Truyền hình
សម្រាប់សហគមន៍ Hoa ការប្រារព្ធពិធីបុណ្យចម្រើនព្រះជន្មគឺជាប្រពៃណីដ៏យូរអង្វែងមួយដែលមានដើមកំណើតមកពីគំនិតផ្តួចផ្តើមនៃសាសនាខុងជឺ ដោយសង្កត់ធ្ងន់លើស្មារតីនៃ "ភាពស្មោះត្រង់ និងការគោរពប្រតិបត្តិចំពោះកូនៗមកលើឪពុកម្តាយ និងអ្នកមានគុណ"។ នេះមិនត្រឹមតែជាលក្ខណៈដ៏ស្រស់ស្អាតនៃជីវិតរស់នៅប្រចាំថ្ងៃប៉ុណ្ណោះទេ ប៉ុន្តែវាក៏ជាឱកាសសម្រាប់កូនចៅគ្រប់គ្នាសម្តែងនូវការគោរពដឹងគុណ និងបំពេញកាតព្វកិច្ចគោរពប្រតិបត្តិចំពោះឪពុកម្តាយរបស់ខ្លួនផងដែរ។
ពិធីបញ្ចុកបបរដល់អ្នកមានគុណ ជាលក្ខណៈដ៏ល្អមួយនៃការតយបស្នគុណរបស់កូនចៅដល់លោកឪពុកម្តាយក្នុងថ្ងៃបុណ្យចម្រើនព្រះជន្ម។
យោងតាមប្រពៃណី Hoa នៅពេលដែលឪពុកម្តាយឈានដល់វ័យ ៦០ ឆ្នាំ កូនចៅរបស់ពួកគេនឹងប្រារព្ធពិធីបុណ្យចម្រើនព្រះជន្ម ដើម្បីសម្តែងពីភាពកត្តញ្ញូរបស់ខ្លួន។ ពិធីនេះជាធម្មតាធ្វើឡើងនៅថ្ងៃកំណើតតាមច័ន្ទគតិរបស់ពួកគេ។ ប្រសិនបើឪពុកម្តាយមិនចាំថ្ងៃកំណើតរបស់ពួកនោះទេ កូនចៅនឹងជ្រើសរើសថ្ងៃដំបូងនៃឆ្នាំថ្មីតាមច័ន្ទគតិ ដែលជាថ្ងៃកំណើតរបស់តាកំប៉ោង (ទេវតាប៊ូដាយ) ដោយមានបំណងចង់ឱ្យឪពុកម្តាយរបស់ពួកគេមានអាយុយ៉ឺនយូរ មានសុខភាពពេញបរិបូរ សុភមង្គល និងវិបុលភាពជានិច្ច។
បុណ្យចម្រើនព្រះជន្មរបស់ជនជាតិ Hoa តែងត្រូវបានចាត់តាំងឡើងយ៉ាងឱឡារឹក ដោយមានច្រើនគ្រឿងសក្ការៈដែបង្គាប់ដោយអត្ថន័យខ្លឹមសារទៀតផង។ កូនចៅបាននាំគ្នារៀបចំមើម ខ្ញីដែលតុបតែងដោយសរសៃមី រូបសត្វក្រៀល និងស្លឹកស្រល់ ដើម្បីតំណាងឱ្យពរជ័យដ៏ខ្ពង់ខ្ពស់ដូចភ្នំ រស់នៅជាម្លប់ដល់កូនចៅទាំងឡាយ។ លើសពីនេះ បណ្តាគ្រឿងសក្ការៈដែលចាំបាច់ត្រូវតែមានក្នុងពិធីនេះ រួមមាន៖ នាំដែលត្រូវបានរចនាជាចេតិយ មានទាំងផ្លែឈើអមតៈ ស៊ុតមាន់ជ្រលក់ពណ៌ក្រហម និងសសៃមីដែលតំណាងឱ្យអាយុវែងយ៉ឺនយូរ។
គ្រឿងរណ្តាប់ដ៏ស្រស់ស្អាតក្នុងថ្ងៃបុណ្យចម្រើនព្រះជន្មរបស់ជនជាតិ Hoa។
ពិធីបុណ្យចម្រើនព្រះជន្មក៏ត្រូវបានចាត់តាំងយ៉ាងអធឹកអធមណាស់ដែរ មុនថ្ងៃប្រព្រឹត្តិឡើងនៃពិធីនេះ សម្រាប់គ្រួសារដែលមានមានជីវផាពធូរធាគេក៏បានអញ្ជើញក្រុមល្ខោនមកសម្តែង និងរៀបចំពិធីជប់លៀងដើម្បីកំដរភ្ញៀវជិតខាង និងសាច់ញាតិរបស់ខ្លួន។ សម្រាប់ភ្ញៀវដែលមកចូលរួម ក្រៅពីជូនអាំងប៉ៅក្រហម នឹងផ្តល់អំណោយ ៣ មុខដល់ម្ចាស់ផ្ទះដែលរុំដោយក្រដាសក្រហម៖ ស៊ុតមាន់ សាច់ជ្រូក និងមីសសៃ តំណាងឱ្យភាពពេញលេញ បរិបូរណ៍ និងអាយុយ៉ឹនយូរផងដែរ។
នៅថ្ងៃសំខាន់នៃពិធីនេះ ផ្ទះត្រូវបានតុបតែងលម្អដោយពណ៌ក្រហមភ្លឺថ្លា។ ឪពុកម្តាយស្លៀកអាវផាយដែលប៉ាក់ជាមួយតួអក្សរសំណាងល្អ ឬ អាយុវែង ហើយអង្គុយក្នុងទីតាំងដែលលេចធ្លោបំផុតដើម្បីទទួលពរជ័យ និងទទួលគ្រឿងបរិភាគដ៏ផ្អែមឆ្ងាញ់បំផុតពីកូនចៅរបស់ខ្លួន។ បន្ទាប់មក ឪពុកម្តាយនឹងផ្តល់អាំងប៉ៅក្រហម ឬនំពរជ័យដល់កូនចៅ ហើយគ្រួសារទាំងមូលនឹងច្រៀងចម្រៀងប្រសិទ្ធពរក្នុងបរិយាកាសរីករាយ និងសុខដុមរមនាទៀតផង។
យោងតាមប្រពៃណី ជនជាតិ Hoa ប្រារព្ធពិធីបុណ្យចម្រើនព្រះជន្មជាមួយរយៈពេលចន្លោះពីគ្នាត្រឹម ១០ ឆ្នាំម្តងប៉ុណ្ណោះ នៅពេលឈានចូលវ័យ ៦០, ៧០ ឬ ៨០ ឆ្នាំ។ ដោយឡែកសម្រាប់ឆ្នាំដែលនៅសល់ ថ្ងៃកំណើតត្រូវបានប្រារព្ធឡើងនៅក្នុងសង្គមគ្រួសារ។ នេះគឺជាទំនៀមទម្លាប់ដ៏ល្អប្រពៃ និងពោរពេញដោយមនុស្សធម៌ដែលជួយថែរក្សា អភិរក្ស និងបន្តលើកកម្ពស់ភាពជាកត្តញ្ញូក្នុងសហគមន៍៕
Lâm Hỷ
Xem thêm bình luận