Truyền hình
វត្តពាមបួនថ្មី មានទីតាំងស្ថិតនៅអនុសង្កាត់៥ សង្កាត់៤ ក្រុង Sóc Trăng ខេត្ត Sóc Trăng។ វត្តពាមបួនថ្មី សម្បូរដោយស្ថាបត្យកម្មដ៏ល្អប្រណិត គួយគន់ហាក់បីដូចជាប្រាសាទមាសដ៏ស្កឹមស្កៃ និងអស្ចារ្យទៀតផង។
ព្រះវិហារបង្កើតបាននូវចំណុចដ៏ចំណាប់អារម្មណ៍ដែលមានសត្វពស់នាគរាជ២ក្បាលយ៉ាងធំអស្ចារ្យទៀតផង។
បើប្រៀបធៀបជាមួយនឹងវត្តដទៃទៀតនៅខេត្ត Sóc Trăng វត្តពាមបួនថ្មី ថ្វីត្បិតតែទើបកសាងត្រឹមរយៈកាលជាង៦០ឆ្នាំប៉ុណ្ណោះ។ ដោយព្រះឧបជ្ឈាយ៍ Thạch Dêl ទទួលមុខតំណែងជាចៅអាធិការ។ កាលពីដើមឡើយ វត្តនេះមានទីតាំងស្ថិតនៅភូមិឋាន Song Đinh (តែបច្ចុប្បន្នត្រូវបានរួមបញ្ចូលគ្នាជាមួយក្រុង Sóc Trăng) ហើយថែមទាំងស្ថិតនៅត្រង់ប្រសព្វបួននៃផ្លូវខេត្ត ដូច្នេះហើយអ្នកស្រុកក៏បានដាក់ឈ្មោះវត្តនេះយ៉ាងច្រើនឈ្មោះផងដែរ ដូចជាហៅវត្ត Sung Đinh វត្តពាមបួនថ្មី (Dát Vàng) ជាដើម។
បរិវេណវត្ត ទេសភាពដែលអមដោយព្រះពុទ្ធបដិមាករជាច្រើនទទៀតផង។
តាំងពីឆ្នាំ២០១៦-២០១៨ វត្តទទួលបានការវិនិយោគកែជួសជុល និងកសាងថ្មីព្រះវិហារ កុដិ សាលាជាដើម ដោយមានលាបថ្នាំព័ណ៌ស អមដោយក្បាច់ចម្លាក់យ៉ាងល្អប្រណិតគួរជាទីចាប់អារម្មណ៍។ ស្ថាបត្យកម្មវត្ត ហាក់បីដូជជាព្រះបរមរាជវាំងដ៏អស្ចារ្យមួយក្នុងទ្វីអាស៊ីអាគ្នេយ៍ (Đông Nam Á)។ ដោយភាពអស្ចារ្យនេះហើយ វត្តពាមបួនថ្មី ក៏ក្លាយជាទីតាំងទេសចរណ៍ដែលទាក់ទាញមនុស្សម្នាយ៉ាងច្រើនកុះករ មានទាំងយុវវ័យបាននាំគ្នាស្លៀកសំលៀកបំពាក់ប្រពៃណីខ្មែរដើម្បីថតរូបទុកជាអនុស្សាវរីយ៍។
ឧបដ្ឋានសាលាសម្រាប់ព្រះសង្ឃស្នាក់អាស្រ័យសិក្សារៀនសូត្រ និងទទួលស្វាគមន៍ភ្ញៀវកិត្តិយសត្រូវបានរចនាយ៉ាងស្រស់ស្អាត។
ទីសក្ការសម្រាប់បូជាព្រះ ត្រូវបានរចនាយ៉ាងល្អប្រណិតគួរជាទីជ្រះថ្លា។
ដោយភាពបរិសុទ្ធ និងភាពសុខដុមរមនារវាងជំនឿសាសនា និងសិល្បៈនៃស្ថាបត្យកម្មដ៏អស្ចារ្យ វាមិនមែនជាការបំផ្លើសនោះទេ ដែលអាចនិយាយថា វត្តពាមបួនថ្មី មានលក្ខណៈដូចផ្កាឈូកពណ៌សលាតសន្ធឹងក្រោមពន្លឺព្រះអាទិត្យ ព្រមទាំងបង្ហាញនូវតម្លៃវប្បធម៌ដ៏ល្អថ្លៃថ្នូររវាងជាតិ និងសាសនា៕
Hữu Nghĩa
Xem thêm bình luận