ទាញយកតម្លៃវប្បធម៌នៃវត្តអារាម Khmer

Cà Mau ជាទឹកដីមានលក្ខណៈវប្បធម៌ពិសេសរបស់បងប្អូនជនរួមជាតិទាំង ៣ រួមមាន៖ Kinh - Khmer - Hoa រស់នៅច្រើន បណ្តាវត្តអារាមព្រះពុទ្ធសាសនាថេរវាទក៏កំពុងមានភាពរីកចម្រើនយ៉ាងសកម្មផងដែរ។ នេះមិនត្រឹមតែជាកន្លែងស្ងប់ស្ងាត់សម្រាប់ខាងការប្រណិបត្តិធម៌ប៉ុណ្ណោះទេ វត្តអារាម Khmer ទាំងឡាយកំពុងក្លាយជាមជ្ឈមណ្ឌលទេសចរណ៍ខាងវិញ្ញាណ វប្បធម៌ និងសហគមន៍ដ៏រស់រវើកទៀតផង។

ពិធីប្រណាំងទូក.ងខ្នាតតូចនៅវត្តសុរិយារាម (Cái Giá Giữa) ឃុំ Hưng Hội។

សម្រាប់ប្រជាជន Khmer វត្តអារាមគឺជាបេះដូងនៃភូមិស្រុករបស់ខ្លួន។ ប៉ុន្មានឆ្នាំកន្លងមកនេះ និន្នាការនៃការអភិវឌ្ឍទេសចរណ៍នៅតាមវត្តអារាម Khmer បានបង្កើតចំណុចលេចធ្លោគួរឱ្យចាប់អារម្មណ៍ មិនមែនតាមរយៈពាណិជ្ជកម្មនៃសាសនានោះទេ ប៉ុន្តែតាមរយៈវិធីសាស្រ្តសកម្មចំពោះវប្បធម៌ទៅវិញ។ ជាតួយ៉ាងដូចជាព្រះតេជគុណ Lý Quang Long ចៅអធិការវត្តសុរិយារាម ខ្វែងបបែលកណ្តាល (Cái Giá Giữa) ឃុំ Hưng Hội។ ជាមួយនឹងផ្នត់គំនិតថ្មី ព្រះតេជគុណ បានបង្វែបរិវេណវត្តឱ្យក្លាយទៅជាបរិយាកាសសម្រាប់ពិសោធខាងវប្បធម៌ជនជាតិជាមួយនឹងទម្រង់ទីលំហែកាយ "មាត់បឹង" ស្តារឡើងវិញនូវការប្រណាំងទូក.ងខ្នាតតូច បង្ហាញចង្វាក់រាំវង់ និងការផ្សព្វផ្សាយនំខ្ញី និងនំម្ទេសជាដើម។ ទម្រង់នេះមិនត្រឹមតែទាក់ទាញភ្ញៀវទេសចរប៉ុណ្ណោះទេ ថែមទាំងបង្កើតការងារ និងបង្កើនប្រាក់ចំណូលដោយផ្ទាល់សម្រាប់ប្រជាជននៅក្នុងភូមិស្រុកផងដែរ។

ចំណែកវត្តគម្ពីសាគរ ព្រែកជ្រៅ (Xiêm Cán) នៅសង្កាត់ Hiệp Thành ក្រោមការដឹកនាំរបស់ព្រះតេជគុណ Dương Quân ជាសក្ខីភាពសម្រាប់ការឋិតថេរដ៏យូរអង្វែងនៃបេតិកភណ្ឌស្ថាបត្យកម្មអង្គរដ៏អស្ចារ្យ និងគម្ពីរសាស្ត្រាស្លឹករឹតដ៏កម្រផងដែរ។ ព្រះតេជគុណជឿជាក់ថា៖ «ការអភិរក្សបេតិកភណ្ឌមិនអាចនៅស្ងៀមបាននោះទេ គឺត្រូវតែធ្វើយ៉ាងណាដើម្បីមានភាពរស់រវើកជានិច្ចក្នុងសហគមន៍»។ អាស្រ័យការរៀបចំបណ្តាពិធីបុណ្យប្រពៃណីទាំងឡាយបានល្អរៀបរយ មានដូចជា៖ បុណ្យចូលឆ្នាំថ្មី សែនដូនតា អកបំបុក វត្តព្រែកជ្រៅតែងបញ្ជាក់ពីស៊ី ជំហររបស់ខ្លួនជាគោលដៅទេសចរណ៍ដ៏ឆ្នើមមួយប្រចាំតំបន់វាលរាបទន្លេគឺវឡុង ដោយទាក់ទាញភ្ញៀវទេសចរណ៍រាប់ម៉ឺននាក់ជារៀងរាល់ឆ្នាំ។

ពិធីពូនភ្នំក្នុងឱកាសបុណ្យចូលឆ្នាំថ្មីប្រពៃណីនៅវត្តសុរិយារាម (Cái Giá Giữa ឃុំ Hưng Hội។

មន្ទីរវប្បធម៌ កីឡា និងទេសចរណ៍ខេត្ត Cà Mau បានវាយតម្លៃខ្ពស់ចំពោះតួនាទីរបស់ព្រះសង្ឃ និងអ្នកមុខអ្នកការសាសនាផងដែរ។ ការគាំទ្រពីរដ្ឋអំណាចសម្រាប់ក្នុងការបណ្តុះបណ្តាលជំនាញទេសចរណ៍ ការផ្សព្វផ្សាយផលិតផល OCOP និងការកែលម្អហេដ្ឋារចនាសម្ព័ន្ធបានបង្កជាលក្ខណៈអំណោយផលសម្រាប់វត្តអារាមខ្មែរទាំងឡាយ ដើម្បីអភិវឌ្ឍសក្តានុពលរបស់រៀងខ្លួនទៀតផង។ នៅពេលដែលព្រះសង្ឃចូលរួមក្នុងវិស័យទេសចរណ៍ រាល់ជំហានដែលអ្នកទស្សនាធ្វើដំណើរទៅកាន់វត្តអារាមក្លាយជាដំណើរនៃការរកឃើញឡើងវិញនូវឫសគល់ និងតម្លៃមនុស្សធម៌សុទ្ធសាធផងដែរ។

ទោះជាយ៉ាងណាក៏ដោយ បញ្ហាប្រឈមគឺស្ថិតនៅការធ្វើឱ្យមានតុល្យភាពនៃការអភិវឌ្ឍទេសចរណ៍ជាមួយនឹងភាពស្ងប់ស្ងាត់នៃបរិយាកាសវត្តអារាម។ យោងតាមព្រះចៅអធិការ គោលការណ៍ស្នូលនៅតែជា «ទេសចរណ៍កើតចេញពីចិត្ត»។ សកម្មភាពទាំងអស់ត្រូវតែរក្សាភាពឧឡារិក មិនមែនផ្លាស់ប្តូរការបង្រៀនរបស់ព្រះពុទ្ធសាសនានោះទេ ហើយតែងតែផ្តល់អាទិភាពដល់ផលប្រយោជន៍សហគមន៍ទៀតផង។ នេះគឺជាការរួមបញ្ចូលគ្នាដ៏សុខដុមរមនារវាងជាតិ និងសាសនា ការអភិរក្ស និងអភិវឌ្ឍនេះក៏រួមចំណែកដល់ការពង្រឹងអត្តសញ្ញាណវប្បធម៌របស់ប្រទេស Việt Nam ក្នុងយុគសម័យថ្មីផងដែរ៕

Thạch Đờ Ni