មានទំនុកចិត្តលើក្បាលម៉ាស៊ីននៃរដ្ឋអំណាច២ថ្នាក់

ឃុំ Hồ Thị Kỷ ជាភូមិភាគដែលមានបងប្អូនជនរួមជាតិភាគតិចរស់នៅច្រើនកុះករ ជាអង្គភាពរដ្ឋបាលថ្នាក់ឃុំតែមួយគត់របស់ខេត្ត Cà Mau ដែលមិនបានរៀបចំរួមបញ្ចូលខណៈដែលខេត្តបានផ្តើមអនុវត្តទម្រង់រដ្ឋអំណាច២ថ្នាក់។ ជារួមជាមួយបណ្តាឃុំ សង្កាត់ទាំងឡាយទូទាំងខេត្ត ឃុំ Hồ Thị Kỷ បានដំណើរការរៀបចំក្បាលម៉ាស៊ីនថ្មី ដើម្បីធានាស្ថេរភាព និងប្រសិទ្ធភាពជូនប្រជនជាតិ។

បងប្អូនប្រជាជនមកកាន់មណ្ឌលសេវាកម្មរដ្ឋបាលឃុំ Hồ Thị Kỷ ដើម្បីធ្វើលិខិតស្នាមដែលលើកដំបូងដំណើរការរដ្ឋអំណាច២ថ្នាក់។

ឃុំ Hồ Thị Kỷ មានផ្ទៃដីធម្មជាតិ ៩៣,៦ គីឡូម៉ែត្រការ៉េ ដោយមានប្រមាណជាង៥.០០០គ្រួសារនិងចំនួនប្រជាជន២៧.២៨៣នាក់ ក្នុងនោះមាន ៦០០ គ្រួសារជនជាតិភាគតិច ប្រមូលផ្តុំនៅភូមិទាំង២ គឺ Đường Đào និង Cây Khô។ អាស្រ័យការរៀបចំបានល្អផ្នែកខាងប្រព័ន្ធចាត់តាំង ប៉ុន្មានថ្ងៃដំបូងនៃដំណើរការអនុវត្តរដ្ឋអំណាច២ថ្នាក់នៅឃុំក៏បានប្រព្រឹត្តិឡើងយ៉ាងមានប្រសិទ្ធភាព កំណត់នូវការចាប់ផ្តើមថ្មីយ៉ាងមានប្រសិទ្ធភាពសម្រាប់សកម្មភាពនៃការគ្រប់គ្រងរដ្ឋនៅភូមិភាគ។

លោក Nguyễn Việt Bắc ប្រធានផ្នែកខាងវប្បធម៌ឃុំ បានឲ្យដឹងថា៖ “អាស្រ័យការយកចិត្តទុកដាក់របស់ថ្នាក់ដឹកនាំ មណ្ឌលសេវារដ្ឋបាលឃុំទទួលបានការវិនិយោគសម្ភារៈយ៉ាងគ្រប់គ្រាន់ ឃុំក៏បានរៀបចំចាត់ចែងរាល់មុខងារ​ និងភារកិច្ចជាក់ស្តែងដល់បុគ្គលិកនីមួយៗសម្រាប់ខាងការទទួលបន្ទុកឯកសារ និងដោះស្រាយរាល់លិខិតស្នាមផ្សេងៗ... ដូច្នេះហើយទើបការអនុវត្តរបស់មណ្ឌលធានាល្អគ្រប់តំណាក់កាល និងមានប្រសិទ្ធភាពល្អតាមតម្រូវការរបស់បងប្អូនប្រ ជាជន”។

មកកាន់មណ្ឌលសេវាកម្មរដ្ឋបាលឃុំ Hồ Thị Kỷ ក្នុងការធ្វើលិខិតស្នាមចុះអេតាស៊ីវិល បង Võ Tuấn Anh និងបងស្រី Đặng Hồng Gấm នៅភូមិ Cái Bác មានក្តីសប្បាយរីករាយ និងពេញចិត្តខ្លាំងណាស់។ បង Tuấn ឱ្យដឹង៖ ខ្ញុំមានដើមកំណើតនៅ Cần Thơ ពេលនេះរួមជាមួយប្រពន្ធមកកាន់គណៈកម្មាធិការប្រជា ជនឃុំដើម្បីធ្វើអេតាស៊ីវិលមិនទាន់បាន១០នាទីផងក៏សម្រេចរួចរាល់ និងឆាប់រហ័សទៀតផង។ ខ្ញុំឃើញថា ការរៀបចំក្បាលម៉ាស៊ីននៃរដ្ឋអំណាច២ថ្នាក់​ជំហានដំបូងក៏ដំណើរការបានយ៉ាងល្អផងដែរសម្រាប់បងប្អូនប្រជាជន កម្មាភិបាលគ្រប់រូបតែងរាក់ទាក់ រោះរាយ និងអស់ពីចិត្តទៀតផង។

ថ្នាក់ដឹកនាំនៃគណៈកម្មាធិការប្រជាជនឃុំ Hồ Thị Kỷ ធ្វើការពិនិត្យ និងចង្អុលការណែនាំ រៀបចំបន្ទប់ធ្វើការថ្មី ដើម្បីធានាដំណើរការបានទៀងទាត់ និងមានប្រសិទ្ថភាពចំពោះក្បាលម៉ាស៊ីន២ថ្នាក់។

 លោក Nguyễn Trí Thức ប្រធានភូមិ Cây Khô ឱ្យដឹង៖ បច្ចុប្បន្នទូទាំងភូមិតែងបន្តដំណើរការនៃក្លឹបឌីជីថលសហគមន៍ ជំនួយមាមីងបងប្អូនអនុវត្តការកំណត់នាមអេឡិកត្រូនិក ដំឡើងកម្មវិធីធានាការពារសង្គម សុខមាលភាព អនុវត្តសេវាកម្មតាមបណ្តាញកម្រិត២លើប្រព័ន្ធសេវាកម្មរបស់ខេត្ត និងប្រទេសជាតិ ព្រមទាំងបង្កើតក្រុម Zalo រដ្ឋជាមួយបណ្តាគ្រួសារ សាច់សាលោហិត និងបងប្អូនប្រជាជនក្នុងភូមិ ដើម្បីឧត្តានកម្មបំណិនខាងឌីជីថលជូនបងប្អូនប្រជាជន។

ក្លឹបសកម្មភាពឌីជីថលសហគមន៍នៅភូមិ Cây Khô ជំនួយឧបត្ថម្ភខាងបំណិនឌីជីថល។

ឃុំ Hồ Thị Kỷ សម្បូរដោយប្រវត្តិសាស្ត្រ វប្បធម៌ និងប្រពៃណីបដិវត្តន៍ មានកិត្តិយសបានប្រធានរដ្ឋផ្តល់កិត្តនាមជាអង្គភាពវិរៈភាពនៃកងកម្លាំងប្រដាប់អាវុធប្រជាជន ជាប្រពៃណីស្នងបន្តក្នុងការអភិរក្ស និងពង្រីកតម្លៃវប្បធម៌អរូបីថ្នាក់ជាតិផ្នែកខាងសិល្បៈវង់ភ្លេងស្គរធំរបស់ Khmer... នេះជាកិត្តិយស ជាមោទនភាពដ៏ធំធេងសម្រាប់រដ្ឋអំណាច និងប្រជាជនទូទាំងឃុំផងដែរ។

ការអភិរក្ស និងពង្រីកប្រពៃណីក្នុងដំណើរការដែលពេញដោយក្តីរំភើប បក្ខភាគ រដ្ឋអំណាច និងប្រជាជនឃុំ Hồ Thị Kỷ បន្តសាមគ្គី រួមកម្លាំងកសាងមាតុ ភូមិមួយថ្ងៃកាន់តែសម្បូររុងរឿង និងចីរភាពក្នុងដំណើរការថ្មី៕

Loan Phương