Truyền hình
ពីមុខម្ហូបពិសេសៗក្នុងស្រុកដ៏សម្បូរបែបដូចជា កំពឺស និងបង្គាសមុទ្រ សហគមន៍ Hoa ខេត្ត Cà Mau បានច្នៃទៅជាមុខម្ហូបដ៏ឆ្ងាញ់ៗជាច្រើនប្រភេទ ជាពិសេស ប្រហិត ដែលបន្ថែមរសជាតិទាក់ទាញដល់អាហារ និងគួរឱ្យចាប់អារម្មណ៍ផងដែរ។
សាច់បង្គាឬកំពឺស គឺជាសារធាតុសំខាន់សម្រាប់ធ្វើប្រហិតផងដែរ។
ក្នុងពិធីសែនព្រេន ចម្រើនព្រះជន្ម ខួបកំណើត ឬសកម្មភាពវប្បធម៌របស់សហគមន៍ Hoa ប្រហិត គឺមិនអាចខ្វះបាន ហើយថែមទាំងត្រូវបានច្នៃទៅជាមុខម្ហូបឆ្ងាញ់ៗជាច្រើនមុខទៀតផង។ ដែលឆ្ងាញ់បំផុតសម្លឆ្នាំងភ្លើង ជាមួយប្រហិតកំពឺសពូតជាដុំតូចៗ រួវហើយយកទៅចៀនជាមួយខ្ទះខ្លាញ់រហូតដល់ប៉ោងឡើងជាដុំ និងមានព័ណ៌លឿងគួរឱ្យទាក់ទាញអារម្មណ៍ បន្ទាប់មករៀបចំក្នុងឆ្នាំងភ្លឹងជាមួយបន្លែ សាច់ និងម្ហូបផ្សេងៗដទៃទៀត។ ក្រៅពីនោះ ប្រហិតយកទៅស្ងោរក៏មានរសជាតិឆ្ងាញ់ខ្លាំងផងដែរ ជាមួយនឹងរសជាតិផ្អែម និងស្រួយណាស់ដែរ។
សម្លឆ្នាំងភ្លើងប្រហិតមានរសជាយិឆ្ងាញ់ពិសារគួរឱ្យទាក់ទាញអារម្មណ៍។
ប្រហិត ក៏ជាគ្រឿងផ្សំដែលសម្រាប់ប្រើក្នុងម្ហូបជាច្រើនទៀតដូចជា៖ ចម្អិនជាមួយស៊ុបក្តាម មីឆាចម្រុះ ប្រហិតពូតជាដុំតូចៗដែលមានទាំងស្នូលពងចាបក្រួចនៅក្នុងម្ហូប "កំណប់ទាំងបួន" សម្រាប់បម្រើក្នុងពិធីជប់លៀងអាពាហ៍ពិពាហ៍ តំណាងឱ្យ "ពរជ័យទាំងបួនប្រការ" ដែលនាំមកនូវសំណាងល្អ និងសុភមង្គលពេញលេញផងដែរ។
អ្នកមីង Thái Tú Anh ជាជនជាតិ Hoa នៅអនុសង្កាត់ Bạc Liêu ដែលមានជំនាញក្នុងការធ្វើប្រហិត បាននិយាយថា៖ "ដើម្បូធ្វើបានប្រហិតឱ្យមានរសជាតិឆ្ងាញ់ពិសារ ក៏ត្រូវឆ្លងកាត់ដំណាក់កាលជាច្រើនណាស់ដែរ។ បន្ទាប់ពីលាងបង្គារួច សរសៃនៅលើខ្នងបង្គាត្រូវតែយកចេញឱ្យអស់ បន្ទាប់មកវាត្រូវបានបុកក្នុងត្បាល់ឬកិនក្នុងម៉ាស៊ីនរហូតដល់រលោងខ្លាំង រួចហើយពូតជាដុំតូចៗ ហើយចៀនឬស្ងោរឱ្យឆ្អិន។ ចំពោះការចៀនប្រហិត ការគ្រប់គ្រងកម្ដៅគឺជារឿងសំខាន់បំផុត។ ប្រសិនបើកម្ដៅខ្លាំងពេក ប្រេងនឹងពុះនៅសីតុណ្ហភាពខ្ពស់ ធ្វើឱ្យប្រហិតបាត់បង់រសជាតិរបស់វា ហើយថែមទាំងរឹងទៀតផង។ ពេលពុះ យើងត្រូវចម្អិនវាឱ្យបានត្រឹមត្រូវដើម្បីយកវាចេញពីឆ្នាំង ធ្វើបែបនេះគឺដើម្បីឱ្យប្រហិតរក្សាបាននូវភាពផ្អែម និងក្លិនឈ្ងុយរបស់វា"។
ម្ហូបកំណប់បួនមុខ ជាមួយប្រហិតដែលមានស្នូលពងចាបក្រួចសម្រាប់ទទួលភ្ញៀវក្នុងថ្ងៃអាពាហ៍ពិពាហ៍។
ដោយមានរសជាតិទាក់ទាញ និងវិធីសាស្ត្ររៀបចំពិសេសផងនោះ ប្រហិតរបស់ជនជាតិ Hoa ក៏បានរួមចំណែកខាងវប្បធម៌ធ្វើម្ហូបដ៏មានពណ៌ស្រស់ស្អាតនៃតំបន់ចុងជ្រោយបង្អស់របស់ប្រទេសជាតិផងដែរ៕
Kiết Tương
Xem thêm bình luận