ភាពអស្ចារ្យនៃវត្តសិរីតាម៉ឺន

ចម្ងាយពីក្រុង Sóc Trăng (ខេត្ត Sóc Trăng) ប្រមាណ២០ម៉ែត្រ យើងនឹងបានឃើញនូវភាពស្រស់ស្អាតរបស់វត្តសិរីតាម៉ឺនហាក់បីដូចជាគ្រាប់ពេជដែលរំលេចដោយពន្លឺដ៏ភ្លឺភ្លេកនៅកណ្តាលឃុំ Viên Bình ស្រុក Trần Đề។ មិនត្រឹមជាសំណង់សាសនាដ៏ល្អអស្ចារ្យប៉ុណ្ណោះទេ វត្តសិរីតាម៉ឺនថែមទាំងជានិម្មិតរូបដែលប្រកបដោយភាពជឿជាក់និងស្មារតីសាមគ្គីដែលកើតមានអំពីសទ្ធាទឹកចិត្តរបស់បងប្អូនជនរួមជាតិ Khmer ទាំងឡាយនៅទីនេះទៀតផង។

ព្រះវិហារដ៏ធំទូលាយអច្ចារ្យអមដោយពន្លឺព័ណ៌មាសយ៉ាងស្រស់ស្អាត។

វត្តបានកសាងដែលផ្តើមពីសទ្ធារបស់ឧបាសក Kong Mơn និង ឧបាសិកា Thị Tây ដែលជាពុទ្ធនបរិស័ទចំណុះជើងវត្តប្រគេនផ្ទៃដីសម្រាប់កសាង។ ដូច្នេះហើយ ដើម្បីទុកជាការរំលឹកនឹកគុណលោកអ្នកទាំងពីនេះ ព្រះសង្ឃនិងពុទ្ធបរិស័ទបានសម្រេចចិត្តដាក់នាមវត្តថា តាម៉ឺននេះឯង។ រហូតដល់ជំនាន់អតីតព្រះឧបជ្ឈាយ៍ Lâm Un ប្រធានសាមគមសង្ឃខេត្ត Sóc Trăng បានផ្តល់នាមវត្តដោយពេញតួអង្គថា សិរីតាម៉ឺន មានអត្ថថាវត្តប្រកបដោយសិរីសួស្តី។

ទិដ្ឋភាពខាងក្នុងព្រះវិហារ ដោយមានគោរពបូជាព្រះពុទ្ធបរិមាករថ្មកែវដ៏ស្រស់ស្អាតទៀតផង។

ឆ្លងកាត់ជាង២៧ជំនាន់ចៅអធិការ វត្តមិនត្រឹមជាកន្លែងសម្រាប់ព្រះសង្ឃបួសរៀនប៉ុណ្ណោះទេ ថែមទាំងជាមជ្ឈមណ្ឌលវប្បធម៌ជំនឿសាសនារបស់បងប្អូន ជនរួមជាតិ Khmer ទៀតផង។

ជាមួយផ្ទៃដីដ៏ធំទូលាយជាង២១.០០០ម៉ែត្រការេ វត្តសិរីតាម៉ឺនមានព្រះវិហារយ៉ាងធំស្អាតអស្ចារ្យពេញដោយលក្ខណៈព្រះពុទ្ធសាសនាគណៈមហានិកាយ Khmer។ បណ្តាក្បូរក្បាច់រចនាដែលត្រូវបានចម្លាក់យ៉ាងល្អអស្ចារ្យគ្មានវត្តណាប្រៀបប្រដូចបាន។

បណ្តាសរសរព្រះវិហារប្រកបដោយក្បូរក្បាច់រចនាយ៉ាងល្អអស្ចារ្យតាមលក្ខណៈនៃស្ថាបត្យកម្មពុទ្ធសាសនា និងផ្ទាំងគំនូរពុទ្ធប្បវត្តិដ៏ស្រស់ស្អាតទៀតផង។

ជុំវិញព្រះវិហារ មានទាំងបណ្តារូបចម្លាក់ដែលតំណាងឱ្យឆ្នាំទាំង១២របស់ Khmer និងមានរូបសត្វដទៃជាច្រើនទៀត ដូចជា៖ តោ រាជសីហ៍ នាគរាជ គ្រុឌ... បានតុបតែងយ៉ាងល្អប្រណិត មិនត្រឹមផ្តល់នូវតម្លៃផ្នែកខាងស្ថាបត្យកម្មបុរាណបុណ្ណោះទេ ថែមទាំងផ្ញើនូវក្តីសង្ឃឹមស្តីពីការការពារនិងជួយថែរក្សាមនុស្សលោកទៀតផង។

ចេតិយតម្កល់អធិដ្ឋាតុរបស់អតីតព្រះឧបជ្ឈាយ៍គ្រប់ជំនាន់។

ឆ្លងកាត់ការជួសជុលនិងកសាងថ្មី វត្តសិរីតាម៉ឺននាពេលបច្ចុចប្បន្នគឺជាសំណង់នៃស្ថាបត្យកម្មដ៏អស្ចារ្យមួយ ដំបូលវិហារ៣ថ្នាក់ ខាងក្រោមមានក្រាលកម្រាលឥដ្ឋយ៉ាងជ្រះស្អាតផងដែរ។ ទន្ទឹមនិងនោះ ក៏ជាកន្លែសម្រាប់ព្រះសង្ឃបួសរៀនផង និងជាមជ្ឈមណ្ឌលវប្បធម៌ផង ព្រមទាំងជាទីតាំងសម្រាប់បង្រៀនអក្សរសាស្ត្រ Khmer និងចាត់តាំងរាល់បណ្តាសកម្មភាពប្រពៃណីផ្សេងៗទៀតផងដែរ។ ប្អូនៗកូនក្មួយជនរួមជាតិ Khmer ត្រូវបានព្រះសង្ឃទូន្មានយ៉ាងល្អអំពីសីលធម៌ និងទំនៀមទម្លាប់ប្រពៃណី Khmer  ដើម្បីរួមគ្នាជួយអភិរក្សអត្តសញ្ញាណវប្បធម៌ជាតិ៕

Hữu Nghĩa