អភិរក្សវប្បធម៌ និងកសាងមាតុភូមិ

បងស្រី Hữu Thị Thuỳ Mỵ (អាយុ ២៨ ឆ្នាំ) ប្រធានភូមិលេខ ៧ ឃុំ Tân Lộc គឺជាសមាជិកវ័យក្មេងដ៏ ស្វាហាប់ និងឧស្សាហ៍ព្យាយាមមួយរូប។ បងស្រីមិនត្រឹមតែបានបំពេញភារកិច្ចគ្រប់គ្រងតំបន់ភូមិសាស្ត្រសម្រេចដោយជោគជ័យប៉ុណ្ណោះទេ បងស្រីថែមទាំងអនុវត្តគោលនយោបាយជនជាតិយ៉ាងសកម្ម ជាពិសេសរួមចំណែកអភិរក្ស និងពង្រីកនូវតម្លៃវប្បធម៌ប្រពៃណីរបស់ជនរួមជាតិ Khmer។

បន្ទាប់ពីបញ្ចប់កម្មវិធីសិក្សាគរុកោសល្យមតេយ្យ Hữu Thị Thuỳ Mỵ បានវិលកត្រឡប់មកស្រុកកំណើតវិញធ្វើជាប្រធានភូមិលេខ ៧ រួមកម្លាំងដើម្បីបុព្វហេតុនៃការអភិវឌ្ឍប្រទេសជាតិ។

បងស្រី Thuỳ Mỵ បានទទួលមុខតំណែងជាប្រធានភូមិលេខ ៧ ក្នុងខែមីនា ឆ្នាំ ២០២៥។ ដើម្បីបម្រើបងប្អូនប្រជាជនបានកាន់តែល្អថែ​មទៀតនោះ​ សព្វថ្ងៃបងស្រីកំពុងបន្តការសិក្សាមហាវិទ្យាល័យខាងច្បាប់សម្រាប់បំពេញចំណេះដឹងផ្នែកច្បាប់ឱ្យកាន់តែបានជ្រៅជ្រះ ធ្វើជាមូលដ្ឋានគ្រឹះដ៏រឹងមាំសម្រាប់សកម្មភាពខាងសេនាធិការឱ្យគណៈកម្មាធិការបក្សគ្រប់លំដាបើថ្នាក់ និងរដ្ឋអំណាចភូមិភាគដើម្បីដោះស្រាយបានទាន់ពេលវាលា និងមានរបៀបរៀបរយរាល់បណ្តាបញ្ហាផ្សេងៗដែលកើតមាននូវភូមិភាគ។ ទន្ទឹមនិងនោះ ផ្សព្វផ្សាយយ៉ាងទូលំទូលាយអំពីគោលនយោបាយរបស់បក្ស និងក្រឹត្យច្បាប់របស់រដ្ឋដល់បងប្អូនជនរួមជាតិ។ ស្មារតីនៃការសិក្សារៀនសូត្ររបស់បងស្រី ធ្វីមី ដើម្បីអភិវឌ្ឍខ្លួនឯង និងរួមចំណែកជាមួយសហគមន៍ បងស្រីគឺជាគំរូដ៏ភ្លឺស្វាងសម្រាប់យុវជនជាជនជាតិភាគតិចក្នុងតំបន់ដើម្បីអនុវត្តតាម។

ស្នងបន្តតួនាទិរបស់លោកឪពុក Hữu Hoàng Đoan អតីតប្រធានភូមិលេខ ៧ បងស្រី​ Hữu Thị Thuỳ Mỵ តែងចាត់តាំងការងារជនជាតិជាចម្បង និងសកម្មចូលរួមអនុវត្តមានប្រសិទ្ធភាពរាល់បណ្តាគោលនយោបាយជនជាតិនៅភូមិភាគ។

ភូមិលេខ ៧ មានគ្រួសារ Khmer ចំនួន ២៣៩ គ្រួសារ ស្មើនឹង ៤៤% នៃចំនួនគ្រួសារសរុបនៅក្នុងភូមិ។ ក្នុងនាមជាមេភូមិ និងខ្លួនត្រូវជាកូន Khmer ផងនោះ Thuỳ Mỵ តែងចាត់ទុកកិច្ចការងារជនជាតិ និងការអនុវត្តគោលនយោបាយជនជាតិជាអាទិភាពជានិច្ច។ “ខ្ញុំតែងយកចិត្តទុកដាក់ប្រកៀកជិតជាមួយតំបន់ ស្តាប់គំនិត និងសេចក្តីប្រាថ្នារបស់បងប្អូនប្រជាជន ផ្តើមពីនោះ ដើម្បីមានការស្នើដំណោះស្រាយទាន់ពេលសម្រាប់ឧបត្ថម្ភដល់ការអភិវឌ្ឍសេដ្ឋកិច្ច លំនឹងជីវភាព ជាពិសេសការលើកកម្ពស់ប្រសិទ្ធភាពនៃកម្មវិធី និងគម្រោងការផ្សេងៗ ដើម្បីឧបត្ថម្ភតំបន់ជនជាតិភាគតិច” បងស្រី Thuỳ Mỵ បានចែករំលែកបែបនេះ។

ទន្ទឹមនិងនោះផងដែរ បងស្រីក៏បានធ្វើសកម្មភាពចលនាបងប្អូនប្រជាជនសាមគ្គីភាពរវាងជនជាតិ រួមគ្នាកសាងតំបន់ភូមិស្រុកមួយថ្ងៃកាន់តែមានការអភិវឌ្ឍ ស៊ីវិល័យ រួមចំណែកក្នុងការពង្រឹងប្រព័ន្ធនយោបាយនៅតាមមូលដ្ឋាន។

ជាពិសេស ការចូលរួមចំណែកដ៏លេចធ្លោបំផុតរបស់ Thuỳ Mỵ គឺការអភិរក្ស និងពង្រីកលក្ខណៈវប្បធម៌ប្រពៃណីរបស់ប្រជាជនក្នុងតំបន់។ ថ្មីៗនេះដែរ បងស្រីរួមជាមួយសមូហភាពប្រជាជនភូមិចលនាមាមីងបងប្អូនបន្តចាត់តាំងបណ្តាពិធីបុណ្យសំខាន់ៗ ដូចជា៖ បុណ្យចូលឆ្នាំថ្មី បុណ្យកឋិនទាន និងបុណ្យអកអំបុក។ល។

Hữu Thị Thuỳ Mỵ ជំរុញទឹកចិត្តបងប្អូនក្រុមកីឡាទូក.ងវត្តវង្សស្រង់ក្របីឃ្លៀច (cao Dân)  ឱ្យខិតខំប្រឹងប្រែងហ្វឹកហាត់ដើម្បីត្រៀមឱ្យពិធីប្រណាំងក្នុងឱកាសបុណ្យអកអំបុកនៅទីក្រុង Cần Thơ ដែលប្រាព្រឹត្តិឡើងនាដើមខែវិច្ឆិកា ឆ្នាំ២០២៥ ខាងមុខនេះ។

លោក Hữu Qual ប្រធានក្រុមកីឡាទូក.ង វត្តវង្សស្រង់ ក្របីឃ្លៀច (Cao Dân) ឃុំ Tân Lộc មានប្រសាសន៍ថា៖ “ថ្មីៗនេះ ខ្ញុំបានយល់ច្បាស់ពីការយកចិត្តទុកដាក់របស់រដ្ឋអំណាចភូមិភាគ។ គ្រប់លំដាប់ថ្នាក់ និងគ្រប់គណៈផ្នែកបានចូលរួមយ៉ាងសកម្មរៀបចំ និងគាំទ្រការប្រណាំងទូក.ងដែលជាប្រភេទកីឡាស្តេច ហើយក៏ជាលក្ខណៈដ៏ពិសេសសម្រាប់ខាងវប្បធម៌របស់បងប្អូន Khmer ផងដែរ។ ជាពិសេស បងស្រី Hữu Thị Thuỳ Mỵ ប្រធានភូមិលេខ ៧ តែងនៅក្បែរ លើកទឹកចិត្ត និងជំនួយឧបត្ថម្ភជានិច្ច ដើម្បីយើងខ្ញុំលំនឹងចិត្តក្នុងការហ្វឹកហាត់ រួមចំណែកដល់ការថែរក្សា និងលើកតម្កើងវប្បធម៌ប្រពៃណីជាតិទៀតផង”។

ភាពស្វាហាប់ ការស្ម័គ្រចិត្ត និងបណ្តាលទ្ធផលដែលសម្រេចបានរាល់កិច្ចការងារក៏បានបញ្ជាក់ពីតួនាទីជាអ្នកឈានមុខរបស់ប្រធានភូមិលេខ ៧ Hữu Thị Thuỳ Mỵ ។​ ស្មារតីលះបង់របស់បងស្រីគឺជាភស្តុតាងដ៏រស់រវើកក្នុងការលើកកម្ពស់តួនាទីរបស់កម្មាភិបាលវ័យក្មេងជាជនជាតិភាគតិចក្នុងការកសាងប្រព័ន្ធនយោបាយរឹងមាំ ការអភិវឌ្ឍសេដ្ឋកិច្ច-សង្គមប្រកបដោយចីរភាព និងពង្រឹងផែនមហាសាមគ្គីទូទាំងជនជាតិខេត្តកាម៉ាវ៕

Nguyễn Quốc - Thanh Phúc