អភិវឌ្ឍក្រុម និងក្លឹបសិល្បៈ Khmer

ក្នុងលក្ខណៈនៅជួបការលំបាកជាច្រើនខាងថវិកា និងការប្រមូលផ្តុំកម្លាំង ប៉ុន្តែសកម្មភាពសិល្បៈនៅតាមវត្តអារាម Khmer ក្នុងខេត្ត នៅតែរក្សាបានភាពផុសផុល។ ដោយកម្លាំងស្នូលគឺយុវវ័យ ការបង្កើតនិងអភិវឌ្ឍក្រុមសិល្បៈ មិនត្រឹមតែកសាងបានកម្លាំងសម្រាប់ស្នងបន្តវេន ថែរក្សាតម្លៃវប្បធម៌ប្រពៃណីប៉ុណ្ណោះទេ ថែមទាំងបង្កើតលិតផល ដ៏ពិសេសដើម្បីបម្រើដល់ការអភិវឌ្ឍទេសចរណ៍ទៀតផង។

ក្រុមស្គរឆៃយ៉ាំវត្តអណ្តូងចេក ទាក់ទាញយុវវ័យចូលរួមយ៉ាងច្រើនកុះករ។

មុនពិធីបុណ្យទាននីមួយៗរបស់ជនរួមជាតិ Khmer វត្តអណ្តូងចេក ឃុំ Vĩnh Mỹ ក៏បានក្លាយជាទីកន្លែងជួបជុំរបស់ប្អូនៗយុវវ័យ ដែលមានចំណង់ចំណូលចិត្តស្រឡាញ់ខាងឧបករណ៍ភ្លេង និងរបាំ Khmer។ បរិយាកាសស្ងប់ស្ងាត់នៃវត្តអារាម បានជំនួសដោយសម្លេងស្គរ សម្លេងភ្លេងដ៏ពិរោះរណ្តំនៅពេលដែលកំពុងហាត់សម។ សមាជិកក្រុមសិល្បៈ អ្នកខ្លះនៅជាសិស្ស អ្នកខ្លះជាប់រវល់ប្រកបរបរចិញ្ចឹមជីវិតប្រចាំថ្ងៃ ប៉ុន្តែសុទ្ធតែមានក្តីស្រឡាញ់រួមចំពោះសិល្បៈប្រពៃណី។

នៅទីនេះ ប្អូនៗយុវវ័យបានទទួលការណែនាំនូវចង្វាក់របាំជាមូលដ្ឋាន ដូចជា៖ រាំវង់ សារ៉ាវ៉ាន់ បន្ទាប់ពីចេះស្ទាត់ទើបបន្តរៀនរាំរបាំបច្ចេកទេសខ្ពស់ជាង។ មកទល់ពេលនេះ វត្តបានបង្កើតក្រុមសិល្បៈជាច្រើន ដូចជា៖ ក្រុមរាំវង់ ក្រុមស្គរឆៃយ៉ាំ ក្រុមភ្លេងពិណពាទ្យ ក្រុមចម្រៀង។ល។ ទោះបីជាមានទ្រង់ទ្រាយតូច និងពេលខ្លះការប្រជុំជីវភាពអាក់ខានក្តី ប៉ុន្តែនេះជាការខិតខំប្រឹងប្រែងយ៉ាងធំរបស់វត្ត អណ្តូងចេក សម្រាប់ក្នុងការអភិរក្សតម្លៃវប្បធម៌ជនជាតិផងដែរ។

ក្រុមភ្លេងពិណពាទ្យនារីវត្ត កាយខ្វាង (Dì Quán) ហាត់សមបម្រើពិធីបុណ្យទាន។

ប្អូន Dư Thanh Xuân សមាជិកក្រុមស្គរឆៃយ៉ាំ បានឱ្យដឹង៖ "ប្អូនតែងតែដាស់អារម្មណ៍ខ្លួនឯងរាល់ពេលបានរួមសកម្មភាពជាមួយក្រុម។ ប្អូនស្រឡាញ់ប្រភេទសិល្បៈប្រជាប្រិយនេះ ព្រោះកាយវិការពិសេស និងមានអត្ថន័យផ្ញើនូវពាក្យជូនពរដល់ភូមិស្រុក។ ប្អូនមានមោទនភាពណាស់ ពេលបានសម្តែងក្នុងពិធីបុណ្យទានរបស់នៅវត្តអណ្តូងចេក និងវត្ត Khmer ដទៃទៀតក្នុងខេត្ត"។

វត្តកាយខ្វាង (Dì Quán) ឃុំ Ninh Quới ក៏ជាអង្គភាពមានចលនាសិល្បៈអភិវឌ្ឍខ្លាំង ក្នុងនោះផ្តោតលើការកសាងក្រុមដែលមានទេពកោសល្យវ័យក្មេង។ ជាពិសេស វត្តបានបង្កើតនិងអភិវឌ្ឍក្រុមភ្លេងពិណពាទ្យដោយសមាជិកសុទ្ធតែជាប្អូនៗនារី។ ទោះបីអាយុនៅក្មេងក្តី ប៉ុន្តែសមាជិកមានបច្ចេកទេសលេងភ្លេងបានល្អគួរសម ធ្លាប់ទទួលបានរង្វាន់ខ្ពស់ក្នុងមហោស្រពភ្លេងពិណពាទ្យថ្នាក់ខេត្តទៀតផង។

ក្រុមសិល្បៈវត្តគម្ពីរសាគរ ព្រែកជ្រៅ (Xiêm Cán) សង្កាត់ Hiệp Thành ចូលរួមសម្តែងបម្រើភ្ញៀវទេសចរណ៍។

ប្អូន Danh Thị Ngọc Mai សមាជិកក្រុមភ្លេងពិណពាទ្យនារីវត្ត កាយខ្វាង (Dì Quán) បានចែករំលែកថា៖ "ដំបូងឡើយប្អូនចូលរួមព្រោះចូលចិត្តរាំច្រៀង។ បន្ទាប់ពីបានចូលរួមមួយរយៈប្អូនបានសាកល្បងជាមួយភ្លេងពិណពាទ្យហើយកាន់តែស្រឡាញ់ថែមទៀត។ មកទល់ពេលនេះ ប្អូនលេងបានច្រើនបទដែរ និងតែងបានចូលរួមសម្តែងក្នុងពិធីបុណ្យទាននៅវត្ត"។

ការអភិវឌ្ឍនៃក្រុមសិល្បៈ Khmer បានរួមចំណែកអនុវត្តមានប្រសិទ្ធភាពនូវគម្រោងទី ៦ ស្តីពីការអភិរក្ស និងពង្រីកតម្លៃវប្បធម៌ល្អប្រសើររបស់ជនរួមជាតិភាគតិច ផ្សារភ្ជាប់នឹងការអភិវឌ្ឍទេសចរណ៍ តាមរយៈនោះបង្កើតបន្ថែមផលិតផលវប្បធម៌ដ៏ពិសេសដោយឡែក ព្រមទាំងជំរុញវិស័យទេសចរណ៍ Khmer ឱ្យកាន់តែអភិវឌ្ឍស្ថេរភាព៕

Hữu Thọ