បណ្ឌិតសង្ឃវ័យក្មេងអស់ពីចិត្តជាមួយការងារសប្បុរសធម៌

ព្រះតេជគុណ Danh Út ប្រសូត្រក្នុងឆ្នាំ ១៩៨២ ជាព្រះចៅ អធិការវត្តកែវមុនី ជ្រុងយោង (Thôn Dôn)  សង្កាត់ Rạch Giá ខេត្ត An Giang ត្រូវបានមាមីងពុទ្ធបរិស័ទជិតឆ្ងាយដឹងស្គាល់អាស្រ័យទឹកព្រះទ័យសប្បុរសធម៌ ត្រៀមជាស្រេចក្នុងការជំនួយឧបត្ថម្ភជនទុរគត និងគ្រួសារក្រីក្រនៅភូមិភាគ។

គិតមកទល់សព្វថ្ងៃ ក៏មានស្ពានជនបទប្រមាណជាង ១០០ ខ្សែដែលព្រះតេជគុណ Danh Út បានផ្តើមចលនាកសាង និងដាក់ឱ្យប្រើប្រាស់ជាផ្លូវការ ឆ្លើយតបតម្រូវការធ្វើដំណើរទៅមករបស់បងប្អូនប្រជាជននៅភូមិភាគ។

សាងផ្នួសតាំងពីអាយុ ១២ ឆ្នាំនៅវត្តកែវមុនី ជ្រុងយោង​ (Thôn Dôn) ដោយឆ្លងកាត់ការសិក្សាអប់រំក្នុងសំណាក់ព្រះពុទ្ធសាសនា និងប្រតិបត្តិព្រះធម៌វិន័យ រួមទាំងការសិក្សាផ្លូវលោកបានយ៉ាងល្អផងនោះ ព្រះតេជគុណ Danh Út តែងគិតថា មានតែការសិក្សារៀនសូត្រទេ ទើបជួយជាប្រយោជន៍ដល់សង្គម និងសាសនាបាន ដូចច្នេះហើយ ទើបព្រះអង្គតែងតែខិតខំសិក្សារៀនសូត្រគ្មានទីបញ្ចប់ដើម្បីរៀនបានពូកែដូចសព្វថ្ងៃនេះ។ ក្នុង​រយៈពេល ១៥ ឆ្នាំ​នៃ​ការ​សិក្សា ព្រះ​តេជគុណ Danh Út ក៏សម្រេច​បាន​ស្នាដៃ​ខ្ពស់ក្នុងការរៀនសូត្រ និងកេរ្តិ៍ឈ្មោះដ៏ល្បីសុះសាយទូទាំងសង្គមផងដែរ។ ដោយបានឃើញពីសមត្ថភាពរបស់ព្រះតេជគុណ Danh Út សមាគមព្រះសង្ឃសាមគ្គីស្នេហាជាតិខេត្តក៏ បានតែងតាំងព្រះអង្គឱ្យធ្វើជាចៅអធិការវត្តកែវមុនី ជ្រុងយោង (Thôn Dôn) កាលពីឆ្នាំ ២០០៨ រហូតមកទល់បច្ចុប្បន្ន។

ព្រះតេជគុណ Danh Út បានបង្កើតបន្ទាប់ពិនិត្យព្យាបាលវេជ្ជសាស្ត្របុរាណ ព្រមទាំងសហការជាមួយផ្នែកសុខាភិបាលជារឿយដើម្បីធ្វើការពិនិត្យព្យាបាលជំងឺជូនមាមីងក្រីក្រនោភូមិភាគ។

ដោយឆន្ទៈ និងការតាំងព្រះទ័យទុកដាក់ជម្នះរាល់ឧបសគ្គ ព្រះតេជគុណ Danh Út ក៏សម្រេចល្អរាល់ការសិក្សាចំណេះដឹងផ្សេងៗ ព្រមទាំងបានទទួលបរិញ្ញាបត្រផ្នែកសង្គមវិទ្យា (២០១០) និងបរិញ្ញាបត្រផ្នែកសិក្សា Việt Nam (២០១២)។ មិនឈប់ត្រឹមនេះ ព្រះអង្គក៏បានបន្តការសិក្សាថ្នាក់អនុបណ្ឌិតផ្នែកវប្បធម៌ Khmer Nam Bộ បន្ទាប់មកបន្តសិក្សាថ្នាក់បណ្ឌិតផ្នែកខាងវប្បធម៌នៅសាកលវិទ្យាល័យ Trà Vinh  ហើយបានក្លាយជាបណ្ឌិតសង្ឃ Khmer ដំបូងគេបង្អស់របស់ខេត្ត Kiên Giang នៅដើមឆ្នាំ ២០២២ (ដែលបច្ចុប្បន្នជាខេត្ត An Giang) ក្នុងព្រះជន្ម ៤១ ឆ្នាំ។

ក្រោយពីបញ្ចប់ការសិក្ស ប៉ុន្មានឆ្នាំកន្លងមកនេះ បណ្ឌិតសង្ឃវ័យក្មេង Danh Út មិនត្រឹមតែយកចិត្តទុកដាក់ដល់ការកសាងវត្តអារាមប៉ុណ្ណោះទេ ថែមទាំងគិតគូរដល់សង្គមទៀតផង ព្រះអង្គតែងសកម្មចលនាសប្បុរសជនជិតឆ្ងាយដើម្បីជំនួយឧបត្ថម្ភគ្រួសារក្រីក្រ និងជនទូរគតឱ្យមានលក្ខណៈ ឈានឡើងក្នុងការរស់នៅ។ ទន្ទឹមនិងនោះផងដែរ ព្រះអង្គថែមទាំងបានបង្កើតសមាគមសប្បុរសធម៌វត្តកែវមុនី ជ្រុងយោង (Thôn Dôn) និងបន្ទាប់ពិនិត្យព្យាបាលតាបបែបវេជ្ជសាស្ត្របុរាណក្នុងវត្តសម្រាប់ពិនិត្យព្យាបាលជំងឺដោយឥតគិតប្រាក់ជូនមាមីងបងប្អូននៅភូមិភាគ។

ស្ពានដែលព្រះតេជគុណ Danh Út ជាអ្នករចនាប្លង់ដោយផ្ទាល់ ដោយមាននិម្មិតរូបសត្វនាគរាជសម្រាប់ផ្សព្វផ្សាយពីលក្ខណៈវប្បធម៌ព្រះពុទ្ធសាសនាទក្ខណានិកាយ Khmer។

រួមជាមួយការជំនួយឧបត្ថម្ភអ្នកក្រ ព្រះតេជគុណ Danh Út ក៏បានចលនាសប្បុរសជនទាំងក្នុង និងក្រៅខេត្តដើម្បីវិភាគទានទឹកប្រាក់ រួមចំណែកកសាងថ្មី និងកែជួសជុលស្ពានបានប្រមាណជាង ១០០ ខ្សែ រួមទាំងផ្លូវថ្នល់ ផ្ទះមេត្តាធម៌ផងដែរ ជាពិសេស ក្នុងនោះមានស្ពាន ១០ ខ្សែដែលត្រូវបានព្រះតេជគុណជាអ្នករចនាប្លង់​ដោយផ្ទាល់ ប្រកបដោយលក្ខណៈវប្បធម៌របស់ជនរួមជាតិ Khmer។

ព្រះតេជគុណ Danh Út ជូនអំណោយគ្រួសារជួបលំបាក។

ព្រះតេជគុណ Danh Út មានសង្ឃដីការ៖ “ជាមួយឆន្ទៈដើម្បីរួមចំណែកកសាងជនបទ ហើយព្រះតេជគុណកាលពីនៅក្មេងក៏ធ្លាប់ជាអ្នករស់នៅតាមតំបន់ជនបទផងដែរ ព្រមទាំងធ្លាប់ឆ្លងកាត់ការលំបាកសព្វគ្រប់បែបយ៉ាងក្នុងការធ្វើដំណើរទៅត្រូវឆ្លងព្រែកដោយទូក ដូច្នេះហើយទើបអាត្មាតែងមានបំណងចង់បានស្ពានសម្រាប់ចាប់ឆ្លងព្រែក។ ផ្តើមពីឆន្ទៈទាំង២យ៉ាងនេះ អាត្មាក៏សកម្មចលនាសទ្ធាទឹកចិត្តសប្បុរសជនដើម្បីជំនួយឧបត្ថម្ភកសាងស្ពានយ៉ាងរឹងមាំនិងភ្ជាប់ដោយដោយលក្ខណៈវប្បធម៌ Khmer ដែលអាត្មាជាអ្នករចនាក្បូរក្បាច់ដោយផ្ទាល់ទៀតផង។ ផ្តើមពីនោះ ក៏ជួយមាមីងបងប្អូនធ្វើដំណើរទៅមកប្រកបដោយភាពងាយស្រួល ហើយប្អូនៗកូនក្មួយបានទៅសាលាធានាសុវត្ថិភាពផង និងជួយរដ្ឋអំណាចភូមិភាគកាត់បន្ថយការលំបាកខាងប្រភពថវិការសម្រាប់កសាងស្ពានចរាចរណ៍ក្នុងការអនុវត្តកម្មវិធីជនបទថ្មីផងដែរ”។

ព្រះតេជគុណ Danh Út ជាបណ្ឌិតសង្ឃវ័យក្មេរដំបូងគេបង្អស់របស់ខេត្ត Kiên Giang (បច្ចុប្បន្នជាខេត្ត An Giang)

ព្រះទ័យសប្បុរសធម៌របស់ព្រះតេជគុណបណ្ឌិតសង្ឃ Danh Út ត្រូវបានរដ្ឋអំណាចភូមិភាគរួមទាំងមាមីងប្រជាពុទ្ធបរិស័ទទាំងឡាយនៅភូមិភាគកត់សម្គាល់ និងវាយតម្លៃខ្ពស់ទៀតផង។ ផ្តើមពីទង្វើនៃគុណធម៌ដ៏ល្អប្រសើរដែលព្រះតេជគុណ Danh Út បានធ្វើដើម្បីផលប្រយោជន៍សង្គម ក៏បានរួមចំណែកយ៉ាងធំផងដែរក្នុងការជំនួយកម្លាំងដល់រដ្ឋអំណាចភូមិភាគដើម្បីសម្រេចល្អនូវរាល់ភារកិច្ច និងបទដ្ឋាននៃការអភិវឌ្ឍសេដ្ឋកិច្ច-សង្គម កសាងជនបទថ្មី៕

Chanh Đa