Truyền hình
វត្តឥន្ទកោសី ហៅ Trà Tim Mới ត្រូវបានកសាងនូវឆ្នាំ១៨៦០ មានទីតាំងស្ថិតនៅភូមិ Tâm Kiên ឃុំ Đại Tâm ស្រុក Mỹ Xuyên ខេត្ត Sóc Trăng។ នេះជាវត្តមួយក្នុងចំណោមវត្ត Khmer ដទៃទៀតដែលប្រកបដោយក្បូរក្បាច់រចនាយ៉ាងល្អប្រណិត។ គិតមកទល់ពេលនេះ វត្តត្រូវបានឆ្លងកាត់ព្រះចៅអធិការ១៣ជំនាន់ដែរហើយ។
ព្រះវិហារថ្មីវត្តឥន្ទកោសី Trà Tim Mới ទើបកសាងសម្រេចជាស្ថាពរ នឹងប្រារព្ធធ្វើបុណ្យបញ្ចុះខណ្ឌសីមាក្នុងខែកុម្ភៈ ឆ្នាំ២០២៥ខាងមុខនេះ។
រូបចម្កាក់ទេពអប្សរទាំង៧អង្គដែលតំណាងឱ្យថ្ងៃទាំង៧ក្នុងសប្តាហ៍តាមលក្ខណៈប្រពៃណីបុរាណ Khmer។
វត្តឥន្ទកោសី Trà Tim Mới មានផ្ទៃដីដ៏ធំទូលាយ និងមានស្ថាបត្យកម្ម ដ៏វិសេសវិសាល រួមបញ្ចូលជាមួយរចនាបទតាមលក្ខណៈបុរាណ ផង និង សម័យផង បង្កើតបានបរិយាកាសដ៏ពិសិដ្ឋ។ ដំបូលវត្តប្រក់ក្បឿងរំលេច ដោយព័ណ៌ក្រហមឆ្អៅ និងប្រកបដោយក្បូរក្បាច់រចនាយ៉ាងសម្បូរបែប។ ជារៀងរាល់ឆ្នាំ វត្តមានទាក់ទាញភ្ញៀវទេសចរណ៍យ៉ាងច្រើនកុះករមកគោរពបូជា។ ជាពិសេស វត្តមានព្រះ វិហារដល់ទៅ២ វិហារបុរាណក៏ត្រូវបានគណៈកម្មការឯកច្ឆ័នគ្នារក្សាទុកភាពដើម រួចហើយកសាងព្រះវិហារថ្មីមួយទៀត។ បន្ទាប់រយៈពេលជាង៥ឆ្នាំកសាង រហូតមកទល់ពេលនេះ ព្រះវិហារថ្មីក៏បានសម្រេចជាស្ថាពរ ប្រកបដោយលក្ខណៈស្ថាបត្យកម្មប្រពៃណីនៃព្រះពុទ្ធសាស នា Khmer។
ដើម្បីទាន់ចាត់តាំងបុណ្យបញ្ជុះខណ្ឌសីមា រាល់ថ្ងៃតែងមានពុទ្ធបរិស័ទយ៉ាងច្រើនកុះករចូលជួយការងារវត្ត។
ឧទ្យានរូបចម្លាក់ព្រះពុទ្ធទ្រង់ប្រសូត្រនៅក្នុងបរិវេណវត្តឥន្ទកោសី ជ្រោយទឹមថ្មី។
ព្រះវិហារថ្មីមានសរសបេតុងទាំងអស់ចំនួន១០០ដើម ជុំវិញព្រះវិហារ មានរូបចម្លាក់ទេពអប្សរទាំង៧អង្គ អមដោយសំលៀកបំពាក់ ៧ព័ណ៌ដែលតំណាងឱ្យ៧ថ្ងៃក្នុងសប្តាហ៍តាមលក្ខណៈប្រពៃណីបុរាណ Khmer។
ព្រះវិហារថ្មីវត្តឥទ្ទកោសី Trà Tim Mới នឹងត្រូវបានប្រារព្ធធ្វើបុណ្យបញ្ចុះខណ្ឌសីមា សម្ពោធឆ្លងព្រះវិហារថ្មីនាខែកុម្ភៈ ឆ្នាំ២០២៥ខាងមុិខនេះឯង។ នេះក៏ជាមោទនភាពដ៏ធំមួយសម្រាប់ព្រះសង្ឃ និងពុទ្ធបរិស័ទក្នុងឱកាសឆ្នាំថ្មី៕
អត្ថបទនិងរូបថត៖ Chanh Đa
Xem thêm bình luận