន្តិ ភាព និងតុល្យភាពក្នុងការរស់នៅ៕
Lâm Đươl
Xem thêm bình luận