Truyền hình
បុណ្យកំសាន្ត ដែលគេតែងនិយមឬហៅថាបុណ្យកំសាន្តស្រុក បុណ្យនេះត្រូវបានប្រព្រឹត្តិឡើងបន្ទាប់ក្រោយ បុណ្យចូលឆ្នាំថ្មី ប្រហែលជាក្នុងអំឡុងចុងខែចែត្រ ឈានចូលដើមខែវិសាខ។ ទោះបីមិនមែនជាបុណ្យធំប្រចាំឆ្នាំក៏ដោយ តែបុណ្យកំសាន្តរបស់បងប្អូនជនរួមជាតិ Khmer ក៏មានតាំងពីយូលង់ណាស់មកហើយដែរ បុណ្យនេះក៏បានក្លាយជាលក្ខណៈវប្បធម៌ជំនឿផ្លូវចិត្តដ៏ល្អផូរផង់ដែលត្រូវបានបងប្អូន Khmer នាំគ្នាអភិរក្សរហូតមកទល់សព្វថ្ងៃ។
ពុទ្ធបរិស័ទចូលរួមពិធីបុណ្យកំសាន្ត។
លោក Hữu The អនុប្រធានគណៈកម្មការវត្តវង្សស្រង់ ក្របីឃ្លៀច (Cao Dân) ភូមិលេខ៧ ឃុំ Tân Lộc ស្រុក Thới Bình ឱ្យដឹង៖ ការចាត់តាំងបុណ្យកំសាន្តជារៀងរាល់ឆ្នាំរបស់បងប្អូនជនរួមជាតិ Khmer គឺដើម្បីបួងសួងប្រាថ្នាក្តីសុខ សាច់ញាតិគ្រួសារជួបតែសំណាងល្អគ្រប់ប្រការ រកស៊ីមានបាន រដូវកំណើនផល នេះជាពិធីបុណ្យជំនឿប្រជាប្រិយដែលមិនអាចខ្វាះបានក្នុងជីវភាពរស់នៅរបស់បងប្អូនជនរួមជាតិ Khmer ដើម្បីសម្តែងនូវទំនុកចិត្តរបស់មនុស្សជាមួយធម្ម ជាតិ និងសហគមផង ព្រមទាំងការតភ្ជាប់ ប្រមូលផ្តុំបងប្អូនប្រជាជនក្នុងភូមិស្រុកផង។
ក្រុមសិល្បៈ Khmer ខេត្តចូលរួមសម្តែងដោះដូរជាមួយមាមីងក្នុងភូមិ។
បុណ្យកំសាន្តស្រុក ធម្មតាត្រូវបានប្រារព្ធឡើងក្នុងរយៈពេល២ថ្ងៃ រួមមានដូចជានិមន្តព្រះសង្ឃទ្រង់បាត្រតាមគ្រួសារនីមួយៗដើម្បីឧទ្ទិសមគ្គផល និងបួងសួងប្រាថ្នាក្តីសុខកើតមានដល់សង្គមគ្រួសារជួបតែសំណាងល្អគ្រប់ប្រការ។ មានទាំងពិធីប្រកាសអញ្ជើញពពួកទេវតា និមន្តព្រះសង្ឃសម្តែងព្រះបរឹត្ត ដើម្បីឧទ្ទិសថ្វាយអារក្សអ្នកតាដែលជួយថែរក្សាការពារស្រុកភូមិ ព្រមទាំងមានប្រារព្ធពិធីហៅប្រលឹងស្រូវជាដើម។
លោក Lâm Thu អ្នកមានប្រជាប្រិយក្នុងជនរួមជាតិ Khmer ភូមិលេខ៧ Tân Lộc ស្រុក Thới Bình បានចែករំលែកថា៖ ដើម្បីត្រៀមយ៉ាងល្អឱ្យថ្ងៃបុណ្យកំសាន្តស្រុក មុនថ្ងៃចូលបុណ្យ គណៈចាត់តាំងក៏បានរៀបចំប្រជុំជាមុនសិន រួចហើយផ្តល់ដំណឹងឱ្យមាមីងបងប្អូនក្នុងភូមិបានដឹងថ្ងៃចូលបុណ្យនិងទីតាំងប្រារព្ធចាត់តាំង។ ចំណែកចាស់ព្រឹទ្ធាចារ្យវិញ រួមគ្នាគិតគូខាងការរៀបតុបតែងទីសក្ការៈព្រះ និងអាសនៈ សម្រាប់ព្រះសង្ឃ មានទាំងកន្លែងសម្រាប់ចាត់តាំងកម្មវិធីតូរតន្រ្តី និងល្បែងប្រជាប្រិយ ព្រមទាំងទៀនធូបភ្ញីផ្កា ស្លាម្លូជាដើម។
ពិធីប្រណាំងទូកញុំាងឱ្យថ្ងៃបុណ្យកាន់តែមានភាពឱឡារឹកថែមទៀត។
ក្រៅពីនោះ ក្នុងឱកាសបុណ្យកំសាន្ត ថែមទាំងមានអងញ្ជើញក្រុមសិល្បៈ Khmer ខេត្តដើម្បីចូលរួមសម្តែងកំដរនិងដោះដូរជាមួយមាមីងបងប្អូននៅភូមិស្រុកទៀតផង ដើម្បញុំាងឱ្យថ្ងៃបុណ្យកាន់តែមានភាពឱឡារឹកថែមទៀត រួមទាំងចាត់តាំងលេងល្បែងប្រជាប្រិយ Khmer ជាដើម។ ប៉ុន្មានឆ្នាំថ្មីនេះ ពិធីបុណ្យកំសាន្តរបស់បងប្អូនជនរួមជាតិ Khmer ក៏ត្រូវបានកាត់ចោលខ្លះៗនូវបណ្តាពិធីកិច្ចស្មុគស្មាញ និងបង់ខាតមួយចំនួន ប៉ុន្តែនូវរក្សាបានលក្ខណៈប្រពៃណី Khmer ជានិច្ច៕
Lâm Đươl
Xem thêm bình luận