ជីវិតរស់នៅស្ថិរភាព - អនាគតនឹងពេញដោយភាពសុខសាន្ត

តាមរយៈចម្ការបន្លែ ការដាំដំណាំផ្សេងៗ និងការធ្វើផែនការដោយប្រុងប្រយ័ត្នផងនោះ កសិករជាច្រើនកំពុងកសាងជីវភាពរស់នៅប្រកបដោយស្ថិរភាពបន្តិចម្តងៗ បង្កើនប្រាក់ចំណូល និងកែលម្អជីវិតរស់នៅរបស់ពួកគេយ៉ាងសកម្ម។ ពួកគេមិនត្រឹមតែពឹងផ្អែកលើបទពិសោធន៍ប៉ុណ្ណោះទេ ថែមទាំងធ្វើពិពិធកម្មដំណាំរបស់ខ្លួនដោយក្លាហាន បង្កើនរដូវដាំនិងឆ្លៀតយកផ្ទៃដីប្រកបដោយប្រសិទ្ធភាព និងវិនិយោគឡើងវិញ ដើម្បីបើកផ្លូវឆ្ពោះទៅរកការអភិវឌ្ឍសេដ្ឋកិច្ចប្រកបដោយចីរភាព។

ផ្តោតលើផ្ទៃដី ២ កុង អ្នកមីង Lê Thị Chỉ បានដាំឆ្លាស់គ្នាជាច្រើនប្រភេទបន្លែបង្ការ និងរួមផ្សំជាមួយរបរធ្វើនំលក់កំប៊ិចកំប៉ុកដើម្បីបង្កើនប្រាក់ចំណូល។

ដោយបានចំណាយពេលជិតពាក់កណ្តាលនៃជីវិត​អ្នកមីង Lê Thị Chỉ នៅភូមិ Vĩnh An សង្កាត់ Vĩnh Trạch តែងតែឆ្លៀតយកផ្ទៃដីដែលនៅទំនេរដើម្បីបង្កើនការផលិត។ ដោយមានផ្ទះដី ២ ហិចតា អ្នកមីងដាំបន្លែចម្រុះ និងធ្វើនំលក់កំប៊ិចកំប៉ុក ព្រមទាំងលក់បន្លែផ្សេងៗដើម្បីបង្កើនប្រភពប្រាក់ចំណូលបន្ថែម។ ចំណែកប្រាក់ដែលសន្សំបាន អ្នកមីងក៏វិនិយោគលើប្រព័ន្ធស្រោចស្រប ផ្គត់ផ្គង់ និងការថែទាំដីចម្ការ។

អ្នកមីង Chỉ បានចែករំលែកថា៖ «កូនចៅខ្ញុំក៏បានរួមចំណែកកម្លាំងពលកម្មផងដែរ ដើម្បីបង្កើតប្រាក់ចំណូលបន្ថែម។ ចំពោះខ្ញុំផ្ទាល់ ចម្ការបន្លែនីមួយៗមិនត្រឹមតែផ្តល់ប្រភពជីវភាពរស់នៅនាពេលបច្ចុប្បន្នប៉ុណ្ណោះទេ ថែមទាំងបម្រើជាមូលដ្ឋានសម្រាប់ការសន្សំ ការជួសជុលផ្ទះ និងកសាងអនាគតកាន់តែប្រសើរឡើងទៀតផង»។

ដោយអនុវត្តតាមវិធីសាស្រ្តដូចគ្នា បង Huỳnh Ngọc Phương នៅភូមិ Kim Cấu សង្កាត់ Vĩnh Trạch បានប្រមូលបទពិសោធន៍ក្នុងការជ្រើសរើសដំណាំដែលសមស្របសម្រាប់ស្ថានភាពនៃផ្ទៃដី បន្ទាប់ពីខ្លួនបានប្រកបរបរដាំចម្ការបន្លែអស់រយៈពេលជាង ២០ ឆ្នាំ ដោយដាំឆ្លាស់វេនគ្នា រួមមានដូចជា៖ ខ្ទឹម ស្ពៃក្តោប ត្រសក់ ល្ពៅ ត្រឡាច់ និងននោង។ល។ ដើម្បីបង្កើនប្រសិទ្ធភាពនៃការប្រើប្រាស់ផ្ទៃដី។ ក្នុងនោះ ពោតកំពុងបង្ហាញឱ្យឃើញពីប្រសិទ្ធភាពខ្ពស់ផងដែរ។

លោក Phương បានឱ្យដឹង៖ «ជាមួយនឹងដីដាំចម្ការប្រហែល ១.៥ កុង បន្ទាប់ពីគិតការចំណាយរួចរាល់ រាល់មួយរដូវខ្ញុំអាចសល់បានប្រាក់ចំណេញប្រហែលពី ៤០-៥០ លានដុងផងដែរ»។

ផ្តើមពីប្រសិទ្ធភាពជាក់ស្តែងនេះ លោក Phương កំពុងមានគម្រោងកែលម្អផ្ទៃដី ដំឡើងរង និងម្ចាស់ការខាងទឹកជំនន់យ៉ាងសកម្មផងដែរ ដើម្បីរក្សាផលិតកម្មដែលមានស្ថេរភាព និងយូរអង្វែង។ នេះក៏តំណាងឱ្យការផ្លាស់ប្តូរពីការផលិតដោយផ្អែកលើបទពិសោធន៍ទៅជាការសម្របខ្លួនជាមុន និងការវិនិយោគលើជីវភាពរស់នៅប្រកបដោយចីរភាព។

នៅឃុំ Hoà Bình លោក Huỳnh Vĩnh នៅភូមិ A១ បានចូលរួមក្នុងវិស័យកសិកម្ម ដាំបន្លែបង្ការអស់រយៈពេលជិត ៣០ ឆ្នាំមកហើយ។ លោកដាំត្រសក់ ល្ពៅ ឃ្លាក ឪឡឹកជាដើម ពេញមួយឆ្នាំ ដោយផ្តោតលើដំណាំក្រៅរដូវ ដើម្បីកាត់បន្ថយការប្រកួតប្រជែង និងបង្កើនតម្លៃផលិតផលកសិកម្មផងដែរ។

លោក Vĩnh បានចែករំលែកថា៖ «ជារៀងរាល់ឆ្នាំ ខ្ញុំប្រមូលផលបានប្រហែលជា ៣ ដង។ បន្ទាប់ពីគិតចំណាយរួចរាល់ គ្រួសារខ្ញុំនៅតែរកប្រាក់ចំណេញបានចាប់ពី ១០-២០ លានដុងក្នុងមួយលើកផងដែរ។ ប្រសិទ្ធភាពនេះក៏បានជំរុញទឹកចិត្តឱ្យខ្ញុំដើម្បីខិតខំបន្តអាជីពទៀតដែរ»។

លោក Huỳnh Vĩnh ថែទាំចម្ការឃ្លោករបស់ខ្លួន។

ផ្តើមពីទម្រង់តូច ប៉ុន្តែមានប្រសិទ្ធភាពទាំងនេះ ប្រពៃណីកសិករប្រឡងប្រណាំងក្នុងផលិត និងជួញដូរពូកែកំពុងរីករាលដាល។ ដោយឡែកនៅឃុំ Hoà Bình បច្ចុប្បន្នមានជាង ២.១០០ គ្រួសារ ដែលសម្រេចបានកិត្តិនាំជាកសិករផលិតពូកែ និងអាជីវកម្មនៅកម្រិតផ្សេងៗគ្នា ជាមួយនឹងបណ្តាទម្រង់ជាច្រើនដែលសមស្របទៅនឹងលក្ខណៈរបស់ភូមិភាគ បង្កើតប្រាក់ចំណូលមានស្ថេរភាព រួមចំណែកដល់ការកែលម្អជីវិតរបស់បងប្អូនប្រជាជន Khmer ផងដែរ។

ដោយបានរួមដំណើរការជាមួយប្រជាជនក្នុងតំបន់ សមាគមកសិករឃុំ Hoà Bình នៅតែបន្តផ្តល់ការឧបត្ថម្ភផ្នែកខាងបច្ចេកទេស ភ្ជាប់ពួកគេជាមួយប្រភពទុន និងការណែនាំអំពីការជ្រើសរើសប្រភេទពូជដំណាំសមស្រប និងដើម្បីពង្រីកយ៉ាងទូលំទូលាយ និងមានប្រសិទ្ធភាព។

ចាប់ពីការធ្វើពិពិធកម្មជីវភាពរស់នៅរហូតដល់ការគ្រប់គ្រងផលិតកម្មប្រកបដោយភាពសកម្ម កសិករសព្វថ្ងៃនេះមិនត្រឹមតែបង្កើតប្រាក់ចំណូលស្ថិរភាពប៉ុណ្ណោះទេ ប៉ុន្តែថែមទាំងកសាងមូលដ្ឋានគ្រឹះសម្រាប់អនាគតបន្តិចម្តងៗផងដែរ។ តាមរយៈការដឹងពីរបៀបប្រើប្រាស់ដីធ្លី ការច្នៃប្រតិដ្ឋយ៉ាងក្លាហាន និងការវិនិយោគឡើងវិញ ជីវភាពរស់នៅរបស់ប​ងប្អូនក៏ត្រូវបានពង្រឹង ជីវិតរស់នៅកាន់តែមានស្ថិរភាពដើម្បីបើកផ្លូវឆ្ពោះទៅរកការអភិវឌ្ឍប្រកបដោយចីរភាពសម្រាប់គ្រប់សង្គមគ្រួសារផងដែរ៕

Kim Trúc - An Tuấn