យុទ្ធជនពិការ រួមកម្លាំងកសាងភូមិស្រុក

នៅភូមិ Lý Ấn ឃុំ Hưng Mỹ លោក Nguyễn Văn Chen ជាអតីតយុទ្ធជនពិការ ៤/៤ ហើយក៏ជាកសិករ Khmer មួយរូបដែលឧស្សាហ៍ព្យាយាម និងចូលរួមចំណែកយ៉ាងសកម្មក្នុងការកសាងភូមិស្រុកផងដែរ។ ចំពោះលោក កម្លាំងពលកម្មមិនត្រឹមតែផ្គត់ផ្គង់គ្រួសាររបស់ខ្លួនប៉ុណ្ណោះទេ ថែមទាំងធ្វើការរួមគ្នាដើម្បីធ្វើឱ្យភូមិស្រុកកាន់តែបៃតង ស្អាត និងស្រស់ស្អាតជាងមុនទៀតផង។

បណ្តាពូជដូងដែលត្រូវបានលោក Nguyễn Văn Chen ​ត្រៀមយ៉ាងហ្មត់ចត់ និងការឆ្លៀតដាំវានៅតាមចន្លោះទំនេរជុំវិញផ្ទៃដីចម្ការ រួមចំណែកពង្រីកប្រសិទ្ធភាពផ្ទៃដីផងដែរ។

សព្វថ្ងៃ លោក Chen រវល់ថែទាំសំណាបស្រូវបៃតងខៀវស្រងាត់ រង់ចាំថ្ងៃស្ទូង។ ចំណែកក្នុងស្រះចិញ្ចឹមបង្គារវិញ លោកបានចិញ្ចឹមបង្គាររួមផ្សំជាមួយក្តាម និងត្រី។ ហើយសម្រាប់ផ្ទៃដីដែលនៅទំនេរជុំវិញស្រះក៏ត្រូវបានប្រើវាសម្រាប់ដាំដូងយកផ្លែលក់ផងដែរ។ ចំពោះលោក គ្មានផ្ទៃដីទុកឱ្យនៅទំនេរនោះទេ។ ដោយការខិតខំប្រឹងប្រែង និងការគិតគូរបានល្អត្រឹមត្រូវ និងការដោយប្រុងប្រយ័ត្ន សម្រាប់ផ្ទៃដីមួយចំណែកៗ អាចផ្តល់តម្លៃសម្រាប់អនាគតផងដែរ។

គ្រួសារលោកអនុវត្តការផលិតតាមទម្រង់ស្រូវ-បង្គា។ ដើម្បីសម្រេចបានប្រសិទ្ធភាព លោកបានម្ចាស់ការតាមរដូវដាំដុះយ៉ាងសកម្ម ថែទាំដំណាំ និងសត្វពាហនៈរបស់ខ្លួន និងស្រាវជ្រាវវិធីសាស្រ្តដែលសមស្របទៅនឹងលក្ខខណៈក្នុងស្រុក។ អាស្រ័យការខិតខំប្រឹងប្រែង ការប្រើប្រាស់ដីធ្លីប្រកបដោយជំនាញ និងការទទួលយកវិធីសាស្រ្តថ្មីៗយ៉ាងក្លាហាន សេដ្ឋកិច្ចគ្រួសារមានស្ថិរភាពជាសន្សឹមៗ ជីវិតមួយថ្ងៃកាន់តែមានភាពប្រសើរឡើង។

 “រដ្ឋតែងបង្កលក្ខណៈសម្រាប់សម្រាប់ខ្ញុំអភិវឌ្ឍ។ ផ្លូវថ្នល់ សាលារៀន និងទឹកស្អាតទាំងអស់គឺប្រសើរជាងមុនច្រើនណាស់។ ខណៈពេលដែលយើងទទួលបានការយកចិត្តទុកដាក់ គឺយើងត្រូវតែខិតខំធ្វើការ ដើម្បីឈានឡើង។ មានដីធ្លីគឺត្រូវតែចេះរបៀបប្រើប្រាស់វា ដើម្បីផលិតទំនិញ និងផ្គត់ផ្គង់គ្រួសារ” លោក Chen មានប្រសាសន៍បែបនេះ។

មិនត្រឹមតែគិតគូរពីការអភិវឌ្ឍសេដ្ឋកិច្ចគ្រួសារប៉ុណ្ណោះទេ លោក Chen ថែមទាំងខ្នះខ្នែងចំពោះកិច្ចការងារក្នុងភូមិទៀតផង។ តាមបណ្តោយផ្លូវនៅតាមមុខផ្ទះរបស់ខ្លួន លោកបានប្រើប្រាស់ដីសមស្របដើម្បីដាំ និងថែទាំដំណាំផងដែរ។ ជារៀងរាល់ថ្ងៃ គាត់ចំណាយពេលដកស្មៅ ពូនដី  និងថែទាំ ដើម្បីផលដំណាំមានការលូតលាស់ល្អ។

យោងតាមលោក ការដាំដើមឈើ និងដំណាំតាមដងផ្លូវមិនត្រឹមតែផ្តល់ឱ្យគ្រួសារនូវអាហារ និងប្រាក់ចំណូលបន្ថែមប៉ុណ្ណោះទេ ថែមទាំងរួមចំណែកដល់ការថែរក្សាសម្រស់ទេសភាពផងដែរ។ នៅពេលដែលដីត្រូវបានគ្របដណ្តប់ដោយរុក្ខជាតិបៃតង ជួយឱ្យស្មៅមិនសូវដុះបាននោះដែរ ហើយប្រជាជនកាន់តែមានស្មារតីក្នុងការការពារបរិស្ថានតាមដងផ្លូវទៀតផង។

លោក Chen ថែមទាំងបានចលនាមាមីងបងប្អូនក្នុងភូមិធ្វើស្មៅ ធ្វើអនាម័យបរិស្ថាន និងដាំដើមឈើ បន្លែបង្ការនៅតាំបណ្តាទីតាំងដែលសមស្រប។ សម្រាប់សកម្មភាពតូចៗទាំងនេះ នៅពេលដែលគ្រួសារជាច្រើនបានចូលរួម ក៏បានរួមចំណែកដល់ការបង្កើតរូបរាងថ្មីសម្រាប់តំបន់ជនបទផងដែរ។

Xung quanh nhà ông Nguyễn Văn Chen trồng nhiều loại hoa màu, giúp gia đình có thêm nguồn thu nhập.

លោក Trịnh Văn Khách ប្រធានភូមិ Lý Ấn បានសង្កត់ធ្ងន់ថា៖ «លោក Chen តែងធ្វើការយ៉ាងសកម្ម និងស្វែងយល់ពីវិធីសាស្ត្រថ្មីៗ ដើម្បីកែលម្អប្រសិទ្ធភាពក្នុងការផលិត។ ប្រការដែលគួរឱ្យកត់សម្គាល់នោះគឺថា លោកមិនត្រឹមតែផ្តោតលើសេដ្ឋកិច្ចគ្រួសាររបស់ខ្លួនប៉ុណ្ណោះទេ ថែមទាំងជំរុញទឹកចិត្តអ្នកភូមិឱ្យចូលរួមអនាម័យបរិស្ថាន ថែរក្សាទេសភាព និងអនុវត្តភារកិច្ចការងាក្នុងស្រុកដោយក្តីសប្បាយរីករាយផងដែរ»។

យោងតាមលោក Bùi Hùng Liệt ប្រធានគណៈកម្មាធិការប្រជាជនឃុំ Hưng Mỹ ភាពម្ចាស់ការ និង ឯកភាពគ្នារបស់ប្រជាជន គឺជាកត្តាសំខាន់ៗក្នុងការកសាងតំបន់ជនបទថ្មីផងដែរ។ ចាប់ពីការអភិវឌ្ឍផលិតកម្ម និងបង្កើនប្រាក់ចំណូល រហូតដល់ការរក្សាអនាម័យបរិស្ថាន ការពារផ្លូវថ្នល់ និងធ្វើឱ្យទេសភាពកាន់តែស្រស់ស្អាត ការរួមចំណែករបស់ប្រជាពលរដ្ឋម្នាក់ៗ នឹងបង្កើតការផ្លាស់ប្តូរប្រកបដោយចីរភាព។

ផ្តើមពីយុទ្ធជនពិការដែលជម្នះលើការលំបាក លោក Nguyễn Văn Chen ក៏បានឈានឡើងអាស្រ័យលើការខិតខំព្យាយាម និងស្មារតីពលកម្មរបស់ខ្លួនផងដែរ។ ជីវិត​គ្រួសារ​លោក​កាន់តែ​រីកចម្រើន​ឡើង គឺជា​លទ្ធផល​ដ៏​មានតម្លៃ ប៉ុន្តែ​អ្វី​ដែល​គួរឱ្យ​កោតសរសើរ​ជាង​នេះ​ទៅទៀត​នោះ​គឺ​ការ​គិតគូរ​ឥត​ឈប់ឈរ​របស់​លោក​ចំពោះ​សហគមន៍ រួម​ជាមួយ​អ្នកភូមិ​ដើម្បី​កសាងប្រទេសជាតិ មាតុភូមិ៕

Nguyễn Đào - Chí Thức