តភ្ជាប់សហគមន៍ជនជាតិ Hoa ដើម្បីអនុវត្តការងារសុខមាលភាពសង្គម

ដោយមិនអាចកាត់ផ្តាច់ចេញពីផែនមហាសាមគ្គីទូទាំងជនជាតិបាន សហគមន៍ជនជាតិ Hoa មានការរួមចំណែកយ៉ាងសកម្មសម្រាប់ការអភិវឌ្ឍភូមិភាគលើវិស័យជាច្រើន ជាក់ស្តែងដូចជា៖ ចូលរួមយ៉ាងសកម្មក្នុងចលនាប្រឡងប្រណាំងស្នេហាជាតិ កសាងជីវភាពវប្បធម៌ ការពារសន្តិសុខសណ្តាប់ធ្នាប់ កសាងជនបទថ្មី។ល។ ក្រៅពីនោះ ពួកគាត់ថែមទាំង ជាកម្លាំងស្នូលដ៏ពិសេសសម្រាប់ខាងសកម្មភាពសុខមាលភាពសង្គមលើភូមិសាស្ត្រទៀតផង។

តំណាងគណៈកម្មការគ្រប់គ្រងទីសក្ការបូជា Quan Thánh Đế Quân និងសប្បុរសជនទាំងឡាយ ជូនអំណោយដល់បងប្អូនប្រជាជនដែលមានជីវភាពជួបលំបាក។

លោក Danh Sơn ប្រធានគណៈកម្មាធិការរណសិរ្សមាតុភូមិឃុំ Hồng Dân បានឱ្យដឹង៖ “ឃុំ Hồng Dân មានជនជាតិភាគតិចជិត ១០ ពាន់នាក់ស្មើនឹងប្រហែល ១៨% នៃចំនួនប្រជាជនទូទាំងឃុំ។ បងប្អូនជនរួមជាតិបានចូលរួមយ៉ាងសកម្មក្នុងចលនាប្រឡងប្រណាំងស្នេហាជាតិ ហើយបានចូលរួមចំណែកកាន់តែច្រើនឡើងក្នុងបុព្វហេតុនៃការអភិវឌ្ឍសេដ្ឋកិច្ច-សង្គម រក្សា និងពង្រីកអត្តសញ្ញាណវប្បធម៌របស់ជាតិ។ ជាក់ស្តែងគឺគណៈកម្មការគ្រប់គ្រងទីសក្ការបូជា Quan Thánh Đế Quân ភូមិ Nội Ô បានស្ងើចសរសើរដោយរួមចំណែកជាច្រើនក្នុងកិច្ចការសន្តិសុខសង្គម និងសាមគ្គីសហគមន៍ រួមដៃគ្នាកសាងមាតុភូមិឱ្យកាន់តែមានការអភិវឌ្ឍប្រសើរឡើង”។

ច្រើនឆ្នាំកន្លងមក ទីសក្ការបូជា Quan Thánh Đế Quân​ គឺជាកន្លែងចាត់តាំងសកម្មភាពជំនឿសហគមន៍ផង និងជាស្ពានសម្រាប់សម្របសម្រួលការចលនាសហគមន៍ជនជាតិ Hoa និងសប្បុរសជននានាផងដែរសម្រាប់ជួយឧបត្ថម្កដល់អ្បកក្រីក្រ និងប្រជាជនដែលមានស្ថានភាពលំបាកលើភូមិសាស្ត្រ។ តាមរយៈនោះ ក៏បានចលនាអំណោយចំនួន ២.៥០០ ចំ ណែក ចាត់តាំងការសួរសុខទុក្ខ លើកទឹកចិត្ត និងឧបត្ថម្ភទាន់ពេលវេលាចំពោះករណីឈឺថ្កាត់បាន ១៥ ករណី ដោយទឹកប្រាក់សរុបជាង ៥០០ លានដុង។

ដោយក្តីអាណិតអាសូរចំពោះស្ថានភាពដ៏លំបាកនៃជីវភាពដ៏កម្សត់ ជាពិសេសករណីកើតមានជំងឺធ្ងន់ធ្ងរ រហូតដល់ទីបញ្ចប់នៃជីវិតគ្មានក្តារម្ឈូស និងកន្លែងបញ្ចុះសព គណៈកម្មការគ្រប់គ្រងទីសក្ការបូជា Quan Thánh Đế Quân ក៏បានចលនាសប្បុរសឱ្យរួមដៃ​គ្នាផ្តល់ក្តារម្ឈូសចំនួន ១៥ គ្រឿង និងដីសម្រាប់បញ្ចុះសព ៥ កន្លែងផងដែរ។

រួមដំណើរជាមួយសកម្មភាពសប្បុរសធម៌នេះគឺលោក Trần Thanh Sơn ម្ចាស់សិប្បកម្មក្តារម្ឈូស Ba Mậu ឃុំ Hồng Dân ។ លោក Sơn បានចែករំលែកថា៖ “ពេលបានឃើញស្ថានភាពក្រីក្រទាំងនោះ ខ្ញុំមិនអាចទប់ចិត្តបាន។ ក្នុងលទ្ធភាពរបស់ខ្លួន ខ្ញុំចង់ធ្វើអ្វីៗគ្រប់យ៉ាងសម្រាប់អ្នកដែលបានចែកឋាន ពេលដែលបញ្ជូនពួកគាត់ទៅកាន់ទីកន្លែងចុងក្រោយនៃឆាកជីវិត”។

ដំណឹងល្អបានល្បីសុះសាយ ឥឡូវនេះ ទីសក្ការបូជា Quan Thánh Đế Quân មិនត្រឹមតែជាកន្លែងសកម្មភាពជំនឿរបស់សហគមន៍ជនជាតិ Hoa ប៉ុណ្ណោះទេ ថែមទាំងបានក្លាយជាទីតាំងសម្រាប់បង្កើនភាពជិតស្និទ្ធ ផ្សារភ្ជាប់ជាមួយគ្រប់បណ្តាជនជាតិដែលរស់នៅក្នុងភូមិភាគ។ ជាបទីង្អែកខាងស្មារតីទៀតផង គណៈកម្មការគ្រប់គ្រងទីសក្ការបូជា Quan Thánh Đế Quân ក៏ជាសមូហភាពដែលឈានមុខគេក្នុងសកម្មភាពសប្បុរសធម៌ និងមនុស្សធម៌ក្នុនៅភូមិសាស្ត្រផងដែរ។​

ដោយស្មារតី “រស់នៅល្អផ្លូវធម៌ បវរផ្លូវលោក” គណៈកម្មការគ្រប់គ្រងទីសក្ការបូជាបានរៀបចំសកម្មភាពជាក់ស្តែងជាច្រើនដូចជា៖ កៀរគរជំនួយឧបត្ថម្ភការបង្ការ និងប្រយុទ្ធប្រឆាំងជំងឺរាតត្បាត។ ជូនអំណោយគ្រួសារក្រីក្រ ឧបត្ថម្ភសិស្សមានស្ថានភាពជួបលំបាក រួមវិភាគទានថវិកាកសាងផ្ទះមេត្តាធម៌ ជួយឧបត្ថម្ភមនុស្សចាស់ជរាគ្មានទីពឹងពាក់ អ្នកជំងឺរ៉ាំរៃ។ល។ រៀងរាល់ពេលបុណ្យចូលឆ្នាំថ្មីប្រពៃណី Việt Nam និងថ្ងៃ ១៥ កើត ខែ ៧ តាមចន្ទគតិ ទីសក្ការបូជតែងមានរៀបចំការជូនអំណោយផ្សេងៗ មានដូចជាអង្ករជាដើមដល់អ្នកក្រីក្រ រួមចំណែកផ្សព្វផ្សាយស្មារតីជួយគ្នាទៅវិញទៅមកក្នុងសហគមន៍។

គណៈកម្មការគ្រប់គ្រងទីសក្ការបូជា Quan Thánh Đế Quân ជាសមូហភាពឈានមុខ ក្នុងសកម្មភាពសុខមាលភាពសង្គមលើភូមិសាស្ត្រ។

លោក Viên Quang Tỷ ប្រធានគណៈកម្មការគ្រប់គ្រងទីសក្ការបូជា Quan Thánh Đế Quân បានចែករំលែកថា៖ “តាមរយៈសកម្មភាពរបស់គណៈកម្មការគ្រប់គ្រង និងសប្បុរសជនទាំងឡាយមួយថ្ងៃកាន់តែមានអ្នកក្រច្រើនឡើងបានស្វែងរកជំនួយពីយើងខ្ញុំ។ យើងខ្ញុំតែងត្រៀមខ្លួនជានិច្ចក្នុងការចែករំលែក និងរួមដំណើរជាមួយបងប្អូន ដើម្បីជួយសម្រាលទុក្ខលំបាកក្នុងជីវិត”។

តាមរយៈឱកាសជួបសំណេះសំនាលប្រជាជន គណៈកម្មការគ្រប់គ្រង - ជាអ្នកមានកិត្យានុភាពនៅភូមិភាគគួបផ្សំការផ្សព្វផ្សាយ អំពីគោលនយោបាយរបស់បក្ស និងក្រឹត្យច្បាប់រដ្ឋ ការចលនាប្រឡងប្រណាំងរបស់ភូមិសាស្រ្តសម្រាប់បងប្អូនប្រជាជន។

ដោយសកម្មភាពមានអត្ថន័យជាច្រើន រយៈពេលច្រើនឆ្នាំរហូតមក គណៈកម្មការគ្រប់គ្រងត្រូវបានគណៈកម្មាធិការប្រជាជន និងគណៈកម្មាធិការរណសិរ្សមាតុភូមិភាគជូនប័ណ្ណសរសើរចំពោះការចូលរួមចំណែកដ៏លេចធ្លោក្នុងកិច្ចការសុខុមាលភាពសង្គម។ មិនត្រឹមតែសម្តែងពីភារកិច្ចសហគមន៍ជនជាតិ Hoa ប៉ុណ្ណោះទេ សកម្មភាពទាំងនេះក៏បានរួមចំណែកដល់ការផ្សារភ្ជាប់សហគមន៍ជនជាតិជាបងប្អូនជន ពង្រឹងផែនមហាសាមគ្គីជាតិទៀតផង៕

Thanh Hải