លទ្ធផលផ្តើមពីការស្របមតិ និងភារកិច្ចទទួលខុសត្រូវ

នៅឃុំ Đông Thới ស្រុក Cái Nước ប៉ុន្មានឆ្នាំកន្លងមកនេះ ផ្តើមពីបណ្តាគោលនយោបាយឧបត្ថម្ភរបស់រដ្ឋ ព្រមទាំងបណ្តាទម្រង់សេដ្ឋកិច្ចមានប្រសិទ្ធភាព ជីវភាពបងប្អូនជនរួមជាតិ Khmer នៅភូមិភាគមួយថ្ងៃកាន់តែបានលំនឹង។

លោក Lâm Hoàng Kim អនុប្រធានគណៈកម្មាធិការប្រជាជនឃុំ​ ឱ្យដឹង៖ ទូទាំងឃុំនាពេលបច្ចុប្បន្នមាន២០១គ្រួសារ Khmer ដោយមានចំនួនប្រជាជន៦៣៣នាក់ ក្នុងនោះមាន១០គ្រួសារដែលស្ថិតក្នុងក្របខណ្ឌនៃគោលនយោបាយ។ អត្រាគ្រួសារក្រនូវត្រឹម១,៧៧% (៣៥គ្រួសារ) និងគ្រួសារប្រកៀកបន្ទាត់ក្រមាន១,៦២% (៣២គ្រួសារ)។ ដោយឡែកក្នុងជនរួមជាតិ Khmer នូវត្រឹម៧គ្រួសារក្រីក្រនិង៣គ្រួសារប្រកៀកបន្ទាត់ក្រប៉ុណ្ណោះ។

បណ្តាផ្ទះជាច្រើនដែលបានសាងសង់នៅភូមិ Khánh Tư ឃុំ Đông Thới គឺសុទ្ធសឹងផ្តើមពីកម្មវិធីលុបបំបាត់ផ្ទះបណ្តាះអាសន្ន និងផ្ទះទ្រុឌទ្រោម។

“យើងខ្ញុំតែងយកចិត្តទុកដាក់គិតគូរដល់ជីវភាពបងប្អូនជនរួមជាតិ។ បណ្តាគោលនយោបាយសន្តិសុខនយោបាយ ឧបត្ថម្ភផ្ទះស្នាក់នៅ បុលទុន បានចូលជិតប្រភពទឹកស្អាតប្រើប្រាស់... សុទ្ធតែត្រូវបានផ្សព្វផ្សាយត្រូវចំមុខសញ្ញា និងគោលដៅ។ អាស្រ័យហេតុនេះហើយ ជីវភាពនិងស្មារតីសម្ភារៈរបស់បងប្អូនជនរួមជាតិ Khmer មួយថ្ងៃកាន់តែមានភាពល្អប្រសើរឡើង” លោកគីម បានចែករំលែកបែបនេះ។

ដោយឡែកក្នុងប៉ុន្មានឆ្នាំកន្លងមកនេះ ឃុំបានចលនា និងជំនួយឧបត្ថម្ភសាងសង់ផ្ទះបាន២ខ្នងសម្រាប់គ្រួសារ​ Khmer ដែលមានជីវភាពក្រលំបាក ដោយចំនួនទឹកប្រាក់៦០លានដុងក្នុងមួយខ្នង រួមចំណែកជួយមាមីងបងប្អូនមានលំនៅឋានសមរម្យ ព្រមទាំងសុខសាន្តចិត្តក្នុងការពលកម្មផលិត។

អ្នកមីង Trần Thị Chi ជាជនរួមជាតិ Khmer នៅភូមិ Khánh Tư ក្នុងចំណោមគ្រួសារមួយដែលបានទទួលផលអំពីកម្មវិធីនេះ។ “សង់បានផ្ទះថ្មីខ្ញុំសប្បាយចិត្តខ្លាំងណាស់ អរគុណបក្សនិងរដ្ឋ ព្រមទាំងរដ្ឋអំណាចភូមិភាគផងដែរដែលបានយកចិត្តទុកដាក់ដល់អ្នកក្រីក្រដូចជារូបខ្ញុំ។ ខ្ញុំសង្ឃឹមថានិងខិតខំថែរក្សាឱ្យបានល្អបំផុត និងប្តេជ្ញាចិត្តពលកម្មដើម្បីឈានឡើងរួចចាកក្រ ចិញ្ចឹមទុន្មានកូនៗបានល្អទៀតផង” អ្នកមីង Chi បានរៀបរាប់ដូច្នេះ។

ទន្ទឹមជាមួយការគិតគូរអំពីផ្ទះស្នាក់នៅ ឃុំ Đông Thới ថែមទាំងយកចិត្តទុកដាក់ដល់ការអភិវឌ្ឍសេដ្ឋកិច្ច បង្កើតការងារធ្វើ បង្កើនប្រភពប្រាក់ចំ ណូលជូនបងប្អូនជនរួមជាតិទៀតផង។ មានគ្រួសារជាច្រើនបានចូលជិតប្រភពទុនអនុគ្រោះអំពីធនាគារគោលនយោបាយសង្គម ផ្តើមពីនោះក៏វិនិយោគផលិត ចិញ្ចឹមសត្វ និងលក់ដូរកំប៊ិចកំប៉ុកផងដែរ។ ទាំងអស់នេះសុទ្ធសឹងតែងត្រូវបានរដ្ឋអំណាចភូមិភាគ និងសមាគម អង្គភាព និងសង្គមបានធ្វើការណែ នាំយ៉ាងជាក់ស្តែង ព្រមទាំងពិនិត្យយ៉ាងហ្មត់ចត់ដើម្បីប្រភពទុនសម្រាប់ឱ្យការប្រើប្រាស់មានភាពត្រឹមត្រូវតាមទិសដៅ និងពង្រីកមានប្រសិទ្ធភាពយ៉ាងជាក់ស្តែងទៀតផង។

បណ្តាដងផ្លូវដែលត្រូវបានកសាងដោយបេតុងនៅឃុំដុងថើយ ក៏ជួយឱ្យប្អូនៗសិស្សានុសិស្សមានលក្ខណៈងាយស្រួលដើម្បីទៅសាលា រួមចំណែកធ្វើឱ្យផ្លាស់ប្តូរសម្រស់ជនបទផងដែរ។

នៅភូមិ Khánh Tư ទម្រង់នៃក្លឹបសហករណ៍បណ្តុះពូជគ្រែងឈាមដោយមានសមាជិកចំនួន៧រូបដែលគួរឱ្យកត់សម្គាល់។ ទម្រង់នេះមិនត្រឹមតែមានការសមស្របជាមួយលក្ខណៈធម្មជាតិរបស់ភូមិភាគប៉ុណ្ណោះទេ ថែមទាំងបានជួយគ្រួសារជាច្រើន ក្នុងនោះមានគ្រួសារជនរួមជាតិ Khmer ផងដែរដែលមានប្រភពប្រាក់ចំណូលនឹងនរ ឈានឡើងជីវភាពធូរធា។

លោក Danh Văn Kel ជាសមាជិក Khmer មួយរូបនៃក្លឹបសហករក៍ មានប្រសាសន៍៖ តាំងពីបានបង្កើតក្លឹបរហូតមកទល់ពេលនេះ មាមីងបងប្អូនទាំងឡាយក្នុងក្លឹបតែងសាមគ្គី ជំនួយឧបត្ថម្ភគ្នាទៅវិញទៅមកខាងបច្ចេកទេនិងការនាំចេញនៅផលិតផល។ អាស្រ័យហេតុនេះហើយ ទើបជីវភាពរបស់គ្រួសារខ្ញុំ ព្រមទាំងបណ្តាសមាជិកទាំងឡាយមានភាពល្អប្រសើរជាងមុនច្រើន។

បណ្តាសមាជិកនៃក្លឹបសហករណ៍បណ្តុះពូជគ្រែងឈាមនៅភូមិ Khánh Tư ឃុំដុងថើយកំពុងពិនិត្យគុណភាពពូជគ្រែងមុនពេលលក់ចេញ។

ក្រៅពីនោះ មូលដ្ឋានហេដ្ឋារចនាសម្ព័ន្ធរបស់ឃុំពីមួយថ្ងៃទៅមួយថ្ងៃក៏កាន់តែទទួលបានការវិនិយោគព្រមគ្នាផងដែរ។ ប្រព័ន្ធផ្លូវគមនាគមជនបទក៏ត្រូវបានពង្រីកទូលាយ និងកសាងថ្មីយ៉ាងស្រស់ស្អាតផងដែរ ជំនួយឱ្យការធ្វើដំណើរទៅមកនិងការជួញដូររបស់បងប្អូនប្រជាជនមានភាពងាយស្រួលជាង។ បណ្តាសំណង់ដទៃទៀតដូចជា សាលារៀន តំណាក់សុខាភិបាល អាគារវប្បធម៌ក៏ទទួលបានការវិនិយោគ បង្កលក្ខណៈសម្រាប់បងប្អូនប្រជាជនបានសិក្សារៀនសូត្រ និងពិនិត្យព្យាបាលជំងឺ ព្រមទាំងសកម្មភាពវប្បធម៌មានភាពងាយស្រួល។

“លទ្ធផលទាំងនេះក៏អាស្រ័យការខិតខំប្រឹងប្រែងនៃប្រព័ន្ធនយោបាយ និងការឯកភាពរបស់បងប្អូនប្រជាជនផងដែរ ក្នុងនោះមានបងប្អូនជនរួមជាតិ Khmer។ យើងខ្ញុំបានបញ្ជាក់ច្បាស់អំពីការយកចិត្តទុកដាក់ចំពោះបងប្អូនជនរួមជាតិថាជាភារកិច្ចដ៏ប្រចាំ និងយូរអង្វែង ព្រមទាំងបន្តអនុវត្តដោយផ្តោតលើស្មារតីទទួលខុសត្រូវខ្ពស់” លោក Lâm Hoàng Kim បានបញ្ជាក់បែបនេះ៕

Hoàng Vũ