រក្សាភ្លើងវប្បធម៌ Khmer ដើម្បីលំនឹងនៃខ្សែជីវិតទំនើប

ការរក្សាខ្សែជីវិតនៃសម័យទំនើបដែលកំពុងជ្រាបពេញពាសនៅតាមភូមិស្រុកនៃតំបន់ជនបទ បងប្អូនជនរួមជាតិ Khmer នៅ Cà Mau នៅតែរក្សា និងបន្តការអភិរក្សតម្លៃវប្បធម៌ដែលដូនតាបបានន្សល់ទុក។ ដូចជាប្រភពនៃសរសៃដែលហូរមិនចេះចប់ អត្តសញ្ញាណ Khmer នៅតែហូរចូលយ៉ាងស្ងៀមស្ងាត់ក្នុងជីវិតបច្ចុប្បន្ន ស្ងប់ស្ងាត់ អត្ថន័យជ្រាលជ្រៅ សាមញ្ញ តែបង្កប់ដោយមោទនភាពជាតិ។

លោក Thạch Văn Tấn ស្វែងយល់បញ្ជីរាយនាមសិប្បករដែលអាចបង្ហាត់បង្រៀនខាងសិល្បៈយូករក្នុងជនរួមជាតិ។

ត្រឡប់មកភូមិ Vĩnh Lộc ឃុំ Phước Long ងាយនឹងបានឃើញនៅរូបភាពយុវជនកូន Khmer ជាមួយការខិតខំហ្វឹកហាត់កីឡាទូក.ងដើម្បីត្រៀមឱ្យការប្រណាំងក្នុងពិធីបុណ្យ។ នេះជាពិធីបុណ្យដ៏វិសេសវិសាល ពោរពេញដោយពណ៌សម្បុរនៃប្រពៃណីរបស់តំបន់ភូមិភាគ។ សម្រាប់បងប្អូនជនរួមជាតិ Khmer ទូក.ងមិនត្រឹមតែជាកីឡាប៉ុណ្ណោះទេ ថែមទាំងជានិមិត្តរូបនៃប្រភពកម្លាំង ជំនឿ និងការសាមគ្គីក្នុងសហគមន៍ទៀតផង។

ជាច្រើនឆ្នាំមកនេះ លោក Nguyễn Hồng Khánh លេខាបក្សភូមិ Vĩnh Lộc ជាកូន Khmer ដែលមានចិត្តមួយរូបបានរួមចំណែកដោយស្ងៀមស្ងាត់ និងខិតខំប្រឹងប្រែងជាមួយបងប្អូនប្រជាជន ព្រះសង្ឃ ដើម្បីបន្តរក្សាប្រពៃណីខាងកីឡាប្រណាំងទូក.ង។

លោក Nguyễn Hồng Khánh ​បានឱ្យដឹងអំពីក្តីបំណងប្រាថ្នាក្នុងការបន្តចលនាប្រពៃណីក្រុមកីឡាទូក.ងពីព្រោះនេះជាប្រភេទកីឡាប្រពៃណីដែលខ្លួនស្រឡាញ់ពេញចិត្ត។

“ខ្ញុំធ្វើពីព្រោះមានចំណាប់អារម្មណ៍ និងការស្រឡាញ់ជាតិ។ ទូក.ង មិនត្រឹមជាប្រភេទទូកធម្មតាប៉ុណ្ណោះទេ ថែមទាំងជាព្រលឹង និងមោទនភាពរបស់ Khmer យើងខ្ញុំទៀតផង” លោក Khánh បានចែករំលែកដូច្នេះ។ កែវភ្នែកពេញដោយភាពរីករាយរាល់រដូវប្រណាំងទូក.ងម្តងៗ។ អាស្រ័យការផ្សារភ្ជាប់ និងការឯកភាពគ្នាផងនោះ ក្រុមទូក.ងខ្វែងដង្ហិត (Đìa Muồng) ក្រៅពីបានចូលរួមក្នុងពិធីបុណ្យធំៗរបស់ខេត្ត ក៏តំណាងឱ្យខេត្ត Cà Mau ដើម្បីចូលរួមប្រណាំងថ្នាក់តំបន់ នាំមកនូវមោទនភាពសម្រេាប់តំបន់ចុងជ្រោយបង្អស់របស់ប្រទេស។

ក៏ជាអ្នកធ្ងន់ចិត្តលើវការថែរក្សាអត្តសញ្ញាណជាតិ លោក Thạch Văn Tấn ប្រធានការិយាល័យគណៈកម្មាធិការបក្សឃុំ Khánh Bình តែងតែយកចិត្តទុកដាក់ខិតខំថែរក្សាសិល្បៈយូកេ។ សម្រាប់លោក យូកេ មិនត្រឹមតែជាសិល្បៈសម្តែងប៉ុណ្ណោះទេ ថែមទាំងជាសំឡេងនៃដួងព្រលឹង Khmer ទៀតផង - សាមញ្ញ និងប្រកបដោយអត្ថន័យជ្រាលជ្រៅ។

បងប្អូនជនរួមជាតិ Khmer តែងខិតខំរក្សាទំនៀមទម្លាប់យកចង្ហាន់ទៅប្រគេនព្រះសង្ឃដើម្បីដារឧទ្ទិសមគ្គផលជូនដល់ដួងវិញ្ញាណក្ខន្ធរបស់បុព្វការីជន។

ពេលបានឮថា ខេត្ត Cà Mau មានគម្រោងការអភិរក្ស និងពង្រីកតម្លៃខាងសិល្បៈយូកេក្នុងឆ្នាំ ២០២៦ លោកក៏មានក្តីរំភើបគិតថា៖ “ក្នុងនាមជាកូន Khmer ខ្ញុំពិតជាសប្បាយចិត្តណាស់ ហើយសង្ឃឹមថា យូកេ នឹងទទួលបានការយកចិត្តទុកដាក់ អភិរក្ស សម្រាប់ឱ្យក្មេងៗជំនាន់ក្រោយបានស្នងបន្ត ដើម្បីសូរសព្ទសម្លេងស្គរ និងចម្រៀងនៅតែដក់ជាប់ក្នុងបេះដូងរបស់បងប្អូនប្រជាជនយើងជានិច្ច”។

សម្រាប់ប្រជាជន Khmer វប្បធម៌មិនត្រឹមតែមានវត្តមាននៅក្នុងពិធីបុណ្យទានប៉ុណ្ណោះទេ ថែមទាំងមាននៅក្នុងជីវភាពរស់នៅ និងសីលធម៌ដែលចាក់ឫសយ៉ាងជ្រៅនៅតាមគ្រប់បណ្តាគ្រួសារនីមួយៗផងដែរ។ រៀងរាល់ថ្ងៃបុណ្យធំៗ មនុស្សម្នានាំគ្នាទៅវត្ត ដើម្បីប្រគេនចង្ហាន់ អុជធូប រំលឹកដល់គុណបុព្វការីជន ដែលជាពិធីសាមញ្ញៗ ប៉ុន្តែពោរពេញដោយការគោរពស្រឡាញ់ និងភាពស្និទស្នាលរវាងគ្នានឹងគ្នាទៀតផង។

 “ពិធីបុណ្យប្រគេនចង្ហាន់ បុណ្យកំសាន្ត បង្សុកូលមិនត្រឹមបងបង្ហាញពីភាពកតញ្ញូតាធម៌ប៉ុណ្ណោះទេ ថែមទាំងជាការរំលឹកដាស់តឿនដល់មនុស្សគ្រប់រូបអំពីព្រភពរបស់ជនជាតិរទៀតផង”។ អ្នកមីង Thạch Thị Hương អនុប្រធានការិយាល័យវប្បធម៌ឃុំ Khánh Bình បានចែករំលែកដូច្នេះ។

បរិយាកាសត្រៀមរៀបចំទូក.ងនៅវត្តខ្វែងដង្ហិត (Đìa Muồng) ឃុំ Phước Long។

ការរក្សាចង្វាក់ថ្មីនៃជីវិត នៅខណៈពេលដែលទីផ្សាររូបនីយកម្ម និងបច្ចេកវិជ្ជាកំពុងមានការផ្លាស់ប្តូរ ប្រជាជន Khmer នៅ Cà Mau តែងជម្រើពីរបៀបថែរក្សាព្រលឹងជាតិដោយក្តីស្រឡាញ់យ៉ាងអស់ពីចិត្តសម្រាប់ខាងវប្បធម៌ប្រពៃណី។ ផ្តើមពីដំបូលនៃវត្តអារាមដ៏ស្រស់ស្អាតក្រោមកំដៅព្រះអាទិត្យ សូរសម្លេងយូកេលាន់ឮរំបងពេញភូមិស្រុករួមទាំងស្នូរកញ្ចែនៃការហ្វឹកហាត់របស់ក្រុមកីឡាទូ.ងដែលពេញដោយក្តីសង្ឃឹមឈានឡើង។

ដោយសារតែការខិតខំប្រឹងប្រែងដោយស្ងៀមស្ងាត់ទាំងនេះហើយ ដែលវប្បធម៌ Khmer មិនត្រឹមតែត្រូវបានអភិរក្សប៉ុណ្ណោះទេ ថែមទាំងបានភាពរីករាលដាលយ៉ាងខ្លាំង រួមចំណែកក្នុងការតុបតែងលម្អទស្សនីយភាពខាងវប្បធម៌ចម្រុះពណ៌នៃទឹកដី Cà Mau ផងដែរ៕

Nguyễn Đào - Hoàng Vũ