Truyền hình
តីង្វៀង មិនត្រឹមអស្ចារ្យដោយសារក្រុងបួងម៉េថួកដ៏ស្រស់ត្រកាលប៉ុណ្ណោះទេ ថែមទាំងល្បីល្បាញដោយសារមានជ្រោះ Dray Sap ស្រស់ស្អាតទៀតផង។ តំបន់ជ្រោះនេះ មានរឿងរ៉ាវដ៏កម្សត់អំពីសេចក្តីស្នេហាដែលញុាំងឱ្យភ្ញៀវទេសចររំជួយចិត្ត។
ទិដ្ឋភាពនៅជ្រោះ Dray Sap នារដូវប្រាំង។
មុននេះ ផ្លូវចុះទៅជ្រោះ Dray Sap ពិបាកធ្វើដំណើរណាស់ ពិសេសក្នុងរដូវភ្លៀង ដីក្រហមនឹងស្អិតជាប់ស្បែកជើងភ្ញៀវទេសចរ។ ម្យ៉ាងទៀត ទីតាំងនៃជ្រោះស្ថិតនៅឆ្ងាយពីមជ្ឈមណ្ឌលក្រុង ម្ល៉ោះហើយ ភ្ញៀវទេសចរចង់ទៅដល់ជ្រោះត្រូវចំណាយពេលអស់មួយថ្ងៃ ទើបធ្វើដំណើរទៅដល់បួងម៉េថួក។ ឥឡូវ ផ្លូវធ្វើដំណើរទៅងាយស្រួល រថយន្តក៏អាចបើកបរបានដោយស្រួល ដងផ្លូវធ្វើដំណើរចុះឡើងជ្រោះក៏ត្រូវបានកសាងសម្រាប់ភ្ញៀវទេសចរផងដែរ ម្ល៉ោះហើយមានភាពងាយស្រួលណាស់។ ថ្វីដ្បិតជ្រោះ Dray Sap មានកម្ពស់ត្រឹមតែ២០ម៉ែត្រប៉ុណ្ណោះ ប៉ុន្តែធំទូលាយ។ គេគិតថា ប្រសិនបើមានទឹកគ្រប់គ្រាន់ ជ្រោះអាចនឹងមានទំហំដល់ទៅ១០០ម៉ែត្រឯណោះ។
ប្រជាជននៅទីនោះ តែងរៀបរាប់តំណាលតៗពីរឿងរ៉ាវនៃជ្រោះ Dray Sap ជានិច្ច។ នោះគឺខណៈពេលដងព្រែកដ៏អស្ចារ្យនៃតំបន់ដីព្រៃតីង្វៀង - Serepôk ដែលជាដងព្រែកមួយតូច ខណៈពេលទឹកហូរ ព្រែកក៏ក្លាយជាបន្ទាត់ព្រំដែនរវាងភូមិទាំងពីរ។ ក្នុងចំណោមភូមិទាំងពីរនោះ មានចំណងស្នេហាមួយដែលត្រូវហាមឃាត់ ហើយពួកគេបានលោតសម្លាប់ខ្លួននៅព្រែកនោះ ដើម្បីការពារសេចក្តីស្នេហា។ ចាប់តាំងពីនោះ ព្រែកបានបែកចេញជាពីរ។ ព្រែកមួយឈ្មោះ Dray Nur ជា (ជ្រោះប្រពន្ធ) និងព្រែកមួយ Dray Sap ជា (ជ្រោះប្តី)។ ដូច្នេះ Dray Sap ជាជ្រោះចុងទឹកនៃដងព្រែក Serepôk ដែលមានអត្ថន័យថា “ផ្សែង” ក្នុងភាសាអេដេ។ ប៉ុន្តែ មាននិទានផ្សេងទៀតតំណាលថា មានបុរសម្នាក់យំនឹករលឹកគូសង្សារដែលត្រូវអមនុស្សចាប់យកទៅបាត់ ហើយទឹកភ្នែករបស់បុរសនោះក្លាយទៅជាទឹកជ្រោះ៘ ខណៈពេលបានទស្សនាជ្រោះ ភ្ញៀវទេសចរអាចនឹងយល់ថា ហេតុអ្វីបានជាទឹកជ្រោះប្រៀបដូចជាផ្សែង ពីព្រោះគយគន់ពីចម្ងាយទឹកហូរបោកចូលថ្មបែកផ្កាត្រែង បង្កបានជាព្រិលហាក់បីដូចជាផ្សែង។
ជ្រោះ Dray Sap ស្ថិតនៅភូមិថូងឌឹកឡឹប ឃុំដាក់សូរ ស្រុកក្រុងណូ ចម្ងាយពីមជ្ឈមណ្ឌលក្រុងបួងម៉េថួក ចំនួន៤០គ.ម ជាចំណុចតភ្ជាប់នៃខេត្តទាំងពីរគឺខេត្តដាក់ឡាក់និងដាក់ណុង។ ប្រសិនបើភ្ញៀវទេសចរធ្វើដំណើរតាមផ្លូវជាតិលេខ១៤ គួរធ្វើដំណើរទៅ២០គ.មទៀត ដល់ផ្លូវបែកជាបី ចឺហ្សុត រួចបត់ឆ្វេងឆ្ពោះទៅស្រុកក្រុងណូ។ បន្ទាប់មក ធ្វើដំណើរទៅ១០គ.ម ទៀតដល់ជ្រោះតែម្តង។ ទោះបីចម្ងាយមិនឆ្ងាយពីបួងម៉េថួកក៏ដោយ ប៉ុន្តែជ្រោះ Drap Sap នេះចំណុះខេត្តដាក់ណុងដដែល។
ចាប់ពីពេលបើកជើងទេសចរណ៍ ភ្ញៀវទេសចរជាច្រើនបានមកលម្ហែកាយ ទើបជ្រោះ Drap Sap ត្រូវបានយកចិត្តទុកដាក់យ៉ាងខ្លាំង។ រដូវទឹកជន់ ឈរលើស្ពានយោលគយគន់ជ្រោះទឹកហូរគឺជាការឆ្លងកាត់បទពិសោធន៍ដ៏អស្ចារ្យមួយ។ មកទីនេះក្នុងរដូវប្រាំង ភ្ញៀវទេសចរ អាចថតយកផ្ទាំងរូបភាពដែលមានឫសដើមឈើធំៗក្បែរជ្រោះ មានផ្ទាំងសិលាគ្រប់រូបសណ្ឋានដ៏ស្រស់ស្អាត៘ បើហត់ពេក ភ្ញៀវទេសចរអាចនឹងស្វែងរកគល់ឈើធំៗឈប់លម្អែកាយ ដើម្បីស្តាប់ទឹកជ្រោះហូរនិងសំឡេងបក្សីកញ្ជ្រៀវខ្ញៀវខ្ញារ៕
ហាថាញ- លីសៀ
Xem thêm bình luận