ដំណើរការថ្មី - ទំនុកចិត្តថ្មី

ឃុំ Tân Lộc (ថ្មី) មានការរួមបញ្ចូលជាមួយបណ្តាឃុំ៖ Tân Lộc, Tân Lộc Bắc និង Tân Lộc Đông មុននេះជាតំបន់ប្រជុំជនដ៏យូរលង់ណាស់មកហើយរបស់បងប្អូនជនរួមជាតិ ជាពិសេសបងប្អូន Khmer ដោយសរុបទាំងអស់មានចំនួន៤២២គ្រួសារ។ ប៉ុន្មានឆ្នាំកន្លងមកនេះ ជីវភាពបងប្អូនជនរួមជាតិនៅឃុំ Tân Lộc មានការអភិវឌ្ឍន៍មិនឈប់ឈរ។

ជិតដិតប្រជាជន បម្រើប្រជាជន គឺជាគោលដៅយ៉ាងសំខាន់របស់ឃុំ Tân Lộc (ថ្មី)។ (ក្នុងរូបថត៖ មន្តី្ររដ្ឋការឃុំ Tân Lộc ជំនួយឧបត្ថម្ភបងប្អូនប្រជាជនក្នុងការដោះស្រាយទម្រង់ការរដ្ឋបាលនៅមណ្ឌលផ្តល់សេវារដ្ឋបាលសាធារណៈ)។

លោក Lê Minh Đương ប្រធានការិយាល័ទទួលបន្ទុកខាងវប្បធម៌ និងសង្គម ឃុំ Tân Lộc ឱ្យដឹង៖ “បងប្អូនប្រជាជនទូទាំងភូមិភាគ ក្នុងនោះមានបងប្អូន ជនរួមជាតិ Khmer តែងយកចិត្តទុកដាក់ គាំទ្រយ៉ាងខ្លាំង និងស្របមតិចំពោះការអនុវត្តទម្រង់រដ្ឋអំណាច២ថ្នាក់។ ឃុំ Tân Lộc  តែងយកចិត្តទុកដាក់ ធ្វើយ៉ាងណាដើម្បីបម្រើបងប្អូនប្រជាជនបានល្អ និងមានប្រសិទ្ធភាពថែមទៀត។ ក្នុងនោះ ភារកិច្ចដែលសំខាន់ គឺការគិតគូរដល់ជីវភាពរស់នៅជូនបងប្អូន ជនរួមជាតិមួយថ្ងៃកាន់តែបានល្អប្រសើរ។

បណ្តាគោលការណ៍ណែនាំ និងគោលនយោបាយរបស់បក្ស និងរដ្ឋស្តីពីការងារជនជាតិ ជាពិសេសកម្មវិធិគោលដៅជាតិដើម្បីអភិវឌ្ឍសេដ្ឋកិច្ច-សង្គមតំបន់ជនជាតិភាគតិច និងតំបន់ភ្នំ ក៏មានការផ្លាស់ប្តូរគ្រប់ជ្រុងជ្រោយផងដែរសម្រាប់ជីវភាពរស់នៅរបស់មាមីងបងប្អូន។ បច្ចុប្បន្ន ឃុំ Tân Lộc នូវត្រឹម១៣ គ្រួសារក្រ​និង២៤គ្រួសារប្រកៀកបន្ទាត់ក្រក្នុងជនរួមជាតិប៉ុណ្ណោះ។  ថ្មីៗនេះដែរ កម្មវិធីលុបបំបាត់ផ្ទះបណ្តោះអាសន្ន និងផ្ទះទ្រុឌទ្រោមក៏បានផ្តល់ទំនុកចិត្តសម្រាប់បងប្អូនប្រជាជនផ្តើមអាជីពនៅភូមិភាគរបស់ខ្លួន។

លោក Danh Riêng (ជនជាតិ Khmer) នៅភូមិលេខ៧ ឃុំ Tân Lộc ជាគ្រួសារក្រដែលទទួលបានការឧបត្ថម្ភផ្ទះថ្មី មានលក្ខណៈដើម្បីឈានឡើងក្នុងការរស់នៅ។ “អាស្រ័យបក្ស និងរដ្ឋយកចិត្តទុកដាក់ជំនួយឧបត្ថម្ភសង់ផ្ទះថ្មី គ្រួសារខ្ញុំក៏មានលក្ខណៈឈានឡើងរួចចាកផុតការលំបាក សព្វថ្ងៃក៏ខិតខំរកស៊ី ប្រឹតសំចៃដើម្បីជីវភាពមួយថ្ងៃកាន់តែបានលំនឹង” លោក Danh Riêng មានប្រសាសន៍បែបនេះ។

ទម្រង់ចិញ្ចឹមអង្ទង់សាច់ និងបង្កាត់ពូជអន្ទង់របស់បង Trần Công Lý (ខាងឆ្វេងបង្អស់) ជាជនជាតិ Khmer នៅភូមិលេខ៧ ឃុំ Tân Lộc ​ផ្តល់មកនូវប្រសិទ្ធភាពសេដ្ឋកិច្ចខ្ពស់។

មិនត្រឹមបានរួចផុតពីភាពក្រីក្រប៉ុណ្ណោះទេ បងប្អូនជនជាតិ Khmer នៅឃុំ Tân Lộc កំពុងពង្រីកសាយភាយនូវទម្រង់នៃការប្រឡងប្រណាំងផលិត ឈានឡើងជីវភាពធូរធា ក្លាយជាគំរូឆ្នើមទៀតផង។ បង Trần Công Lý (ជនជាតិច Khmer) នៅភូមិលេខ៧ ជាមួយទម្រង់ចិញ្ចឹមអន្ទង់សាច់ និងបង្កាត់ពូជអន្ទង់ក៏ទទួលផលខាងវិស័យសេដ្ឋកិច្ចបានយ៉ាងរឹងមាំនៅភូមិភាគរបស់ខ្លួន។ បង Trần Công Lý ​ឱ្យដឹង៖ “ទម្រង់ចិញ្ចឹមអន្ទង់សាច់ និងអន្ទង់ពូជរបស់ខ្ញុំក៏អនុវត្តបានប្រមាណ៣ឆ្នាំនេះដែរហើយ។ ការលក់ចេញក៏បានលំនឹងល្អ ព្រមទាំងផ្តល់ប្រាក់ចំណូលខ្ពស់ទៀតផង។ ផ្តើមពីនោះ សេដ្ឋកិច្ចគ្រួសារខ្ញុំកាន់តែបានលំនឹង។ សព្វថ្ងៃគ្រួសារខ្ញុំកំពុងប្រមូលផ្តុំការចិញ្ចឹមថែទាំចំនួន១៦ល្អាងអន្ទង់ពូជ។ រាល់ខែលក់ចេញបានប្រមាណពី២០-៣០ពាន់ក្បាល ដោយតម្លៃមធ្យមចាប់ពី ៤-៥ ពាន់ដុង/កូន។

ជាមួយគោលដៅនៃការកសាងរដ្ឋអំណាច២ថ្នាក់ ស្និទ្ធិស្នាលប្រជាជន បម្រើប្រជាជន។​ ចាប់ពីថ្ងៃទី១មករា ខណៈពេលដែលឃុំ Tân Lộc បានដំណើរការជាផ្លូវការ ជំហានដំបូងសម្រាប់ឱ្យដំណើរការថ្មីដែលពោរពេញដោយការប្តេជ្ញាខ្ពស់ និងក្តីសង្ឃឹមទៀតផង។ ការឧបត្ថម្ភគាំទ្រ និងការឯកភាពទាំងស្រុងរបស់បងប្អូនជនរួមជាតិចំពោះការបង្កើតក្បាលម៉ាស៊ីនថ្មីរបស់ភូមិភាគក៏បានរួមចំណែកបង្កើនការផ្លាស់ថ្មីសម្រាប់មាតុភូមិ Tân Lộc។

ពង្រីកសុះសាយនូវបណ្តាទម្រង់ផលិតដែលមានប្រសិទភាព។ ក្នុងរូបថត៖ ទម្រង់ដាំដំណាំរបស់បងប្អូនប្រជាជននៅភូមិលេខ៧ ឃុំ Tân Lộc ។

លោក Hữu Thol លេខាសាខាបក្សភូមិលេខ៧ ឃុំ Tân Lộc ឱ្យដឹង៖ មានឃុំថ្មី ការធ្វើឯកសារ លិខិតស្នាមផ្សេងៗរបស់បងប្អូនប្រជាជនក៏មានភាពងាយស្រួលណាស់ដែរ និងឆាប់រហ័ស ព្រមទាំងមិនសូវមានការបង់ខាត់ប្រាក់កាស់ទៀតផង។ សម្រាប់មាមីងបងប្អូនដែលជាអ្នកទទួលផលផ្ទាល់ពិតជាមានក្តីសប្បាយរីករាយ និងគាំទ្រខ្លាំងណាស់។ នៅភូមិលេខ៧មាន២៣៧គ្រួសារ Khmer ដែលសរុបទាំងអស់៥៣៩គ្រួសារទូទាំងភូមិ តែសព្វថ្ងៃនូវត្រឹម៥គ្រួសារ និង១៧គ្រួសារក្បែរបន្ទាត់ក្រប៉ុណ្ណោះ ជីវភាពមាមីងបងប្អូនតែងមានការអភិវឌ្ឍន៍មិនឈប់ឈរ។

លោក Lâm Thu ជាអ្នកមានប្រជាប្រិយក្នុងជនរួមជាតិឃុំ Tân Lộc បានអះអាងថា៖ “បងប្អូនជនរួមជាតិតែងអនុវត្តល្អតាមគោលការណ៍ណែនាំ និងគោលនយោបាយរបស់គណបក្ស ក្រឹត្យច្បាប់រដ្ឋ ជាពិសេសតែងឯកភាពជាមួយការកសាងរដ្ឋអំណាច២ថ្នាក់។ ផ្តើមពីស្មារតីខិតខំឈានឡើង មាមីងបងប្អូនក៏បានបង្កើតយ៉ាងច្រើនទម្រង់ផលិតមានប្រសិទ្ធភាព​ ខិតខំព្យាយាមក្នុងការប្រឡងប្រណាំងកសាងជីវផាពថ្មីប្រកបដោយភាពសុខក្សេមក្សាន្តទៀតផង”។

សម្រាប់ឱ្យដំណើរការថ្មីដែលបានបើកចំហ បងប្អូនជនរួមជាតិនៅឃុំ Tân Lộc កាន់តែមានភាពជឿជាក់ និងប្រកបដោយក្តីសប្បាយរីករាយដើម្បីប្រទេសជាតិ មាតុភូមិកាន់តែសម្បូររុងរឿង កសាងជីវភាពសុខសាន្ត ស៊ីវិល័យ និងសុភមង្គល៕

Quốc Rin - Chí Thức