Truyền hình
សហគមន៍ជនជាតិ Hoa នៅឃុំ Quách Phẩm ស្រុក Đầm Dơi បានពង្រីកល្អនូវស្មារតីជួយគ្នាទៅវិញទៅមកក្នុងការប្រកបសេដ្ឋកិច្ច រួមចំណែកលំនឹងការងារសុខមាលភាព អភិវឌ្ឍសេដ្ឋកិច្ច-សង្គមនៅភូមិភាគ។
ឃុំ Quách Phẩm បច្ចុប្បន្នមានគ្រួសារជនជាតិភាគតិចចំនួន១១៧គ្រួសារ ក្នុងនោះមានគ្រួសារជនជាតិ Hoa ចំនួន៣៩គ្រួសារផងដែរ ពួកគេភាគច្រើនប្រកបអាជីវកម្ម និងមានសេដ្ឋកិច្ចលំនឹងល្អ។ ផ្តោតលើស្មារតីឧបត្ថម្ភ ស្រឡាញ់ និងជួយគ្នាទៅវិញទៅមក ព្រមទាំងជំនួយអ្នកដែលជួបលំបាកពិសេសដើម្បីមានលក្ខណៈឈានឡើងក្នុងសង្គម។
សហគមន៍ជនជាតិ Hoa នៅឃុំ Quách Phẩm តែងយកចិត្តទុកដាក់យ៉ាងសកម្មចំពោះលក្ខណៈវប្បធម៌ និងការកសាងវត្តអារាម។ វិហារ Bà Thiên Hậu នៅទីនេះត្រូវបានសាងសង់យ៉ាងទូលំទូលាយដោយបងប្អូនជនជាតិ Hoa រួមរួមចំណែកកសាង។
លោក Lâm Quốc Kan អ្នកមានប្រជាប្រិយក្នុងជនរួមជាតិ Hoa ឃុំ Quách Phẩm ឱ្យដឹង៖ “ចំណុចសំខាន់ក៏ជាប្រការមួយដែលគួរឱ្យកត់ សម្គាល់របស់បងប្អូនជនរួមជាតិ Hoa គឺការសាមគ្គី ជួយគ្នាទៅវិញទៅមកក្នុងសហគមន៍ ទោះបីជាមានគ្នាមិនច្រើន គ្មានអ្នកណាបញ្ជាអ្នកណា តែបណ្តាអ្នកដែលមានលក្ខណៈសេដ្ឋកិច្ចធូរធារជាង នឹងជួយទំនុកបម្រុងអ្នកដែលជួបលំបាកពិសេសជាងខ្លួន ដើម្បីផ្តល់ឱ កាសឱ្យពួកគេមានលក្ខណៈរកស៊ី ឈានឡើងផ្គត់ផ្គង់ជីវភាពគ្រួសារ”។
មិនត្រឹមជួយឧបត្ថម្ភជនជាតិរបស់ខ្លួនប៉ុណ្ណោះទេ សមាគមជនជាតិ Hoa នៅ Quách Phẩm ថែមទាំងអស់ពីចិត្តជួយឧបត្ថម្ភគ្រួសារជួបលំបាកលើភូមិសាស្ត្រ រួមចំណែកកសាងសាលារៀន ស្ពាន។ល។ បណ្តាអ្នកមានប្រជាប្រិយតែងបំផុសចលនាមាមីងបងប្អូនឱ្យស្ម័គ្រចិត្តចូលរួមចំណែកដើម្បីជូនអំណោយសម្រាប់អ្នកក្រ ដែលត្រូវបានចាត់តាំងនៅវិហារ Bà Thiên Hậu ជារៀងរាល់ឆ្នាំមានប្រមាណ៤,៥តោនសម្រាប់ផ្តល់ជូនមាមីងប្អូននៅតាមបណ្តាឃុំជិតខាង។
លោក Lâm Nhất Cường អាយុ៧៧ឆ្នាំ ជាគ្រួសារប្រកបរបរលក់ដូរកំប៊ិចកំប៉ុកនៅឃុំ បានឱ្យដឹង៖ គ្រួសារខ្ញុំរស់នៅទីនេះអស់ជាច្រើនជំនាន់ណាស់មកហើយ។ តាំងពីរបរធ្វើស្រែ យើងខ្ញុំក៏បានបង្វែមកជួញដូរវិញ។ ក្នុងសម័យសង្គ្រាមប្រឆាំងអាមេរិក គ្រួសារខ្ញុំរួមជាមួយ បងប្អូនប្រជាជនដទៃទៀតនៅទីនេះបានរួមកម្លាំងជួយលាក់បង្គាប់ និងចិញ្ចឹមកម្មាភិបាលកងទ័ពរហូតដល់ថ្ងៃរំដោះ។ រាល់គ្រួសារចិននិយាយដោយឡែក និងជនរួមជាតិចិននៅ Quách Phẩm និយាយរួម សុទ្ធតែស្រុះចិត្តគ្នាអនុវត្តល្អវិធានការគោលនយោបាយរបស់បក្ស និងក្រឹត្យច្បាប់រដ្ឋ។ យើងខ្ញុំតែងចលនាដាស់តឿនរំលឹកគ្នាជានិច្ចខាងការងាររកស៊ី ពង្រីកសេដ្ឋកិច្ចគ្រួសារ។ នោះក៏ជាការរួមចំណែកដ៏តូចមួយសម្រាប់ក្នុងការកសាងសង្គមស៊ីវិល័យ ជឿនលឿន និងសម្បូររុងរឿង”។
នៅផ្សារ Quách Phẩm បងប្អូន Hoa ក៏បានជួយគ្នាកសាងផ្លូវ ដើម្បីរក្សាតំបន់ផ្សារឱ្យធំទូលាយស្អាត។
ទន្ទឹមនិងនោះ តភ្ជាប់ការទំនាក់ទំនងសាមគ្គីរវាងជនជាតិ និងអនុវត្តយ៉ាងម៉ឺងម៉ាត់នូវគោលនយោបាយ និងគោលការណ៍ណែនាំរបស់បក្ស និងរដ្ឋ បណ្តាអ្នកមានប្រជាប្រិយក្នុងសហគមន៍ជនជាតិ Hoa ថែមទាំងសកម្មចលនាសប្បុរសជនឱ្យយកចិត្តទុកដាក់ ជំនួយឧបត្ថម្ភជារៀងរាល់ឆ្នាំចំពោះការសាងសង់ផ្ទះមេត្តាធម៌សម្រាប់គ្រួសារទាំងឡាយដែលមានជីវភាពជួបលំបាកលើភូមិសាស្ត្រខេត្ត។ អនុប្រធានគណៈកម្មាធិការប្រជាជនឃុំ Quách Phẩm លោក Bùi Quang Thám ឱ្យដឹង៖ ស្មារតីរបស់បងប្អូនជនជាតិ Hoa ពិតជាគួរឱ្យកោតសរសើរខ្លាំងណាស់។ ពួកគាត់កាន់តែយល់យ៉ាងស៊ីជម្រៅគ្នា និងជឿជាក់លើគោលការណ៍ណែនាំ និងគោលនយោបាយផ្លាស់ថ្មីរបស់បក្ស និងរដ្ឋរយើង។ បងប្អូនប្រជាជនតែងខិតខំប្រឹងប្រែងឈានឡើងដោយខ្លួនឯង ព្រមទាំងព្យាយាមពលកម្មផលិត ជួញដូរ។ ផ្តោតលើ ការអភិវឌ្ឍន៍សេដ្ឋ កិច្ច។ ប្រការដែលគួរឱ្យគួរកត់សម្គាល់ទៀតនោះគឺការជំនួយគ្នាទៅវិញទៅមករបស់បងប្អូនជនរួមជាតិ Hoa រវាងបណ្តាជន ជាតិជាបងប្អូនដែលរស់នៅលើភូមិសាស្ត្រ រួមចំណែកពង្រឹង និងពង្រីកផែនមហាសាមគ្គីទូទាំងជនជាតិ រក្សាការពារសន្តិសុខ និងសណ្តាប់ធ្នាប់សង្គមនៅភូមិភាគ៕
Lam Khánh
Xem thêm bình luận