ផ្លាស់ប្តូរអាជីព ដើម្បីលើកកម្ពស់ជីវភាពជូនបងប្អូននារី Khmer

ឃុំ Nguyễn Việt Khai ស្រុក Phú Tân ជាឃុំមួយដែលជាប់មាត់សមុទ្រ សេដ្ឋកិច្ចរបស់បងប្អូនប្រជាជនជាទូទៅ ភាគច្រើនពឹងលើរបរខាងនេសាទសមុទ្រ។ កាលពីមុន ជីវភាពរស់នៅរបស់មាមីងបងប្អូនមានការជួបលំបាកខ្លាំង តែចាប់តាំងពីបានអនុវត្តច្បាប់ជលផល និងបណ្តាគោលនយោបាយជំរុញទឹកចិត្តឱ្យមានការផ្លាស់ប្តូរទម្រង់នៃការរស់នៅ ជីវភាពបងប្អូនប្រជាជន ជាពិសេសបងប្អូននារីជនជាតិភាគតិចទាំងឡាយនៅទីនេះក៏មានការផ្លាស់ប្តូរយ៉ាងសកម្មផងដែរ។

អ្នកស្រី Đào Thị Thanh An​ ប្រធានសមាគមសហព័ន្ធនារីឃុំ Nguyễn Việt Khai ឱ្យដឹង៖ ទូទាំងឃុំមានគ្រួសារជនជាតិភាគតិចទាំងអស់ចំនួន១៥៨គ្រួសារ ភាគច្រើនជាជន ជាតិ Khmer ។ បងប្អូននារីជនជាតិភាគតិចគ្រប់រូបកាលពីមុន ភាគច្រើនប្រកបរបរខាងនេសាទសមុទ្រ និងរុករកក្នុងតំបន់ហាមឃាត់។ តែដោយមានការឧបត្ថម្ភរបស់រដ្ឋ បងប្អូននារីក៏បានផ្លាស់ប្តូរអាជីពជាបណ្តើរៗ ដោយចូលរួមបណ្តាទម្រង់កែលម្អជីវភាពថ្មី ដូចជាការលក់ដូរកំប៊ិចកំប៉ុកតម្បាញមង និង ប៉ះ ដេរមងជាដើម។

ចាប់តាំងពីបានផ្លាស់ប្តូរមុខរបរ បងប្អូននារីភូមិ Gò Công រួមគ្នាតម្បាញ និងប៉ះដេរមង ជីវភាពក៏បានលំនឹងជាងមុន។

ប៉ុន្មានឆ្នាំថ្មីៗនេះរួមជាមួយការឧបត្ថម្ភរបស់បណ្តាអង្គការចាត់តាំងផ្សេងៗមានដូចជាអង្គការចាត់តាំងអន្តរាជាតិស្តីពី ការអភិរក្សសម្បត្តិធនធានធម្មជាតិ (WWF) និងធនាគារគោលនយោបាយសង្គម ព្រមទាំងបណ្តាថ្នាក់បណ្តុះបណ្តាលវិជ្ជាជីវៈក៏ត្រូវបាន បើកទូលាយនៅក្នុងឃុំផងដែរ។ តួយ៉ាងដូចជាថ្នាក់ត្បាញមង ប៉ះដេរមងដោយមានការចូលរួមរបស់បងប្អូននារីប្រមាណ៣០នាក់។ ដោយសារតែថ្នាក់បណ្តុះបណ្តាល នេះហើយទើបមានបងប្អូននារីជាច្រើនរូបមានការងារធ្វើ លំនឹងខាងប្រាក់ចំណូលរួមចំណែកស្តារជីវភាពគ្រួសារ។

បងស្រី Đàon Thị Xa នៅភូមិ Gò Công ដែលជាសិក្ខាកាមម្នាកើក្នុងចំណោមសិក្ខាកាមទាំងឡាយរបស់ថ្នាក់ប៉ះដេរមង ឱ្យដឹង៖ "ពីមុនខ្ញុំធ្វើការងារជាកម្មករស៊ីឈ្នួល ប្រាក់ចំណូលក៏មិននឹងនរ។ តែចាប់ពីបានរៀនរបរប៉ះដេរមងនិងអាចធ្វើបានដោយខ្លួន ឯង ប្រាក់ចំណូលក៏បានលំនឹងជាងមុនណាស់ដែររាល់ថ្ងៃអាចរកបានប្រាក់ចំណូលចាប់ ពី១០០-៣០០ពាន់ដុង យោងទៅតាមការងារ និងពេលវេលាសម្រាប់ធ្វើ។

ដើម្បីជំនួយបងប្អូននារីបន្ត និងពង្រីករបរនេះ សមាគមសហព័ន្ធនារីឃុំកុះពុងជំរុញការបង្កើតក្លឹបសហករណ៍ត្បាញមងនិងប៉ះដេរមង។ ក្លឹបសហការណ៍នេះ នឹងបង្កលក្ខណៈសម្រាប់បងប្អូននារីមានការងារធ្វើនៅផ្ទះរបស់ខ្លួនហើយអាចរក បានប្រាក់ចំណូលផល និងអាចមើលថែគ្រួសារផងដែរ អ្នកស្រី Đào Thị Thanh An មានប្រសាសន៍បែបនេះ។

ទន្ទឹមជាមួការឧបត្ថម្ភរៀនរបរ ធនាគារគោលនយោបាយសង្គមក៏បានផ្សព្វផ្សាយយ៉ាងច្រើនគោលនយោបាយផ្នែកខាង ហិរញ្ញវត្ថុសម្រាប់គ្រប់គ្រួសារ។ បងស្រី គីមម៉ន ជាជនជាតិ Khmer ​នៅភូមិ Gò Công បានខ្ចីបុលប្រាក់ធនាគារគោលនយោបាយសង្គមចំនួន៣០លានដុង ដើម្បីសាងសង់ជង្រុកជ្រូក។ បងស្រីមានប្រសាសន៍៖ ប្រាក់ដែលបុលបាន ខ្ញុំយកទៅវិនិយោគចិញ្ចឹមជ្រូក ហើយក៏លក់បានជ្រូកមួយហ្វូងដំបូងបង្អស់ផងដែរ ឥឡូវកំពុងត្រៀមចិញ្ចឹមបន្ត។ អាស្រ័យដូច្នេះហើយ ទោះបជីវភាពគ្រួសារខ្ញុំបានលំនឹងល្អជាងមុន។

ក្រៅពីនេះ គោលនយោបាយធានារ៉ាប់រងសុខាភិបាលក៏មានតួនាទីយ៉ាងសំខាន់ណាស់ដែរក្នុងការស្តារជីវភាពរស់នៅរបស់ បងប្អូនប្រជាជនជាពិសេសគ្រួសារជួបការលំបាក។ អ្នកមីង Lê Thị Mỹ អាយុ៦៣ឆ្នាំ នៅ ភូមិ Gò Công ជាអ្នកអាស្រ័យ ផលគោលនយោបាយខាងធានារ៉ាប់រងសុខាភិបាល។ អ្នកមីងមានប្រសាសន៍៖ "ដោយសារមានប័ណ្ណធានារ៉ាប់រងខាងសុខាភិបាល ទើបខ្ញុំអាចទៅពិនិត្យព្យាបាលជំងឺប្រចាំខែដោយមិនខ្វល់ខ្លាចបង់ប្រាក់។ ប្រសិនបើគ្មានប័ណ្ណធានារ៉ាប់រងសុខាភិបាលទេនោះ ជីវភាពរបស់ខ្ញុំនឹងជួបលាមពាក់វេទនាខ្លាំងណាស់"។

អ្នកមីង ​Hồ Thị Mỹ (ឆ្វេង) សព្វថ្ងៃលែងប្រកបរបរដាក់លូតាមព្រែកដូចមុនទៀតហើយ ដោសារអ្នកមីងបានឧបត្ថម្ភរៀនរបរតម្បាញមង និងប៉ះដេរមង។

លោក Lý Minh Trí ប្រធានភូមិ Gò Công ឲ្យដឹង៖ ទូទាំងភូមិមានទាំងអស់ ៤៣៣គ្រួសារ ក្នុងនោះក៏មាន៥៦គ្រួសារជាជនជាតិភាគតិច ពីមុនភាគច្រើនរស់ពឹង លើរបរខាងនេសាទតាមឆ្នេរសមុទ្រដែលជាតំបន់ហាមឃាត់។ ចាប់តាំងពីអនុ វត្តសេច ក្តីណែនាំលេខ១៧ CT/TU ចុះកាលពីថ្ងៃទី២៦ ខែកុម្ភៈ ឆ្នាំ២០២៤របស់គណៈអចិន្ត្រៃយ៍បក្សខេត្តស្តីពីពង្រឹងការដឹកនាំ និងចង្អុលការណែនាំរបស់គណៈកម្មាធិការបក្ស និង រដ្ឋអំណាចភូមិភាគចំពោះការរុករកប្រភពជលផដែលមាន ទ្រង់ ទ្រាយបំផ្លិចបំ ផ្លាញធនធានជលផលលើភូមិសាស្ត្រខេត្ត មាមីងបងប្អូនបានចូលរួមរៀនរបរសម្រាប់ផ្លាស់ប្តូរអាជីពផ្តើមពីនោះជីវភាពរបស់មាមីងបងប្អូនក៏បានលំនឹងប្រសើរជាងមុនច្រើន។ សព្វថ្ងៃ ទូទាំងភូមិនៅមាន១០គ្រួសារក្រីក្រ និង ១៨ គ្រួសារក្បែរបន្ទាត់ក្រផង ដែរ។

ការខិតខំប្រឹងប្រែងរបស់សមត្ថកិច្ចគ្រប់លំដាប់ថ្នាក់ ចំពោះការផ្លាស់ប្តូរអាជីពរៀន របររួមជាមួយបណ្តាគោលនយោបាយឧបត្ថម្ភ ផ្តល់ប័ណ្ណធានារ៉ាប់រងសុខាភិបាល ក៏ បានរួមចំណែកក្នុងការលើកកម្ពស់ជីវភាពរស់នៅរបស់បងប្អូនប្រជាជននិយាយរួមនិងបងប្អូននារីជនជាតិភាគតិចនិយាយដោយឡែកនៅឃុំង្វៀងវៀតខាយ។ នេះគឺជាភស្តុតាងសម្រាប់ប្រសិទ្ធ ភាពនៃកម្មវិធីអភិវឌ្ឍន៍សេដ្ឋកិច្ច-សង្គមនៅតំបន់ជនជាតិ ភាគតិចជួយបងប្អូនជនរួមជាតិមិនត្រឹមតែបង្កើនប្រាក់ចំ ណូលប៉ុណ្ណោះទេ ថែមទាំងមានឱកាសក្នុងការអភិវឌ្ឍជីវភាពរស់នៅប្រកបដោយនិរន្តរភាពនាពេលអនាគតទៀតផង៕

Phúc Duy