នាំយកក្រឹត្យច្បាប់ចូលជិតប្រជាជន

ដើម្បីលើកកម្ពស់ចំណេះដឹងខាងច្បាប់ជូនបងប្អូនជនរួមជាតិ Khmer ប៉ុន្មានឆ្នាំកន្លងមកនេះ ខេត្ត Cà Mau តែងចាត់តាំងបណ្តាសកម្មភាពផ្សព្វផ្សាយ និងអប់រំច្បាប់នៅតាមតំបន់ដែលមានបងប្អូនជនរួមជាតិរស់នៅច្រើនកុះករ។ បណ្តាសកម្មភាពនេះ ឆ្ពោះទៅនៃការបង្កើនចំណេះដឹងក្នុងការអនុវត្តគោលនយោបាយ និងក្រឹត្យច្បាប់។ ផ្តើមពីនោះ ជំរុញការអភិវឌ្ឍន៍សេដ្ឋកិច្ច-សង្គមនៅគ្រប់បណ្តាភូមិសាស្ត្រទៀតផង។

លេខាសាខាបក្សភូមិ និងជាប្រធានភូមិ ព្រមទាំងអ្នកមានប្រជាប្រិយក្នុងតំបន់ជនរួមជាតិតែងជួបសំណេះសំណាល និងដោះដូរការងារជាមួយបងប្អូនប្រជាជនក្នុងភូមិ។

នៅបណ្តាភូមិភាគដែលមានបងប្អូនជនរួមជាតិភាគតិចរស់នៅច្រើន រាល់សកម្មភាពផ្សព្វផ្សាយ និងអប់រំច្បាប់នៅតាមមូលដ្ឋានក៏ត្រូវបានយកចិត្តទុកដាក់អនុវត្តដោយច្រើនទម្រង់ផ្សេងៗគ្នា។ បណ្តាសកម្មភាពដែលត្រូវបានអនុវត្ត ដូចជា៖ ផ្សព្វផ្សាយអំពីច្បាប់ស្តីពីសមភាពយេនឌ័រនៅតាមតំបន់ជនរួមជាតិភាគតិច ព្រមទាំងរាល់សេចក្តីកំណត់ស្តីពីច្បាប់ខាងជលផល ច្បាប់ហាមឃាត់ការរុករកចាប់ជលផលខុសច្បាប់ និងបំណិនក្នុងការអនុវត្តជំនួយការផ្លូវច្បាប់ជូនប្រធានភូមិ និងអ្នកមានប្រជាប្រិយទាំងឡាយក្នុងសហគមន៍ កម្មាភិបាលមូលដ្ឋ តំបន់ជនរួមជាតិភាគតិច ព្រមទាំងពិគ្រោះយោបល់សម្រាប់បងប្អូនខ្មែរនៅតាមបណ្តាភូមិភាគ។ ផ្សព្វផ្សាយគម្រោងការ “លើកកម្ពស់សមត្ថភាពនៃអ្នកធ្វើរបាយការណ៍ខាងច្បាប់ និងឃោសនិកច្បាប់អនុវត្តការផ្សព្វផ្សាយ និងអប់រំច្បាប់នៅតាមតំបន់ជនរួមជាតិភាគតិច និងតំបន់ភ្នំតំណាក់កាល២០២៤-២០៣០”។

ខេត្ត Cà Mau មានប្រហែ ២៦.៦៩៩ គ្រួសារ Khmer ដោយមានចំនួនប្រជាជនជាង ១១៦ ពាន់នាក់។ ដោយឡែកភូមិ Đay Tà Ni ឃុំ Hưng Hội ក្នុងចំណោម ៣៥៤ គ្រួសារ មានដល់ទៅ ៣១៨ គ្រួសារ Khmer។ ដើម្បីលុបបំបាត់ការមិនចេះអក្សរ និងភាពខុសប្លែកគ្នារវាងវប្បធម៌។ ជាច្រើនឆ្នាំកន្លងមកនេះ រដ្ឋអំណាចគ្រប់បណ្តាភូមិភាគដែលមានប្រប្អូនជនរួមជាតិ Khmer រស់នៅច្រើនកុះករបានអនុវត្តវិធីសាស្ត្រផ្សព្វផ្សាយ និងអប់រំច្បាប់ឱ្យចូលជិតប្រជាជន ក្នុងនោះយកចិត្តទុកដាក់ដល់តួនាទីរបស់អ្នកមានប្រជាប្រិយក្នុងតំបន់ជនជាតិភាគតិចផងដែរ។

តួយ៉ាងដូចជាលោក Sơn Tài អាយុ ៥៥ ឆ្នាំ នៅភូមិ Đay Tà Ni មិនត្រឹមជាកសិករផលិតពូកែប៉ុណ្ណោះទេ លោកថែមទាំងបានបងប្អូនប្រជាជនមានទំនុកចិត្តទៀតផង។ រយៈពេលជាង ១៤ ឆ្នាំក្នុងតួនាទីជាអ្នកមានប្រជាប្រិយក្នុងជនរួមជាតិ លោក Sơn Tài គឺជាខ្សែរយៈតភ្ជាប់រវាងកម្មាភិបាលភូមិសម្រាប់ការផ្សព្វផ្សាយបណ្តាគោលនយោបាយ និងក្រឹត្យច្បាប់ដល់បងប្អូនប្រជាជន។

ក្រៅពីការងារធ្វើស្រែប្រចាំថ្ងៃ  លោក Sơn Tài តែងអញ្ជើញទៅដល់គ្រួសារមាមីងបងប្អូនទាំងឡាយក្នុងភូមិដើម្បីស្វែងយល់ពីស្ថានភាពនៃការផលិតផង និងឆ្លៀតឱកាសដើម្បីផ្សព្វផ្សាយផងដែរ។ លោក Tài ឱ្យដឹង៖ “ដែលខ្លួនជាអ្នកមានប្រជាប្រិយ ខ្ញុំតែងធ្វើជាគំរូឈានមុខរាល់គ្រប់កិច្ចការងារ ដំបូងត្រូវអនុវត្តល្អរាល់បណ្តាគោលការណ៍ណែនាំ និងគោលនយោបាយ ព្រមទាំងក្រឹត្យច្បាប់។ បន្ទាប់ពីនោះ គឺការចលនាមាមីងបងប្អូនដើម្បីរួមគ្នាអនុវត្តល្អតាមច្បាប់ ជៀសឆ្ងាយពីគ្រោះសង្គម មិនប្រព្រឹត្តិល្មើសជាដាច់ខាត”។

គោលការណ៍ណែនាំ និងគោលនយោបាយ ព្រមទាំងក្រឹត្យច្បាប់តែងត្រូវបានផ្សព្វផ្សាយដល់គ្រួសារប្រជាជន។

ស្រដៀងនឹងនេះដែរ ក្លឹប៣សកម្មក្នុងជនរួមជាតិ Khmer នៅឃុំ Hưng Hội ក៏ជាចំណុចដ៏លេចធ្លោសម្រាប់ក្នុងការផ្សព្វផ្សាយ បង្កើតការផ្លាស់ប្តូរយ៉ាងសកម្មខាងចំណេះដឹង និងទង្វើរបស់បងប្អូនប្រជាជន។ បណ្តាសមាជិកទាំងឡាយតែងសកម្មក្នុងការសហការជាមួយរដ្ឋអំណាចភូមិភាគ​ នគរបាលឃុំក៏បង្កើនការត្រួតពិនិត្យ ធានាសន្តិសុខ និងសណ្តាប់ធ្នាប់នៅមូលដ្ឋាន ដោះស្រាយរាល់ករណីទំនាស់ផ្សេងៗក្នុងប្រជាជន រួមចំណែកបង្ការ ទប់ស្កាត់គ្រោះសង្គមផ្តើមពីមូលដ្ឋាន។

ទន្ទឹមជាមួយបណ្តាដំណោះស្រាយរបស់រដ្ឋអំណាចភូមិភាគគ្រប់លំដាប់ថ្នាក់។ ការប្រមូលផ្តុំទូទាំងស្រទាប់វណ្ណៈប្រជាជនសម្រាប់ក្នុងការផ្សព្វផ្សាយច្បាប់ក៏ផ្តល់ប្រសិទ្ធភាពខ្ពស់ជាង។ បណ្តាអង្គការចាត់តាំងមហាជន និងអាជីវកម្ម ក្លឹប ទម្រង់ពូកែៗជាដើម។ ថែមទាំងមានភាពរីកសុះសាយក្នុងសហគមន៍ផង និងកាត់បន្ថយភាពធ្ងន់ធ្ងរខាងថវិកា រួមចំណែកផ្សព្វផ្សាយ និងចលនាបងប្អូនជនរួមជាតិភាគតិចទូទាំងខេត្តកសាងសង្គមឱ្យកាន់តែរឹងមាំ រស់នៅប្រកបកិច្ចការងារតាមច្បាប់រដ្ឋធម្មនុញ្ញ និងក្រឹត្យច្បាប់ អភិវឌ្ឍន៍ចីរភាពតំបន់ជនជាតិភាគតិច៕

Kim Phượng - Quốc Hùng