ពុទ្ធសាសនា Cà Mau ព្រួតដៃគ្នាដើម្បីសហគមន៍

សមាគមព្រះពុទ្ធសាសនា Việt Nam ខេត្ត Cà Mau បច្ចុប្បន្នមានទាំងអស់៥៣វត្ត និងមានទីសក្ការៈបូជាប្រមូលផ្តុំចំនួន៥ទីតាំង។ ជាមួយបាវចនា “សាសនា - ជនជាតិ - សង្គមនិយម” គណៈអភិបាលសមាគមពុទ្ធសាសនា Việt Nam ខេត្ត Cà Mau បានរៀបចំចាត់ចែងសកម្មភាពពុទ្ធសាសនិក សម្រេចបានសមិទ្ធិផលពេញលេញ បង្កលក្ខណៈសម្រាប់ ព្រះពុទ្ធសាសនាខេត្តលំនឹងស្ថិរភាព សាមគ្គី អភិវឌ្ឍន៍ រួមចំណែកកសាងសាមគ្កីទូទាំងជនជាតិ ជាពិសេសបានរួមចំណែកយ៉ាងជាក់ស្តែងក្នុងសកម្មភាពសន្តិសុខសង្គម។

ជាក់ស្តែង បណ្តាគណៈផ្នែកដែលពាក់ព័ន្ធ ទីតាំងគោរពបូជា បណ្តាសកម្មភាពសាសនាប្រមូលផ្តុំ រួមជាមួយពុទ្ធបរិស័ទទូទាំងខេត្ត បានរួមកម្លាំងជាមួយរដ្ឋអំណាចភូមិភាគ គណៈកម្មាធិការរណសិសរ្សមាតុភូមិគ្រប់បណ្តាថ្នាក់តែងយកចិត្តទុកដាក់ ជំនួយឧបត្ថម្ភគ្រួសារក្រី ក្រ គ្រួសារជួបលំបាក ព្រមទាំងរាល់បណ្តាកិច្ចការងារយ៉ាងជាក់ស្តែង និងប្រកបដោយអត្ថន័យខ្លឹមសារ។

ទីសក្ការៈបូជា Phước Điền (មានទីតាំងស្ថិតនៅភូមិ Tân Tiến ឃុំ Phong Điền ស្រុកTrần Văn Thời ដោយព្រះតេជគុណ Thích Nhuận Trí ចៅអធិការ) ព្រះអង្គបានចលនាទឹកប្រាក់ឧបត្ថម្ភ ស្របឱកាសនោះក៏បានសហាការជាមួយរដ្ឋអំណាចភូមិភាគវិនិយោគសាងស្ពានបាន៩ខ្សែ សរុបតម្លៃទឹកប្រាក់ប្រមាណជាង២ពាន់លានដុង។

ព្រះតេជគុណ Thích Nhuận Trí អនុលេខា និងទទួលបន្ទុកខាងការិយាល័យគណៈអភិបាន ប្រធានគណៈណែនាំប្រឹក្សាពុទ្ធបរិស័ទនៃសមាគមពុទ្ធសាសនា Việt Nam ខេត្ត ឱ្យដឹង៖ “បណ្តាសកម្មភាពសន្តិសុខសង្គម ដោយគណៈសង្ឃាភិបាលសមាគមពុទ្ធសាសនា Việt Nam ខេត្តចាត់តាំង ក៏មានភាពទាក់ទាញការចូលរួមរបស់ពុទ្ធបរិស័ទអ្នកមានសទ្ធាជ្រះថ្លាយ៉ាងច្រើនកុះករក្នុងសង្គមមិនថាចាស់ឬក៏ក្មេងនោះទេ។ ផ្តើមពីនោះ ជាក់ស្តែងបានរួមចំណែកបង្កើនចំណងមហាសាមគ្គីទូទាំងជនជាតិ រក្សាលំនឹងសន្តិសុខនយោបាយសង្គម លើភូមិសាស្ត្រផងដែរ”។

ក្នុងដំណើរការចាត់តាំងអនុវត្តរាល់បណ្តាសកម្មភាពសប្បុរស សន្តិសុខសង្គម បណ្តាគណៈផ្នែកទាំងឡាយ និងគ្រប់ទីតាំងសក្ការៈបូជា រួមទាំងភិក្ខុ ភិក្ខុនីតែងរួមគ្នាប្រណិបត្តិល្អជាសាធារណៈ ជំនួយឧបត្ថម្ភចំមុខសញ្ញា និងការងារ ច្បាស់លាស់ លម្អិត និងអត្ថន័យ។ បង្កើតបានសក្តានុពល ទំនុកចិត្ត គណៈអភិបាលនៃសមាគមពុទ្ធសាសនា Việt Nam ខេត្ត Cà Mau មានទំនាក់ទំនងយ៉ងាសាយភាយជាមួយបណ្តាអង្គការចាត់តាំង និងឯកជនដែលមានទឹកចិត្តសប្បុរសទាំងក្នុងនិងក្រៅប្រទេស។ ចូលរួមគាំទ្រ និងជំនួយឧបត្ថម្ភបណ្តាកម្មវិធីសប្បុរសជនដែលសមាគមបំផុសចលនា ផ្តើមពីនោះ រួមចំណែកជួយអ្នកក្រីក្រ និងអ្នកមានជីវភាពជួបលំបាក ខ្វះសំណាងឈានឡើងក្នុងការរស់នៅ។

ព្រះតេជគុណ Thích Nhuận Trí បានបន្តទៀតថា៖ “ជាមួយនឹងសកម្មភាពជាក់លាក់ និងលទ្ធផលអនុវត្តការងារសន្តិសុខសង្គមក្នុងឆ្នាំ២០២៤របស់គណៈអភិបាលសមាគមពុទ្ធសាសនា Việt Nam ខេត្ត គណៈអភិបាលសង្ឃគ្រប់បណ្តាថ្នាក់ស្រុក និងក្រុង Cà Mau  ព្រមទាំងបណ្តាទីតាំងគោរពបូជាទូទាំងខេត្តចាត់តាំងបណ្តាសកម្មភាពសន្តិសុខសង្គមដោយសរុបទឹកប្រាក់ប្រមាណជិត៣២បាន់លានដុង។ ដោយឡែកគណៈសប្បុរសធម៌សង្គមមាន១៦,៣ពាន់លានដុងសម្រាប់កសាងនិងឆ្លើយតបតម្រូវការជាក់ស្តែងនៃការរស់នៅរបស់បងប្អូនប្រជាជនតាមតំបន់ភូមិភាគ រួមមានដូចជា៖ ស្ពានចំនួន៦៨ខ្សែ ផ្តះមេត្តាធម៌១៦ខ្នង ម៉ាស៊ីនស្វានទឹកសាប៧គ្រឿង ចាត់តាំងបាន២លើកសម្រាប់ផ្ទះបាយសប្បុរសប្រចាំថ្ងៃនៅមន្ទីរពេទ្យពហុវិជ្ជា​ខេត្ត និងមន្ទីរពេទ្យសម្ភពខេត្ត ដើម្បីផ្គត់ផ្គង់អ្នកជំងឺក្រីក្រ និងជួបលំបាក…”។

ក៏មានទីតាំងជាច្រើនទៀតក្នុងខេត្ត ប្រជាពុទ្ធបរិស័ទបានស្ម័គ្រចិត្តទៅជួបអង្គការចាត់តាំងសប្បុរសធម៌ ដើម្បីរួមចំណែក ឬក៏ពុទ្ធបរិស័ទមួយចំនួនបានប្រមូលផ្តុំគ្នាជាក្រុម ដើម្បីចូលរួមក្នុងបណ្តាសកម្មភាពសប្បុរសធម៌ និងសន្តិសុខសង្គម។ ពុទ្ធបរិស័ទជាច្រើន ថ្វីត្បិតតែស្ថានភាពសេដ្ឋកិច្ចមិនបានធូរធារ ប៉ុន្តែដោយស្មារតី "អ្នកធូរធារជួយអ្នកក្រខ្សត់" ក៏បានបង្កើតទឹកចិត្តសប្បុរស និងចូលរួមយ៉ាងសកម្មក្នុងបណ្តាសកម្មភាពសុខុមាលភាពផងដែរ។

លោកស្រី Nguyễn Thị Ánh Tuyết  (ឆ្វេង) អនុប្រធានគណៈសប្បុរសធម៌សង្គមនៃសមាគមពុទ្ធសាសនាខេត្ត ជូនអំណោយអ្នកក្រដែលជួបគ្រោះមហន្តរាយដោយព្យុះ Yagi នៅខេត្ត Lào Cai។

គណៈអភិបាលសមាគមពុទ្ធសាសនា Việt Nam ខេត្ត តែងមានវត្តមានយ៉ាងទាន់ពេលវេលាដើម្បីជំនួយឧបត្ថម្ភមាមីងបងប្អូនជួបគ្រោះមហន្តរាយដោយទឹកជំនាន់ ព្រមទាំងជំនួយសិស្សសាលាក្រីក្រ និងយកចិត្តទុកដាក់ដល់អ្នកមានជីវភាពជួបលំបាក រួមទាំងបណ្តាសកម្មភាពសង្គមជំនួយសង្គមមយយចំនួនទៀត។ ត្រូវបានចាត់តាំងនៅតាមបណ្តាវត្ត ដោយមានការចូលរួមគាំទ្ររបស់រាប់រយភិក្ខុ ភិក្ខនី បិងពុទ្ធបរិស័ទទាំងឡាយ។

ជាមួយការរួមចំណែកយ៉ាងសកម្មខាងការងារសន្តិសុខសង្គម គណៈអភិបាលនៃសមាគមពុទ្ធសាសនា Việt Nam ខេត្ត ក៏បានសហការមួយរដ្ឋអំណាចភូមិភាគអនុវត្តរាល់បណ្តាទិសដៅអភិវឌ្ឍន៍សេដ្ឋកិច្ច-សង្គម បង្កលក្ខណៈសម្រាប់រាល់មុខសញ្ញាជួបលំបាកទាំងឡាយមានលក្ខណៈឈានឡើងលំនឹងជីវភាព រួមចំណែកកាត់ប្្ថយក្រ កសាងប្រទេសជាតិ មាតុភូមិឱ្យកាន់តែមានការអភិវឌ្ឍន៍ចីរភាព សម្បូររុងរឿង និងស៊ីវិល័យ៕

Quỳnh Anh